တိုက်ပွဲသတင်းထုတ်ပြန်ချက်

၂၀၂၆ခုနှစ် ၊ ဩဂုတ်လ ၊ ၁၅ ရက် ။

အကြမ်းဖက်စစ်ကောင်စီသည် မကွေးဒေသ/ယူနစ်တွင်းတို့ အင်အား(၅၀၀ခန့်) အလုံးအရင်းဖြင့် လူသတ်မီးရှို့အကြမ်းဖက်ရန် ဝင်ရောက်လျှက်ရှိရာ ပခုက္ကူခရိုင်တွင်းသို့ မေလမှစတင်ပြီး ယခုချိန်ထိ အကြမ်းဖက်လုပ်ငန်းများကို စဉ်ဆက်မပျက် ကျူးလွန်လျှက်ရှိပါသည် ။ မိမိတို့ ပခုက္ကူခရိုင်တွင်းရှိ ဒေသတွင်းတော်လှန်ရေးညီအစ်ကို အင်အားစုများက မိဘပြည်သူများ၏ အသက်အိုးအိမ်စည်းစိမ်ကာကွယ်ရေး ၊ မိမိတို့တော်လှန်ရေးရည်မှန်းချက်များ အောင်မြင်ရေး၊ မိမိတို့ စိုးမိုးဒေသများ ချဲ့ထွင်ရေးအတွက် " အညာတမာ" စစ်ဆင်ရေးစုဖွဲ့မှုဖြင့် စနစ်တကျစုဖွဲ့ကာ ရန်သူအကြမ်းဖက်စကစများကို ရဲဝင့်စွန့်စားစွာဖြင့်ခုခံတိုက်ခိုက်လျှက်ရှိပါသည် ။

အကြမ်းဖက်စကစများသည် ဇွန်လဆန်းပိုင်းတွင် မြိုင်မြို့နယ် တွင်းမပျူစခန်းမှ ပေါက်မြို့နယ် ထောက်ရှင်ပင်ကျေးရွာ ၊ ထို့နောက် မြိုင်မြို့နယ် ကိုင်းတောမကျေးရွာသို့ရောက်ရှိလာပြီး ကိုင်းတောမ - ဝက်ပုတ် - ဗောဓုံ- ဘောင်ပင် -သင်းမ - ယာကြီးပြင် - တောင်စုံ - မှန်ရင်း အစရှိသည့် ကျေးရွာလမ်းပိုင်းများကို အသုံးပြုပြီး စစ်ကြောင်းထိုးလူသတ်အကြမ်းဖက်လျှက်ရှိရာ မိမိတို့ " အညာတမာ" အင်အားစုများနှင့် ထိတွေ့မှု ကြီး/ငယ် အကြိမ်ပေါင်း ( ၃၀)ကြိမ်ထက် မနည်း ဖြစ်ပွားခဲ့ပါသည် ။ ၎င်းထိတွေ့မှုဖြစ်စဉ်များအတွင်း ရန်သူအကြမ်းဖက်လူသတ်ကောင် အနည်းဆုံး( ၅၀)ဦးထက်မနည်း သေဆုံးခဲ့ပြီး အများအပြားထိခိုက်ကာ ရန်သူ့လက်နက်ခဲယမ်းအချို့ကိုလည်း သိမ်းဆည်းရရှိခဲ့ပါသည် ။ ထို့ပြင် လက်နက်(မဲ့) အလင်းဝင်ရောက်လာသူ ပစ (၄)ဦးလည်း ရှိပြီး ၎င်းတို့အား သက်ဆိုင်ရာ မိဘများနှင့်ချိတ်ဆက်ကာ နေရပ်အသီးသီးသို့ ပြန်လည်ပို့ဆောင်ပေးပြီးဖြစ်ပါသည် ။
အဆိုပါ တိုက်ခိုက်မှုများကို 'အညာတမာ"စစ်ဆင်ရေးအင်အားစုများဖြစ်သည့် မကွေးပြည်သူ့ကာကွယ်ရေးတပ်မတော်၊ မကွေးဖက်ဒရယ်ယူနစ်စစ်ကြောင်းများ၊ ဗမာပြည်သူ့လွတ်မြောက်ရေးတပ်တော်(BPLA)၊ ပခုက္ကူခရိုင် (၂/၆/၇/၉/၁၂ /၁၄/၁၅/၁၇/၁၈ ) တပ်ရင်းများ၊ KG တပ်ဖွဲ့ ၊ ပခုက္ကူခရိုင်ပကဖ၊ ပေါက်ပကဖ၊ မြိုင်ပကဖ ၊ ရေစကြို ပကဖ ၊ ပခုက္ကူ ပကဖ၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF) ၊ တိုင်းပကဖစစ်ကြောင်း(၄) ၊ MRG တပ်ဖွဲ့ ၊ ကမ္မတပ်ပေါင်းစု ၊ ကမ္မလုံခြုံရေးအင်အားစု ၊ PLC တပ်ပေါင်းစု၊ မြိုင်ညီညွှတ်ရေးတပ်ပေါင်းစု၊ ဂဠုန်ပြည်သူ့ကာကွယ်ရေးတပ်ဖွဲ့၊ ဝံပုလွေပြောက်ကျားတပ်ဖွဲ့၊ Southern YSO တပ်ဖွဲ့၊အညာမြေတပ်ပေါင်းစုတို့ နှင့်အတူ ယင်းမာပင်ခရိုင်အမှတ်( ၇/၁၁/၁၂) တပ်ရင်းများ ၊ပုလဲပကဖ ၊ Myingyan Black Tiger တပ်ဖွဲ့နှင့် ဒေသတွင်းညီအစ်ကိုများက စနစ်တကျစုဖွဲ့ကာ ညီညီညွတ်ညွတ် ပူးပေါင်းကာကွယ်တိုက်ခိုက်ခဲ့ခြင်း ဖြစ်ပါသည်။

ရန်သူအကြမ်းဖက်စကစများသည် ပေါက်၊မြိုင်အတွင်းရှိ ကျေးရွာပေါင်း ( ၁၁)ရွာရှိ ပြည်သူ့နေအိမ်ပေါင်း ( ၃၀၀) ခန့် မီးရှို့ဖျက်ဆီးခဲ့ပြီး ၊ အပစ်မဲ့ပြည်သူ (၂၄)ဦးကို ရက်စက်စွာသတ်ဖြတ်ခဲ့ပါသည် ။ အကြမ်းဖက်များသွားရာလမ်းကြောင်းရှိ မိဘပြည်သူများအနေဖြင့် စစ်ရေးအသိ စစ်ရေးသတိဖြင့်နေထိုင်ကြပါရန် ၊ "တို့တော့ မလုပ်လောက်ပါဘူး"ကွာဆိုပြီး ပေါ့ပေါ့ဆဆ မနေကြပါရန် အထူးမေတ္တာရပ်ခံအပ်ပါသည် ။
ထို့ပြင် ရန်သူ့စစ်ကြောင်းများတွင် မင်းအောင်လှိုင်၏စစ်မှုထမ်းဉပဒေကြောင့် အတင်းအဓမ္မအကြမ်းဖက်လုပ်ငန်းများကို လုပ်ကိုင်နေရ ေသာ ပစ (ခေါ်) လူငယ်လူရွယ်များနှင့် ၎င်းတို့၏တို့မိဘများအနေဖြင့် မိမိတို့ "အညာတမာ" အင်အားစုများနှင့်သော်လည်း ၊ နီးစပ်ရာ တော်လှန်ရေးအင်အားစုများနှင့်သော်လည်း ချိတ်ဆက်ကာ အကြမ်းဖက်စကစများ၏ အတင်းအဓမ္မကျွန်ပြုခြင်းမှရုန်းထွက်ရန် တိုက်တွန်းအပ်ပါသည် ။

မိမိတို့အနေဖြင့် ရန်သူအကြမ်းဖက်များအား တတ်နိုင်သမျှ နည်းလမ်းပေါင်းစုံဖြင့် တိုက်ခိုက်ကာ ပြည်သူလူထုအားကာကွယ်လျှက်ရှိပြီး ယခုထက်ပိုသော စည်းလုံးညီညွှတ်စုဖွဲ့မှုမျိုးဖြင့် တော်လှန်ရေးတာဝန်များထမ်းဆောင်ရန်ကြိုးပမ်းလျှက်ကြောင်း မိဘပြည်သူများကို လေးစားစွာတင်ပြအပ်ပါသည် ။

မြိုင် ပကဖ
"အညာတမာ" စစ်ဆင်ရေး

ကြီးရွာရှိစစ်အုပ်စုတပ်သားများက အသစ်ရောက်ရှိလာသည့် ဒရုန်းနှင့် လက်နက်များကို စမ်းသပ်မှုများပြုလုပ်

စစ်အုပ်စုကလေကြောင်းတိုက်ခိုက်မှုများပါ ဆက်လက်လုပ်ဆောင်နေ

သြဂုတ် ၁၅၊၂၀၂၆၊ ကျောက်ထု

ယောဒေသ ဆောမြို့နယ်၊ ကျောက်ထုမြို့တိုက်နယ် ကြီးရွာရှိ စစ်အုပ်စုတပ်သားများသည် ယမန်နေ့က အသစ်ထပ်မံရောက်ရှိလာသည့် ဒရုန်းနှင့် လက်နက်များကို စမ်းသပ်ပျံသန်း၊ပစ်ခတ်မှုများ ပြုလုပ်နေကြောင်းသိရသည်။

"မနေ့က Y 12 လေယာဥ်နံ အထုပ်တွေချပေးတဲ့အထဲမှာ ဒရုန်းအသစ် ၂ စီးနဲ့ စစ်ကြောင်းမှာမပါသေးတဲ့ လက်နက်တွေပါလာတယ်လို့သိရတယ်၊ အဲဒိ ဟာတွေကို ဒနေ့မနက်ပိုင်းက စမ်းသပ်ပျံသန်းတာ၊ပစ်ခတ်တာတွေ လုပ်နေကြပါတယ်" ဟု ဒေသတွင်း သတင်းရင်းမြစ်က ယောအလင်းတန်းကိုပြောသည်။

ဒရုန်းနဲ့ ပေါက်ကွဲအားမြင့်လက်နက်ကြီးတချို့ကို ယနေ့နံနက် ၁၀ နာရီကျော်က စမ်းသပ်ပျံသန်း ပစ်ခတ်မှုများပြုလုပ်ခဲ့ကြောင်းသိရသည်။

ထိုနောက် နံနက် ၁၁ နာရီခန့်ကလည်း စစ်အုပ်စုတပ်သားအချို့သည် ရွာမြောက်အရပ်မှနေ၍ လူနာအထမ်း ၁ ထမ်းဖြင့် ကြီးရွာအတွင်းသို့ ဝင်ရောက်လာခဲ့ကြောင်း သတင်းရင်းမြစ်က ပြောသည်။

ထိုနောက် မကွေးလေတပ်မှ ရှေ့ဆင့်နောက်ဆင့်ပျံသန်းလာခဲ့ကြသည့် ဂျက်ဖီုက်တာ ၂ စီးဖြင့် ယနေ့နေ့လည် ၁၂ နာရီ ၄၅ မိနစ်ခန့်အချိန်တွေမှာ ကြီးရွာနှင့် ရွှေအောင်သာကြားနေရာတွေကို ဗုံးကြဲချ တိုက်ခိုက်သွားကြောင်း သိရသည်။

နေ့စဥ်ရက်ဆက် ဆောမြို့နယ်နှင့် ကျောက်ခုမြို့တိုက်နယ် နေရယတွေကို စစ်အုပ်စုဖက်က လေကြောင်းတိုက်ခိုက်မှုများ ပြုလုပ်နေကြောင်းသိရပြီး မိဘပြည်သူများအနေဖြင့် သတိထားနေထိုင်ကြရန်လည်း လိုအပ်ကြောင်း သတင်းရင်းမြစ်က ပြောသည်။

@မင်းဒဿ
ယောအလင်းတန်း
#MRSN
Aug 15 , 5:50PM
#Threestarsmyaing
#7starmyaing
📬သတင်းပေးပို့ရန်
@myaing3starbot

"အညာတမာ" စစ်ဆင်ရေး

CONTENT WARNING: This video contains disturbing footage of armed conflict, explosions, gunfire, and deceased individuals. It is shared for news, documentary, and educational purposes only and does not glorify or promote violence. Viewer discretion is strongly advised.

- မြိုင်ပကဖ

https://t.me/myaingpdfnews

မိတ္ထီလာ⚠️

စခ Sinotruck အလုံပိတ်ကား (10) စီး မိတ္ထီလာဖြတ်၍ မန်းလမ်းဟောင်းအတိုင်း ကျောက်ပန်းတောင်းဘက်သို့ မောင်းသွား။

#RadioNAS
5:25 PM, Aug 15, 2026
#TaungtharNews

🚧 လမ်းပိုင်းထုတ်ပြန်ချက် 🚧🌈

ဩဂုတ်လ ၁၅ - ၂၀၂၆

မြိုင်မြို့နယ် ဘောင်းဘင်ကျေးရွာလမ်းပိုင်း နှင့် သင်းမကျေးရွာလမ်းပိုင်း၊ တဲကြီး နှင့် နယ်သက်လမ်း၊ ဘောဓုံလမ်းပိုင်းနှင့် ခွေးမွေးလမ်းပိုင်း၊ ကန်သစ် နှင့် နယ်သတ်လမ်းပိုင်း တို့ကို လမ်းပိုင်းများကို လတ်တလောဖြစ်ပေါ်နေသည့် စစ်ရေးအခြေအနေများကြောင့် ဖြတ်သန်းသွားလာခွင့် ပိတ်သိမ်းထားပါသဖြင့် သွားလာခြင်းမပြုလုပ်ကြဖို့နှင့်အရေးကြီးဖြတ်သန်းသွားလာလိုပါက သက်ဆိုင်ရာတာဝန်ရှိလူကြီးမင်းများထံသို့ အသိပေး‌အ‌ကြောင်းကြားပီးမှသာ ဖြတ်သန်းသွားလာကြပါရန် အသိပေးနှိုးဆော်အကြောင်းကြားအပ်ပါသည်ခင်များ..

ဖိုးတေ........🦅

𝐀𝐮𝐠/15~6:40𝐏𝐌

ThreeStarMyaing

7StarMyaing

📩သတင်းပေးပို့ရန်>@Myaing3star

သတင်းချန်နယ်ကြည့်ရှုရန်>https://t.me/https7starmyaing

သတင်းစကားဝိုင်း>https://t.me/+lG1a27nrqP0xYTA1

မိဘပြည်သူများ အားလုံးအား အသိပေးနှိးဇော်ခြင်း 🌈
🙏🙏🙏

စစ်ကြောင်း မြိုင်မြို့နယ်
တောင်ဇုံကျေးရွာ မှ
ရောက်နေပါသဖြင့် မြိုင်နယ်- ပေါက်နယ်-  အစရှိသည့် ကျေးရွာနေပြည်သူများ အား ကြိုင်တင် အသိပေးအပ်ပါသည်။
မိမိ ရိက္ခာ ခွေးရိက္ခာ မဖြစ်စေရန်နှင့် မိမိအသက် အန္တယ်ရယ် ကြိုတင်ကာကွာသောအားဖြင့် စစ်ခွေးအပေါင်းအပါများနှင့် စစ်ခွေးများနှင့်လွတ်ကင်းရာသို့ ရှောင်ရှားသွားလာကြပါရန် အသိပေးနှိးဇော်အပ်ပါသည်။

A~3......🦅

𝐀𝐮𝐠/15~6:20𝐏𝐌

ThreeStarMyaing

7StarMyaing

📩သတင်းပေးပို့ရန်>@Myaing3star

သတင်းချန်နယ်ကြည့်ရှုရန်>https://t.me/https7starmyaing

သတင်းစကားဝိုင်း>https://t.me/+lG1a27nrqP0xYTA1

ရေစကြို - မကွေးတိုင်း⚠️
  
7:10pm (15 Aug)

စကစ Drone (1) စီး ရေစကြိုနယ် အလယ်ကြောဖြတ် အရှေ့မြောက်ဘက်သို့ ပျံသန်း။

#WES သတင်းပို့ရန် @SCOUT_WES

အညာမှာ 'ဝုန်းဆိုတဲ့
ပေါက်ကွဲသံ တစ်ခု
ကြားရရင် ဆီဈေးတေ
နှစ်ဆ ပိုတက်ပါတယ်၊

နောက်ထပ် 'ဝုန်းဆို
ကြားပြန်ရင် ဆန်ဈေးတေ
နှစ်ဆပိုတက်ပြန်ပါတယ်၊

ဆက်တိုက်ကြားရရင်
စားသောက်ကုန်နဲ့
လူအသုံးအဆောင်မှန်သမျှ
အကုန်ဈေးတေ တက်ကုန်ပါတယ်၊

အခြေခံ လူတန်းစားတေမှာ
တနေ့လုပ်မှ တနေ့စားရ
ကုန်းပစ္စည်းဈေးတေက သူမနဲ့
ကျနော်ရဲ့ကြားက ဆက်ဆံရေးလို
အရမ်းကွာခြားလွန်းတယ်၊

ကုန်ပစ္စည်းမှန်သမျှ
အကုန်ဈေးတက်တယ်
'ကျတာဆိုလို့ စိတ်ဓာတ်ပဲ
ရှိတော့တယ်...၊

ရိုးသားတဲ့ ငါတို့အညာကို
အညာသား အချင်းချင်း
ပြန်လိမ်နေကြ သူတွေရှိနေတော့
အပြောကောင်းတဲ့ ပွဲစားလိုလူတွေ
လိမ်ကြတာ မဆန်းတော့ပါဘူးလေ၊
အညာဟာ အမြဲအညာခံနေရတယ်။

#Crd
#7starmyaing
📭သတင်းပေးပို့ရန်@myaing3starbot