⚠️ပခုက္ကူ

ပခုက္ကူမြို့နယ် ငဖောင်ကန်ရွာသို့အင်အား( ၂၀၀)ကျော်ပါ စစ်ကြောင်းရောက်ရှိနေကြောင်းသိရ။

#MRSN
Jun  5 , 5:11AM
📬 သတင်းပေးပို့ရန် @MagwayScoutBot

🌅 မင်္ဂလာရှိသော မနက်ခင်းပါ…🙏🙏🙏

ညအမှောင်တွေ ကျော်လွန်ပြီး
နေရောင်ခြည်လေး ပြန်ထွက်လာချိန်
ဒီနေ့ တနေ့တာမှာလည်း
ကံကောင်းခြင်းတွေ
အားလုံးရဲ့ဘဝထဲ ပြန်လည်ရောက်ရှိပါစေ…

အခြေအနေအမျိုးမျိုးကြားမှာ
စိတ်ပင်ပန်းနေသူတွေ ခွန်အားများ ပြန်လည်ရရှိနိုင်ကြပါစေ။
စစ်ဘေးအန္တာရာယ်တွေကြား
အသက်ဘေးကင်းစွာနဲ့
တစ်နေ့တာကို ဖြတ်သန်းနိုင်ကြပါစေ။

ဝေးကွာနေသူတွေ ပြန်ဆုံနိုင်ကြပါစေ၊
ကလေးငယ်တွေရဲ့ ရယ်သံတွေ
ပြန်ကြားရတဲ့နေ့တွေ အမြန်ရောက်လာဖို့
နှလုံးသားအပြည့်နဲ့ ဆုတောင်းမေတ္တာ ပို့သလိုက်ပါတယ်။

ဒီမနက်ခင်းဟာ
ပင်ပန်းနေတဲ့စိတ်တွေကို နွေးထွေးစေပြီး
အားငယ်နေတဲ့နှလုံးသားတွေကို
ခွန်အားပေးနိုင်တဲ့ မနက်ခင်းလေး ဖြစ်ပါစေ… ☀️🤍🌹

ဘေးရန်ကင်းရှင်းပြီး
အေးချမ်းတဲ့နေ့ရက်တွေ ပိုင်ဆိုင်နိုင်ကြပါစေ။.....🙏🙏🙏

7StarMyaing

ThreeStarMyaing

သတင်းပေးရန်>@Myaing3Star

သတင်းချန်နယ်ကြည့်ရှုရန်https://t.me/https7starmyaing

#စစ်ကြောင်းသတင်းအသိပေးထုတ်ပြန်ခြင်း
5.6.2026

ယနေ့မနက်စောက ပခုက္ကူတပ်မ 101 က
ထွက်လာတဲ့ စစ်ကား 4 စီးဟာ
6:00 ကျော်ခန့်မှာ ပခုက္ကူမြို့နယ် ငဖောင်ကန်ရွာကို
ရောက်ရှိထားတယ်လို့ သိရပြီး
မနေ့ည 11:00 ဝန်းကျင်ကလည်း
ကန်တော်ရွာကို စစ်ကားသုံးစီး
ရောက်ရှိထားတယ်လို့ သိရပါတယ်။

ဘယ်ကို စစ်ကြောင်းထိုးမလဲ မသိရတာကြောင့်
ကမ္မဒေသနဲ့ မြိုင်မြို့နယ်အရှေ့တောင်ပိုင်း
မြိုင်မြို့နယ်တောင်ပိုင်းရှိ မိဘပြည်သူများအားလုံး
သတိဝရိယနဲ့ နေထိုင်ကြဖို့ အသိပေးအပ်ပါတယ်။

#ပြည်သူတွေဘေးကင်းကြပါစေ
#welovemyaing #ချစ်သောအညာမြေ
#စစ်ကြောင်းသတင်း
#MRSN
Jun  5 , 7:30AM
#Threestarsmyaing
#7starmyaing
📬သတင်းပေးပို့ရန်
@myaing3starbot

မြိုင်

မြိုင်နယ်ဖြတ်၍ မိတ္ထီလာလေတပ်တက် Y-8 စစ်ထောက်ပို့လေယာဉ် ၁စီး အနောက်မြောက်အရပ်သို့ ပျံသန်း။

#WaiHin
Jun 05, 10:36 AM
📬သတင်းပို့ရန် @WaiHinAirScout_Bot

မကွေး

မကွေးလေတပ် ကလခသို့ ​နတ်မောက်မြို့နယ်တွင် (10:10AM) အချိန်က စ၍လေကြောင်းတိုက်ခိုက်မှုပြုလုပ်ခဲ့သော Mi-35P Attack Helicopter (1)စီး မြောက်အရပ်မှ ဆင်းသက်။

#NAS
Jun  5,, 10:55AM
📡သတင်းပို့ရန်@infonas

ပေါက်မြို့နယ်၊ ရေပြာရဲစခန်းနှင့် ကုက္ကိုစုကျေးရွာ ပျူစောထီးစခန်းကို တိုက်ခိုက်သိမ်းပိုက်မှု စစ်တပ်ဘက်မှ ၄၀ ကျော်သေဆုံးပြီး စစ်သုံ့ပန်း ၂၀ ကျော် ဖမ်းဆီးရရှိ၊ လက်နက် ၃၀ ကျော်နှင့် ခဲယမ်းအမြောက်အမြား သိမ်းပိုက်ရရှိ

ရန်ကုန်၊ ဇွန် ၅

မကွေးတိုင်း၊ ပေါက်မြို့နယ်၊ ရေပြာရဲစခန်းနှင့် ကုက္ကိုစုကျေးရွာ ပျူစောထီးစခန်းကို တော်လှန်ရေးတပ်က တိုက်ခိုက် သိမ်းပိုက်နိုင်ခဲ့ပြီး စစ်တပ်ဘက်မှ ၄၀ ကျော်သေဆုံးပြီး စစ်သုံ့ပန်း ၂၀ ကျော် ဖမ်းဆီးရရှိထားကြောင်း တော်လှန်ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇွန်လ ၃ ရက်နှင့် ယနေ့ ၄ ရက်နေ့တို့တွင် ပေါက်မြို့နယ်အတွင်းရှိ အကြမ်းဖက် စစ်တပ် တပ်စွဲထားသော ရေပြာရွာနှင့် ကုက္ကိုစုရွာရှိ စခန်းများကို တော်လှန်ရေးတပ်ဖွဲ့များက တိုက်ခိုက်သိမ်းပိုက်နိုင်ခဲ့ခြင်းဖြစ်ကြောင်း သိရသည်။

တိုက်ပွဲအတွင်း အကြမ်းဖက် စစ်တပ်ဘက်မှ လေကြောင်းဖြင့် အကြိမ်ကြိမ် ဗုံးကျဲ ခုခံ တိုက်ခိုက်ခဲ့သော်လည်း သိမ်းပိုက်နိုင်ခဲ့ခြင်းဖြစ်ကြောင်း၊ တော်လှန်ရေးတပ်များက စုပေါင်းတိုက်ခိုက်ခဲ့ခြင်းဖြစ်ပြီး မကြာမီ တရားဝင် သတင်းထုတ်ပြန်မည်ဖြစ်ကြောင်း သိရှိရသည်။

"စစ်ခွေးတွေ ၄၀ ကျော်လောက်သေတယ်။ အလောင်းတွေလည်းရတယ်။ စစ်သုံ့ပန်း ၂ ကျော်တယ်။ စခ၊ ရခ နဲ့ ပျူတွေ မိတာ။ လက်နက်က အလက် ၃၀ ကျော်တယ်။ ခဲယမ်းတွေ ဗုံးတွေ ကျည်ဆန်တွေ မိုင်းတွေလည်းရတယ်။ အသေးစိတ်ကို သတင်းထုတ်ပြန်ဖို့ရှိပါတယ်" ဟု တော်လှန်ရေး သတင်းရင်းမြစ်က ရှင်းပြသည်။

အဆိုပါတိုက်ပွဲများတွင် တော်လှန်ရေးတပ်များဘက်မှ ရဲဘော် ၅ ဦး တိုင်းပြည်နှင့်လူမျိုးအတွက် အသက်ပေးလှူသွားကြောင်း သိရှိရသည်။

လတ်တလော တော်လှန်ရေးတပ်များက နယ်မြေရှင်းလင်းရေး ထပ်မံ လုပ်ဆောင်နေပြီး စစ်တပ်က စစ်ကြောင်းထိုးလာနိုင်သဖြင့် စစ်ရေးအခြေအနေ ဆက်လက် တင်းမာနေဆဲဖြစ်ကြောင်း သိရှိရသည်။

♦မြစ်ခြေမြို့နယ်♦

မြစ်ခြေမြို့ပေါ်ရှိ {BPI} ရဲခွေးခြံမှ
စစ်ခွေးများသည်၊ ကားလမ်းမပေါ်သို့ ထွက်လာပြီး၊ သိမ်တော်ကွက်သစ်ဘက်တွင် တစ်နေရာ နှင့် ​ညောင်နီပင်ရွာ စာသင်ကျောင်း မြောက်ဘက်၊ ရေကျော်အတက်တွင် တစ်နေရာတို့တွင် အထိုင်ချ ဘန်ကာများ ဆောက်လုပ်နေကြောင်း သတင်းရရှိထားပါသည်။

​၎င်းတို့သည် ဘန်ကာများ ဆောက်လုပ်ပြီးစီးပါက ဖြတ်သန်းသွားလာနေသည့် ပြည်သူများကို တင်းကျပ်စွာ စစ်ဆေးခြင်းနှင့် ဖမ်းဆီးခြင်းများ ပြုလုပ်လာနိုင်သည့်ဟု သိရှိရပါသည်။

#PKK_News
#MRSN
Jun 6 ,  9:52 AM
#Threestarsmyaing
#7starmyaing
📬သတင်းပေးပို့ရန်
@myaing3starbot

◼️‌ပေါက်ကိုယ်တော်ရဲ့ ပျူ ၇၀ ကျော်ကို လက်နက်ခဲယမ်းများနဲ့အတူ PDF ပူးပေါင်းတပ်များ အရှင်ဖမ်းဆီး

၆ ဇွန် | နွေဦးအသံ |

ပေါက်မြို့နယ်မှာ အကြမ်းဖက်စစ်တပ်လက်ပါးစေ သင်္ကန်းဝတ်ပျူခေါင်းဆောင် ပေါက်ကိုယ်တော်ရဲ့ ကုက္ကိုလ်စုပျူရွာကို တိုက်ခိုက်သိမ်းပိုက်စဉ် အညံ့မခံဘဲထွက်ပြေးကြတဲ့ ပျူ ၇၀ ကျော်ကို PDF ပူးပေါင်းတပ်များက ဇွန် ၅ ရက်၊ ညပိုင်းမှာ လက်နက်ခဲယမ်းများနဲ့အတူ အရှင်ဖမ်းမိခဲ့တယ်လို့ သိရပါတယ်။

ပေါက်ကိုယ်တော် အားထားရတဲ့ ပျူရွာဖြစ်သလို စစ်တပ်လက်အောက်ခံ ပျူအင်အား ရာချီရှိတဲ့ ကုက္ကိုလ်စုပျူရွာကို တိုက်ခိုက်သိမ်းပိုက်စဉ် အဆိုပါပျူများက အညံ့မခံဘဲ လက်နက်အပြည့်အစုံနဲ့ မြိုင် စက်မှု ၂ သို့ ထွက်ပြေးခဲ့ကြတယ်လို့ ဆိုပါတယ်။

အဲဒီလိုထွက်ပြေးတဲ့အတွက် တော်လှန်ရေးတပ်များက မနားတမ်း ကင်းထောက်တာ၊ တောနင်းရှာဖွေခဲ့တာကြောင့် ပေါက်နယ်တောတွင်းတနေရာမှာ အစုလိုက်ဖမ်းမိခဲ့ပြီး ၆၀ မမ အပါအဝင် လက်နက်ခဲယမ်းများ သိမ်းဆည်းရရှိခဲ့တယ်လို့ အညာမြေတပ်ပေါင်းစုက ထုတ်ပြန်ခဲ့တာပါ။

လက်ရှိဖမ်းမိတဲ့ ပျူအုပ်စုကို စစ်သုံ့ပန်းဥပဒေအတိုင်း ဘေးကင်းစွာစောင့်ရှောက်ထားပြီး သူတို့ကိုဦးဆောင်သူ ကုက္ကိုလ်စုပျူခေါင်းဆောင်နဲ့ အတူ စကစတပ်ဖွဲ့ဝင် ၆ ဦးလွတ်မြောက်နေသေးတယ်လို့ အသိပေးထားပါတယ်။

ပုသိမ်-မုံရွာလမ်းပေါ်ရှိ ဗျူဟာအရအရေးပါတဲ့ ရေပြာရဲစခန်းနဲ့ ကုက္ကိုလ်စုပျူရွာကို PDF ၊ ပကဖ ပူးပေါင်းတပ်တွေက ဇွန် ၂ ရက်နဲ့ ၄ ရက်တို့မှာ တိုက်ခိုက်သိမ်းပိုက်ခဲ့တာဖြစ်ပြီး စစ်ကောင်စီတပ်ဖွဲ့ဝင်အများအပြားသေဆုံးတဲ့အပြင် စစ်သုံ့ပန်းများနဲ့ လက်နက်ခဲယမ်းများလည်း သိမ်းဆည်းရရှိခဲ့တယ်လို့ သတင်းရရှိပါတယ်။

©The Voice of Spring

ဆောနှင့် ကျောက်ထုဒေသတွင် စစ်ကောင်စီတပ် လှုပ်ရှားမှုများနှင့် လေကြောင်းမှအင်အားဖြည့်တင်းမှုများရှိနေ

ဇွန် ၆၊ ၂၀၂၆

ယောနယ်တောင်ပိုင်းနှင့် ချင်းပြည်နယ်တောင်ပိုင်းဒေသများတွင် စစ်ကောင်စီတပ်များ၏ စစ်ကြောင်းလှုပ်ရှားမှုများ၊ လေကြောင်းဖြင့် လက်နက်ခဲယမ်းနှင့် အင်အားဖြည့်တင်းမှုများ၊ စခန်းအထိုင်ချရန် ပြင်ဆင်မှုများ ဆက်တိုက်ပြုလုပ်နေသဖြင့် ဒေသတွင်း စစ်ရေးအခြေအနေ အလွန်တင်းမာလျက်ရှိကြောင်း မြေပြင်သတင်းရင်းမြစ်များထံမှ သိရသည်။

မြေပြင်သတင်းများအရ ဇွန်လ ၅ ရက်နေ့တွင် ဆောမြို့မှ ထွက်ခွာလာသည့် အင်အား ၁၅၀ ဝန်းကျင်ပါ စစ်ကောင်စီစစ်ကြောင်းသည် ပြည်သူပိုင် မော်တော်ယာဉ်ကြီးတစ်စီး၊ ယာဉ်ငယ်တစ်စီး၊ ဆိုင်ကယ် ၁၅ စီးခန့်နှင့် ဘေးတွဲဆိုင်ကယ် ၂ စီးတို့ကို အသုံးပြု၍ ပြည်သူပိုင်ပစ္စည်းများ သယ်ဆောင်ကာ လောင်းရှည်ဘက်သို့ ဦးတည်ထွက်ခွာခဲ့ကြောင်း သိရသည်။ အဆိုပါ စစ်ကြောင်းသည် တောင်ဘို့ကြီးကျေးရွာတွင် ညအိပ်စခန်းချခဲ့ပြီးနောက် ဇွန်လ ၆ ရက် နံနက်ပိုင်းတွင် လောင်းရှည်တပ်အတွင်းသို့ ဝင်ရောက်သွားခဲ့ကြောင်း သိရသည်။

ထို့အပြင် ဇွန်လ ၅ ရက်နေ့တွင် မိတ္ထီလာမြို့မှ တက်လာသည့် Y-8 စစ်လေယာဉ်တစ်စီးသည် ကျောက်ထုမြို့အခြေစိုက် အမတ (၃၆၈) တပ်အတွင်းသို့ ဆင်းသက်ခဲ့ပြီး ဗိုလ်အဆင့်ရှိသူ ၃ ဦးနှင့် လက်နက်ခဲယမ်းများကို ပို့ဆောင်ချထားပေးခဲ့ကြောင်း သတင်းရရှိသည်။ ယင်းလေယာဉ်သည် မင်းတပ်တိုက်ပွဲအတွင်း ဒဏ်ရာရရှိခဲ့သည့် စစ်ကောင်စီတပ်သား ၄၂ ဦးကို မိတ္ထီလာစစ်ဆေးရုံ၌ ကုသနိုင်ရန် ပြန်လည်သယ်ဆောင်သွားခဲ့ကြောင်းလည်း သိရသည်။

အလားတူ ဇွန်လ ၄ ရက်နေ့တွင် မင်းတပ်ဒေသတိုက်ပွဲများအတွင်း သေဆုံးခဲ့သည့် စစ်ကောင်စီတပ်သား ၄ ဦး၏ ရုပ်အလောင်းများကို ကျောက်ထုမြို့သင်္ချိုင်း၌ လာရောက်မြှုပ်နှံခဲ့သည့် ဖြစ်စဉ်များလည်း ရှိခဲ့ကြောင်း ဒေသခံများထံမှ သိရသည်။

တစ်ဖက်တွင် ကံချောင်းကျေးရွာ၌ ရောက်ရှိစခန်းချနေသော အင်အား ၂၀၀ ဝန်းကျင်ခန့်ရှိ စစ်ကောင်စီစစ်ကြောင်းသည် ကျေးရွာအတွင်းနှင့် အနီးပတ်ဝန်းကျင် နေရာအချို့၌ ဘန်ကာများနှင့် ခံစစ်အဆောက်အအုံများ တည်ဆောက်နေကြောင်း သိရသည်။ ထိုသို့ ဆောက်လုပ်နေမှုများကြောင့် အဆိုပါ စစ်ကြောင်းသည် ကံချောင်းကျေးရွာတွင် အထိုင်စခန်းချရန် ပြင်ဆင်နေသည့် အနေအထားမျိုး ဖြစ်နိုင်ကြောင်း ဒေသခံသတင်းရင်းမြစ်များက ဆိုသည်။

လက်ရှိအချိန်တွင် ယောနယ်တောင်ပိုင်းနှင့် ချင်းပြည်နယ်တောင်ပိုင်းဒေသများ၌ စစ်ရေးတင်းမာမှုများ ဆက်လက်မြင့်တက်လျက်ရှိသဖြင့် ပြည်သူများအနေဖြင့် သက်ဆိုင်ရာ တပ်ရင်း၊ တပ်ဖွဲ့များ၏ ခွင့်ပြုချက်မရှိဘဲ မြို့၊ ရွာများအတွင်း ဝင်ရောက်သွားလာခြင်းနှင့် နေထိုင်ခြင်းများကို ရှောင်ကြဉ်ကြရန်၊ လေကြောင်းတိုက်ခိုက်မှုအန္တရာယ်နှင့် လက်နက်ကြီးကျရောက်မှုအန္တရာယ်များကို အထူးသတိပြုကြရန်၊ ဘေးကင်းလုံခြုံရေးကို ဦးစားပေးဆောင်ရွက်ကြရန် ဒေသခံများနှင့် သက်ဆိုင်ရာအဖွဲ့အစည်းများက တိုက်တွန်းထားကြောင်း သိရသည်။

သတင်း / စာတည်း Aung Gyi
ယောအလင်းတန်း

ကျောက်ထုတပ်ထဲကို လေကြောင်းမှ အင်အားလာရောက် ဖြည့်တင်းသော မိတ္ထီလာတက် Y8 ထောက်ပို့လေယာဥ်

#MRSN
Jun 6 ,  1:02PM
#Threestarsmyaing
#7starmyaing
📬သတင်းပေးပို့ရန်
@myaing3starbot