မြစ်ခြေတွင် တော်လှန်ရေးတပ်၏ တိုက်ခိုက်မှုကြောင့် ဗိုလ်မှူး ဉာဏ်လင်းနှင့် ပျူစောထီး ခေါင်းဆောင် နောင်နောင် အပါအဝင် ၃ ကောင်သေဆုံးပြီး ၂ ကောင်အရှင်ဖမ်းမိကာ သေနတ် ၂ လက်သိမ်းဆည်းရရှိ

မေလ ၁၀ ရက်နေ့ နံနက် ၁၁ နာရီခန့်အချိန် မကွေးတိုင်း၊ မြစ်ခြေမြို့နယ် တစ်ဖက်ကမ်းရှိ ညောင်ဦးမြို့နယ်၌ လှုပ်ရှားနေသည့် ပျူစောထီးခေါင်းဆောင် နောင်နောင် နှင့် နောက်လိုက်နှစ်ကောင်သည် မြစ်ခြေတစ်ဖက်ကမ်းသို့ ရောက်ရှိလာစဉ် ဧရာဒေါင်း ပြည်သူ့ကာကွယ်ရေးတပ်ဖွဲ့နှင့် ၁၀ မိနစ်ခန့် ထိတွေ့တိုက်ပွဲ ဖြစ်ပွားခဲ့ကြောင်း သိရှိရသည်။

ဆိုပါ တိုက်ပွဲအတွင်း ပျူစောထီးခေါင်းဆောင် နောင်နောင်မှာ နေရာတွင်ပင် သေဆုံးသွားခဲ့ပြီး ၎င်း၏ နောက်လိုက် ပျူစောထီး ၂ ကောင်ကို AK သေနတ် ၂ လက်နှင့်အတူ အရှင်ဖမ်းဆီးရမိခဲ့ကြောင်း သိရသည်။

ထို့ပြင် မေလ ၃၁ ရက်နေ့ မြစ်ခြေမြို့အတွင်းသို့ စစ်ကြောင်းထိုးဝင်ရောက်ပြီး ပြည်သူများအား သတ်ဖြတ်ခြင်း၊ နေအိမ်များကို မီးရှို့ဖျက်ဆီးခြင်းများ ပြုလုပ်ခဲ့သည့် အကြမ်းဖက် စစ်ခွေးတပ် စစ်ကြောင်းမှာ တပ်မ (၁၀၁) သို့ ပြန်လည်ဆုတ်ခွာစဉ် မိုင်းဆွဲတိုက်ခိုက်ခံခဲ့ရသည်။

ဧရာဒေါင်းတပ်ဖွဲ့က ထောင်ထားသည့် မိုင်းကို နင်းမိခဲ့၍ စစ်ခွေးတပ်မှ ဗိုလ်မှူး ဉာဏ်လင်း အပါအဝင် စစ်ခွေး ၁ ကောင် နေရာတွင်ပင် သေဆုံးခဲ့ပြီး အခြား စစ်ခွေးများနှင့် ပျူစောထီး ၄ ကောင် ပြင်းထန်ဒဏ်ရာ ရရှိခဲ့ကြောင်း သိရသည်။

အဆိုပါ စစ်ခွေး စစ်ကြောင်း ဝင်ရောက်လာမှုနှင့် နယ်မြေစစ်ရေး တင်းမာနေမှုများကြောင့် စစ်ဆင်ရေးကို နောက်ကျမှ ထုတ်ပြန်ရခြင်းဖြစ်ကြောင်း ဧရာဒေါင်း ပြည်သူ့ကာကွယ်ရေးတပ်ဖွဲ့က အသိပေးထားသည်။

တပြင်းကထွက်လာတဲ့ အင်အား ၁၀၀ ခန့်ပါစစ်အုပ်စုစစ်ကြောင်း အကြည်ပန်းပလွန်းနှင့် အညာပန်းပလွန်းရွာမှာရောက်နေ

သြဂုတ် ၁၁၊၂၀၂၆၊ ကျောက်ထု

ယောဒေသ ဆောမြို့နယ် တပြင်းကျေးရွာကနေ ယနေ့နံနက် ၉ နာရီ ၃၀ မိနစ်ခန့်က ထွက်လာတဲ့ အင်အား ၁၀၀ ခန့်နှင့် ကား ၅ စီးပါ တပ်မ ၉၉ လက်အောက်ခံ ဗိုလ်ကြီးသီဟအောင်၏ စစ်အုပ်စုစစ်ကြောင်းသည် ယခုအခါ အညာပန်းပလွန်းရွာကိုရောက်ရှိနေကြကြောင်းသိရပြီး ရှေ့ပြေးအချို့ကတော့ အကြည်ပန်းပလွန်းရွာအထိ ရောက်ရှိနေကြောင်း သိရသည်။

စစ်ကြောင်းသည် ကျောပိုးအိတ်၊ခြင်းကျားများကိုယ်စီ လွယ်ထားကြပြီး အခြားတနေရာသို့ သွားရောက်ရန်ဖြစ်ပြီး လတ်တလော စစ်ရေးအခြေအနေအရ ကျောက်ထုမြို့နယ် ကြီးကျေးရွာဖက်ကို သွားနိုင်ကြောင်း ဒေသတွင်း စစ်သတင်းရင်းမြစ်က ပြောသည်။

"ကြီးဖက်မှာက နေ့တိုင်းလိုလို တိုက်ပွဲရှိတယ်၊ စခတွေ အထိနာနေသလို လေယာဥ်နဲ့လဲ နေ့တိုင်းဗုံးလာကြဲနေတာရှိတယ်၊ အဲ့ဖက်ကို စစ်ကူသွားမယ်လို့ ယူဆမိပါတယ်" ဟု စစ်သတင်းရင်းမြစ်က ယောအလင်းတန်းကိုပြောသည်။

ကျောက်ထုအမြောက်တပ် ၃၆၈ ကစစ်ကြောင်းသည် ယခင် ဇူလိုင်လ ၁၈ ရက်နေ့ညနေပိုင်းက ကြီးကျေးရွာကို အင်အား ၂၀၀ ကျော်ဖြင့် စတင်ဝင်ရောက်ကာ ယနေ့အထိ တပ်စွဲနေထိုင်လျက်ရှိနေပြီး ချင်းပြည်နယ် မင်းတပ်နယ်စပ် ရွှေအောင်သာရွာတွင် အထိုင်ချပြန်လည်နေထိုင်နိုင်ရေးအတွက် ကြိုးပမ်းထိုးစစ်ဆင်နေသည်ဖြစ်ရာ ဒေသခံပြည်သူ့တော်လဇန်ရေးတပ်ဖွဲ့များ၏ ပြန်လည်ခုခံတွန်းလှန်နေမှုကြောင့် ရှေ့မဆက်နိုင်ဘဲ ကြီးရွာမှာပင် ယခုထိ ရှိနေတာဖြစ်ကြောင်း သတင်းရင်းမြစ်က ပြောသည်။

ထိုတိုက်ပွဲများအတွင်း စစ်အုပ်စုဖက်မှ လေယာဥ်များဖြင့် အကြိမ်ကြိမ်နေ့စဥ်ရက်ဆက် လေကြောင်းပစ်ကူပေးနေတာကြောင့် ဒေသခံပြည်သူများအနေဖြင့် ကြိုတင်သတိထားနေထိုင်ပေးရန် လိုအပ်ကြောင်း စစ်သတင်းရင်းမြစ်က ပြောသည်။

ပုံ-စစ်အုပ်စု၏ စစ်မှုထမ်းတပ်သားသစ်များ

@မင်းဒဿ
ယောအလင်းတန်း
#MRSN
Aug 11, 4:26PM
#Threestarsmyaing
#7starmyaing
📬သတင်းပေးပို့ရန်
@myaing3starbot

တပြင်းစစ်ကြောင်း ပန်းဆန်လမ်းဆုံမှတဆင့် ကြီးရွာဖက်သို့ဦးတည်လာနေ

သြဂုတ် ၁၁၊၂၀၂၆၊ ကျောက်ထု

ဆောမြို့နယ်၊ တပြင်းရွာကနေ ယနေ့နံနက်ပိုင်းကထွက်လာသည့် တပ်မ ၉၉ လက်အောက်ခံ စစ်အုပ်စုစစ်ကြောင်းသည် ကျောက်ထုမြို့နယ် ပန်းဆန်လမ်းဆုံမှတဆင့် မြောက်ဖက်အရပ်ရှိ ကြီးရွာဖက်သို့ ဦးတည်လာနေကြောင်း သိရသည်။

"လောလောဆယ် ပန်းဆန်လမ်းဆုံကနေ ကားလမ်းမကြီးအတိုင်းမြောက်ဖက်ကိုသွားနေကြတယ်၊ မိအယ်ရွာမှာညအိပ်မလားမသိရသေးဘူး၊ အင်အား ၈၀. လောက်ပဲသွားသေးတာပါ၊နောက်မှာ ၁၀၀ လောက်ကျန်နေသေးတယ်လို့သိရတယ်" ဟု စစ်သတင်းရင်းမြစ်က ယောအလင်းတန်းကို ပြောသည်။

ပန်းဆန်လမ်းဆုံမှနေ၍ ကားလမ်းမကြီးအတိုင်း မြောက်ဖက်ကို စစ်အုပ်စု အင်အား ၈၀ ခန့်ဖြတ်သွားပြီးဖြစ်ကြောင်းနှင့် နောက်မှာ အင်အား ၁၀၀ ခန့်ကျန်ရှိနေသေးကြောင်းသိရသည်။စစ်ကြောင်းတွင် ကားများမောင်းနှင်လာခြင်းမရှိဘဲ ဆိုင်ကယ် ၄ စီးသာမောင်းနှင်လာကြောင်း သိရပါသည်။

အဆိုပါစစ်အုပ်စုစစ်ကြောင်းသည် အင်အား ၁၈၀ ခန့်ပါဝင်လာတာဖြစ်ပြီး တပြင်းရွာကို ယခင်မေလ ၁၅ ရက်နေ့မှစတင်ဝင်ရောက်တပ်စွဲ နေထိုင်ခဲ့တာဖြစ်ကြောင်းသိရသည်။

ကြီးရွာမှာရောက်ရှိနေသည့် စစ်ကြောင်းအထိနာနေတာကြောင့် ယခုကဲ့သို့ လာရောက်အင်အားဖြည့်တင်းရတာဖြစ်ပြီး တပြင်းရွာတွင် စစ်အုပ်စုတပ်သားများ ကျန်/ မကျန်နှင့် အားလုံးထွက်ခွာလာခြင်းရှိ၊မရှိ ကို ဆက်လက်စုံစမ်းအတည်ပြုနေဆဲဖြစ်ပါသည်။

စစ်ကြောင်းသည် ကြီးရွာသို့ယနေ့အရောက်သွားနိုင်သကဲ့သို့ ကြားတနေရာတွင်လည်း ညအိပ်ရပ်နားနိုင်ကြောင်း သိရပါသည်။

#စစ်အုပ်စု
#တပ်စွဲ

@မင်းဒဿ
ယောအလင်းတန်း
#MRSN
Aug 11, 5:15PM
#Threestarsmyaing
#7starmyaing
📬သတင်းပေးပို့ရန်
@myaing3starbot

တပြင်းကျေးရွာမှာ ထွက်လာတဲ့ တပ်မ ၉၉ လက်အောက်ခံ စစ်ကြောင်း ပန်းဆန်ကျေးရွာနှင့်  မိအယ်ကျေးရွာဘက်ရောက်ရှိနေ။

၂၀၂၆ ခုနှစ် ဩဂုတ်လ ၁၁ ရက်
09:35 pm

ယနေ့ နံနက်ပိုင်းမှာ တပြင်းကျေးရွာကနေ ထွက်လာတဲ့ စကစစစ်ကြောင်း စခအင်အား (၁၅၀)ခန့်ဟာ ပန်းဆန်ကျေးရွာသို့ဂောက်ရှိလာတယ်လို့သိရပီး စခအင်အား  (၈၀)ခန့်ဟာ ပန်းဆန်ရွာမှမြောက်သို့ ဆက်လက်ထွက်ခွာလာခဲ့ကာ လက်ရှိမှာ မိအယ်ကျေးရွာမှာ ညအိပ်စခန်းချနေတယ်လို့သိရပါတယ်။

ကျန်ရှိ စခအင်အား (၇၀)ခန့်ဟာ ပန်းဆန်ကျေးရွာမှတစ်ဆင့် အမတ ၃၆၈ ကိုဦးတည်ကာ ယောချောင်းဖြတ်ကူးကာ သွားရောက်ရန်ကြိုးစားခဲ့ပေမယ့် ယောချောင်းရေကို မဖြတ်ကူးနိုင်တာကြောင့် လက်ရှိမှာ ပန်းဆန်ကျေးရွာမှာပဲ ညအိပ်တပ်စွဲနေကြတယ်လို့သိရပါတယ်။

လက်ရှိစစ်ရေးသတင်းရင်းမြစ်အရ တပြင်းကျေးရွာမှာ စခတွေမကျန်ရှိတော့ဘူးလို့သိရပီး တပ်မ ၉၉ လက်အောက်ခံ စခတွေအားလုံး ပန်းဆန်ကျေးရွာနှင့် မိအယ်ကျေးရွာနားတစ်ဝိုက်မှာရောက်ရှိနေကြတယ်လို့သိရပါတယ်။

ပန်းဆန်ကျေးရွာအပါအ၀င် သရက်ချဉ်၊နသိုး၊လယ်ဆော၊နှော်၊အကြည်ပန်းပလွန်၊အညာပန်းပလွန်း၊ဘက်မိဘပြည်သူများအနေဖြင့် စစ်ရေးသတိရှိကြပါရန် အသိပေးအပ်ပါတယ်။

Aung Gyi
ယောအလင်းတန်း
#MRSN
Aug 11, 9:55PM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်မြို့နယ်စစ်ကြောင်းသတင်း
11.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ စစ်ကောင်စီတပ်တွေက
လက်ရှိအချိန်ထိ ယာကြီးပြင်ရွာမှာပဲ ရှိနေပြီး

မှန်ရင်းဘုန်းကြီးကျောင်းမှာ ရောက်နေတဲ့
စစ်ကောင်စီတပ်တွေကလည်း
မှန်ရင်းဘုန်းကြီးကျောင်းမှာပဲ ရှိနေပါတယ်။

ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
စစ်ကြောင်းရောက်ရှိနေရာ ကျေးရွာများနဲ့
အနီးတဝိုက်မှ မိဘပြည်သူများအားလုံး
သတိဝရိယနဲ့ နေထိုင်ကြဖို့ အသိပေးအပ်ပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 11, 11:22PM
#Threestarsmyaing
#7starmyaing
📬သတင်းပေးပို့ရန်
@myaing3starbot

ကလေး၊ချင်းပြည်နယ် မြောက်ပိုင်းမှ စစ်အုပ်စုတပ်သားများကို အထူးရဲကွန်မန်ဒီုများဖြင့်ပြန်လည်အစားထိုးနေ

ကလေး-တမူး အာရှလမ်းမကြီးကို စစ်အုပ်စုက ပြန်လည်စိုးမိုးနိုင်ရန်ပြင်ဆင်

သြဂုတ် ၁၂၊ ၂၀၂၆၊ ယောအလင်းတန်း

စစ်ကိုင်းတိုင်း ကလေးမြို့နယ်မြောက်ပိုင်းနှင့် ချင်းပြည်နယ်မြောက်ပိုင်း တွန်းဇံမြို့က စစ်အုပ်စုတပ်သား (စစ်သား)များကို အထူးရဲကွန်မန်ဒို ရဲတပ်သားများဖြင့် ပြန်လည်အစားထိုးလဲလှယ်နေကြောင်းသိရသည်။

ယခုသြဂုတ်လ ၁၀ ရက်နေ့က မိတ္ထီလာရှမ်းတဲလေး လေတပ်မှပျံသန်းလာသည့် Y 8 စစ်ထောက်ပို့လေယာဥ် ၆ စီး၊ ယမန်နေ့ ၁၁ ရက်နေ့မှာ ATR-72 စစ်ထောက်ပို့လေယာဥ် ၃ စီး စုစုပေါင်း ၉ ကြိမ်ထက်မနည်း ကလေးမြို့မှာ ဆင်းသက်ခဲ့ပြီး ရဲတပ်သားအင်အား ၁၀၀၀ ကျော်ကို ချပေးခဲ့ကြောင်း၊ ​အပြန်တွင် ကလေးမြို့မှ မိတ္ထီလာသို့ စစ်အုပ်စုတပ်သားများကို ပြန်လည်တင်ဆောင်သွားခဲ့ကြောင်း သတင်းရင်းမြစ်များအရ သိရသည်။

"တမူးလမ်းမှာ စစ်ကြောင်းထိုးနေတဲ့ စစ်ကြောင်းက တပ်သားတွေကို ရဲတပ်သားတွေနဲ့ ပြန်ချိန်းနေတာပါ၊ ကလေး-တမူး အာရှလမ်းမကြီးကို ရဲတွေကိုအစားထိုးပြီး နယ်မြေစိုးမိုးရေးလုပ်မယ်၊နောက်နေ့တွေမှာလဲ ကျန်ရှိနေတဲ့ စစ်သားတွေကိုပြန်ခေါ်ဖို့ လေယာဥ်တွေထပ်လာနိုင်ပါသေးတယ်" ဟု အမည်မဖော်လိုသည့် စစ်သတင်းရင်းမြစ်က ယောအလင်းတန်းကိုပြောသည်။

စစ်အုပ်စုက ကလေး-တမူး အာရှလမ်းမကြီးကို ပြန်လည်ထိန်းချုပ်လည်ပတ်နိုင်ရေးအတွက် စစ်ကြောင်းအလုံးအရင်းဖြင့် ပြန်လည်ထိုးစစ်ဆင်ခဲ့တာလည်းဖြစ်သည်။ယခုအခါ ထိုစစ်ကြောင်းများကို ပြန်လည်ရုတ်သိမ်းပြီး အခြားအရေးကြီးစစ်ဒေသနယ်များသို့ ပို့ဆောင်နိုင်ရန် ယခုလို အထူးရဲကွန်မန်ဒိုများဖြင့် အစားထိုး လဲလှယ်တာဖြစ်ကြောင်း စစ်သတင်းရင်းမြစ်က ပြောသည်။

အလားတူ ချင်းပြည်နယ်မြောက်ပိုင်း တွန်းဇံမြို့မှာရောက်ရှိနေကြသည့် စစ်အုပ်သုတပ်သားများကိုလည်း ကလေးမြို့သို့ကားများဖြင့်ပြန်လည်ခေါ်ယူပြီး ရဲတပ်သားများဖြင့် တပ်ရင်း ၁ ရင်းစာခန့် အစားထိုးလဲလှယ်တာတွေပြုလုပ်နေကြောင်း သိရသည်။

"တမူးလမ်းက ထင်းစင်၊ဘုတ်ကန်၊ရာဇဂြိုလ်စတဲ့ ရဲကင်းစခန်းတွေနဲ့ တမူးမြို့နားက ပန်းသာ၊မင်းသာ စတဲ့ လမ်းမကြီးတောက်လျှောက် ရဲကင်းစခန်းတွေမှာ အင်အားထပ်ဖြည့်ပြီး နယ်မြေရှင်းလင်းရေးလုပ် လည်ပတ်မယ့်သဘောပါ၊နောက်ပြီး တမူးနဲ့ အိန္ဒိယ နယ်စပ်တွေမှာပါ နယ်ခြားစောင့်တပ် BGF သဘောမျိုးတွေပါ ထားလာမယ့်သဘောဖြစ်တယ်" ဟု စစ်သတင်းရင်းမြစ်က ယောအလင်းတန်းကိုပြောသည်။

လက်ရှိတွင် စစ်ထောက်ပို့လေယာဥ်များဖြင့် ကလေးမြို့ကို ရဲတပ်သား ၁၀၀၀ ကျော်ကို ပို့ဆောင်ထားပြီးဖြစ်ကြောင်းသိရသည်။အဆိုပါ ကလေး-တမူး အာရှလမ်းမကြီးကို ပြန်လည်ထိန်းချုပ်ပြီး တည်ငြိမ်နိုင်သည့် အနေအထားရရှိလာပါက ကလေးမြို့နယ်တောင်ပိုင်း ကလေး-ဂန့်ဂေါ လမ်းပိုင်းကိုပါ ယခုကဲ့သို့ ပြန်လည်ထိန်းချုပ်နိုင်ရေးကို စစ်အုပ်စုက ဒုတိယမြောက်အစီအစဥ် (ပလန်) ဖြစ်လာနိုင်ကြောင်း သတင်းရင်းမြစ်က ပြောသည်။

"နတ်ချောင်း၊နတ်မြောင်းတွေမှာလဲ စစ်အုပ်စုတွေရှိနေကြသေးတယ်၊ ဒေသခံတော်လှန်ရေးအဖွဲ့တွေနဲ့ နယ်မြေပိုင်ဆိုင်မှုက သူ့တဝက် ကိုယ်တဝက်အနေအထားရှိနေပြီး စစ်အုပ်စုတပ်တွေကတော့ ယခုချိန်မှာ စစ်ရေးလှုပ်ရှားတာသိပ်မရှိဘူး အထက်အမိန့်တခုခုကို စောင့်ဆိုင်းနေတဲ့သဘောရှိတယ်" ဟု အဆိုပါ အမည်မဖော်လိုသည့် စစ်သတင်းရင်းမြစ်က ပြောသည်။

အစားထိုးရန်ပို့ဆောင်ပေးသည့် ရဲတပ်သား ၁၀၀၀ ကျော်အနက် တမူးလမ်းဖက်သို့ ၉၀၀ ခန့်ပို့ဆောင်မှာဖြစ်ပြီး ချင်းပြည်နယ်သို့ တပ်ရင်း တစ်ရင်းစာ ပို့ဆောင်မှာဖြစ်ကြောင်းသိရသည်။ထိုနေရာများမှ ပြန်ရုတ်သိမ်းခဲ့သည့် စစ်အုပ်စုတပ်သားအများစုကို မြန်မာတစ်နိုင်ငံလုံး၏ စစ်အုပ်စုတပ်သားများစုရပ်၊ ခွဲဝေရာ မိတ္ထီလာမြို့ တပ်မ ၉၉ သို့ပြန်လည်ခေါ်ယူထားကြောင်း၊ တပ်မ ၉၉၊ တပ်မ ၇၇ လက်အောက်ခံတပ်သားများနှင့် ပြည်သူ့စစ်မှုထမ်း (ပစ)အများစုပါဝင်ကြောင်း သိရပါသည်။

@မင်းဒဿ
#MRSN
Aug 12 , 8:36AM
#Threestarsmyaing
#7starmyaing
📬သတင်းပေးပို့ရန်
@myaing3starbot

⚠️ရေစကြိုနယ်

ရေစကြိုမြို့နယ်တောင်အိုခွေးဂိတ်မှ ခွေးများမှာ ခြံထဲတွင်အငြိမ်မနေဘဲ လက်နတ်ငယ်များ အဆက်မပျက်ရမ်းသမ်းပစ်ခတ်ဂျိုကျွနေကြောင်းသတင်းရရှိ။

Aug 12,8:38AM
#7starmyaing
📭သတင်းပေးပို့ရန်@myaing3starbot

⚠️ရေစကြိုနယ်

ရေစကြိုမြို့နယ်တောင်အိုခွေးဂိတ်မှ ခွေးများမှာ လက်နက်ငယ်များအနောက်မြောက်ဘက်နှင့်မြောက်ဘက်သို့အဆက်မပျက်ထပ်မံပစ်ခတ်နေကြောင်းသတင်းရရှိ။

Aug 12,8:56AM
#7starmyaing
📭သတင်းပေးပို့ရန်@myaing3starbot

ကျောက်ထုအမြောက်တပ်စစ်ကြောင်း ငလွန်းမှတဆင့် နသိုးရွာဖက်သို့ထွက်ခွာလာနေပြီး ပန်းဆန်ရွာကို ဦးတည်

သြဂုတ် ၁၂၊၂၀၂၆၊ ကျောက်ထု

ယောဒေသ ဆောမြို့နယ်၊ ကျောက်ထုမြို့ ၃၆၈ အမြောက်တပ်မှ ယနေ့နံနက် ၈ နာရီ ၃၀ မိနစ်ခန့်က ထွက်လာသည့် အင်အား ၆၀ ပါစစ်ကြောင်းသည် ယခု ၁၀ နာရီခန့်က ငလွန်းရွာကိုဖြတ်ကာ မြောက်ဖက် နသိုးရွာဖက်သို့ ထွက်ခွာသွားနေကြပြီး ထိုမှတဆင့် ပန်းဆန်ရွာကို သွားရောက်နိုင်ကြောင်းသိရသည်။

တပြင်းရွာမှ ထွက်လာသည့် အင်အား ၁၅၀ ခန့်ပါစစ်ကြောင်းသည် ယမန့်နေ့ညနေပိုင်းမှာ ပနိးဆန်-ကြီး-ရွှေအောင်သာ ကားလမ်းမကြီးအတိုင်း မြောက်ဖက်အရပ်သို့ အင်အား ၈၀ ခန့်သွားရောက်ခဲ့ပြီး ပန်းဆန်ရွာတွင် ကျန်အင်အား ၇၀ ခန့် ညအိပ်ရပ်နားခဲ့ကြောင်းသိရသည်။

ယခု ပန်းဆန်ရွာကိုဦးတည်ထွက်လာနေသည့် အင်အား ၆၀ ပါကျောက်ထုစစ်ကြောင်းသည် ပန်းဆန်တွင်ရောက်ရှိနေသည့် တပြင်းစစ်ကြောင်းကို ကြိုဆိုရန်လာရောက်သည်ဖြစ်နေသကဲ့သို့ ပူးပေါင်းကာ မြောက်ဖက် ကြီးရွာဖက်သို့ ဆက်လက်စစ်ကြောင်းထိုးနိုင်သည်ကို စောင့်ကြည့်နေဆဲ ဖြစ်ကြောင့် ဒေသတွင်း စစ်သတင်းရင်းမြစ်က ပြောသည်။

ကြီးရွာသို့ ယခင်ဇူလိုင်လ ၁၈ ရက်နေ့မှစ၍ အင်အား ၂၀၀ ကျော်ဖြင့်ရောက်ရှိနေသည့် ကျောက်ထုစစ်ကြောင်းသည် လက်ရှိအနေအထားတွင် အရာရှိ ၄ ဦးအပါ စစ်အုပ်စုတပ်သားအများအပြား အင်အားပြုန်းတီးမှုများဖြစ်ပေါ်နေခြင်းကြောင့် ယခုတပြင်းစစ်ကြောင်းကို ကြီးရွာတွင်ရောက်ရှိနေသည့် စစ်ကြောင်းအတွက် သွားရောက်အင်အားဖြည့်တင်းနိုင်ကြောင်း သတင်းရင်းမြစ်က ပြောသည်။

Vd- ပန်းဆန်ကိုသွားနေသည့် ကျောက်ထုစစ်ကြောင်း

#ပြုန်းတီး
#စစ်အုပ်စု

@မင်းဒဿ
ယောအလင်းတန်း
#MRSN
Aug 12 , 10:46AM
#Threestarsmyaing
#7starmyaing
📬သတင်းပေးပို့ရန်
@myaing3starbot

ကြီး စစ်ကြောင်းမှ ဒဏ်ရာရ စစ်အုပ်စုတပ်သားများကို ကျောက်ထုသို့ ပို့ဆောင်ပြီး တပြင်းစစ်ကြောင်းတပ်သားများဖြင့် ထပ်မံအင်အားဖြည့်

သြဂုတ် ၁၂၊၂၀၂၆၊ ကျောက်ထု

ယောဒေသ ဆောမြို့နယ်၊ကျောက်ထုမြို့နယ် ကြီးရွာတွင် ရောက်ရှိနေသည့် ဗိုလ်ကြီးဇော်သူရ စစ်ကြောင်းမှ ဒဏ်ရာရတပ်သားများကို ယနေ့ နေ့လည်ပိုင်းမှာ ကျောက်ထုမြို့ဖက်သို့ ပိုဆောင်ခဲ့ကြောင်း သိရသည်။ထို့အစားနှင့် ပြုန်းတီးအင်အားများအတွက် ယမန်နေ့ညက မိအယ်ရွာတွင်ညအိပ်ခဲ့သည့် တပြင်းစစ်ကြောင်းမှ တပ်သားများဖြင့် ထပ်မံအစားထိုးဖြည့်တင်းပေးခဲ့ကြောင်း သတင်းရင်းမြစ်က ပြောသည်။

" မိအယ်မြောက်ဖက်က နှော်ချောင်းတံတားမှာ အချိန်းပြောင်း လုပ်ကြတာပါ၊ ကြီးဖက်က အထမ်း ၉ ထမ်းနဲ့ တပ်သား ၅ ဦးရောက်လာပြီး မိအယ် (ပန်းဆန်-ကျောက်ထု)ဖက်ကလာတာက စစ်သား ၆၅ ဦးပါတယ်၊နောက်ပြီး ၃ ဘီးဆိုင်ကယ်တစီး၊နွားလှည်းတစီး၊ဆိုင်ကယ်တစီးနဲ့ လာကြိုတာပါ" ဟု အနီးကပ်သောင့်ကြည့်နေသည့် ဒေသတွင်းစစ်သတင်းရင်းမြစ်က ယောအလင်းတန်းကိုပြောသည်။

ကြီးစစ်ကြောင်းမှ ဒဏ်ရာရစစ်သည်များကို ယနေ့နေ့လည်ပိုင်းမီာ မိအယ်ရွာမြောက်ဖက် ဒေသအခေါ် နှော်ချောင်းတံတားမှာ ယမန်နေ့ညက မိအယ်ရွာတွင် ညအိပ်ခဲ့သည့် တပြင်းစစ်ကြောင်းမှ စစ်သည် ၆၅ ဦးဖြင့် ထပ်မံအစားထိုးအင်အားဖြည့်တင်းပေးခဲ့တာဖြစ်ကြောင်းသိရသည်။

ဒဏ်ရာရစစ်သည်များကို အထမ်း ၉ ထမ်းဖြင့် နှော်တံတားအထိ ပို့ဆောင်ပေးတာဖြစ်ပြီး ပန်းဆန်ရွာဖက်မှချောဆွဲခေါ်ယူလာသည့် ၃ ဘီးဆိုင်ကယ်တစ်စီး၊နွားလှည်းတစ်စီးတို့ဖြင့် ပြန်လည်တင်ဆောင်မောင်းနှင်သွားခဲ့ကြရာ ယခုအခါ ပန်းဆန်ရွာသို့ ပြန်လည်ရောက်ရှိနေပြီဖြစ်ကြောင်း သိရသည်။

ကျောက်ထုမြို့ ၃၆၈ အမြောက်တပ်မှ ယနေ့နံနက်ပိုင်းက ငလွန်းရွာမှတဆင့် နသိုးရွာဖက်ကိုထွက်လာကြိုသည့် အင်အား ၆၀ ပါစစ်ကြောင်းသည်လည်း ပန်းဆန်ရွာတွင်ရောက်ရှိနေကြပြီး ဖြစ်ကြောင်းနှင့် ကျောက်ထုမြို့ဖက်သို့ မည်သည့်လမ်းမှ ပြန်လည်ဝင်ရောက်မည်ကို မသိရသေးကြောင်း သတင်းရင်းမြစ်က ပြောသည်။

ပြီးခဲ့သည့်ရက်အနည်းငယ်က ယောချောင်းရေမြင့်တက်တိုက်စားမှုကြောင့် ပန်းဆန်-ဂုံဖိုကြားရှိ ပန်းဆန်တံတားသည် ရေစီးဖြင့်မျောပါထားခဲ့သည်ကြောင့် ကျောက်ထုမြို့ကို ယခုလာကြိုရာလမ်း နသိုး၊ငလွန်းဖက်အတိုင်း ပြန်ဝင်ရမည်ဖြစ်သကဲ့သို့ ယောချောင်းကို လက်ပသ်ကူးကာ ဂုံဖိုရွာဖက်မှလည်း ပြန်လည်ဝင်ရောက်နိုင်ကြောင်း သိရသည်။

တပြင်းရွာမှ ယမန်နေ့ကထွက်ခွာလာသည့် ဗိုလ်ကြီးသီဟအောင်၏အင်အား ၁၃၀ ကျော်ပါစစ်ကြောင်းသည် အထက်ဖော်ပြပါ အခြေအနေများအရ ကြီးရွာသို့ ၆၅ ဦးစေလွတ်အင်အားဖြည့်ပေးခဲ့ပြီးဖြစ်ကာ ကျန်အင်အားကို ကျောက်ထုမြို့ ၃၆၈ တပ်သို့သွားရောက်ပူးပေါင်းရမည်ဖြစ်ကြောင်း သိရသည်။

မေလ ၁၅ ရက်ကတည်းက အိုးအိမ်စွန့်ခွာထွက်ပြေးတိမ်းရှောင်နေခဲ့ကြရသည့် တပြင်းရွာပြည်သူများအနေဖြင့်လည်း မိမိတို့ရွာအတွင်းသို့ အစောတလျင်ဝင်ရောက်ခြင်းမပြုလုပ်ကြရန်နှင့် သက်ဆိုင်ရာအဖွဲ့အစည်းများ၏ ခွင့်ပြုချက်ရရှိမှာသာ ကျေးရွာအတွင်း ပြန်လည်ဝင်ရောက်ကြပါရန် ဒေသခံတော်လှန်ရေးတပ်ဖွဲ့များက မေတ္တာရပ်ခံသတိပေးထားကြောင်း သိရသည်။

#ဒဏ်ရာ
#စွန့်ခွာထွက်ပြေး
#ခွင့်ပြုချက်
#တော်လှန်ရေးတပ်ဖွံ

ပုံ-ယခုနှစ် ရေစီးဖြင့်မျောပါသွားသည့်ပန်းဆန်တံတား

@မင်းဒဿ
ယောအလင်းတန်း
#MRSN
Aug 12 , 4:43PM
#Threestarsmyaing
#7starmyaing
📬သတင်းပေးပို့ရန်
@myaing3starbot

စ-စ်-ရေး သတင်းထုတ်ပြန်ချက်..
၈ရက်၈လ၂၀၂၆ ခုနှစ်
ကျောက်ပန်းတောင်း နယ်အနောက်ခြမ်း ရှိကျေးရွားများအား မီးရှို့ဖျက်ဆီး၍ ပြည်သူပိုင်ဆိုင်ကယ်များကို အတင်းအဓမ္မ သိမ်းယူသွားသော စခ စစ်ကြောင်းသည် ကျောက်ပန်းတောင်းနယ် အနောက်ခြမ်း ကျားနေရိုင်းကျေးရွာသို့ အထိုင်ချရပ်နားချိန်တွင် T.T.A PDF Drone Team နှင့်
Ahnyar Myay Wings Drone တက်ဖွဲ့တို့ပူပေါင်း၍ ညနေ၃နာရီဝန်းကျင်တွင်Drop Boom
၈လုံးကျဲချတိုက်ခိုက်ခဲ့ပါသည် အဆိူပါတိုက်ခိုက်မှုတွင် စခ များ ထိခိုက်သေဆုံးမှုများရှိသဖြင့် တပ်ကူ ကား၉စီးဖြင့်လုံခြုံရေးယူ၍ ထုတ်ခေါ်သွားကြောင်းသိရပါသည်။
#T.T.A PDF Drone Team
#TaungtharNews

မြိုင်မြို့နယ်

မြိုင်မြို့နယ် အနောက်ခြမ်း ယာကြီးပြင်ကျေးရွာ အတွင်းသို့ ရောက်ရှိနေ‌သော အကြမ်းဖက် စစ်ခွေး/ပျုခွေး များသည် တောင်ဇုံ‌ကျေးရွာဘက်သို့ ဦးတည်ထွက်ခွာနေပြီး မှန်ရင်းကျေးရွာအတွင်းသို့ ရောက် ရှိနေသော ခွေးစစ်ကြောင်းမှာလဲ အနောက်တောင်ဘက်သို့ စတင်အထွက်ပြနေကြောင်းသိရ။

📡ရဲရင့်ဌာနေ...🦚မိုးကြိုးအင်အားစု🌿...ပြည်သူ့အကျိုးပြု လေကြောင်းကင်းထောက်/သတင်းမှန်ပြန်ကြားရေးအဖွဲ့ (မြိုင်)...။

#MRSN
Aug 12 ,5:25PM
#Threestarsmyaing
#7starmyaing
📬သတင်းပေးပို့ရန်
@myaing3starbot

ကိုယ် လျှောက်တဲ့လမ်းက
မှန်ကန်နေရင်
ကျန်ခဲ့တဲ့ခြေရာတောင်
သိက္ခာရှိတယ်...။

Aug 12,5:28PM
#7starmyaing
📭သတင်းပေးပို့ရန်@myaing3starbot//@ArrDanYso2234