عن الناس اللي بتديك احساس بالفرح وبأنه الدنيا لسة بخير ..
الناس ال بتديك دافع عشان تقدر تواصل ..
# حب شديد ياخ💙 ✨

و لما تجر شريط الذكريات قبل كم سنة ، براك بتفكر مع نفسك " دا منو الأهبل دا " ؟!
و بتفكر في مدى التغيير الاتغيرتو ..
و الحاجات الما كنتا بتعرفا و بتخاف منها و بعد جربتها بقت ليك أسهل ما تكون ..
و العلاقات المريت بيها مع أصحاب منهم الخانوك و منهم البقو أكتر من أخوان .. و الناس الحبيتم و منهم الأثبت ليك حبو بالمواقف و غيرو الما كان بيستاهل تلتفت ليو اصلا .. 💜
التجارب علمتنا ، و عمرنا المرا علمنا ، و الناس علمونا ، و الزمن خلانا نقتنع بي كل صغيرة و كبيرة ، و العلاقات لحظات زعلتنا و لحظات فرحتنا ، و المواقف كانت هي البتحسم الفارغة ، لحدي ما بقينا زي ما نحنا هسي !
ف افتخر بي نفسك قدر ما بتقدر و ما ترخص منها أبداً 💜✌
#

ابو السيد قال :
"لا منك ابتدت الظروف ولا بيك انتهت الأماني المترفة"
كان رد لي اي زول كان محور حياتنا ومفتكر انو مابنقدر نعيش بدونه
و ما عارف انو دي مجرد مرحلة صعبة وحتعدي وبنتخطاها وما حنبطل نحلم ونتمنى..❤️

‏كنت دائمًا أول من أفكر به في حزني، كان تخيل وجهك يكفي لأشعر بالعالم كله يمسك بيدي، ويطمئن قلبي.. وقرار حبك كان "حريتي"؛ إنه الأمر الذي اخترتهُ دون إكراهٍ أو إجبار. لم أجن ولم أشقَ لأجله، لقد خطوت في طريقه وأنا أشعر بالنور يضيء من قلبي.💛

من رواية رواية ‎: سلام الله على عينيك🌸

شوارعنا ينقصها الحب والفن، ينقصها العازفون والناس المبتسمة، ينقصها اناس لا يتدخلون في شؤون غيرهم...

من الراحة النفسية انك تلاقي شخص مسوي مصيبه اكبر من مصيبتك.💕🙂

‏"أنت بحاجة إلى أن يهتم أحدٌ بـ ِتفاصيلك الصغيرة، أن تعلم أن أحدهم يُراقبك حبًا، أن يستمع أحدهم إلى أغانيك المفضلة، ويهتم بمشاكلك التافهة، ويتحمل عيوبك القبيحة، ويتقبل أخطائَك الساذجة، أنت بحاجة إلى ضمان أن يتذكرك أحدهم مدى الحياة، فقط أحدهم."🚶‍♀💔✨

سااعاات بنسرح في نااس ماا بنعرفم ولا حصل شفنااهم يعني نااس يمكن تلاقيهم في الموااصلات او اي حتة لكن بنسرح فيهم وده ما معنااهو اننا معجبين او كده نحن في معظم الاحياان بنشوف ملامح ناس بنحبهم في ملامح نااس تانيين..❤️

🍃🍃

ف الحياة ما في غير فرصة وحدة .. اذا ضيعتها راحت عليك 👌لما تلاقي شخص صادق معاك و بيحبك من قلبو .. م تضيعو .. لانو و الله ح تندم العمر كلو 💔م كل يوم الحياة بتديك فرص و بترسل أشخاص كدة 💚

مواقف..♥♪

صحبتي بتحكي ، قالت انو اول مرة تدخل المطبخ ، اهلها قالو انو طبيخها حلو وعحبهم مع انو كان عكس كده ، المرة البعدها كان بالجد حلو .

واحد بعرفو قال لمن نزلت تالته كنت مستهتر وشايف انو ح تمر زي م مرو السنتين الاوائل لحدي الامتحان الشهري الاول وجبت 50℅ ، مع انو عارف نفسي مستهتر بس انصدمتا وزعلت شديد ، جات امي قالت لي : ولا يهمك ياولدي واثقة فيك ح ترفع رأسي ، امتحانات الشهادة رفعت رأسها بالجد وجبتا 90.8℅.

اختي مرة كانت جايطه وزهجانه عشان عندها امتحان قران وم كانت فاهمة الميراث ، مع انو انا فاهماهو ونفس الاستاذة القرتني ليهو ادتها ليو ، شرحت ليها وفهمتو ، قالت لي انتي عارفة م كنت متخيلاو بسيط كده ، البنات كانو بقولو صعب شديد .

يوم النتيجة لمن جبتا درجة ما ح تدخلني وقعدتا ابكي ، ماما اتصلت وقالت لي بدخلك العاوزاو بس انتي م تبكي ، مع انو عارفة انو م ح ادخل العاوزاو بس بالجد إطمئنيت ووقفت بكى .

_لمن نلقا التشجيع من اقرب الناس ح ننحح💛
_لمن نشوف الثقة في عيون البنحبهم تلقائيا ح ننجح.💛
_م تقول الحاجة دي صعبة ، قول انا م فهمتها لانو ح تحبط ناس بسببك. 💛
_دايماً بنطمئن بكلام الناس البنحبهم حتي لو واثقين انو م ح يحصل بس ح نكون واثقين انو ح يعملو كل البطلع في يدهم عشان يسعدونا .💛

♥" نحنا بنعيش بيهم ، بالناس البحبونا بصدق والواثقين فينا "♥

المعتبرك من اولوياتو بعرف كيف يحسسك بالحاجة دي ✋🏽

حـ يخليك تفهم بجد يعني شنو زول مهتمي بيك ...
يعني شنو انت حاجه مهمه ف حياة غيرك ...💜
بي تصرفاتو بي ضحكو معاك بي انو ياخد راحتو لمن يتكلم معاك .. حتلقى دايما هو اول واحد بصبح عليك 💫🌸 وكل م الونسة بينكم والموضوع البتتكلمو فيهو خلاص يقرررب ينتهي بحاول يفتح مواضيع بحاول يخليك تتونس معاهو اكتر 💜✨
حـ تحس انو بقيت روتين ف حياتو يعني كل يوم لازم يشوفك ويتكلم معاك 💜🌸💫

‏" أحيانًا لا تحتاج إلى الشخصِ الذي يعطيك المظلّة، وإنّما تحتاج الشخص الذي يبتل معك.. فمساحة الشعور تفوق مساحة العطاء 💕

لما بقول ليك خلاص اضحكي وماعايز اشوفك زعلانة ، يعني خلاص ارجعي لطبيعتك ، لبساطتك ، وضحكتك البتاخد قلبي ، لأني بتعب معاك اذا بتفضلي كدا ♥️🌸

‏بتمر عليك لحظات حتى اقرب الناس ليك لمن يسألونك.. انت كويس؟ بتقول ليهم انا بخير في حين انو جواك كتييير نفسك تقولو ليهم بس ما قادر، مش عشان ما عاوز. بس عشان ما عارف تقول ليهم شنو ولا شنو ومتأكد لو سألوك تاني انت كويس؟ ممكن تطلع كل الجواك بس ما بتحصل ولا هم بيسألوا.💔

في ناس بتبقى عباره عن هدايا من ربنا✨محطات امان✨محطات راحه✨ما بتعرف ظهروا متين او كيف ،بس كفايه انك بتكون مبسوط شديد☺ومطمن شديد معاهم اول م تشوفهم تلقائي كدا بتضحك من جوه ومن برا☺💜عيونهم بتقول حاجات اللسان صعب ينطقها ف بتكون حاسس انهم بحبوك بالجد لا لغرض ولا مصلحه ايام🤚بحبوك عشان بحبوك 💜☺ ف محباات كتيييره ليهم 💜💜💜

وضحكت ما هماني شئ💙..

مافيها شئ لو أنت بقيت السند لى زول ضعيف🖤مافيها شئ لو أنت المديت يدك علشان تساعد زول محتاج🌸مافيها شئ لو انت البقيت تسمع للناس وتريحهم من الهموم الهم فيها🔥مافيها شئ ✨خلينا نكون السند والقوةة للناس 😴👋دائما بنقول احنا تعبانين وماف زول بيساعدنا وماف صديق ..أخ ..حبيب .الدنيا ظالمةة ..الخ😴طيب عمرك فكرتةة أنو أنت تكون كل الحاجات دى..فكرتةة إنك تكون الدواء للمريض تكون علاج للجروح تكون بلسم للاحزان😴🖤✨خليك الأمان خليك العافيه للناس🖤✨لو أنت ما لاقيها .أديها للناس وربنا بيجيبها ليك لحدى عندك😴✨🖤خليك الثقةة🌸🖤

أيها الفرح اوصيك بأمي وأبي واخوتي خيرا ❤..

هي جميلة.. لكن قوية
هي بسيطة هي دغرية
هي عظيمة هي حربية
سودانية.. ❤🇸🇩

فري البسمة التشبه وشك.. 💕
خلي الزول العاشق يسكر..😍🎶