البنية اللامست ايد السعادة
وضجت الاشواق عليها 💕

سمعتو بي زوله وكت تتكلم
تملأ الكون بي ريحة الفُـــــل
سمعتو بي زولة وكت تتبسم
انتَ الفرحة بتملاك فـُــــــــل
زولة بتضحك شان نتعذب
ونار تعذيبه بتصل الكُــــــــل
واغرب حاجة هي لمن ترمش
وقبال ترمش حبه تصــــــر
رموشة طواااال لي درجة انها
لمن ترمش تعمل ضـُــــــــــل🤤♥️

‏الحب دا ما بتدس يجماعة ، بيفضحك بيفضحك ، في طريقة كلامك بيظهر ، في عيونك ونظراتك بيظهر ، في تلعثمك ، في السكوت المفاجيء البجيك وانت اكتر زول نضام ، ماااااااااا بندس و الله👏💜

ثم ماذا ......
ثم انكِ استجابة لاحدﯼ داعوات امي لي♥️✨

هي إستثنائية لاتشبه احد 💜 .. جميييعهم مروا من جانبي ووحدها مرت من خلالي 💔 تسللتني بغتة .. عبرت حدودي فأخبرتني اني الوطن 😴❤ نثرت مدآئن الفرح بدآخلي ورممت من ركآم صمتي ضجيج فرح لآ يُفنى و لآيهدأ ❤😍 .. هي سعاده هي نعمـة
وأعوذ بـ الله من زوال النعم 💜🌸

اتشاكلت مع راجلها والحله كلها اتلمت وفي نص الشتايم قال ليها " انتي مجرد واحدة وسخة كنت ماشي معاها قبل م اعرسها "

وصلت !؟ 💔

ثم ماذا ؟؟
ثم أرزقنا بما يتمناه القلب 😴💛

إحساسي وأنا معاهو دآئماً إحساس مختلف عن إحساسي بأي شئ تاني 🎶 وجديد في كل مرة.. 💙 زي كإني أول مرة أحس بالشعور دا ،،
ما عارفة أوصفو كيف ..! بس أشبه بالزول البكون بحب ليهو أغنية أو موسيقى ولمن يشغلها بعيش معاها وبتعمق في عالمو وبدخل في تفااصيل كتييييرة .. وأول ما تنتهي أو تنقطع بحس نفسو صحى 💙 .. بالضبط أنا بعيش الحاجه دي..
هو بالنسبة لي زي جمآال الموسيقى 🎶💙
بعيش معاهو بكل حواسي ، من أول ما أسمع نغمتى الخاصة بيهو 🙈 أو تجيني رسالة منو 💌 قلبي بيبدأ يشتغل ، وبعيش في عالم تاني ،، جميل بكل ما فيهو..
هو الخلاني أحس بكل الحاجات الحلوة دي 💙 هو القدر يصنع مكانتو عندي عشآن تكون كدا 💙 وهو القدر يخلي قلبي يميل ليهو بسرعة وبالطريقة دي 💙 بإختصار هو قدر يخليني أشوف الحياة دي حلوة قدر كيف وأحس إنو عندي فيهآ جنةة 💙
زمان كنت بقول بس عايزة زول يكون بيحب بطريقة مختلفة.. غير المفآجات والكلام والحاجات البتتعمل دي كلها .. لكن ما عارفهه الطريقة المختلفة دي كيف أو بتتعمل كيف؟ 🙊.. فالمهم
لقيتها 💙🎶 وبرضو ما عرفتها كيف 😂
بس ممكن اختصرها (زي جمآال قلبو عمري ما شفت 💙)
وبعد دا للآن ما عارفهه أوصف شعوري..
بس فعلياً كدا أنا بعيش معاه كل السعآدة الفي الكون..
فالحمد لله 💙🎶
#راقت_لي💙✨

يلا انا لمن اكون مضايقة وم انا البتعرفا وبتضحك طوالي وفيها شي حزين من جواة حاول اقيف معااي😴♥️🌸✨خليني حاجة فيك كدا وم تخليني احس ولو لي مرة اني اختارتا غلط😴♥️🌸✨ليه م تكون الانسان الانا اخترو بس خانتي الظروف🚶‍♀💔

ياما شايلك بيني حايم
لا الليالي المخمليه
لا العمارات السوامق
لا الاسامي الاجنبية
تمحى من عيني ملامحك💛🥀

- ضاحك بشوش مليان شروق
تقعد تأنسو وتنتشي
ويصعب عليك باب المروق🔥💓."

هي إستثنائية لاتشبه احد 💜 .. جميييعهم مروا من جانبي ووحدها مرت من خلالي 💔 تسللتني بغتة .. عبرت حدودي فأخبرتني اني الوطن 😴❤ نثرت مدآئن الفرح بدآخلي ورممت من ركآم صمتي ضجيج فرح لآ يُفنى و لآيهدأ ❤😍 .. هي سعاده هي نعمـة
وأعوذ بـ الله من زوال النعم 💜🌸

‏أنا غير موجود،
‏أنا ثغرة بين
‏ما أريد أن أكونه
‏وما صنعه مني
‏الآخرون.

قالت ليهو : دايرة احكي ليك قصه! ❤
قام شال #شنطتها وختاها علي ضهرو ورقد عليها ف الارض ، وبقا مقابل عيونها !! ❤
اثناء م هي بتحكي ليهو ، قال ليها: ممكن تقلعي النظاره! فضلاً
صحبتنا هنا اتلبكت شويه 😍
بعد عناد قلعتها !" وفضل يعاين في عيونها ، ومبتسم ☺
هي بتحكي وخجلانه ☺ والابتسامه م فارقت خشمها
وهو سرحان في عينيها ، قال ليها : ليه عيونك حلوة كدة ؟ 😄
يلا هنا بقت تلخبط ف الكلام 🙈
قالت ليهو وهي مبتسمه : عاين م حا اكمل ليك القصه 😄❤
قال ليها بكملها في عيونك! " ❤

وفضل سرحان في عينيها
لغايه م استسلمت وضحكت 🙈
هو اعلن هزيمتو واستسلم ل #_ضحكتها !" ❤

واحنا دايماً و زي كل مره لينا الله وقعااد المظله 😂😂😥💔
إخوااني السناجل من كل الفئات آسف لقساوة المشهد 😂😂💔

- ‏”لم تكن رغبتي يوما أن تبادلني ما أعطيك ، كانت كل رغبتي أن ترى ما كنت أفعله لأجلك ، عن كل لحظة أردت أن أُشعرك بها أني لطالما كنت هنا وأنت تنظر إليهم ، عن كل مرة ألقي تَ بها كلماتك الجارحة واخترت الصمت تجنبا للمشاكل ، كانت كل رغبتي أن ترى كم كنت أُحبّك ، لكنك لا ترى ولا تحاول أن ترى ذلك” ..

- غيم الامل الشارد يوصل
وانت معاي في عمق الخاطر
ايد مبسوطة تقابل الحنة
نغم الليل السال شبال ..♥️

ماعارفة كيف تزعلو منكم ناس وتجرحوهم عادي وتمشو💔
انا ممكن أجي على حالي عشان ارضي واطيب خاطر انسان والله😴🖤ماعشان حاجة أو ما مجروحة منهم مثلا لأ والله بس ما يهون على اشوف زول زعلان حتي لو زعلني كمان💔 ما بقدر اغمض عيني حتي،،، دا شي جواي وفطرة فيني انا ببكي قبلو اصلا💔🚶‍♀.

"الرد المتأخر" زي "العيش البايت" بشبع بس *ما_عندو_طعم* 😊✋
و *المحادثات* البدايتها "مشتاقين" و الرد عليها "بالاكتر" و نهايتها "دوم يا رب" و الزمن بين كل رساله و التانيه "يكفي لقراءة كتاب" 💔
ما زي محادثات *الاصحاب* الكلها " *شتائم* " بس ناتجه عن "حب" ولا زي رسائل الزول *البجد* "مشتاق ليك❤"
كلها حاجات *بسيطه* بس *بتفرق* 😊عشان كدا اختاروا كلماتكم بي *اهتمام*💜🍃
#

شعب رنة ونر 🎧🍁✨ العظيم

الموافقة في يد حبيبتك

انت بتحبها صح وهي كمان بتحبك مش
سمح راجي شنو!!!
عايز تقعد تنتظر كده لي متين يعني!!!
حتقعد تتلفت كده وتقول لا لا ياخ لحدي ما الم قروش وبب حتتخطف منك....
وخشمك يبقى ملح ملح...
شوف انا اقتنعت بنظرية وعن تجربة..
انو البكسب ما الزول القروشو اكتر..
ولا حتى الشغلو احسن
ولا المغتربين الاوغاد البيجو يلقطو البنات في الأعياد
ولا كمان البفعل خدمة ولا يشتري شريحة MTN ويقعد يحب الليل كلو!!!
لا لا...
البيكسب هو البيمشي يدق الباب...
كو..كو..كو..
السلام عليكم...
انا فلان بن فلان وشغال في الحتة الفلانية و عايز بتكم بالحلال وبما يرضي الله وبالقانون..
سمعنا انو في زول بيدقا لأنو إتقبض مع حبيبتو في كافتريا ولا خلطها في اي مكان ..
لكن ما حصل سمعنا بزول اتدقا ولا شاكلوه ولا عضوه عشان مشى إتقدم لحبيبتو....صح
الا تكون حبيبتو دي اصلا اهلها سعرانين...
وماف اهل سعرانين ياخ...
يلا اسوأ الاحتمالات شنو .. إنهم يرفضوك مش كده...
يلا حتى الرفض ده ما حيكون في وشك طوالي كده لا لا حياخدو كم يوم ويفكرو مع بعض كأهل وبعداك حيبلغوك بالرفض بكل احترام...
اها قووووول رفضوك ياخ
ويعني!!!
عادي جداً جداً بتحصل في أرقى العلاقات...
حتقوم بس تفتش عن سبب رفضهم شنو
والحيوريك السبب حبيبتك ذاتا....
انت ناسي انو عندك عميلة معاهم في البيت ولا شنو!
حتوريك ياخ الناس ديل سألو عنك وفي زول قال ليهم الود ده بيشرب بنقو مثلاً
طبعاً ده سبب كافي للرفض...
طوالي تحاول تحسن صورتك ياخ وتثبت ليهم عكس كده...
ياخ قول رفضوك لأنو وضعك المادي ما تمام مثلاً...
اجتهد وحوش وإشتغل زمن إضافي أعمل اي شي وأمشي ليهم تاني..
وتالت ....
ورابع....
هوي ماف حاجة اسمها كرامتي وبتاع في الحب
أبقى ليهم في رقبتهم بس....
انت عارف الشي الممكن يبقى صعب عليك شنو بس...
تلفونات بليل والملاقة الكتيرة والحاجات دي حتقل شديد وتبقى صعبة
لانو تحركات حبيبتك حتكون مرصودة ومتابعنها خطوة خطوة...
بس برضو ما إشكال..وبالعكس كويس جداً...
وفر حق المكالمات والمرقات الكتيرة دي للجاي وخليك مركز في الحاجة المهمة...
صدقني المكالمات والخلط ده أصلاً مجرد مسكنات لا تسمن ولا تغني من جوع
فاااااا شنو أنجز يافردة...
وما تخاف ياخ...حتى لو مفلس يعني شنو عادي وقسماً بالله شنو إتشجع شوية
انا متأكد انو ما حيقيفو في طريق سعادتك....
...
بس انت شنو أبقى واثق في نفسك و دق الباب وصدقني ما حتندم بالعكس حترتاح نفسياً شديد....
اي نحن حبيبين بس والله ما حرامية..وما بناخد حاجة ما حقتنا صح....
ثم في حاجة مهمة شديد....ممكن تكونو ما جايبين ليها خبر...
هووي البنات بيلعبو دور مهم جداً في الموضوع ده على فكرة...
ممكن زمان البنات ما كان عندهم رأي والمهم رأي الاهل وكده زمان كان في الحاجة دي صح...
بس هسي والله الموضوع إختلف تماماً تماماً..
شوف انت ضامن موافقة البت اللي هي حبيبتك..ده بيعني انك ضامن موافقة الأم ولو ضامن موافقة الأم معناتو انت عبرت خلاص لانو الأم هي الحكومة الجد جد صح ولا ما صح..؟!
وحبيبتك كمان تستاهل تصلها البيت وتغامر عشانها ...
يلا أمشي طيب...
أخد رقم تلفون الحاج منها وصلي ليك ركعتين إستخير ربنا وإتوكل على الله
ظبطت معاك ادعي لي...
ما ظبطت اعفي لي...😂
لكن ان شاء الله حتظبط...حتظبط وحتبقى حبيبتك ليك قدام اهلها وأهلك والحكومة والشعب يعني الناس كلهم وأهم من ده كلو قدام رب العالمين......✨❤️

#عمور
منقول مع شوية بهارات😴

الماشي معاها انت لو قلت ما بتعرسها عشان مشيت معاها ..
حتعرس واحدة مشى معاها غيرك ..
ف شنو الافضل زولتك المشيت معاها وعارفاك وبتعرفها وعارفة طباعك الزي وشك دي ..
ومتحملاك وكلامك معاها وايامكم الحلوة .. وانت عارف تفاصليها ..
ف شنو لو ما اتزوجتها حتتزوج واحدة في زول خلاها بنفس الاسلوب وعمرك كدا ما حتتقدم لو ما احترمت القدامك دي ..
وكما تدين تدان... 😴✍👌