မြိုင်🚨

ရှမ်းတဲလေတပ်တက် Y-12 Military Transport Aircraft (1)စီး မြိုင်နယ်အနောက်ခြမ်းတွင် ပျံဝဲ။

#NAS
Aug 3,  5:31PM

မြိုင်မြို့နယ်စစ်ကြောင်းနဲ့လေကြောင်းသတင်း
3.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
လက်ရှိအချိန်ထိ ယာကြီးပြင်ရွာမှာ ရှိနေပြီး

ယနေ့ညနေ 5:30 ဝန်းကျင်ကစပြီး
ယာကြီးပြင်ရွာနဲ့ အနီးတဝိုက်ရွာများအနီးကို
မိတ္ထိလာလေတပ်မှ Y 12 စစ်ထောက်ပို့
ဗုံးကြဲလေယာဉ်တစ်စီးဖြင့်
လေကြောင်းတိုက်ခိုက်မှုတွေ ပြုလုပ်နေတယ်လို့
ကနဦးသတင်း သိရပါတယ်။

အခြေအနေ အသေးစိတ် မသိရသေးပါ။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#လေကြောင်းတိုက်ခိုက်မှု
#MRSN
Aug 3 , 5:52 PM
#Threestarsmyaing
#7starmyaing
📬သတင်းပေးပို့ရန်
@myaing3starbot

(စစ်တပ် မီးရှို့ဖျက်ဆီးခဲ့တဲ့ မြိုင်မြို့နယ် ကျေးရွာတွေက နေအိမ်တွေ။ ဓာတ်ပုံ - အညာမြေအရပ်ဘက်လူမှုအဖွဲ့အစည်း-မြိုင်)

မြိုင်မြို့နယ်က စစ်တပ်စစ်ကြောင်း ဒေသခံတွေရဲ့ နေအိမ် ၂၀၀ ကျော် မီးရှို့ဖျက်ဆီး

ဩဂုတ်-၃၊၂၀၂၆။ဖိုးသား/People's Spring

မကွေးတိုင်း၊ မြိုင်မြို့နယ်က စစ်တပ်စစ်ကြောင်းဟာ ဒေသခံတွေရဲ့ နေအိမ်အလုံး ၂၀၀ ကျော် မီးရှို့ဖျက်ဆီးခဲ့ပြီး ယာကြီးပြင်ကျေးရွာမှာ တပ်စွဲထားတယ်လို့ အညာမြေအရပ်ဘက်လူမှုအဖွဲ့အစည်း-မြိုင် က ဒီကနေ့ ထုတ်ပြန်ပါတယ်။

ဒါ့အပြင် လက်နက်ကြီးတွေနဲ့ ရမ်းသမ်းပစ်ခတ် နေပြီး လေကြောင်းပစ်ကူတွေလည်း သုံးလာနိုင်တဲ့အတွက် ပတ်ဝန်ကျင်ကျေးရွာတွေ အထူးသတိထားနေကြဖို့ အသိပေးပါတယ်။

"ယာကြီးပြင် မြောင်းပြားတဝိုက်ရောက်နေတယ်။စစ် ကြောင်း ဘယ်ထပ်ရွှေ့မလဲ ဆိုတာ ဆက်လက်စောင့်ကြည့်နေဆဲပါ"လို့ ပခုက္ကူခရိုင် အမှတ်(၆) တပ်ရင်းတာ၀န်ရှိသူက ပြောပါတယ်။

အခု ဩဂုတ် ၁ ရက်က သင်းမကျေးရွာကနေ ပြန်ဆုတ်လာတဲ့စစ်‌တပ်စစ်ကြောင်းဟာ ဘောင့်ဘင်ကျေးရွာကို မီးရှို့ခဲ့ပြီး ဩဂုတ် ၂ရက် မနက်ပိုင်းမှာ ယာကြီးပြင်ကျေးရွာကို၀င်ရောက်ခဲ့တာလို့ ဆိုပါတယ်။

ဇူလိုင် ၁၃ ရက်ကစပြီး စစ်တပ်စစ်ကြောင်းဟာ ကန်နက်ရွာနဲ့အနီးတဝိုက်က နေအိမ် ၃၁လုံး၊ လက်ခုပ်ပင်ရွာက နေအိမ် ၂၉လုံး၊ ညောင်ကုန်း၊ကိုင်းတောမ ထန်းငယ်တောရွာတွေက နေအိမ် ၁၂ လုံး၊သင်းမရွာက နေအိမ် ၄၀ ကျော်နဲ့ ဘောင်ဘင် ရွာက နေအိမ်အလုံး ၉၀ ကျော်ကို မီးရှို့ခဲ့တယ်လို့ သိရပါတယ်။

"မနက်ကတည်းက ယာကြီးပြင် အနောက်ခြမ်းကို လက်နက်ကြီးတွေနဲ့ပစ်နေတာရှိတယ်။တိုက်ပွဲကတော့ အရမ်းပြင်းထန်တာမျိုးမဖြစ်သေးဘူး"လို့ မြိုင်မြို့ခံတော်လှန်ရေးရဲဘော် တစ်ဦးက ပြောပါတယ်။

ပြီးခဲ့တဲ့ ဇွန်လက ပေါက်နဲ့ မြိုင်မြို့နယ် ရေပြာရဲစခန်း၊ကုက္ကိုလ်စုနဲ့ သရက်ကန်ပြည်သူ့စစ်ရွာတွေကို တော် လှန်ရေးတပ်တွေသိမ်းပိုက်ခဲ့ပြီးနောက် စစ်တပ်က ပခုက္ကူတပ်မ ၁၀၁ ကနေ အင်အား ၆၀၀ ၀န်းကျင်နဲ့ နှစ်လအကြာ တန်ပြန်ထိုးစစ်ဆင်လာတာဖြစ်ပါတယ်။

"သေချာတာကတော့ စစ်ကြောင်းဟာ ယာကြီးပြင် လမ်းပိုင်းအတိုင်း ရေနံမြေထဲကို ဝင်ရောက်မယ်လို့ ယူဆရပါတယ်။ စစ်တပ်က စခန်းစွန့်ခဲ့ရတဲ့ စခန်းဟောင်းနေရာတွေကို အရင်ဦးဆုံး ဝင်မယ်လို့ ယူဆပါတယ်။ယခုစစ်ကြောင်းဟာ လပေါင်းများစွာကြာအောင် စစ်ကြောင်းထိုးနေမဲ့ စစ်ကြောင်းဖြစ်မယ်လို့ယူဆပါတယ်။ လက်လွတ်ရတဲ့ စခန်းတွေကို ထိုင်ဖို့လာတဲ့စစ်ကြောင်း မဖြစ်နိုင်ဘူးလို့ ယူဆပါတယ်။ လက်လွတ်ဆုံးရှုံးခဲ့ရတဲ့ စခန်းနေရာတွေရဲ့ ပထီအနေအထားတွေကို မြေပြင်ကွင်းဆင်းကြည့်တဲ့ စစ်ကြောင်း ဖြစ်မယ်လို့ယူဆပါတယ်"လို့ အညာမြေအရပ်ဘက်လူမှုအဖွဲ့အစည်း-မြိုင် တာ၀န်ရှိသူက ပြောပါတယ်။

အဲဒီစစ်ကြောင်းဟာ ၂လအတွင်း ပေါက်နဲ့မြိုင်နယ်က အရပ်သားပြည်သူ ၂၄ ဦး ကိုရက်စက်စွာ သတ်ဖြတ်ထားပါတယ်။

ဒါ့အပြင် ပေါက်နဲ့ မြိုင်ဒေသအစပ်က တော်လှန်ရေးတပ်တွေ ထိန်းချုပ်ထားတဲ့ရေနံတွင်းတွေဆီကို စစ်တပ်စစ်ကြောင်းဦးတည်ချင်တာလို့ စစ်ရေးသတင်းရင်း မြစ်တွေက သုံးသပ်ထားပါတယ်။

မြိုင်မြို့နယ် .....💠

မြိုင်မြို့နယ်ယာကြီးပြင်ရွာနှင့်တောင်စုံရွာသို့ရောက်ရှိနေသောခွေးစစ်ကြောင်းဟာလက်နက်ကြီးများနှင့်ယန်းတန်းပစ်ခက်နေပါသဖြင့်မိဘပြည်သူများအနေဖြင့်မိမိတို့အနားနီးရာတာဝန်ရှိသူများ၏ပြောကြားချက်များကိုလိုက်နာကြပါရန်အသိပေးအပ်ပါသည်။
ယာကြီးပြင်မှာ မှန်ရင်ရွာသို့ ရောက်ရှိနေသော စစ်ခွေးများသည် အရပ့်လေးမျာနာသို့ ‌လက်နက်ကြီးဖြင့် ရမ်းသမ်း ပြစ်ခက်‌နေကြောင်း သတင်းရရှိထားပါသည်။

ရပ်နီးရှိ မိဘပြည်သူများ ဘေးကင်းရာသို့ ရှောင်ရှားနေထိုင်ကျပါရန် အသိပေး ‌အကြောင်းကြားအပ့်ပါသည်။

Aug 3 ,6:44PM
#MyaingNewsChannel.....🦅

ThreeStarMyaing

7StarMyaing

📩သတင်းပေးပို့ရန်>@Myaing3star

သတင်းချန်နယ်ကြည့်ရှုရန်>https://t.me/https7starmyaing

သတင်းစကားဝိုင်း>https://t.me/+lG1a27nrqP0xYTA1

မြိုင်မြို့နယ်အတွင်းနောက်ဆုံးရသတင်းများ
3.8.2026

မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ ယာကြီးပြင်ရွာမှာပဲ
ရှိနေပါတယ်။

ယနေ့ညနေ 5:30 / 6:30 အတွင်းမှာ
စစ်ကြောင်းရောက်ရှိနေရာ
ယာကြီးပြင်ရွာနဲ့ အနီးတဝိုက်ကို
မိတ္ထိလာလေတပ်မှ Y 12 စစ်ထောက်ပို့
ဗုံးကြဲလေယာဉ်တစ်စီးဖြင့်
စုစုပေါင်း (12 ကြိမ် ဗုံးသီး 44 လုံး)
လေကြောင်းတိုက်ခိုက်မှု ပြုလုပ်ခဲ့တယ်လို့
သိရပြီး

ယနေ့ည 10:00 / 10:45 အတွင်းမှာလည်း
စစ်ကြောင်းရောက်ရှိနေရာ ယာကြီးပြင်ရွာသို့
မကွေးလေတပ်မှ E 20 စစ်ထောက်ပို့
လေယာဉ်တစ်စီးဖြင့် ခဲယမ်းရိက္ခာထုပ်တွေ
(9) ကြိမ်ခန့် ချပေးခဲ့တယ်လို့ သိရပါတယ်။

အဆိုပါ စစ်ကောင်စီတပ်များရဲ့ အန္တရာယ်ကြောင့်
မြိုင်မြို့နယ်အနောက်ပိုင်းမှ
ဒေသခံပြည်သူအများအပြား
နေရပ်စွန့်ခွာ စစ်ဘေးရှောင်နေရပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#လေကြောင်းတိုက်ခိုက်မှု
#MRSN
Aug 4 , 6:30 AM
#Threestarsmyaing
#7starmyaing
📬သတင်းပေးပို့ရန်
@myaing3starbot

⚠️ရေစကြိုနယ်

ဆင်ချောင်းပျူရွာမှထွက်လာသော ပျူခွေးအင်အား၂၀ခန့်ပါ ခွေးများမှာဆင်ချောင်းပျူရွာမှဘုန်းကြီးကကြောက်အားကြီးနေပြီးပျူခွေးအကောင်၂၀ခန့်အားကာကင်းယူကာလိုက်ပို့ပေးနေပြီးယခုစည်သာရွာစာသင်ချောင်းအနီးတွင်ရောက်ရှိနေကြောင်းသတင်းရရှိ။

Aug 4,10:15AM

#7starmyaing

📭သတင်းပေးပို့ရန်@myaing3starbot//@ArrDanYso2234

ကျောက်ထု အမတ ၃၆၈ တပ်ထဲမှ စခတွေ လှည်း(၃)စီး၊ဆိုက်တွဲတစ်စီးအပါအ၀င် ကြီးရွာဘက်ဦးတည်စစ်ကြောင်း‌ထွက်နေ။

၂၀၂၆ ခုနှစ် ဩဂုတ်လ ၄ ရက်

အမတ ၃၆၈ တပ်ထဲမှ စခအင်အား (၁၀၀)ခန့်ဟာ ပန်းဆန်ကျေးရွာသို့ ယနေ့မနက်မှာရောက်ရှိလာကာ ပန်းဆန်ကျေးရွာတွင်းမှ နွားလှည်း (၃)စီး၊ ဆိုက်တွဲ တစ်စီး ယူဆောင်ကာ မြောက်ဘက် ကြီးကျေးရွာဘက်သို့ ဦးတည်ထွက်ခွာသွားတယ်လို့သိရပါတယ်။ စခတွေဟာ ကျောပိုးအိတ်၊ခြင်းကြားတွေလဲပါ၀င်တာမို့ မိအယ်ကျေးရွာ၊နှော်ကျေးရွာ၊လယ်ဆောကျေးရွာနှင့် ရွာသာကျေးရွာဘက် မိဘပြည်သူများအနေဖြင့် စစ်ရေးအသိ၊စစ်ရေးသတိရှိကြပါရန် အသိပေးအပ်ပါတယ်။ လတ်တစ်လော စစ်ရေးအခြေအနေတွေအရ မိဘပြည်သူများအနေဖြင့် စခစစ်ကြောင်းနှင့် ဝေးရာနေရာတွေမှာသာ ရွေးချယ်နေထိုင်ကြပါရန် အသိပေးအပ်ပါတယ်။

Aung Gyi
ယောအလင်း တန်း
#MRSN
Aug4 ,10:41AM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်၊ ယာကြီးပြင်ရွာတွင် စစ်တပ်က ဆက်လက် တပ်စွဲထားပြီး အနီးအနားရွာများကို လေကြောင်းဖြင့် ဆက်တိုက် ဗုံးကျဲတိုက်ခိုက်၊

▪️စစ်တပ်က ကျေးရွာ ၇ ခုမှ နေအိမ် ၂၀၀ ကျော်ကို မီးရှို့ဖျက်ဆီးထား

ဩဂုတ်လ ၄ ရက်

မကွေးတိုင်း၊ မြိုင်မြို့နယ်၊ ယာကြီးပြင်ကျေးရွာတွင် စစ်တပ် စစ်ကြောင်းက ဆက်လက် တပ်စွဲထားပြီး အနီးအနားရှိ ကျေးရွာများကို လေကြောင်းဖြင့် ဆက်တိုက် ဗုံးကျဲ တိုက်ခိုက်နေကြောင်း ဒေသပြည်သူများ ပြောဆိုချက်နှင့် အညာမြေ အရပ်ဖက်လူမှုအဖွဲ့အစည်း-မြိုင် ထုတ်ပြန်ချက်အရ သိရသည်။

ဩဂုတ်လ ၃ ရက်နေ့ ညနေ ၅ နာရီ ၃၀ မိနစ်မှ စတင်ပြီး မိတ္ထိလာလေတပ်မှ တက်လာသော Y-12 လေယာဉ်က အကြမ်းဖက် စစ်တပ် တပ်စွဲထားသော ယာကြီးပြင်ကျေးရွာနှင့် အနီးတဝိုက် ကျေးရွာများကို ဗုံး ၃၃ လုံးဖြင့် လေကြောင်း တိုက်ခိုက်မှု ၁၂ ကြိမ် ပြုလုပ်ခဲ့ကြောင်း သိရသည်။

ထို့အပြင် ယမန်နေ့ ညပိုင်းကလည်း စစ်တပ် တပ်စွဲထားသော ယာကြီးပြင်ကျေးရွာအတွင်းသို့ မကွေးလေတပ်မှ တက်လာသော စစ်ထောက်ပို့ လေယာဉ် ၁ စီးက စစ်တပ် စစ်ကြောင်းကို ခဲယမ်းနှင့် ရိက္ခာထုပ်များ လာရောက်ကျဲချ ပို့ဆောင်ခဲ့ကြောင်း သိရှိရသည်။

အဆိုပါ စစ်ကြောင်းသည် ဇူလိုင်လဆန်းပိုင်းမှစတင်၍ မြိုင်မြို့နယ် အတွင်းရှိ ကျေးရွာအများအပြားကို ဆက်တိုက် မီးရှို့ဖျက်ဆီးခဲ့ရာ ဇူလိုင်လ ၁၃ ရက်နေ့မှ ဩဂုတ်လ ၂ ရက်နေ့အထိ နေအိမ်ပေါင်း ၂၀၀ ကျော်ကို မီးရှို့ပျက်စီးခဲ့ကြောင်း သိရသည်။

အကြမ်းဖက် စစ်တပ် စစ်ကြောင်းသည် ကန်နက်ရွာနှင့် တောတိုက်များကို ဇူလိုင်လ ၁၃ ရက်နေ့ ညပိုင်းတွင် နေအိမ် ၃၁ လုံးကို မီးရှို့ဖျက်ဆီးခဲ့ကြောင်း၊ လက်ခုပ်ပင်ရွာကို ဇူလိုင်လ ၁၃ ရက်နှင့် ၁၄ ရက်နေ့များတွင် မီးရှို့ခဲ့ပြီး နေအိမ် ၂၉ လုံး မီးလောင်ပျက်စီးခဲ့ကြောင်း၊ ညောင်ကုန်းရွာကို ဇူလိုင်လ ၁၅ ရက်နေ့တွင်မီးရှို့ခဲ့ပြီး နေအိမ် ၆ လုံး ပျက်စီးခဲ့ကြောင်း၊ ကိုင်းတောမရွာကို ဇူလိုင်လ ၁၅ ရက်နေ့တွင် မီးရှို့ခဲ့ပြီး နေအိမ် ၂ လုံး မီးလောင်ပျက်စီးခဲ့ကြောင်း၊ ထန်းငယ်တောရွာကိုလည်း ဇူလိုင်လ ၁၅ ရက်နေ့တွင် မီးရှို့ခဲ့ပြီး နေအိမ် ၄ လုံး ပျက်စီးခဲ့ကြောင်း သိရှိရသည်။

အလားတူ သင်းမရွာကိုလည်း ဇူလိုင်လ ၂၂ ရက်နေ့မှ ဩဂုတ်လ ၁ ရက်နေ့အထိ မီးရှို့ဖျက်ဆီးခဲ့ပြီး နေအိမ် ၄၀ ကျော် မီးလောင်ပျက်စီးခဲ့ကာ ဘောင်ဘင်ရွာကိုလည်း ဩဂုတ်လ ၂ ရက်နေ့တွင် စစ်တပ်က မီးရှို့ဖျက်ဆီးခဲ့ခြင်းကြောင့် နေအိမ် ၉၀ ကျော်အထိ မီးလောင်ပြာကျခဲ့ကြောင်း သိရသည်။

"စစ်ခွေးစစ်ကြောင်းကတော့ အခုထိတော့ ယာကြီးပြင်ရွာထဲမှာပဲရှိသေးတယ်။ ဘယ်ကို ဆက်ပြီး စစ်ကြောင်းထိုးမယ်ဆိုတာ မသိရသေးဘူး။ လေကြောင်းတိုက်ခိုက်မှုတွေကလည်း ဆက်တိုက်ကိုလုပ်နေပါတယ်" ဟု ဒေသပြည်သူတစ်ဦးက ပြောဆိုသည်။

လက်ရှိတွင် အဆိုပါ စစ်ကြောင်းသည် စစ်ရေးလှုပ်ရှားမှုနှင့် ရမ်းသမ်းပစ်ခတ်မှုများကြောင့် ပတ်ဝန်းကျင် ကျေးရွာများမှ ဒေသများသည် ဘေးလွတ်ရာသို့ တိမ်းရှောင်နေကြရပြီး လေကြောင်းရန်ကိုလည်း စိုးရိမ်ထိတ်လန့်နေကြရကြောင်း၊ အဆိုပါစစ်ကြောင်းသည် လေကြောင်းပစ်ကူများကို အမြောက်အမြား အသုံးပြုလေ့ရှိသည့်အတွက် ယာကြီးပြင်ကျေးရွာ အနီးပတ်ဝန်းကျင်ရှိ ကျေးရွာနေ ပြည်သူများအနေဖြင့် လေကြောင်းအန္တရာယ်ကို အထူးဂရုပြု စောင့်ကြည့်သတိထားကြရန် ဒေသတွင်း တော်လှန်ရေး အင်အားစုများက သတိပေး နှိုးဆော်ထားသည်။

#KTM
#HlaingInfo

မြိုင်⚠️

မြိုင်နယ် အရှေ့ခြမ်း ဖြတ်၍ တံတားဦးလေတပ်တက် ဂျက်ဖိုက်တာ ၁စီး အနောက်အရပ်သို့ ပျံသန်း။

#WaiHin
Aug 04, 08:38PM

မြိုင်⚠️

မြိုင်နယ် တောင်ခြမ်း ဖြတ်၍ တံတားဦး လေတပ်မှ ပထမ ဂျက်ဖိုက်တာ ၁ စီး အနောက်အရပ်သို့ ပျံသန်း။

#SAS
Aug 4, 08:40 PM

ရေစကြို⚠️

ရေစကြိုနယ် အရှေ့တောင်ခြမ်း ဖြတ်၍ တံတားဦး လေတပ်မှ ၂စီးမြောက် ဂျက်ဖိုက်တာ ၁ စီး အနောက်အရပ်သို့ ပျံသန်း။

#SAS
Aug 4, 08:40 PM

ပေါက်⚠️

ပေါက်နယ် ဖြတ်၍ တံတားဦး လေတပ်မှ ပထမ ဂျက်ဖိုက်တာ ၁ စီး အနောက်တောင်အရပ်သို့ ပျံသန်း။

#SAS
Aug 4, 08:42 PM

စစ်မှုထမ်းအမည်ခံ ပေါ်တာဆွဲအန္တရာယ် သတိပေးလက်ကမ်းစာစောင်များ ပခုက္ကူခရိုင်အတွင်း ဖြန့်ဝေပြီး ပြည်သူများ သတိရှိကြရန် NUG ကာကွယ်ရေးဝန်ကြီးဌာန တိုက်တွန်း

ဩဂုတ်လ ၄ ရက်

အကြမ်းဖက်စစ်ကောင်စီ၏ စစ်မှုထမ်းဥပဒေအမည်ခံ အတင်းအကျပ် ပေါ်တာဆွဲမှုအန္တရာယ်နှင့်ပတ်သက်၍ ပြည်သူများ ပိုမိုသတိပြုနိုင်စေရန်နှင့် မိမိကိုယ်တိုင်အပြင် မိသားစုဝင်များကိုပါ ကာကွယ်နိုင်စေရန် ရည်ရွယ်၍ ပညာပေးလက်ကမ်းစာစောင်များကို မကွေးတိုင်း၊ ပခုက္ကူခရိုင်အတွင်း ဖြန့်ဝေခဲ့ကြောင်း အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနက ဩဂုတ်လ ၃ ရက်နေ့တွင် ထုတ်ပြန်သည်။

အဆိုပါ လက်ကမ်းစာစောင်များကို NUG လက်အောက်ရှိ ပြည်သူ့ရင်ခွင် (People's Embrace) နှင့် ပြည်သူ့ကာကွယ်ရေးတပ်မတော် (PDF) တို့ ပူးပေါင်း၍ ဖြန့်ဝေခဲ့ခြင်းဖြစ်ကြောင်း သိရသည်။

စစ်ကောင်စီတပ် ထိန်းချုပ်ထားသော မြို့နှင့်ကျေးရွာများတွင် လူငယ်၊ လူရွယ်များ နေ့စဉ်ပျောက်ဆုံးမှုများ ဖြစ်ပေါ်နေပြီး အများစုမှာ အတင်းအကျပ် ပေါ်တာဆွဲခံရကာ နိုင်ငံတဝန်းရှိ ရှေ့တန်းစစ်မျက်နှာများသို့ ပို့ဆောင်ခံနေရကြောင်း ဖော်ပြထားသည်။

ထို့ပြင် စစ်မှုထမ်းဥပဒေအမည်ခံ လူဖမ်းဆီးစုဆောင်းမှုများသည် ရပ်ကွက်နှင့် ကျေးရွာအဆင့်အထိ လူကုန်ကူးမှုအသွင် ဖြစ်ပေါ်နေပြီး အခြေခံလူတန်းစားနှင့် လူလတ်တန်းစား မိသားစုများ၏ နေ့စဉ်လူမှုဘဝကို အကြီးအကျယ် ခြိမ်းခြောက်လာနေကြောင်းလည်း ဆိုသည်။

NUG ကာကွယ်ရေးဝန်ကြီးဌာနက အတင်းအကျပ် စစ်မှုထမ်းခိုင်းခံရသူများသည် စစ်မျက်နှာအသီးသီးတွင် ထိခိုက်သေဆုံးမှုများ ကြုံတွေ့နေရသည့်အပြင် နေ့စဉ် ပြည်သူ့ကာကွယ်ရေးတပ်ဖွဲ့များ (PDF)၊ ပြည်သူ့ကာကွယ်ရေးအဖွဲ့များ (ပကဖ) နှင့် တိုင်းရင်းသားတော်လှန်ရေးအဖွဲ့များ (ERO) ထံသို့ အလင်းဝင်ခြင်းနှင့် လက်နက်ချခြင်းများ ရှိနေကြောင်း ပြောဆိုထားသည်။

တော်လှန်ရေးအင်အားစုများအနေဖြင့် အတင်းအကျပ် စစ်မှုထမ်းခိုင်းခံရသူများကို ပစ်မှတ်ထားတိုက် ခိုက်ခြင်းမဟုတ်ဘဲ စစ်အာဏာရှင်စနစ်ကိုသာ ဦးတည်တော်လှန်နေခြင်းဖြစ်ကြောင်း၊ ဖိအားပေးခံရ၍ စစ်မှုထမ်းနေရသူများကို နားလည်စာနာပြီး အလင်းဝင်လာသူများကို နွေးထွေးစွာ ကြိုဆိုလျက်ရှိကြောင်းလည်း အသိပေးထားသည်။

ထို့အပြင် အကြမ်းဖက်စစ်တပ်ထံမှ ပြည်သူ့ရင်ခွင်သို့ ခိုလှုံလိုသည့် သန္ဓေစစ်သား၊ ပြည်သူ့စစ်မှုထမ်းများနှင့် ရဲတပ်ဖွဲ့ဝင်များအနေဖြင့်

Telegram – https://t.me/MyanmarPeople သို့မဟုတ် @MyanmarPeople
Signal – +66 96 884 7969
Viber – +66 96 884 7969
Facebook Messenger – ပြည်သူ့ရင်ခွင် (People's Embrace) သို့ ဆက်သွယ်နိုင်ကြောင်း တရားဝင် ထုတ်ပြန်ကြေညာထားသည်။

NUG ကာကွယ်ရေးဝန်ကြီးဌာနက အတင်းအကျပ် စစ်မှုထမ်းခိုင်းခံရသူများအနေဖြင့် အန္တရာယ်ကင်းစွာ ပြည်သူ့ရင်ခွင်သို့ ဆက်သွယ်အလင်းဝင်ကြရန်လည်း တိုက်တွန်းထားသည်။

#KTM
#HlaingInfo

4.8.2026
မြိုင်မြို့နယ်အနောက်ပိုင်း ယာကြီးပြင်ရွာမှာ
ရောက်နေတဲ့ စစ်ကောင်စီတပ်တွေဟာ
လက်ရှိအချိန်ထိ ယာကြီးပြင်ရွာမှာပဲ ရှိနေပါတယ်။

ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
အနီးတဝိုက်မှ ပြည်သူများ သတိဝရိယနဲ့
နေထိုင်ကြဖို့ လိုပါမယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 4 ,10:18PM
#Threestarsmyaing
#7starmyaing
📬သတင်းပေးပို့ရန်
@myaing3starbot