قالت : ❤

كالعاده وانا #طالعة_من_البيت بلقاهو واقف لي تحت
ومبوز😹 فبقول ليهو حلوة الصرة في حبيبي
#ياخ_تتاكل_انت💜فبيقعد يضحكك ويوصلني الكلية 😍 وأنا بصرع مخو بالكلام الكتير💜 دايما عودني قبل أنزل يقعد يتغزل فيني 🌚💗 ويسمعني كلام يخليني
#المحاضرات_كلهاا ما مركزة😹
ولازم زمن الفطور يتصل اكتر من مرتين عشان
يطمن أني فطرتا ولا لا 💕 ولو حاولتا اكذب #بعرفني😴
وآخر اليوم ضروري يكون شايل لي حاجه تنسيني هم المحاضرات❤ يا شوكلت او وردة او كلام مكتوب في ورقة ملونة 💜 وايام الامتحانات لو ما قريت بهددني 🌚 ويقول لي ح أجي اتم العرس ي زولة لو ما جبتي معدل كويس😒💜
ف تلقائيا بلقى نفسي حسنتا من معدلي🙌💔 مش علشان خايفة انو يتهور 😹 بس بحسو فخور بي لما اعمل كده ❤
#قاال 🌸
لما #خطبتهاا عن حب دام سنة تقريبا 😍💗
وقتي كلو انا بكون شايل همها 😥 شايل هم أنو ما اوفي بوعدي معاها 😭 فـ كنتا دايما #بدعي انو ربنا يجمعني بيها في اقرب وقت❤
#كنت بخاف شديد لما تقول لي ود عمي جا من برة و ود خالتي ومابعرف منو 🌚💔 بحسهم ح يختطفوها مني😹😹
كانت #طفلة وبتحب تدلع علي ❤ وبصراحه كده انا #بموت في دلعها دا ياخ 😹❤ عليها حلات ضحكه وجضوم 🙈💕 يارب الثبات🙌❤ بحبها ❤🙌
فاضل ليها اربعه سنه بس وتخلص👌 يارب تجمعني بيها في اقرب وقت ❤ لانو حرفيا انا اقتنعت انو ليها دور كبييير جدا في حياتي💛 بكل تفاصيلها انا بعشقها🧡

وانتو قلتو شنو 😢💚
#والما_عندو_قول_يدردق_معااي_بالله🙇‍♂“😹😹🤝

اول مره احس انو الدنيا دي كلها ممكن تكون زول،،
وانو الفرحه كلها تكون في كلمه من زول،،
وانو الدموع كلها ممكن يكون سببها جرح من زول،،
او مره اعرف انو ممكن مزاجك يروق ويتعكر بي زول،
بس م اي زول.. الزول البساوي الدنيا،،،

بعد إجراءِ الفحصِ سألها طبيبُ العيون :
ممَّ تشكين ؟!
فقالت: لم أعُد أرى للموجوداتِ قيمةً !!
فكتبَ الطبيب : استوصوا بقلبهِا... ؛ حالتهُا أشدُّ من العمى !💙

- وطارت
لقيِتك في الزمان الحى
ملونه بىَّ ، ضاريت فى الخيال منك
حديقه وشوق
مسكتي الورده من إيدها البتوجعني
نفضتي الرزاز من بالي
عاقبتي المطر ..♥️

- أنا ما خلقتك يا ظنون
شان تبيتى الليل معاى
وتجرى من فوقى الغُطا
ما تشُرّى فى حبلى الوساوس
والمعانى الداكنة والليل والشتا ..♥️

- سميّت مساحتك حِكر
كل البيحلمو بالشمس
هجّرتَ من واقعك عبث
سكنّتَ فيك ضد السكون
كل الي كان ممكن يكون
طارت
ضفيرتك ليك غُنا
جدلة صبر
وطولة نفس ..

- يا صاحيه بالحاصل علي
يا نايمه
عن فقرى البليد
سميت منافيك الوطن
صارت مناحاتِك نشيد ..♥️

‏وانا جاي من خط رجعتك 👣..
لاقيت دراويش العشق
قالو لي تعال ما انت واحد مننا شافوني لابس جبتك..
ماشي وبردد زكرتك
قايلني بس ماسك عدد ♥️✨

مافي شمسا طاعمه طلت
إلا تضحكي ليها برضو
والغمام الفيك راحل
فى الصنوبر يلقى أرضو
والصباح يمتد ياما
كل ماجاوبتي نبضو🎶💜

‏‌مافي علاقة بين اتنين بعيدين عن بعض بتنجح إلا إذا إتكونت من طرفين بيحبو بعض حب حقيقي حب الروح للروح، زول انت عارفو بعيد عنك لكن متأكد إنو شايفك في كل حته و حافظ حبو ليك رُغم المُغرَيات الحولينو و الضغوطات، زول مُخلِص قَدُر كِلمَتو و بنت وَفِيّة صَبَرت و قَدّرت ♥🌸✨

لسا بدري عليك تشقي ..
وانتِ يادابك نغم ..
لو شقاي يديك سعادة ..
ليك بقدم عمري هم . 💜

خوفى منك لمن تبقى الضفة منفى
والمتاريس هي الوطن
والجواز يبقى الأقامة والحبيبة الأبتسامة
والزغاريد الشجن
دى الأنين الفي حنينك صحى جواي الكتابة
وشهوة تحلم برنينك واكتشاف الإجابة
لاعساكر لابنادق
لاخوازيق لامشانق
لا زنازين لاخنادق
خوفي منك .. خوفي منك

... ♥️✨

ليهه لسة بتحبو بعض وانتو طوالي متشاكلين؟!😴♥️🥀

ااي صااح طوالي متشاكلين وطوالي زعلانين من بعض بس عمرنا م رضينا في بعض عمرنا م في زول قال لي التاني كلمة شينة وجرحت خاطرو عمرنا م سبنا بعض عشان نحنا متشاكلين عشان كدا علاقتنا قووت اكتر من الاول😴♥️🥀.

الحب تعامل واحترامم حتي لو كنتو متشاكلين والله عمرها الحياة م بتبقي غير يحصل فيها نقشاتات ولا كدا عشان كدا اكتر نااس بتمسكو بينا هم اكتر ناااس عارفين ظروفنا ومقدرنها وبعد دا واقفين معانا بكل قواهم وم خزلونا والله😴♥️🥀.
# 💗

#بتتجازف متين؟
لمن تعرف قيمة نفسك و تحبها وتقدرها وما تسمح لٲي ٲنسان ٲيًا كان ٲنو يستهتر بيك ٲو يهينك و تبدٲ تشتغل على نفسك و تعمل حاجات تبسطك مهما كانت صغيرة و تعرف ٲنو دي حياتك ٲنت وبتعيشها مرة وحدة حتعيشها كلها مُكتئب وزعلان؟
لمن تصلح عَلاقتك بِربنا و تصلي صلواتك في وقتها وتخلي ساعة ثابتة من يومك تقرٲ فيها ولو صفحتين من القرٱن عاللٲقل تتجازف ليك كيف وانت بعيد من ربنا😊لمن تعرف ٲنت عايز شنو وبتحب شنو وعايز تعملو ليه؟ وهدفك شنو وتبدٲ تشتغل عليه
"لَم تُخلق عبثًا"✋
-
.

تاوقت في صحن العشق لقيتو مليان عيش غرام 💔🐸💦
أكلت لي عيشةة حنان ومعاهاا حبةة رز حنين 😂😂💔
وخلاص شبعت من الطعام والباقي اديهو الاهل 🌚😂

دا طبعا من الغزل العفيف لكن بطعم الجووع والرغيف 😂😂🌚💔🐸😂👏
#💦🐸👏

الرجوله👌

الرجوله ما انك تضرب بت الرجوله ما انو تمشي كلمتك علي الكبير والصغير الرجوله ما انك تسب دين الرجوله ما انك تتصعلق الرجوله ما انك تفرض رايك في اي محل الرجوله ما نفش ريش ساي الرجوله ما انك تكون مصدر خوف لي غيرك ،،، الرجوله مواقف♥️ الرجوله شهامه ♥️الرجوله مروه♥️الرجوله رجوله في حد نفسها♥️ الرجوله حنيه♥️والرجوله حاجه تكتسب♥️ما تفتعل♥️
♥️وقعت ليكم

#الناس- الجميله🌸❤✨

هم الناس الروحم الحلوه👌 هم الناس الدايما مبتسمه😋🤤هم الناس الما بتزعل من زول☹️هم الناس القلبها نضيف ونيتها اتجاه اي زول صافيه♥️هم الناس الما بتخت في قلبها حقد علي اي زول♥️هم الناس التفكيرها ايجابي ونظرتها ايجابيه للحياه♥️هم الناس البتقعد معاها خمسه دقايق بس وتلقا نفسك تلقائيا بتضحك من كترت ما هم ظراف ودمهم خفيف وروحم احلي♥️هم الناس الفرحه ♥️♥️

#الصداقه

الصداقه عمرها ما بتتعد بالسنين او الشهور او الايام احتمال تكون مصاحب زول بالسنين بس ما بتعتبرو صاحبك داك الانتيم المابتقدر تعيش من دونو ويمكن زول تلقاهو وتتكلم معاهو حكايه اسبوع بس ويبقا بالنسبه ليك الصاحب الانتيم هو الفهمك في الاسبوع دا هو لاقيت فيه نفسك هو القيت روحو بتشبه روحك ♥️🥀هو الخلال الاسبوع دا ترجم شخصيتك وحفظك زي اسمو♥️🥀

انت زول ما بتحب تحكي بي زول مشاكلك♥️🥀ما بتثق في زول عايز ترتاح بدون ماتحكي لي زول اديك الزيت👌♥️الحلول كتيره انت اختار البعجبك🥀♥️

اول حل طبعا تحكي مشكلتك لي ربنا وترفع يدك للسماء وتدعي انو ربنا يفرجها عليك ودا اقوي حل♥️♥️♥️👌

عندك حل تاني تجيب ورقه وتكتب مشكلتك فيها وبعد ما تنتهي احرقها حا ترتاح♥️👌🥀

وعندك حل برضو تقعد في حته ما فيها ناس حا صرخ وطلع كل الجواك👌♥️🥀

ولو ما عندك حته زي دي امسك المخده صرخ وطلع كل الجوااك♥️🥀حا ترتاح👌♥️🥀

كلها خيارات متاحه عندك بدون ما تلجأ لي اي منشط او منسي او مخدر♥️👌🥀حاجات بسيطه بتقدر ترتاح بيها وما بضر♥️♥️♥️♥️

#مشاعرنا♥️🥀

ما كلنا بنقدر نتحكم في مشاعرنا فينا الزول الممكن تظهر مشاعرو بمجرد ما تعاين ليه في وشو تفهم هو زعلان مبسوط مضايق زهجان دا النوع الما بقدر يخفي مشاعرو عباره عن كتاب مفتوح لي الناس دا اكتر زول مضرر فعليا في عالم العلاقات عموما اي كانت نوع العلاقه بكون مستهدف من قبل ناس كتاار 💔"""عندنا الزول التاني المهما حصل ليه في حياتو ما بتقدر تعرف شعورو شنو بالظبط هل هو فرحان زعلان زهجان ما بتقدر تعرف، قدر يتحكم في مشاعرو كيف اسباب كتيره
كميه الخذلان الحزن الوجع الالم القاهو في حياتو بتخليه كدا يمكن تشوفو مبتسم بس هو ما فرحان يمكن تشوفو بيضحك بس بتوجع في نفس وقت ،،قادر يتحكم في تعابير وجه الممكن تفضحو ،،

عندنا الزول البقدر يتحكم في مشاعر معينه ومشاعر تانيه ما بقدر يتحكم فيها الزول دا علي حسب الظروف الحاصله ليه يمكن يتحكم في اي مشاعر بس فجأه بتحصل حاجه وما يقدر يتحكم في مشاعرو اي كانت نوع المشاعر دي بكون وصل حد النهايه ووصل لي طريق مسدود انتهى بي اظهارو لي مشاعرو دي وتقريبا اغلب الناس من النوع دا.....

#كلمه بتجرح
ما تقارنو زول بي زول💔بالاخص في الاطفال ما تقارنو شافع بي شافع تاني صدقوني نفسيتو حا تتعب احنا الكبار ديل لامن زول يقارنا بي زول تاني بنضايق وبنكره نفسنا طيب الشفع حا يعملو شنو انت صح نيتك كانت صافيه لامن قارنتو مع زميلو يمكن عايزو يتقدم بس انت بتعمل العكس انت بدمر ليه نفسيتو وهو بدل ما يمشي لي قدام بيرجع لي ورا كلمه بتفرق منك حاول دايما شجعو بس ما تقارنو بي زول دي عنصريه💔