Aug 21

မြန်မာလူမျိုး ဗုဒ္ဓဘာသာဝင်တို့ရဲ့ နေ့ထူးနေ့မြတ်ဖြစ်တဲ့ ယနေ့ တော်သလင်းလဆန်း (၈)ရက်နေ့မှာ မြောင်မြို့နယ်၊ ဆွဲလဲအိုကျေးရွာ ဘုန်းတော်ကြီးကျောင်းမှာ ဥပုသ်သီတင်းစောင့်နေတဲ့ ပြည်သူတွေကို ရက်ရက်စက်စက်လေယာဉ်နဲ့ ဗုံ-းကြဲတဲ့ကိစ္စ
ကြားသိရတာ ရင်နာစရာသိပ်ကောင်းပါတယ်။

တိုင်းပြည်အုပ်ချုပ် မင်းလုပ်ချင်တဲ့သူက သာမန်ပြည်သူတွေကို အယုတ်မာဆုံးသ-တ်ဖြတ်ခြင်းဟာ လူမိုက်ဂိုဏ်း တစ်ခု၏ လုပ်ရက်သာဖြစ်တယ်၊ ဒါကြောင့် အကြမ်းဖက် စစ်တပ်နှင့် ထောက်ခံသူများအားလုံးအား ရှုတ်ချပါတယ်။

မင်းအောင်လှိုင်သည် ၎င်းဖြစ်ချင်သော အမြင့်ဆုံးဆန္ဒဖြစ်သည့် သမ္မတ (အတု) ဘဝ ပိုင်ဆိုင်ခဲ့ပြီးဖြစ်သလို ၊ ၎င်း ပြဌာန်းထားသော စစ်မှုထမ်းဥပဒေအရ လေးလေးစားစားလိုက်နာလိုခြင်းမရှိသော ပြည်သူ့ဆန္ဒများကို ဆန့်ကျင်ကာ နေအိမ်များအတွင်းထိ ကျူးကျူးလွန်လွန် လိုက်လံဆွဲခေါ်နေရတဲ့အထိ အဆုံးအစွန်ဘဝ ရောက်ရှိနေပြီဖြစ်သည်။

ထိုကဲ့သို့ အဆုံးအစွန်အထိလုပ်ပိုင်ခွင့်ရယူထားသော မင်းအောင်လှိုင်အဖို့ ဆက်လက်ပြီး ထပ်ရဖို့ရှိသည်မှာ ကျဆုံးမှုများသာ ဖြစ်ပေလိမ့်မည်။ ဤထက်ပို၍ မည်သည့်အရာမျှ ထပ်မံရဖွယ်မရှိတော့ပေ။

မတရားသောအမိန့်အာဏာအောက်တွင် စဉ်းစားဆင်ခြင်တုံတရား ကင်းမဲ့သော Non-CDM များသည်လည်း လောက၏ အပြစ်ပေးမှုများကိုသာထပ်မံရရှိဖွယ်ဖြစ်ပေလိမ့်မည်။

ရက်စက်ယုတ်မာသော စစ်အာဏာရှင်အကြမ်းဖက်အဖွဲ့အစည်း အမြန်ဆုံးကျရှုံးပါစေ....

လူထုလှုပ်ရှားမှု့ကော်မတီ တောင်သာ
#TaungtharNews

လေကြောင်းအန္တရာယ် သတိပေးချက်✈✈✈✈✈


မိဘပြည်သူများ​နှင့် တော်လှန်မိဘပြည်သူများ ခင်ဗျား
အာဏာသိမ်းစစ်ကောင်စီဟာ မိဘပြည်သူများနှင့်ရဟန်းရှင်၊လူ ၊ဘာမှမသိတဲ့တိရစ္ဆာန်တွေတောင်သတ်ဖြတ်နေတဲ့အကုသိုလ်ကောင်မင်းအောင်လှိုင်ဦးစီးနေတဲ့အကြမ်းဖက်စစ်တပ်၏ လေကြောင်းတိုက်ခိုက်မှုများကိုအတက်နိူင်ဆုံး မိဘပြည်သူများ မထိခိုက်စေရန် အသိပေးအပ်ပါသည်။

အောက်ပါအချက်များလိုက်နာကြပါရန်👇👇👇👇👇👇👇👇👇

မိမိတို့အရပ်ဒေသအတွင်းရှိ ဘောက်များနှင့်အသံချဲ့စက်များကျယ်လောင်စွာမဖွင့်ကြပါရန်နှင့်လေကြောင်းသတင်းနားစွန့်ကြပါရန်


စစ်ကောင်စီ၏လေတပ်များမှတက်လာသောjetfightများ၊Y12ဗုံးကြဲလေယာဥ်များ၊N410UVP-E20 စစ်ထောက်ပို့ဗုံးကြဲလေယာဥ်များနှင့် pramotor (စက်တပ်လေထီး)//Gyocopterများနှင့် ကာမီကာဇေအသေခံဒရုန်းများအား မိမိနယ်မြေမှဖြတ်သန်းသွားလာပါက သတိထားကြပြီးပေါ့ပေါ့ဆဆမနေကြပါရန်နှင့် မိမိနယ်မြေကျော်လွန်ပြီတိုပြီး သတိလက်လွှတ်​မနေကြပါရန် မိမိတို့၏နယ်မြေ ​လေကြောင်းကင်းထောက်များနှင့် ရပ်ကျေးအဖွဲ့အစည်းများ၏ ညွှန်ကြားမှုများလိုက်နာကြပါရန်အသိပေးအပ်ပါသည်။

Aug 21,9:13PM
#7StarMyaing

📭သတင်းပေးပို့ရန်@myaing3starbot

စစ်အုပ်စုတပ်သားများ ပုံတောင်ခြေရင်း ရေဖြူမှာ စုဖွဲ့မှုပြုလုပ်နေ

ကျင်းနတ်ထိပ်ရှိ စစ်အုပ်စုကာကင်းစခန်းလူအချိန်းပြောင်းပြုလုပ်လာနိုင်

သြဂုတ် ၂၁၊ ၂၀၂၆၊ ထီးလင်း

မကွေးတိုင်း ပေါက်မြို့နယ်အနောက်မြောက်ပိုင်း ၊ ပုံတောင်ခြေရင်းရှိ ရေဖြူကျေးရွာတွင် စစ်အုပ်စုဖက်မှ တပ်သားများစုဖွဲ့မှု ပြုလုပ်နေပြီး ထီးလင်းမြို့နယ် အရှေ့ပိုင်း ဒေသအခေါ် ကျင်းနတ်ထိပ်ရှိ စစ်ကာကင်းစခန်းကို လူအချိန်းအပြောင်းပြုလုပ် လာနိုင်ကြောင်း သိရသည်။

ယမန်နေ့သြဂုတ်လ ၂၀ ရက်နေ့က ပေါက်ကပစ ၂၄ မှထွက်လာခဲ့သည့် အင်အား ၁၀၀ ကျော်ပါ စစ်ကြောင်းသည် ယနေ့နေ့လည်ပိုင်းတွင် ရေဖြူရွာ အရှေ့ဖက်နားရှိ ကျောက်ခွဲစက်နားမှာ ယာယီရပ်နားချက်ပြုတ်စားသောက်ခဲ့ကြပြီး ယနေ့ညနေပိုင်းမှာ ရေဖြူရွာသို့ ဝင်ရောက်လာခဲ့ကြတာဖြစ်ကြောင်း သတင်းရင်းမြစ်ကပြောသည်။

"မနေ့က ကပစ ၂၄ ကနေ ချောင်းကူး၊ပစ်မ ဖက်ကအတိုင်းထွက်လာခဲ့ကြတာဖြစ်တယ်၊ အင်အား ၁၀၀ ကျော်ပါတယ်၊ ကျင်းနတ်ထိပ်က သူတို့ကာကင်းစခန်းကို လူချိန်းသွားမယ်လို့တော့ သိရတယ်" ဟု ဒေသတွင်းသတင်းရင်းမြစ်က ယောအလင်းတန်းကိုပြောသည်။

ထိုနောက် ယခုရက်ပိုင်းအတွင်း စစ်အုပ်စုတပ်သားများနှင့် ​စစ်မှုထမ်းတပ်သားသစ် (ပစ) များကို ပေါက်ကပစ ၂၄ တွင် အင်အား ၃၀၀ ခန့်စုစည်းရောက်ရှိထားပြီး ကပစ နှင့်အနီးဝန်းကျင်နေရာအချို့တွင်လည်း တပ်ဖြန့်ထားကြောင်း သတင်းရင်းမြစ်အရ သိရသည်။

ပြီးခဲ့သည့် သြဂုတ်လ ၁၇ ရက်နေ့ကလည်း ပေါက်ကပစ ၂၄ တွင်ရောက်ရှိနေငည့် စစ်သည်အင်အားအတွက် ဦးဆောင်လှုပ်ရှားနိုင်မည့် စစ်ကြောင်းမှူး အရာရှိတစ်ဦးကို ညောင်ဦးလေဆိပ်မှနေ၍ Mi 17 စစ်ထောက်ပို့ရဟတ်ယာဥ်ဖြင့် ကပစ ၂၄ ကိုပို့ဆောင်ပေးခဲ့ကြောင်း သိရသည်။

လက်ရှိ ယောဒေသ ဆောမြို့နယ်နှင့် ကျောက်ထုတိုက်နယ် နေရာများတွင် စစ်အုပ်စုစစ်ကြောင်းများဝင်ရောက်လှုပ်ရှားလျက်ရှိနေပြီး ဒေသခံ ပြည်သူ့တော်လှန်ရေးတပ်ဖွဲ့များနှင့် ထိတွေ့တိုက်ပွဲများ ဖြစ်ပွားနေသည်မှာ ၃ လကျော်အထိ ကြာမြင့်လာနေပြီး ဒေသခံပြည်သူများလည်း အိုးအိမ်စွန့်ခွာထွက်ပြေးတိမ်းရှောင်နေကြရဆဲ ဖြစ်ကြောင်း သိရသည်။

@မင်းဒဿ
ယောအလင်းတန်း
#MRSN
Aug 21 ,  9:24PM
#Threestarsmyaing
#7starmyaing
📬သတင်းပေးပို့ရန်
@myaing3starbot

🚨မြိုင်

ပေါက် (ကပစ-၂၄)တက် ခွေး Scout Drone(၂)စီး မြိုင်နယ် အနောက်ခြမ်းတွင်း ပျံဝဲနေ။

⏰9:28PM

မြိုင်မြို့နယ်အတွင်းနောက်ဆုံးရသတင်းများ
21.8.2026

ယနေ့နေ့လည် 11:40 ဝန်းကျင်က
မြိုင်မြို့နယ်အနောက်ပိုင်း
ဝဲတူး ရေနံမြေအနီးတဝိုက်ကို
ညောင်ဦးလေဆိပ်မှ Mi 35 တိုက်ခိုက်ရေး
ရဟတ်ယာဉ်တစ်စီးဖြင့်
လေကြောင်းတိုက်ခိုက်မှု (4) ကြိမ်ထက်မနည်း
ပြုလုပ်ခဲ့တယ်လို့ သိရပြီး

ယနေ့ညနေ 4:00 / 5:00 ဝန်းကျင်ကလည်း
မြိုင်မြို့နယ် အနောက်ပိုင်း တောင်စုံရွာကို
မိတ္ထိလာလေတပ်မှ Y 8 စစ်ထောက်ပို့
လေယာဉ်တစ်စီးဖြင့်
ခဲယမ်း ရိက္ခာနဲ့ စစ်သုံးပစ္စည်းတွေ
(11) ကြိမ်ခန့် ချပေးသွားတယ်လို့ သိရပါတယ်။

မြိုင်မြို့နယ်အနောက်ပိုင်း တောင်စုံရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ တောင်စုံရွာနဲ့
အနီးတဝိုက်မှာပဲ ရှိနေပါတယ်။

နောက်ရက် ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
မြိုင်မြို့နယ်အနောက်ပိုင်းမှ မိဘပြည်သူများ
စစ်ကြောင်းသတင်းများကို နားစွင့်ပြီး
သတိဝရိယနဲ့ နေထိုင်ကြဖို့
အသိပေးအပ်ပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 22 ,  5:42AM
#Threestarsmyaing
#7starmyaing
📬သတင်းပေးပို့ရန်
@myaing3starbot

⚠️ပခုက္ကူ

ပခုက္ကူတပ်မ ၁၀၁ ခွေးခြံမှထွက်ခွာလာသော အင်အား(၁၂၀)ခန့်ပါ စခစစ်ကြောင်းမှာလယ်ယာကျေးရွာမှ အနောက်မြောက် ဘတ်သို့ စတင်ထွက်ခွာနေကြောင်းသိရပါတယ်..

🇼🇸မြိုင်🦚ဒေါင်းမင်းမြေပြင်သတင်းမှန်ပြန်ကြားရေးအဖွဲ့
🛰
#MRSN
Aug 22  ,  8:00AM
#Threestarsmyaing
#7starmyaing
📬သတင်းပေးပို့ရန်
@myaing3starbot

စစ်အုပ်စုက ကျောက်ထုအမြောက်တပ်ကို ရိက္ခာ၊ခဲယမ်းထုပ်များချပေး

လေကြောင်းတိုက်ခိုက်မှုများကိုပါ ရက်ဆက်ပြုလုပ်နေ

သြဂုတ် ၂၂၊၂၀၂၆၊ ကျောက်ထု

စစ်အုပ်စုက မကွေးတိုင်း ယောဒေသ ကျောက်ထုမြို့ ၃၆၈ အမြောက်တပ်ကို ရိက္ခာ၊ခဲယမ်းထုပ်များ ချပေးခဲ့ကြောင်းသိရသည်။

မိတ္ထီလာရှမ်းတဲလေးလေတပ်မှ ပျံသန်းလာသည့် Y 8 စစ်ထောက်ပို့လေယာဥ်တစ်စီးဖြင့် ယနေ့နံနက် ၉ နာရီ ၅၅ မိနစ်ကနေ ၁၁ နာရီခန့်အထိ အချိန် ၁ နာရီကြာပျံဝဲပြီး ကျောက်ထုမြို့ ၃၆၈ တပ်ကို ရိက္ခာနှင့် လက်နက်ခဲယမ်းထုပ်များ ချပေးခဲ့ကြောင်းသိရသည်။

" လေယာဥ်ပေါ်ကနေ လေထီးတွေနဲ့ချပေးတာပါ၊ အထုပ်ရေတောများတယ်၊ အရေအတံက်တိကျတော့မသိရဘူး၊ မနေ့ညကလဲ ကြီးရွာမြောာက်ဖက်အရပ်တွေကို ဂျက်ဖိုက်တာ ၂ စီးနဲ့ ဗုံးကြဲသွားသေးတယ် " ဟု ဒေသတွင်း သတင်းရင်းမြစ်က ယောအလင်းတန်းကို ပြောသည်။

ယနေ့နံနက် ကျောက်ထုမြို့ ၃၆၈ အမြောက်တပ်ကို ရိက္ခာနှင့် လက်နက်ခဲယမ်းထုပ်၊ အထုပ်ရေ ၈၀ ထက်မနည်းချပေးခဲ့ကြောင်းသိရသည်။

ထို့နောက် ယမန့်နေ့ည၊ ညသန်းခေါင်အချိန် ၁၂ နာရီဝန်းကျင်မှာလည်း စစ်အုပ်စုက ကျောက်ထုနယ် ကြီးရွာနှင့် ရွှေအောင်သာရွာကြားနေရာတွေကို ဧလာလေတပ်မှ ပျံသန်းလာသည့် YAK- 130 ဂျက်ဖိုက်တာ ၂ စီးဖြင့် ဗုံးကြဲချ တိုက်ခိုက်ခဲ့သေးကြောင်း သိရသည်။

ဆောနယ်၊ကျောက်ထုနယ် အပါဝင် ယောနယ်တောင်ပိုင်းနေရာများကို စစ်အုပ်စုဖက်မှ မြေပြင်စစ်ကြောင်းနှင့် ဝေဟင်က လေကြောင်းပစ်ကူမျာ ဖြင့်ပါ စစ်ရေးလှုပ်ရှားမှုများကို နေ့စဥ်ရက်ဆက်ပြုလုပ်နေတာကြောင့် ဒေသခံများအနေဖြင့် စစ်ရေးသတိအမြဲရှိနေပေးရန် လိုအပ်လျက်ရှိကြောင်း စစ်သတင်းရင်းမြစ်က ပြောသည်။

#ဗုံးကြဲချတိုက်ခိုက်
#လက်နက်ခဲယမ်း
#စစ်ရေးသတိ

@မင်းဒဿ
ယောအလင်းတန်း
#MRSN
Aug 22  ,  12:03PM
#Threestarsmyaing
#7starmyaing
📬သတင်းပေးပို့ရန်
@myaing3starbot