وكنت بتلفَّت اكوسك
في الدروب الغيَّبنك
وفي القلوب البشتهنك
كلما يهتف منادي..
كنت بتلفّت اكوسك💙..

ياعيون دوبني ريدا شوفي لي سكة سلامة
🖤🎵

من ماقمت في الدنيا دي وماف بت قدرت تلفت نظري...ممكن اكون مصاحب عشرة بنات واكتر بس ماف وحدة كدا قدرت تحرك جواي حاجة...
داخل على الكافتيريا ولاحق محاضرة وجعان واموري جايطهه... لقيتها واقفة برا وظاهر عليها برلومة😂💔 بقيت متابعها بي عيوني وجات بت وقفت جمبها وشكلهم اتعارفو طبعا لمن الزول يكون برلوم ويلقى زول في نفسي مجالو كانو ربح ورقة يانصيب😂💗...ضحكتها.. ولا غمازتها... عيونهاا😢🌸 قلت ياعلي هيي ماانت البتهزكك بت وقلت اواصل في طريقي وجاني صوتها🙇‍♀️🌸انا كتمت صورة وصوت لمن قالت لي لو سمحت 🤤🎶بقيت اعاين في عيونهها بس... طبعا في العادة لازم اول السنة دي ابرلم لي نفر نفرين كدا.. بس هي م قدرت... كان سالتني من قاعة طب وهي في اخر الجامعة مشيت لحدي م وصلتها وكسرت حنك محاضرتي ورجعت قعدت في الكافتيريا وبقيت اتزكر في ملامحها...معقولة يعنى زول 4 سنة في الجامعه دي وتجي برلومة تجهجني كدا😂💔زعلت من نفسي زعل شديد..
مرت الايام وهي في بالي وماقدرت اتجاوزوها... بقيت امشي بي جمب طب علشان اصادفها... مرة مرة بلقاها وبقعد اراقبها... دايما وشها بشووش وتحس بالراحة من شوفتو... لحدي م في يوم جيت ماري بي عندهم ندهت علي ي ولد ي ولد.. لمن انتبهت ومشيت شكرتني وقالت لي اتفضل وعرفتني على شلتها...وبقيت واقف بعاين ليها قلت ليها بالنسبه لي انك عرفتيني عليهم كلهم وانا اسمك م عارف ضحكت واه انا من ضحكتها 🤤💗🎶قالت لي الاء... وقلت ليها وانا علي🙇‍♀️💙 ومنها زياراتي لي طب كترت😂💔بقيت م عندي حاجة لي زول غيرها عادي ادكك محاضراتي علشان اجي اشوفها...
دا كلو ونحنا اصحاب وبقت هي نفسي الطالع🙇‍♀️🌸 م بقدر اعدي يوم بلاهاا... مرت الايام وانشغلت بي بحث التخرج والمشروع والجوطه وبقت تحس اني متغير وانا من شدة الضغط ياالله بتزكر افطر مرات مع اني اكتر حاجة م بلعب فيها اكلي😂💔... بقت تخت حالات كتير وانا مرات حتى اشوفها في يوم وكان خلاص باقي لي التسليم النهائي يومين وهي نازلة امتحان وعندها حاجات م فاهماها مشيت صاحبت لي ولد من تالت طب وقعدتو حفظني المادة خلال تلاتة ساعات خليت شغلي كلو وبقيت قصادها م هو م بقدر اخلي غيري يشرح ليها بموت غيرة😂💔 وجيت شرحت ليها لحدي م فهمت...
طبعا دا كلو وانا لسه من جواي متناقض وشايف انو م بستحقها وكدا... بعدها بي فترة اصلا خلصت السنة وبقيت جاري ورا الخدمة وتواصلي معاها قلا ايوا صح مابمر يوم وم نتكلم بس برضو م بي نفس الطريقة.... كنت بموت شوق كل يوم بس بقى في حاجة جواي بتقول لي انتظر...
الاء فترت مني وبقت تتضايق شديد... لانو متعلقة بي ججدا...
اجتهدت على نفسي شديد وضغطها علشان استحقها...
لما قلت ليها بحبك كنت واقف قدام ابوها وانا بقول ليهو اعقد لي على بتك وانا شاريها...
شفت دموع الفرح في عيونها وقلت ليها "عارفة ياالائي انتي وجودك في حياتي كان اعظم من حياتي نفسها وعارف انو انشغالي عنكك كان بضايقكك.. وابقى م راجل لو خليتك لي غيري" 💙🌸وحافضل ادعي عمري كلو انو م تمر لحظه بلااك،.. 💕

حررفياً ياخوانا البرود دا نعمةة من ربناا ، ماتتمسكو وتجازفو عشان تنقذو شعور اتعلم تودع مشاعرك حتى لو الكلام دا بقتلك بالبطئ ، اسمع الحاجه البتوجعك ألف مرة لحدي ماتبقى ليك عاادي ، الحاجة العايزة ليك ربنا ح تجيك لحدي عندك الحكاية قناعة ما اكتر ✨🌸

لما تقلعي الحجاب وتقفي قدام المرايه، وتلاقي شكلك حلو جدا بشعرك، متقوليش غير :
"الحمد لله الذي شرع الحجاب لكي يصون هذا الجمال"💛🌻

" اللهم ارزقني سعادة لا علاقة بها لأحد من خلقك، انت منبعها وانت سرها يا اللَّهِ 💛✨".

طويلة .. قصيرة .. ضعيفة .. سمينة .. عنست .. اتزوجت بدري شديد .. دا أصلا م لونها الحقيقي .. م بتعرف تلبس حلو ..
تطول قائمة الانتقادات ولا تنتهي .. وبرضو ف عيونهم م حتكوني جميلة !
انتِ جميلة كما انتِ .. كما تحبي انك تكوني♡ ..
الشكل والعمر م معايير لجمالك ..
انتِ جميلة بنجاحك .. بشهادتك .. بثقافتك .. بتعليمك .. انتي جميلة كونك قادرة تنشري البهجة في عيون الحوليك ..
انت ف غاية الجمال لمن تكوني راضية عن نفسك وحاباها زي ماهي ♡..

نحنا ناس بنعيش حياتنا صافية بالنيّة السليمة💙..

-

ياواحة في عمق الوجع تحنان ..
مالية الدواخل حب ..
وعازفة الأمان الحان ..

#كاتاليا

يجو العُمّال...
يجو الكُدّاح...
يجو الناس البخبرو شليل وشقيش راح...
يجو الشهداء...
ويجو الثوار...

نحن كيف نلوم عصفور حنيِّن
مرة بيقاسي الرياح
مرة تلقاهو بيغني
مرة في وادي المَحنه ومرة في ابعد بِطاح
طاوي حريتو في جناحو .. عمرو ما ملّ الرواح💛🌸

والجَّاي زمَن يمكِن يكونْ
أحسَن مِن الزمن اللي فَات♥️🕊.

حصل ساهرت إنت براك ..
تعاين في خيال جوّاك ؟

أنا بيت قديم هجره الجميع، عدا العصافير النبيلة .. ♥️✨

رستم ابيضاني ..
و بيتر أسوداني..
وأحمد لونو قمحي..
سوسن لونها خاتف من لونين بريق✨
قالت عازه (سمحه)
قالت ماري (سمهه)
قالت عشه (سمحي)
أكتبي و اقري و امحي
مجدا للنساء
نحن تحت ظلالن قمنا مكرمين🌸

ﻋﻴﻮﻧﻚ ﺯﻱ ﺳﺤﺎﺏ ﺍﻟﺼﻴﻒ ﺗﺠﺎﻓﻲ ﺑﻼﺩ ﻭﺗﺴﻘﻲ ﺑﻼﺩ..
ﻭﺯﻱ ﻓﺮﺣﺎً ﻳﺸﻴﻞ ﻣﻨﻲ ﺍﻟﺸﻘﺎ ﻭﻳﺰﺩﺍﺩ
ﻭﺯﻱ ﻛﻠﻤﺎﺕ ﺑﺘﺘﺄﻭّﻩ.. ﺗﺘﻮﻩ ﻟﻤﻦ ﻳﺠﻲ ﺍﻟﻤﻴﻌﺎﺩ
ﻭﺯﻱ ﻋﻴﺪﺍ ﻏﺸﺎﻧﻲ ﻭﻓﺎﺕ ﻋﺎﺩ ﻋﻢّ ﺍﻟﺒﻠﺪ ﺃﻋﻴﺎﺩ..
ﻭﺯﻱ ﻓﺮﺡ ﺍﻟﺒﻌﻴﺪ ﺍﻟﻌﺎﺩ..
ﻭﺯﻱ ﻭﻃﻨﺎً ﻭﻛﺖ ﺍﺷﺘﺎﻗﻠﻮ ﺑﺮﺣﻞ ﻟﻴﻬﻮ ﻣﻦ ﻏﻴﺮ ﺯﺍﺩ ❤️

-

أفتح دواخلك للفرح
وأنسى القديم الإنجرح

#كاتاليا

الودعوا ارتحلوا شالوا الهنا ورحلوا💔..

انا ما مُتَّ .. انا يمكن حي ..

بتتجازف ..
بفنجان جبنة زااابط .. بي لمة حلوة عفوية ..
بكلمة طيبة .. بدعوة تقع ع الجرح ♡ ..
زي م قدرت تجازفها ف كل مرة هسي حتتجازف 👌