မိတ္ထီလာကထွက်လာသည့် တပ်မ ၇၇ ၏ ၃၀ စီးပါစစ်ကားတန်း ချောက် ခလရ ၁၃ မှာရောက်နေ

ယောနယ်တွင်းဝင်ရောက်လာနိုင်ပြီး ချင်းပြည်တောင်ပိုင်းသို့ ဆက်လက်ဝင်ရောက်နိုင်

သြဂုတ် ၁၇၊၂၀၂၆၊ ယောအလင်းတန်း

တပ်မ ၇၇ မှတပ်သားများကိုတင်ဆောင်ထားသည့် Sinotruck စစ်ကားကြီး ၃၀ စီးသည် ယခုအခါ ချောက်မြို့ခလရ ၁၃ တပ်တွင်ရောက်ရှိနေကြောင်း စစ်သတင်းရင်းမြစ်များအရ သိရသည်။

ထိုကားတန်းသည် မန္တလေးတိုင်း မိတ္ထီလာမြို့မှ ယခုသြဂုတ်လ ၁၆ ရက်နေ့ နေ့လည် ၂ နာရီ ၃၅ မိနစ်ခန့်က ကျောက်ပန်းတောင်းမြို့ဖက်သို့ စတင်မောင်းနှင်ထွက်ခွာလာခဲ့ကြတာဖြစ်ကြောင်း သိရသည်။

ယခုအခါ ၃၀ ကားစီးပါ တပ်မ ၇၇ ကားတန်းသည် မကွေးတိုင်း ချောက်မြို့ ခလရ ၁၃ တွင်ဝင်ရောက်နားခိုနေကြောင်းသိရပြီး ထိုမှတဆင့် ဆိပ်ဖြူနှင့် ပေါက်မြို့နယ်များကိုဖြတ်သန်းကာ ယောဒေသကို ခြေကုပ်ယူလျက် ချင်းပြည်နယ်တောင်ပိုင်း (မင်းတပ်၊ကန်ပက်လက်)နယ်များသို့ စစ်ရေးလှုပ်ရှားမှုများ ပြုလုပ်လာနိုင်ကြောင်း စစ်သတင်းရင်းမြစ်မှ သုံးသပ်ထားပါသည်။

သတင်းများကို ယောအလင်းတန်းအနေဖြင့် ဆက်လက်အတည်ပြုစုံစမ်းနေဆဲ ဖြစ်ပါသည်။

Vd- စစ်အုပ်စု၏စစ်ကားများ (အဟောင်း)

@မင်းဒဿ

#7starmyaing
📩သတင်းပေးပို့ရန်
@Myaing3star

မြိုင်မြို့နယ်စစ်ကြောင်းသတင်း
17.8.2026

မြိုင်မြို့နယ်အနောက်ပိုင်း တောင်စုံရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ တောင်စုံရွာနဲ့
အနီးတဝိုက်မှာပဲ ရှိနေပါတယ်။

ဘယ်အချိန် ဘယ်ကို ထွက်ပြီး
စစ်ကြောင်းထိုးမလဲ မသိရတာကြောင့်
စစ်ကြောင်းရောက်ရှိနေရာ
မြိုင်မြို့နယ်အနောက်ပိုင်းမှ မိဘပြည်သူများအားလုံး
သတိဝရိယနဲ့ နေထိုင်ကြဖို့ လိုပါမယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 18 ,  2:29AM
#Threestarsmyaing
#7starmyaing
📬သတင်းပေးပို့ရန်
@myaing3starbot

စစ်အုပ်စုက ဆောနယ်နှင့် ကျောက်ထုနယ်များကို လေကြောင်းကနေ အဆမတန်ဖိအားပေးတိုက်ခိုက်နေ

ဆောနယ်တွင် အထုပ်ချပေးနေစဥ်အတွင်း ဂျက်ဖိုက်တာဖြင့်ကာဗာပေး တိုက်ခိုက်

သြဂုတ် ၁၈၊ ၂၀၂၆၊ ဆော-ကျောက်ထု

စစ်အုပ်စုဖက်က မကွေးတိုင်း ယောဒေသ ဆောမြို့နယ်နှင့် ကျောက်ထုမြို့တိုက်နယ်အတွင်း နေရာများကို နေ့စဥ်ရက်ဆက် လေကြောင်းကနေ အဆမတန်ဖိအားပေး တိုက်ခိုက်နေကြောင်းသိရသည်။

ယနေ့နံနက် ၉ နာရီ ၅၂ မိနစ်ခန့်က ဆောမြို့နယ်တနေရာကို မိတ္ထီလာရှမ်းတဲလေးလေတပ်မှပျံသန်းလာသည့် Y 8 စစ်ထောက်ပို့လေယာဥ်တစ်စီးဖြင့် စစ်အုပ်သုတပ်သားများအတွက် အထုပ်ချပေးနေစဥ်၊ ၁၀ နာရီ ၂၀ မိနစ်ခန့်မှာ ဂျက်ဖိုက်တာတစ်စီး ရုတ်တရက်ရက်ရောက်ရှိလာပြီး လေကြောင်းကနေ Y 8 လေယာဥ်အတွက် ကာဗာပေး လေကြောင်းတိုက်ခိုက်မှုပြုလုပ်သွားကြောင်းသိရသည်။

ထို့နောက် ယမန်နေ့ည ၁၁ နာရီ ၃၁ မိနစ်ခန့်က တစ်ကြိမ်၊ နောက် ၁၁ နာရီ ၄၁ မိနစ်နှင့် ၁၁ နာရိ ၄၄ မိနစ်တို့တွင် တံတားဦးလေတပ်မှ ရှေ့ဆင့်နောက်ဆင့် ပျံသန်းလာခဲ့ကြသည့် YAK -130 ဂျက်ဖိုက်တာ ၂ စီးဖြင့် ကျောက်ထုမြို့တိုက်နယ် ကြီးရွာနှင့် ရွေအောင်သာရွာ (မင်းတပ်မြို့နယ်)ကြားကို လေကြောင်းတိုက်ခိုက်မှု ၃ ကြိမ်ပြုလုပ်ခဲ့ကြောင်း သိရသည်။

ယမန်နေ့ည၊ ယနေ့နံနက်အစောပိုင်း ၁၂ နာရီ ၁၁ မိနစ်ခန့်ကနေ ၁ နာရီခန့်အထိ ကျောက်ထုတိုက်နယ် ကြီး-ရွှေအောင်သာကြားနေရာကိုပင် မိနစ် ၅၀ ခန့်ကြာပျံဝဲပီး ဗုံးအလုံးရေ ၆၀ ခန့် ကြဲချတိုက်ခိုက်ခဲ့ကြောင်းသိရသည်။

အလားတူ ယမန်နေ့သြဂုတ်လ ၁၇ ရက်နေ့ နေ့လည် ၁၂ နာရီခန့်ကလည်း ယောဒေသ ဂန့်ဂေါမြို့နယ်နှင့် ထီးလင်းမြို့နယ်မြောက်ပိုင်း ထိစပ်နယ်တနေရာကို တံတားဦးလေတပ်မှ ပျံသန်းလာကြသည့် ဂျက်ဖိုက်တာ ၂ စီးဖြင့် အကြောင်းမဲ့ ဗုံး ၄ လုံးကြဲချတိုက်ခိုက်ခဲ့ကြောင်း သိရသည်။

ယခုရက်ပိုင်းတွေမှာ စစ်အုပ်စုဖက်မှ ဆောမြို့နယ်အပါဝင် ယောဒေသများကို လေကြောင်းဖြင့် အဆမတန်ဖိအားပေးတိုက်ခိုက်နေတာကြောင့် ပြည်သူများ၊ပြည်သူ့တော်လှန်ရေးအဖွဲ့များအနေဖြင့် ကြိုတင်သတိထားနိုင်ကြရန် လိုအပ်ကြောင်း ဒေသခံ စစ်ရေးသတင်းရင်းမြစ်က ပြောပါသည်။

@မင်းဒဿ
ယောအလင်းတန်း
#MRSN
Aug 18 ,  11:21AM
#Threestarsmyaing
#7starmyaing
📬သတင်းပေးပို့ရန်
@myaing3starbot

🚨ရေစကြိုမြို့နယ်

ရေစကြိုမြို့နယ် ပခန်းကြီးရဲစခန်းမှ ရဲကွန်မန်ဒိုခွေးများမှလက်နက်ငယ်များအဆက်မပျက်ရမ်းသမ်းပစ်ခက်နေပါကြောင်းသတင်းရရှိ။

Aug 18,10:18PM
#7starmyaing

မြိုင်မြို့နယ်စစ်ကြောင်းသတင်း
18.8.2026

မြိုင်မြို့နယ်အနောက်ပိုင်း တောင်စုံရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ ကားတန်းက
တောင်စုံရွာမှာပဲ ရှိနေပြီး ရှေ့ပြေးတချို့ဟာ
တောင်စုံရွာရဲ့အနောက်တောင်ဘက်
တောတိုက်တွေမှာ ရောက်ရှိထားတယ်လို့
သိရပါတယ်။

နောက်ရက် ဘယ်ကိုဆက်ပြီး စစ်ကြောင်းထိုးမလဲ
မသိရတာကြောင့်
စစ်ကြောင်းရောက်ရှိနေရာ
မြိုင်မြို့နယ်အနောက်ပိုင်းမှ မိဘပြည်သူများအားလုံး
သတိဝရိယနဲ့ နေထိုင်ကြဖို့
အသိပေးအပ်ပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 19 ,  12:12AM
#Threestarsmyaing
#7starmyaing
📬သတင်းပေးပို့ရန်
@myaing3starbot

ပခုက္ကူ⚠️

ပခုက္ကူ တပ်မ ၁၀၁ မှ စက်တပ်လေထီး(paramotor) ၁စီး ပျံတက်။

#SAS
Aug 19, 6:54 AM

မလှိုင်နယ်🐕စစ်ကြောင်းသတင်း

🔺19 Aug 🔺 10:15 am

ကျောက်တန်းရွာရောက် အင်အား ၅၀၀ ခန့်ပါ 🐕စစ်ကြောင်းရှေ့ပြေးအဖွဲ့သည် အရှေ့ဖက် မုံပင်ကျေးရွာသို့ ရောက်ရှိနေသည်ဟု ကနဦး သတင်းရရှိပါတယ်။

မလှိုင်မှကျောက်တန်းအထွက် လမ်းတွင်လည်း ကင်းပုန်းဂိတ်ချထားဟု သိရပါတယ်

ပြည်သူများဂရုစိုက်ကြပါ

လူထုသတင်းကွန်ယက် မလှိုင်မြို့
#TaungtharNews

ဆောမြို့နယ်တွင် တိုက်ပွဲများ ဖြစ်ပွားပြီးနောက် တော်လှန်ရေးတပ်က နယ်မြေရှင်းလင်းရေး ပြုလုပ်စဉ် လက်နက်မျိုးစုံ ၁၀ လက် သိမ်းဆည်းရရှိ

မကွေးတိုင်း၊ ဆောမြို့နယ်အတွင်း ဖြစ်ပွားခဲ့သည့် တိုက်ပွဲအပြီး နယ်မြေရှင်းလင်းရေး ဝင်ရောက်ရာတွင် စစ်ခွေးတပ်ထံမှ MA-1 သေနတ် ၅ လက်၊ MA-2 သေနတ် ၁ လက်၊ MA-3 သေနတ် ၂ လက်၊ RPG-7 စိန်ပြောင်း ၁ လက်၊ ၆၀ မမ စိန်ပြောင်း ၁ လက် ၊ 5.56 ကျည် ၁၃၉ တောင့် နှင့် G3 ကျည် ၁၀၉ တောင့် တို့ သိမ်းဆည်းရရှိခဲ့ကြောင်း သိရှိရသည်။

အကြမ်းဖက် စစ်ခွေးတပ်သည် စစ်ကြောင်းထိုးရာ လမ်းတစ်လျှောက်ရှိ အရပ်သား ပြည်သူများ၏ အသက်အိုးအိမ် စည်းစိမ်များကို မီးရှို့ဖျက်ဆီးခြင်း၊ လုယက်ခြင်းနှင့် သတ်ဖြတ်ခြင်းများ မပြုလုပ်နိုင်ရန်အတွက် PDF ခရိုင်စစ်ဌာနများနှင့် တပ်ရင်းတပ်ဖွဲ့များက ဆောမြို့နယ်အတွင်း ကာလရှည် ခုခံတိုက်ခိုက်လျက်ရှိကြောင်း သိရှိရသည်။

ထို့အပြင် ဆောမြို့နယ် တိုက်ပွဲများအတွင်း စစ်ခွေးဘက်မှ အဓမ္မ ပေါ်တာဆွဲခံရပြီး ပါလာသည့် တပ်သားများအနေဖြင့် မိသားစုနှင့် ပြန်လည်ဆုံတွေ့လိုပါက အမြန်ဆုံး အလင်းဝင်ရောက်ကြရန် မကွေးတိုင်းစစ်ဌာနက သတိပေးထားသည်။ အလင်းမဝင်ဘဲ တိုက်ပွဲအတွင်း ရင်ဆိုင်တွေ့ရှိပါက ချေမှုန်းသွားမည်ဖြစ်ကြောင်း အသိပေးထားသည်။

“မလုပ်ပါနဲ့ သားရယ်…”
=================================

ကြောက်ရွံ့တုန်လှုပ်နေသော အဒေါ်ကြီးသည် လက်နောက်ပြန်ချည်နှောင်ခံထားရသည့်အကြားမှ မျက်ရည်များဝဲလျက် လူဆိုးများကို တိုးလျှိုးတောင်းပန်နေရှာသည်။

“မလုပ်ပါနဲ့ သားရယ်…၊
ငါ့သားမေးတာ အန်တီ အကုန်ဖြေပါ့မယ်...။”

သူမ၏အသံထဲတွင် အသက်ရှင်လိုသည့် မျှော်လင့်ချက်၊ သားသမီးများကို ပြန်တွေ့လိုသည့် ဆန္ဒနှင့် မိသားစုအပေါ်ထားသည့် မေတ္တာတို့ ရောနှောနေခဲ့သည်။ သို့သော် ထိုတောင်းပန်သံသည် ကြမ်းတမ်းသောနှလုံးသားများရှေ့တွင် မည်မျှပင် နူးညံ့ပါစေ အဖြေမရခဲ့ပေ။

တစ်ချိန်က မိသားစုအတွက် အားထားရာဖြစ်ခဲ့သူတစ်ဦး၏ နောက်ဆုံးအချိန်သည် ထိုသို့သော ကြောက်ရွံ့ဝမ်းနည်းမှုများကြားတွင် ဖြတ်သန်းသွားခဲ့ရရှာသည်။

“မလုပ်ပါနဲ့ သားရယ်…” ဟူသော နောက်ဆုံးတောင်းပန်သံသည်ပင် သူမ၏ မပြောဖြစ်တော့သော စကားများအားလုံးကို ကိုယ်စားပြုနေသကဲ့သို့ ဖြစ်နေသည်။

ဤမှတ်တမ်းသည် လူ့အသက်၏တန်ဖိုး၊ အကြမ်းဖက်မှု၏ နာကျင်ဖွယ်အကျိုးဆက်နှင့် အပြစ်မဲ့သူတစ်ဦး၏ နောက်ဆုံးကြောက်ရွံ့မှုကို မမေ့ပျောက်စေရန် ဝမ်းနည်းကြေကွဲစွာ မှတ်တမ်းတင်ထားခြင်း ဖြစ်ပါသည်။

ငြိမ်းချမ်းရေးနှင့် သစ္စာတရား တောင်းဆုပြုလွှာ
--------------------------------------------------------------
"ဤကမ္ဘာမြေပြင်ပေါ်တွင် အကြမ်းဖက်မှုဟူသမျှ လုံးဝချုပ်ငြိမ်းကြပါစေ။
လူသားချင်း စာနာထောက်ထားမှု၊ မေတ္တာတရားနှင့် သည်းခံခြင်းတို့ဖြင့် သာယာဝပြောသော လူ့ဘောင်အသိုက်အဝန်းကို တည်ဆောက်နိုင်ကြပါစေ။"
"မျက်စိဒဏ်ရာ၊ ရင်နာစရာဖြစ်စေမည့် မည်သည့်အနိဋ္ဌာရုံဆိုးများကိုမျှ မမြင်ရ၊ မတွေ့ကြရဘဲ၊ အမြဲတမ်း ဘေးဥပဒ်ကင်းရှင်း၍ ငြိမ်းချမ်းသာယာသော ဘဝများကို ပိုင်ဆိုင်နိုင်ကြပါစေ။"
"ပြည်သူအပေါင်းတို့၏ စိတ်နှလုံးသည် ငြိမ်းချမ်းခြင်း၊ လုံခြုံခြင်းတို့ဖြင့် အစဉ်ပြည့်ဝလျက် ကောင်းမွန်သောအနာဂတ်ကို လျှောက်လှမ်းနိုင်ကြပါစေခဗျာ...။"

ဝမ်းနည်းခြင်းများစွာဖြင့် - သျှင်ပျို(ဉာဏပဒေသာ)

#အသိပညာရေးဆိုင်ရာပရဟိတဖောင်ဒေးရှင်း
#သျှင်ပျို_ဉာဏပဒေသာ #ဉာဏပဒေသာ

⚠️မြေပြင်

မြင်းခြံ - မကွေးတိုင်း

ကနီဆိပ်ကမ်းမှချင်းတွင်းမြစ်ကြောင်းအတိုင်း စုန်ဆင်းလာသော စစ်သင်္ဘောသုံးစီးနှင့် ကျောက်စိမ်းတင်ဖလက်ခွံ(၂၄)စီးပါ ရေယာဉ်အုပ်စု၏ရှေ့ပြေးပွိုင့်မှာ မြင်းခြံ ဆိမ့်ညံကမ်း၌ရပ်နားကြောင်း သတင်းရရှိ။

#WES 7:36pm, Aug 19

🚨ရေစကြိုမြို့နယ်

စစ်ခွေးပြီး သူခိုးသတိထားရန်

ပခန်းကြီးနယ်မြေရဲစခန်းရှိ့ပြီးပခန်းကြီးမြို့ဟောင်းအတွင်းရှိဆိုင်ကယ်သူခိုးဖုန်းသူခိုးများအိမ်အတွင်းထဲထိတအားခိုးယူသောင်းကြမ်းနေပါကြောင်းသတင်းရရှိ။

Aug 19,8:46PM
#7starmyaing
📭သတင်းပေးပို့ရန်@myaing3starbot

မြိုင် ⚠️

မြိုင်နယ် အနောက်ခြမ်းတစ်နေရာတွင် ကင်းထောက်ဒရုန်း (Scout Drone) ၁စီး ပျံဝဲနေ။

#WaiHin
Aug 19, 08:52 PM
#7starmyaing

မြိုင်မြို့နယ်စစ်ကြောင်းသတင်း
17.8.2026

မြိုင်မြို့နယ်အနောက်ပိုင်း တောင်စုံရွာမှာ
ရောက်နေတဲ့ ကားတန်းနဲ့ စစ်ကောင်စီတပ်တွေဟာ
ယနေ့ညဦးပိုင်းအချိန်ထိ တောင်စုံရွာနဲ့
အနီးတဝိုက်မှာပဲ ရှိနေပါတယ်။

ဘယ်အချိန် ဘယ်ကို ထွက်ပြီး
စစ်ကြောင်းထိုးမလဲ မသိရတာကြောင့်
စစ်ကြောင်းရောက်ရှိနေရာ
မြိုင်မြို့နယ်အနောက်ပိုင်းမှ မိဘပြည်သူများအားလုံး
သတိဝရိယနဲ့ နေထိုင်ကြဖို့ လိုပါမယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Aug 19 ,  11:32PM
#Threestarsmyaing
#7starmyaing
📬သတင်းပေးပို့ရန်
@myaing3starbot