عباس العراقي
2.79K subscribers
8.93K photos
194 videos
29K files
2.47K links
قناة عباس العراقي 🌐
https://t.me/httpsAbbas


كروب الفيس بوك ✅🇮🇶
https://www.facebook.com/share/g/166f8z8RUL/
Download Telegram
Forwarded from عباس العراقي (عباس العراقي)
مراكز قضاء تكريت .pdf
1.8 MB
🔶️ادناة رابط اسماء الطلبة المتقدمين للامتحانات الخارجي للعام الدراسي ٢٠٢٤/٢٠٢٣ الدور التمهيدي قضاء تكريت بكافة الاختصاصات ادارة ذكور وأناث فنون تطبيقة أناث زراعي ذكور وأناث كهرباء ميكانيك سيارات الكترونيك تجميع وصيانة الحاسوب تمريض اعدادي قبالة وتوليد

https://drive.google.com/file/d/1vfaOds86Mz5Q8nOHuc3u9J5YwIRaqMgL/view?fbclid=IwAR2NdzCsa5qmKZCc1K9tCsWGtUjMSAS3sTpZUywB0fJ4GJ4yqlxVW9LjY2w

✅اعلام قسم التعليم المهني في محافظة صلاح الدين
مراكز قضاء سامراء اذارة ذكور.pdf
960.9 KB
🔶️ادناه اسماء الطلبة المتقدمين للامتحانات الخارجي للعام الدراسي ٢٠٢٤/٢٠٢٣ الدور التمهيدي قضاء سامراء اختصاص ادارة ذكور فقط
🔛🔛🔛🔛
https://drive.google.com/file/d/1t6IEuVTF3OxV2KJJUvfqDNVEFPTE_vxl/view?fbclid=IwAR3t--lOzZTHFAWpD7NUN0Og_2uh-ZxY-SHUYAHd_nqP2xhavu72DsYiw4o

✅اعلام قسم التعليم المهني في محافظة صلاح الدين
مراكز قضاء بيجي ادارة ذكور.pdf
976 KB
🔶️ادناه اسماء الطلبة المتقدمين للامتحانات الخارجي للعام الدراسي ٢٠٢٤/٢٠٢٣ الدور التمهيدي قضاء بيجي اختصاص ادارة ذكور فقط

https://drive.google.com/file/d/1t6IEuVTF3OxV2KJJUvfqDNVEFPTE_vxl/view?fbclid=IwAR3ni0nYaimSnDWzCO086_zJ7rBdzQFVFmFdVlUgjtoFwifESCqJknjKNus

✅اعلام قسم التعليم المهني في محافظة صلاح الدين
❤1
بسم الله

💬نبدي نتعلم شلون نكتب (انشاء) : 💎

💬كلشي بالدنيا صعب
اذا جزئنا راح يصير سهل
{نموت الموضوع شوي شوي}

💬راح نتفق على شي ، وهو  💎
📝الانشاء = حرامي

💬الحرامي ما نعرف عنه شي
((لا اسمه❌لا شكله❌ لا عنوانه❌ …الخ / الانشاء نفس الشي ، كلشي ما نعرف عنه❌  اثناء الامتحان ويصير الي الشرف واتعرف على الموضوع✅))

💬اكو مثل يكول: 👀 💎
🟡علمني الصيد خيرًا من أن تعطني سمكة

لذلك لازم نتعلم شلون نواجه اي حرامي✅
(شلون نكتب اي انشاء)
مو نحفظ عدد من الحرامية❌ (عدد من المواضيع) لان الانشاء هو حرامي (مجهول الهوية) فلازم اجهز نفسي لمواجة اي حرامي (اي موضوع)

☯️مرات من واحد يكَول الك : 💎
احجيلي عنك لو سمحت / انتَ هناا شراح تكَول تلقائياً 👈🏾 انتَ اسأل وانه راح اجاوبك ، صح؟

💬لان تحس نفسك ما تعرف تعبر اذا ردت تحجي وحدك بصورة عامة ((من دون نظام تمشي عليه ❌ من دون خطوات تمشي عليها❌ من دون سؤال يتوجه الك❌ من دون شي يتحدد الك❌)) ،صح؟
لذلك تحتاج واحد يحدد الك شي بالضبط
علمود تحجي عنه (مثلاً شنو اسمك؟ شنو عملك ، شتحب؟ شتكره؟ احجيلي عن طفولتك…الك ،، هنا راح تنطلق وتحجي براحتك ومن دون تقيد ومن دون قلق// بس اذا كتلك احجيلي عنك واسكت ((هنا راح تحتار شلون تبدي وبشنو تبدي وشلون تعبر وشنو الي تحجي بالاول واحجي هواي لو شوي…الخ))

💬الانشاء نفس الشي ، من اكلك احجيلي عن فلان موضوع ، راح تبقى محتار شلون تتناول الموضوع ((بس من احدد الك شي من الموضوع واسألك بي سؤال ، هنا راح تنطلق))

💬كمل وياي علمود نموت الانشاء شوي شوي

☯️الانشاء يتكون من :👀👇🏻
1️⃣- العنوان
2️⃣- المقدمة
3️⃣-العرض
4️⃣- الخاتمة
👍2
2️⃣المقدمة ( الجزء الاول) 💎

💬استاذ شنو رئيك احفظ مقدمة جاهزة (مثل ما يسموها الطلاب 👈🏾جوكر ) ترهم على اي موضوع (على اي حرامي) ،
شدكول استاذ؟🤔

💬 الجواب : لنفترض عدد الطلاب الي تمتحن بهل سنة هو 👈🏾 350 الف طالب وطالبة
خليك على الافتراض هااا 💎
💬لنفترض 200الف طالب وطالبة  من ال350 الف مفكرين نفس تفكيرك ( يحفظون انشاء جاهز ، جوكر على كولتك اصم الله عليك)
💬زين هي المقدمة الجاهزة بالنت (عددهم ما يعبر ال30 مقدمة)

💬اصفن وياي شوي، المصحح تتكرر عليه المقدمة الجاهزة 200 الف مرة ( وهو صار الى اكثر من سنة يصحح وشايف المقدمة الجاهزة اكثر من التمن ، اكثر من اهله ) ولنفترض دفترك رقم 100 الف
( يعني تعبان من التصحيح ولعبانه روحه بسبب التكرار ،، وتجي انت تنرفزة)

💬ودرجة الحرارة ١٣٦٦٥٤٢ 🌡( تلقائياً راح يتنرفز🤮وياخذ نظرة عن تعبيرك هو جاهز وما تعبان بي وما يستحق الدرجة الزينة ،، اصلاً ما يكمل يقراه ،، لان لعبانه روحه من الجاهز من كثر ما شايفهم ومارات عليه…🤮

💬واصفن 🧐وياي شوي بعد ( المقدمة الجاهزة الكلام مالتها ما يكتبه بس الي
بمستوى عالي بالتعبير💪🏻
لان كلامها مو عادي ،، ما يطلع من طالب سادس … انوب يجي لنص التعبير {العرض} ويشوفه كلام عاااادي مو بقوة كلام المقدمة … هناا صارت عليك ❌🤮،، ودرجتك بالانشاء صارت حالها حال الرصيد ابو 2 $)

☯️زين استاذ شسوي؟

⬅️💬 الجواب : نتعلم شلون نكتب 📝مقدمة خاصة بينا ( المقدمة الخاصة بيك تخلي المصحح يحترم تعبيرك وتجذبه😍يكمل يقره التعبير مالتك ،، انت بس تخلي يكمل يقره تعبيرك -هنا انت سويت نصف المهمة✅) من يشوف👀 شي مختلف هنا يتحفز😍 ويريد يكمل علمود يعرف شنو هل جديد ( المهمة حالياً نخلي المصحح يكمل التعبير علمود يوصل (للعرض) لان بالقسم الثاني 👈🏾 العرض ، تبين العضلات

💬فهو اذا شاف👀شي جاهز ( حتلو جنت مبدع بالعرض ما راح ينطيك حقك ،، اصلاً ما يكمل ولا يوصل للعرض لان تنرفز🤮)

💬بس اذا شاف👀 شي جديد ( هنا يتحفز ويصير عنده فضول يشوف👀بعد اكثر وينزل للعرض وهناا راح تبرز عضلاتك✅)
👍1
2️⃣المقدمة (الجزء الثاني) 💎

☯️اكو (٣) شغلات لازم تتوفر بالمقدمة 💎

1️⃣ لازم المقدمة مالتك تخلي المصحح متشوق يكمل ويوصل للعرض ( يعني اكو تشويق بالمقدمة ،، تحفز المصحح يكمل ويوصل للعرض).

2️⃣لازم المقدمة تكون قصيرة ( تلقائياً انت الطالب من تريد تدرس عند استاذ معين ،، اول شي تشوفه هو وقت المحاضرات ، اذا قصير يصير الك واهس وحافز تدرس وتكمل مع الاستاذ) نفس الشي المصحح ، يريد المقدمة قصيرة وبيها تشويق علمود يتحفز ويتشوق يكمل ويوصل للعرض.

3️⃣ لازم المقدمة تحجي عن شي مرتبط بالعرض ( القسم الثاني من الانشاء) يعني لازم الانشاء مالتك يكون سلسلة مترابطة ،، مو المقدمة تحجي عن شي والعرض عن شي ثاني ، لازم تخلي المصحح من يقره ما يحس اكو انقطاع بالموضوع ( لان احنا جاي نشتغل علمود ما نخلي المصحح يتنرفز ،، اذا تنرفز يبدي يدور وراك اخطاء وينقص درجتك ،، نشتغل علمود نخلي المصحح مرتاح من يقره الانشاء علمود يتغافل عن الاخطاء الموجودة عدنا).

☯️هسه الي صار عندك : 💎
بالمقدمة اكو تشويق💎ولازم قصيرة 💎ولازم متصلة بالعرض 💎

☯️انطاك اسم الموضوع ، تعال فكر نفسي

💬اكو اية تخص هل موضوع🤔
( ماحافظ)❌

💬اكو حديث شريف يخص الموضوع🤔
( ما حافظ) ❌

💬اكو بيت شعري يخص الموضوع 🤔
(ماحافظ)❌

⬅️اكو حكمه ، مثال يخص الموضوع 🤔
( ماحافظ)❌

👊🏻 سد الدفتر واطلع لا ازرف عيونك
( جا شحافظ ،، لو اغنية جان بس انطيك اللحن كَبل تغرد يا مستهتر🤌🏿)

🔥(من تكتب اية او حديث او بيت شعري او حكمه او مثال ، هنا المصحح يصير عنده حافز وفضول يريد يعرف شتقصد ؟ فيتشوق ويكمل يقره علمود يعرف شنو شرح ومعنى الشي الي كتبته)

💬لنفترض كلشي ما حافظ❌ ، تعال وراي

☯️حاول تبدي المقدمة بمجموعة استفسارات ، يعني شلون🤔

💬مثلاً موضوعي هو التدخين ( بالعامية راح احجي وياك هااا ،، اكَول لشوكت نبقى نعاني من اثار التدخين ؟ لشوكت نبقى نضعف امام السكاير؟ لشوكت نخسر الاموال على شي يهدم بحياتينا؟ …
مجموعة استفسارات نحاول البحث عن اجابه لها ومعالجتها …. وانوب تدخل للعرض

☯️( هنا المصحح يتشوق ويتحفز ، يريد يكمل علمود يعرف الاجابة وشنو هو العلاج،، يريد يعرف شلون الطالب راح يجاوب على هل الاسئلة..الخ)

💬هذا النوع الاول من الاستفسارات✅

💬النوع الثاني : احاول انطي الغاز خاصة بالموضوع ( اختصارات او نسميها يوزرات خاصة بالموضوع ) مثلاً:

☯️نقص في الاموال ، هدم في العمر ، عدو قادم الينا ، نضعف امامه وننصح في غيابه … الخ اقصد التدخين هنااا

💬( هنا تلقائياً راح يتحفز المصحح ، راح يتشوق ويصير عنده فضول، يريد يشوف شيقصد الكاتب ، يحب يعرف شقصده الكاتب بهل عبارات، يبدي يقره وينزل للعرض)


☯️الاية او الحديث الشريف او البيت الشعري او الحكمة او المثال او الاستفسارات،، كلها مقدمات تتوفر بيها
التشويق✅ والقصر  ✅واكيد اكو ربط بينها وبين العرض✅
( لان انت راح تتفصل بيها بالعرض)

💬زين استاذ ليش تريد المصحح يوصل للعرض؟
☯️الجواب : لان بالقسم الثاني وهو العرض
هنا تبرز عضلاتك بالتعبير ( لان عندك مساحة تكتب براحتك - القسم الاكبر بالانشاء ،، علمود تراوي عضلاتك وتقنعه انت تعبان على الانشاء ومنطي حقه)
هو بس يتحفز ويوصل للعرض هنااا انت كَدرت على المصحح 💪🏻وراح توصل للدرجة الي ترضيك.

🟣اكعد من باجر واختار كم موضوع وابدي طبق هل خطوات ، واكتب مقدمات ( مرة ، مرتين ، ١٠ … الخ)
ونوع ، مرة اكتب اية او حديث… الخ
او ابدي بسؤال او بيوزرات… الخ

بالممارسة راح تتقوى وتصير ايدك قوية وعقلك 🧠اقوى تجاه المقدمة🤝
👍1