⚠️မြေပြင်

ရေစကြို-မကွေးတိုင်း

ရေစကြို ခလရ၂၅၆/၂၅၇/၂၅၈ထွက် ပူးပေါင်းစစ်ကြောင်း သပြေပင်ရွာသို့ ရောက်ရှိနေကြောင်း သတင်းရရှိ။

#WES
6:50am,Mar 30

ပခုက္ကူမြို့နယ်⚠️


ပခုက္ကူမြို့နယ် ကျွဲတဲမြောက်ရွာ
ကျေးရွာသို့ယမန်နေ့ညအချိနိတွင်အကြမ်းဖက် စခများမှဝင်ရောက်မွှေနှောက်သွားကာ ပိုက်ဆံ သိန်း ၂၀ အားခိုးယူသွားကြောင်းသိရ။
  
#MRSN
Mar 30 , 10:30AM

#7starmyaing
📬သတင်းပေးပို့ရန်
@myaing3starbot

အညာမြေပြင်(ဝတ္ထုများ)

ခေါင်းစဉ်-
"သွေးစွန်းခဲ့သောအာရုဏ်ဦး"

အညာနွေ၏ ပူပြင်းလှသော နေရောင်အောက်တွင် သျှားပင်၊ ထနောင်းပင်တို့သည် ငြိမ်သက်လျက်ရှိသည်။ အညာဒေသ၏ ရွာကလေးတစ်ရွာရှိ ဝါးကပ်မိုး ကျောင်းဆောင်လေးအတွင်း၌မူ စာအံသံများက ပျံ့လွင့်နေသည်။

"ကကြီး ရေက၊ ခခွေရေခ.."
ကျောင်းဆရာ ကိုလင်းက ကျောက်သင်ပုန်းပေါ်တွင် မြေဖြူဖြင့် စာရေးရင်း ကလေးများကို စိတ်ရှည်လက်ရှည် သင်ကြားပေးနေသည်။ ဘေးတွင်မူ တော်လှန်ရေးရဲဘော် ကဗျာဆရာ ဒေါင်းငယ်က ကလေးငယ်များကို ဝိုင်းကူကြည့်ပေးနေ၏။ ဒေါင်းငယ်သည် သေနတ်ကို ခေတ္တချိတ်ထားပြီး ကလေးများအတွက် စာကူညီသင်ပေးနေသည်။

မောင်ပြည့်ဝက ဆရာ ဘယ်တော့မှ စာသင်ခန်းထဲမှာ အေးအေးဆေးဆေး သင်ရမှာလဲဟင်"

မောင်ပြည့်ဝလေးက  ခေါင်းမော့ကာ မေးလိုက်သည်။ ကိုလင်းက မောင်ပြည့်ဝ၏ ခေါင်းလေးကို ပွတ်သပ်ပေးရင်း—

"မကြာတော့ပါဘူး သားရယ်၊ အမှောင်ပြီးရင် အလင်းလာမှာပဲ" ဟု အားပေးစကား ဆိုလိုက်သည်။

ထိုစဉ် ကောင်းကင်ယံထက်မှ စူးရှသော လေယာဉ်သံကြီးက ငြိမ်းချမ်းမှုကို ရုတ်ချည်းဖြိုခွင်းလိုက်သည်။

"လေယာဉ်လာပြီ! ကလေးတွေ ဗုံးခိုကျင်းထဲ ဆင်းကြ!"

ကိုလင်းနှင့် ဒေါင်းငယ်တို့ အလန့်တကြား အော်ဟစ်လိုက်သော်လည်း လေယာဉ်မှာ အလွန်နီးကပ်နေပြီဖြစ်သည်။

"ဝေါ..." ကနဲ မြည်သံနှင့်အတူ ပေါက်ကွဲသံကြီးက ကမ္ဘာပျက်သလို မြည်ဟည်းသွားသည်။ မြေမှုန့်များ၊ မီးခိုးများကြားတွင် ကလေးငယ်များ၏ အော်ဟစ်ငိုယိုသံများက ဆူညံသွား၏။

ဗုံးခိုကျင်းထဲသို့ ရောက်အောင်မပြေးနိုင်လိုက်မီမှာပင် ဗုံးဆံများက စာသင်ကျောင်းလေးပေါ်သို့ ကျရောက်ခဲ့သည်။

"မောင်ပြည့်ဝ! မောင်ပြည့်ဝ!"
ကိုလင်း မြေကြီးပေါ်မှ လူးလဲထကာ အော်ခေါ်လိုက်သည်။ သို့သော် မောင်ပြည့်ဝမှာ စာအုပ်ကလေးကို ရင်ခွင်ထဲပိုက်လျက် ငြိမ်သက်သွားခဲ့ပြီ။ သီရိနှင့် လင်းခန့်တို့မှာလည်း သွေးရဲရဲသံရဲရဲဖြင့် စာသင်ခုံများအောက်တွင် အသက်မဲ့သွားကြရှာသည်။

"မြန်မြန်... ကလေးတွေကို သယ်ကြ!"

ဗိုလ်စိုးနှင့် ကာကွယ်ရေးတပ်ဖွဲ့ဝင်များ ရောက်ရှိလာကြသည်။ ရဲဘော်ယက္ခက ဒဏ်ရာပြင်းထန်စွာရထားသော မောင်မောင်နှင့် မောင်ချမ်းအေးတို့ကို ပွေ့ချီကာ ဒေါက်တာထွန်းဝေရှိရာ ဆေးခန်းသို့ အပြေးအလွှား သယ်ဆောင်သွားတော့သည်။

"ဒေါက်တာ... ကလေးတွေကို ကယ်ပေးပါဦး!"
ယက္ခ၏ အသံမှာ တုန်ရင်နေသည်။

ဒေါက်တာထွန်းဝေသည် မျက်ရည်ကို ထိန်းရင်း အရေးပေါ် ခွဲစိတ်ကုသမှုများကို စတင်ရတော့သည်။ ဆေးဝါးမလုံလောက်မှုကြားက မောင်မောင်နှင့် မောင်ချမ်းအေးတို့၏ အသက်ကို လုယူနေရသည်။

ကျောင်းပျက်ကြီးထဲတွင်မူ... ကဗျာဆရာ ဒေါင်းငယ်သည် လေယာဉ်ပစ်၍ ကွယ်လွန်သွားသော မောင်ပြည့်ဝ၏ သွေးစွန်းနေသော ဗလာစာအုပ်လေးကို ကောက်ကိုင်လိုက်မိသည်။ စာအုပ်လေးထဲတွင် သူရေးပေးခဲ့သော
"ငြိမ်းချမ်းတဲ့ အရုဏ်ဦး" ဆိုသည့် ကဗျာလေးမှာ သွေးစက်များဖြင့် စိုရွှဲနေ၏။
"ငါတို့ ကဗျာတွေက သွေးနဲ့ရေးခဲ့ရတာလား ကလေးတို့ရယ်..."ဟုကိုဒေါင်းငယ်က မျက်ရည်များဖြင့် ပြောလိုက်မိသည်။

ကိုလင်းကတော့ သေဆုံးသွားသော ကလေးငယ်များကို ကြည့်ကာ စကားပင် မဆိုနိုင်တော့။ အညာမြေ၏ ဖုန်တောထဲတွင် မြေဖြူခဲလေးများက ပြန့်ကျဲလျက်။ ထိုမြေဖြူခဲလေးများမှာ ကလေးငယ်များ၏ အနာဂတ်အိပ်မက်များကဲ့သို့ပင် မြေမှုန့်အဖြစ် ကြေမွသွားခဲ့ရလေပြီ။

ဗိုလ်စိုးက ကောင်းကင်ယံကို စိုက်ကြည့်ရင်း လက်သီးကို တင်းတင်းဆုပ်ထားသည်။ ဤအဖြစ်အပျက်မှာ သူတို့အတွက် နာကျည်းစရာ သင်ခန်းစာတစ်ခုဖြစ်သလို၊ အောင်ပွဲရသည်အထိ ဆက်လက်တိုက်ပွဲဝင်ရန် တွန်းအားတစ်ခုလည်း ဖြစ်နေတော့သည်။

နေဝင်ရိုးရီအချိန်၊ အညာမြေ၏ ကောင်းကင်သည် ကျဆုံးသွားသော ကလေးငယ်များ၏ သွေးရောင်ကဲ့သို့ ရဲရဲနီလျက်ရှိနေတော့သည်။

စာရေးဆရာ
ဒေါင်းငယ်🦚(အညာမြေ)

အညာမြေပြင်

Mar 30 , 12,48PM

#7starmyaing
📬သတင်းပေးပို့ရန်
@myaing3starbot

ဂန့်ဂေါမြို့အနောက်ဖက် မြစ်သာမြစ်ကမ်းဘေးမှာ စစ်အုပ်စုတပ်သားများ ကင်းးပုန်းးဝပ်နေ

မတ် ၃၀၊ ၂၀၂၆၊ ဂန့်ဂေါ

ဂန့်ဂေါမြို့အနောက်ဖက် မြစ်သာမြစ်ကမ်းဘေးနေရာတွေမှာ စစ်အုပ်စုတပ်သားများ ကင်းးပုန်းးဝပ်နေကြတယ်လို့သိရပါတယ်။

ခလရ ၅၀ တပ်က တပ်သားအင်အား ၃၀ ကျော်ကို စည်ပင်ရပ်ကွက် မြစ်သာမြစ်ကမ်းဘေးတလျောက် ကင်းးပုန်းးချပြီး တစုံတရာ ဖြစ်ပေါ်လာပါက ပ-စ် မိ-န့်ပေးထားတယ်လို့သိရပါတယ်။

ယမန်နေ့ညနေပိုင်းက ဂန့်ဂေါမြို့ အနောက်ဖက်မြို့ဝင် We Love Gangaw တံတား စ်အုပ်စု ဂိတ်မှာ ခရီးသွား ၂ ဦးကို စ-စ်ဆေးးရာမှ ၁ ဦးကို ဖမ်းးဆီးးနေချိန် ကျန် ၁ ဦးက ထွ-က်ပြေးးလွတ်မြောက်သွားတယ်လို့သိရပါတယ်။

လွတ်မြောက်သွားသူကို ဖမ်းးဆီးးနိုင်ရေး မြို့ဂင်ဂိတ်များကိုပိတ်ကာ မြို့ပေါ်လူနေရပ်ကွက်တွေအတွင်း ​ေ သနတ်များ တရစပ် ပ-စ်ဖော-က်ကာ စစ်အုပ်စုတပ်ဖွဲ့ဝင်များက လိုက်လံရှာဖွေမှုတွေ ပြုလုပ်ခဲ့ကြတယ်လို့လည်း သိရပါတယ်။

အဆိုပါဖြစ်စဥ်ကြောင့် ယမန့်နေက ဂိတ်တာဝန်ကျ တပ်သားများကို ခလရ ၅၀ မှာအရေးးယူမှုပြုလုပ်ထားတယ်လို့သိရပြီး မြစ်သာမြစ်ကမ်းဘေးနေရာတွေမှာ ကင်းးပုန်းချထားတာ ဖြစ်ကြောင်းသိရပါတယ်။

ယောအလင်းတန်း
#MRSN
Mar 30 , 1:39PM
#7starmyaing
📬သတင်းပေးပို့ရန်
@myaing3starbot

⚠️ပခုက္ကူ

ပခုက္ကူမြို့နယ် အောင်သာပျူရွာမှ ထွက်ခွာလာသော စခကားလေး(2)စီးမှ ရှင်မကန်ပျူရွာသို့ရောက်ရှိပြီး အင်အား(130)ခန့်ပါ ခြေလျှင်စစ်​ကြောင်းမှာလဲ ရှင်မကန်ပျူရွာဘက်သို့ဦတည်ထွက်ခွာနေကြောင်းသိရပါတယ်။

🇼🇸မြိုင်🦚ဒေါင်းမင်း မြေပြင်သတင်းမှန်ပြန်ကြားရေးအဖွဲ့
🛰5:18PM@Daungmin
#MRSN
Mar 30 , 5:57PM
#7starmyaing
📬သတင်းပေးပို့ရန်
@myaing3starbot

ပြည်သူ့အတွက်လို့ ကြွေးကြော်ထားရင်လည်း
အမှန်တကယ် ပြည်သူ့အတွက်ပဲ
ဖြစ်ကြစေချင်ပါတယ်။

ဒီတော်လှန်ရေးမှာ ပါဝင်နေကြတဲ့
ဦးဆောင်သူတွေကအစ
အောက်ခြေတပ်သားများအဆုံး
ကျွန်တော်တို့အားလုံး သတိပြုကြရမှာက
ပြည်သူကို အခြေပြုထားရတဲ့ ဒီတော်လှန်ရေးကို
ပြည်သူတွေ အယုံအကြည်မဲ့သွားတဲ့နေ့ဟာ
ဒီတော်လှန်ရေး ကျရှုံးမဲ့နေ့ပါပဲ။

We Love Myaing .

နေပြည်တော်မှာ စစ်တပ်က အာဏာခွဲဝေနေချိန် ဘုတလင်က ဆေးရုံကိုဗုံးကြဲလို့ သေဆုံးထိခိုက်မှုများပြား

■ကိုယ်ဝန်​ဆောင်နဲ့ က​လေးငယ်​တွေ​ပါ သေဆုံးထခိုက်

မတ် ၃၀၊ ၂၀၂၆ ဟာနာဆန်/People's Spring

နေပြည်တော်မှာ အာဏာသိမ်းစစ်တပ်က အာဏာခွဲဝေနေချိန်စစ်ကိုင်းတိုင်း၊ ဘုတလင်မြို့နယ်၊ ငပယင်းရွာက ဆေးရုံကို စစ်တပ်က ဗုံးကြဲလို့ ပြည်သူထိခိုက်သေဆုံးမှုများပြားကြောင်း ဒေသခံတွေက ပြောပါတယ်။

မတ်လ ၃၀ ရက် နေ့လယ် ၁ နာရီခန့်က တံတားဦးနဲ့ မိတ္ထီလာ ရှမ်းတဲလေတပ်ကနေ တက်လာတဲ့ ဂျက်ဖိုက်ဝာာ နှစ်စီးနဲ့ ဘုတလင်မြို့နယ် အနောက်
မြောက်ခြမ်းမှာရှိတဲ့ ငပယင်းရွာက ဆေးရုံကို  ဗုံးကြဲခဲ့တာဖြစ်ပြီး ကယ်ဆယ်ရေးလုပ်နေချိန် ထပ်မံဗုံးကြဲခဲ့တာကြောင့် ပြည်သူထိခိုက်သေဆုံးမှုများကြောင်း ဒေသခံတွေက ပြောပါတယ်။

"ဆေးရုံကိုကြဲသွားတာ။ မီးလောင်ဗုံးတွေနဲ့ပါ ကြဲသွားတာ။ ထပ်ပြီးကြဲနေဆဲဖြစ်တဲ့အတွက် သွားလို့မရဘူးဖြစ်နေတယ်။"လို့ ဒေသတွင်းတော်လှန်ရေးရဲဘော်တစ်ဦးက ပြောပါတယ်။

ထိခိုက်သေဆုံးသူတွေထဲမှာ အမျိုးသမီးတွေနဲ့ ကလေးငယ်တွေလည်း ပါဝင်နေတယ်လို့သိရပြီး အသေးစိတ်မသိရသေးပါဘူး။

"ထိတဲ့သူများတယ်။ထပ်ကြဲလို့ ဘယ်သူမှမသွားရဲဘူးဖြစ်နေတာ"လို့ဒေသခံတစ်ဦးကပြောပါတယ်။

ငပယင်းရွာ စစ်သူကြီး မဟာဗန္ဓုလ ရဲ့ဇာတိရွာဖြစ်တယ်လို့​ဒေသခံ​တွေက​ပြောပါတယ်။

"အဲဒီမှာ ဆေးရုံတက် နေတဲ့လူတွေလည်းရှိတော့အထိခိုက်များတယ်လို့ သိရတယ်။အတိအကျတော့ မသိရသေးဘူး။ဒီနေ့လည်ပိုင်းမှာ ဖုန်းလိုင်းတချို့လည်း ပြတ်နေတယ်"လို့ ဒေသခံတစ်ဦးက ပြောပါတယ်။

စစ်တပ်ကနေပြည်တော်မှာ အာဏာသိမ်း​ခေါင်း​ဆောင်ဗိုလ်ချုပ်မှူးကြီးမင်း​အောင်လှိုင်က သမ္မတလုပ်မှာမို့ သူ့တပည့်  ဗိုလ်ချုပ်ကြီးရဲဝင်းဦးကို လွှဲ​ပြောင်းခန့်အပ်ပြီး ၊စစ်တပ်လွှတ်​တော်မှာ ဒုသမ္မတ​တွေ​ကြေညာ​နေတာဖြစ်ပါတယ် ။

Mar 30 , 6:15PM
#7starmyaing
📬သတင်းပေးပို့ရန်
@myaing3starbot

🐮 ခိုင်းနွားပါတီ

သမ္မတရူး မင်းအောင်လှိုင်အတွက် စစ်တပ်ကနေ ဒုတိယ သမ္မတလောင်းကို အမည်တင်သွင်းပေးလို့ ရပါလျှက်နဲ့ ကြံ့ဖုတ်ကောင်တွေဟာ သူတို့ပါတီကနေ အကျူးခံပြီး မင်းအောင်လှိုင်ကို ဒုတိယ သမ္မတလောင်း အဖြစ် တရိုတသေ အမည်တင်သွင်းပေးရတယ်..

ခွေးတိုးပေါက် ရွေးကောက်ပွဲကာလမှာ လွတ်လပ်ပြီး တရားမျှတတဲ့ ဒီမိုကရေစီစနစ်ပါ ဆိုပြီး စောက်ကြီးစောက်ကျယ်တွေ လေကျယ်ခဲ့သမျှ အခုတော့  ကြံ့ဖုတ်ကောင်တွေခမျာ ဘွတ်အဲကြီးတွေ ဖြစ်လို့..

ခိုင်းနွားတောင်မှ ကြိမ်နဲ့ အရိုက်ခံရတဲ့ကောင်တွေ မဟုတ်ပဲ သံချွန်နဲ့ထိုး၊ ကျာပွတ်နဲ့ရိုက် အခိုင်းခံရတဲ့ ချိုကျိုးနားရွက်ပဲ့ ခိုင်းနွားစုတ်တွေ..

အ..ဟစ်..ဟစ်.. 🤣
4C_
Mar 30 , 6:15PM
#7starmyaing
📬သတင်းပေးပို့ရန်
@myaing3starbot

စစ်တပ်ဦးစီးချုပ် ရာထူးမှ တာဝန်လွှဲပြောင်းပေးအပ်ပွဲတွင် မင်းအောင်လှိုင် ဝမ်းနည်းမျက်ရည်ကျ ငိုခဲ့၍ မထွက်ခွာမီ နောက်ဆုံး မှတ်တမ်းတင်ဓာတ်ပုံရိုက်ကူးခြင်း အစီအစဉ်ဖျက် သိမ်းခဲ့ရ

ရန်ကုန်၊ မတ် ၃၀

အကြမ်းဖက်စစ်တပ်၏ စစ်တပ်ဦးစီးချုပ်ရာထူးမှ အနားယူပြီး တာဝန်လွှဲပြောင်းပေးအပ်ပွဲတွင် မင်းအောင်လှိုင်မှာ မျက်ရည်ဖြိုင်ဖြိုင်ကျ ငိုကြွေးခဲ့သောကြောင့် ဇေယျာသီရိဗိမ္မာန်မှ မထွက်ခွာမီ မှတ်တမ်းတင်ဓာတ်ပုံရိုက်ကူးခြင်းအစီအစဉ်ကို ဖျက်သိမ်းခဲ့ရကြောင်း နေ ပြည်တော်စစ်ဘက်သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ မတ်လ ၃၀ ရက်နေ့ နံနက်ပိုင်း၊ နေပြည်တော်ရှိ ဇေယျာသီရိဗိမ္မာန်တွင် မင်းအောင် လှိုင်က ရဲဝင်းဦးကို တပ်ချုပ်ရာထူးလွှဲပြောင်းပေးအပ်ပွဲကျင်းပခဲ့ကြောင်း၊ ယင်းသို့ လွှဲ ပြောင်းပေးအပ်ပွဲ တစ်လျှောက်လုံးတွင် မင်းအောင်လှိုင်မှာ မျက်နှာမကောင်းဘဲ မျက် ရည်ဝဲနေခဲ့ကြောင်း၊  မိန့်ခွန်းပြောချိန်တွင်လည်း အသံများ ယိုင်နေခဲ့ကြောင်း သိရှိရသည်။

"ရာထူးလွှဲပြောင်းပေးအပ်ပွဲမှာ ဗိုလ်ချုပ်မှူးကြီးက မျက်နှာကြီးနီနေတာ။ နောက်ဆုံး မိန့် ခွန်းပြောတော့လည်း သူ ၅၂ နှစ်တာ တာဝန် ထမ်းခဲ့တာယ်ဆိုတာကို ပြောတဲ့အချိန်မှာအ သံက တိမ်ဝင်သွားတယ်။ အခမ်းအနားအပြီး နောက်ဆုံး ပြန်ထွက်တဲ့အချိန် ဒုတပ်ချုပ်နဲ့ ဖက်ပြီး နှုတ်ဆက်တဲ့အချိန်မှာ သူမျက်ရည်တွေကျတယ်။ ပြန်အထွက်တစ်လျှောက်လုံး သူ့ဘက်ဘက်လက်မှာ လက်ကိုင်ပုဝါကိုင်ပြီးတော့ မျက်ရည်တွေသုတ်တယ်။" ဟု နေပြည်တော်စစ်ဘက်သတင်းရင်းမြစ်က ပြောဆိုသည်။

တပ်ချုပ်ရာထူးလွှဲပြောင်းအပြီး နေပြည်တော်၊ ဇေယျာသီရိဗိမ္မာန်အထွက်တွင် နောက်ဆုံးမှတ်တမ်းတင် ဓာတ်ပုံရိုက်ကူးမည့်အစီအစဉ်ရှိခဲ့သော်လည်း မင်းအောင်လှိုင်မှာ ဓာတ်ပုံ အရိုက်မခံတော့ဘဲ ကားပေါ်တက်၍ ထွက်ခွာသွားခဲ့ကြောင်း သိရှိရသည်။

ယနေ့ စစ်တပ်ဦးစီးချုပ်ရာထူးမှ အနားယူချိန် မင်းအောင်လှိုင်သည် ပြည်သူ့လွှတ်တော်တွင် ဒုတိယသမ္မတလောင်းအဖြစ် အမည်စာရင်းတင်သွင်းထားပြီဖြစ်သည်။

Mar 30 , 6:34PM
#7starmyaing
📬သတင်းပေးပို့ရန်
@myaing3starbot

⛔ပခုက္ကူ⛔

ပခုက္ကူမြို့ပေါ်ခွေးခြံမှထွက်လာသော အကြမ်းဖက်ခွေးစစ်ကြောင်းသည် ငဖောင်ကန်ရွာအနီးသို့ရောက်ရှိနေကြောင်းသတင်းရရှိ။

#NY
Mar 30, 8:35PM
#7starmyaing
📫သတင်းပေးပို့ရန်
@myaing3starbot

ကမ္မမြို့ဝင်မြို့ထွက်လမ်းများအား ညဘက်ကူးသန်းခွင့် ပိတ်ပင်ကြောင်းနှင့်၊ မြို့တွင်းလက်နက်စည်းကမ်း ထုတ်ပြန်ကြေငြာချက်

ကြေငြာချက်အမှတ်(၁/၂၀၂၆)
၃၀ရက်၊ မတ်လ၊ ၂၀၂၆ခုနှစ်။

ကန်တော်‌စခန်း၊ ညောင်ဂျစ်ပင်ပျူစခန်း၊ ကမ္မ‌ရဲစခန်းများ စသည့် ရန်သူ့စခန်းထံလက်နက်ချမှုများကို ကြပ်မတ်ထိန်းသိန်းရန်နှင့် ပခုက္ကူ(၁၀၁)တပ်မကထွက်လာသည့် ရန်သူ့သူလျိုများကို စစ်ဆေးရန် ကမ္မဒေသတော်လှန်ရေးတပ်ပေါင်းစုအနေဖြင့် ကမ္မဒေသတွင်းလမ်းပိုင်းများကို စစ်ဆေးမှုများ၊ စည်းကမ်းချက်များ ကြပ်မတ်သွားမည် ဖြစ်သည်။

(က) ၂၀၂၆ခုနှစ် မတ်လ၃၀ရက်နေ့မှ စ၍ ကမ္မ-ရေလာကြီး၊ ကမ္မ-ရိုးဇရပ် လမ်းပိုင်းများအား လုံခြုံရေးအခြေနေများကြောင့် ည ၁၀နာရီနှင့် နံနက်၄နာရီအကြားကူးသန်းခွင့် ပိတ်ပင်လိုက်သည်။

ကာကွယ်ရေးတပ်ဖွဲ့များအနေဖြင့် စစ်ရေးအခြေအနေအရ အရေးပေါ် အသုံးပြုလိုပါက ကမ္မတပ်ပေါင်းစုထံ အဆင့်ဆင့်ချိတ်ဆက်သတင်းပို့ပြီးမှသာ ရှောင်လမ်းများဖြင့် ကူးသန်းခွင့်ပြုမည်ဖြစ်သည်။

ပြည်သူများအနေဖြင့် ကျန်းမာရေးအရ အသုံးပြုလိုပါက ကမ္မတပ်ပေါင်းစု၏ သက်ဆိုင်ရာရပ်ကျေးကာကွယ်ရေးအဖွဲ့များထံ ချိတ်ဆက်၍ ရှောင်လမ်းများဖြင့် ကူးသန်းခွင့်ပြုမည် ဖြစ်ပါသည်။

တားမြစ်ထားသည့်ကြားက ကန့်သတ်ချိန်အတွင်း ကူးသန်း၍သော်လည်းကောင်း၊ မချိတ်ဆက်ဘဲကူးသန်း၍သော်လည်းကောင်း မိုင်းအန္တရာယ်ဖြစ်ပါက တာဝန်ယူ‌မည်မဟုတ်ပါ။ လမ်းပိုင်းအသုံးပြုချိန်များကို နောက်ထပ်တစုံတရာမထုတ်ပြန်မချင်း ပိတ်ပင်ထားမည်ဖြစ်သည်။

(ခ) ကမ္မမြို့တွင်းသို့ ကာကွယ်ရေးတပ်ဖွဲ့များကို အကြောင်းမဲ့ လက်နက်ဖြင့် ဝင်ရောက်ခွင့် ပေးမည်မဟုတ်ဘဲ သက်ဆိုင်ရာတပ်ဖွဲ့၏ စစ်ရေးတာဝန်ခွင့်ပြုချက်ဖြင့်သာ ဝင်ခွင့်ပြုမည်ဖြစ်သည်။

လက်နက်ဖြင့် ကမ္မမြို့တွင်း ဖြတ်သန်းသွားလာမည့်ကာကွယ်ရေးတပ်ဖွဲ့များအနေဖြင့်လည်း ကမ္မတပ်ပေါင်းစုနှင့်ဒေသတွင်းတပ်ဖွဲ့များ၏ ပူးပေါင်းဂိတ်များတွင် ကြည်ဖြူစွာအစစ်ဆေးခံရန် တိုက်တွန်းအပ်ပါသည်။ အကယ်၍ ကြည်ဖြူစွာအစစ်ဆေးမခံပါက လုံခြုံရေးအရ ပစ်မိန့်ပေးထားပါသဖြင့် မလိုလားအပ်သော ပဋိပက္ခများမဖြစ်စေရန် တိုက်တွန်းရခြင်းဖြစ်သည်။ သတင်းပေးပို့မှုမရှိဘဲကူးသန်း၍ ပစ်ခတ်မှု ဖြစ်ပွားပါက နောက်ဆက်တွဲပြဿနာများကို ကမ္မတပ်ပေါင်းစုက တာဝန်ယူဖြေရှင်းမည် မဟုတ်ပါ။

(ဂ) ဤစည်းကမ်းချက်များကို ကာကွယ်ရေးတပ်များနှင့် ဒေသခံပြည်သူလူထုများ သိရှိလိုက်နာနိုင်ရန် ထုတ်ပြန်ကြေငြာအပ်ပါသည်။

ကမ္မဒေသတော်လှန်ရေးတပ်ပေါင်းစု

ဖြန့်ဝေခြင်း-
ပခုက္ကူမြို့နယ်ပြည်သူ့ကာကွယ်ရေးအဖွဲ့
ထိစပ်ဒေသကာကွယ်ရေးအဖွဲ့များ
ဒေသတွင်းကာကွယ်ရေးအဖွဲ့များ၊ စစ်ဆေးရေးဂိတ်များ။

#PKK News
𝐌𝐚𝐫-30. 8:48𝐏𝐌    
     
7StarMyaing

ThreeStarMyaing

သတင်းပေးရန်@Myaing3Star

သတင်းချန်နယ်ကြည့်ရှုရန်https://t.me/https7starmyaing

သတင်းစကားဝိုင်းhttps://t.me/+lG1a27nrqP0xYTA1

ခေတ်ပျက်တွေကြားမှာ လူချမ်းသာတွေဟာ

ငွေကိုရေလို ကစားနေပြီး

လူဆင်းရဲတွေဟာ ငွေကြောင့်

ဘ၀ပျက်ရရှာတယ်။

- လွမ်းသစ်

🙏🌹 မင်္ဂလာ ညချမ်းလေးပါ🙏🦅🌹

စစ်ခွေး အန္တရယ် နှင့် စစ်ခွေး လေကြောင်း အန္တရယ်
အပေါင်းမှ ကင်းဝေးကြပါစေ.....ဆုတောင်း မေတ္တာ ပို့သ အပ်ပါသည်🙏🌹🙏

စိတ်၏ ချမ်းသာခြင်း ကိုယ်၏ ကျန်းမာခြင်း နှင့်ပြည့်စုံကြပါစေ......🙏🙏🙏


𝐌𝐚𝐫-30. 10:32𝐏𝐌    
     
7StarMyaing

ThreeStarMyaing

သတင်းပေးရန်>@Myaing3Star/
@myaing3starbot
သတင်းချန်နယ်ကြည့်ရှုရန်https://t.me/https7starmyaing

ရေစကြို - မကွေးတိုင်း⚠️

ရေစကြို ခလရ၂၅၆ ၂၅၇ ၂၅၈မှ စခ များသည် ရေစကြိုမြို့နယ် သပြေပင်ရွာမှ ထွက်လာပြီး ရေစကြိုမြို့နယ် ကံသစ်ကျေးရွာအနီးသို့ ရောက်ရှိနေကြောင်းသတင်းရရှိပါသည်။

မိဘ ပြည်သူ တော်လှန်ရေး ညီအကို မောင်နှမများတလရ ရဲဘော်များ စစ်ခွေးများ၏ ဘေးအန္တရာယ်အပေါင်းမှ ကင်းဝေးနိုင်ကြပါစေ...🙏🙏🙏

Mar-31,7:05 am
#Threestarmyaing
#7starmyaing
📫သတင်းပေးပို့ရန်
@myaing3starbot

⛴ ဧရာဝတီမြစ်ရေပြင်⛴

ဘူဘုရားမှ ထွက်လာသော စစ်ခွေးစက်လှေ ၃စီးသည် ငွေသောင်းချမ်းသာကြီး စိတ်သို့ ကပ်နေပီး အအ များပြားကြောင့် သတင်းရရှိထားပါသည်။ အသေးစိတ် စစဆ

#PKK News
🗓️𝐌𝐚𝐫-31⏰7:44A𝐌            
📨သတင်းများပေးပို့ရန်@daunglayio

# ပခုက္ကူခရိုင် {သတင်းများ}

သတင်းချန်နယ်ကြည့်ရှုရန် https://t.me/autagbii

♦​​​​ပခုက္ကူမြို့နယ်♦

ပခုက္ကူမြို့နယ် ပုဂံဗူးဘုရားဘက်မှ ထွက်လာသော အင်အား{၇၀}ခန့်ပါ စစ်ခွေးစစ်ကြောင်းသည်၊ ကျွန်းချောင်းနယ်၊ ချမ်းသာကြီးရွာသို့ ရောက်ရှိပြီး၊ ချမ်းသာကြီးရွာရှိ ပြည်သူပိုင်နေအိမ်များအား မီးရှို့နေကြောင်း သတင်းရရှိထားပါသည်။

#PKK News
🗓️𝐌𝐚𝐫-31 ⏰ 10:00𝐀𝐌

#MRSN
Mar 31 , 11:07AM
#7starmyaing
📫သတင်းပေးပို့ရန်
@myaing3starbot

ပခုက္ကူခရိုင်၊ပေါက်မြို့နယ်

ပေါက်မြို့ပေါ်မှစတင်ထွက်ခွာလာကာပေါက်မြို့နယ်တောင်ပိုင်း၌ဝင်ရောက်နေသောစခစစ်ကြောင်းနှင့်ယာဉ်တန်းမှရှေ့ပြေးခြေလျင်စစ်ကြောင်းသည်ယနေ့မနက်တွင်သီးချောက်ရွာမှတဆင့်ပင်တောင်ပျူရွာဘက်သို့ထွက်ခွာလာကာ၊ပေါက်မြို့ပေါ်မှမနေ့မနက်ကထပ်မံထွက်ခွာလာသောစခကား၁၀စီးအအတရာငါးဆယ်ခန့်သည်လည်းလယ်လမ်း-သရဖီရွာများသို့ရောက်ရှိနေကြောင်းသိရပါတယ်။

#MDN
Mar-31/2:30PM
#7starmyaing
📫သတင်းပေးပို့ရန်
@myaing3starbot

ဂန့်ဂေါမြို့နယ် အနောက်ဘက်ကျေးရွာများကို စစ်ကောင်စီ UAV ဒရုန်းဖြင့် ကင်းထောက်ပျံသန်းမှုများ ပြုလုပ်နေ
ပြည်သူများ လေကြောင်းအန္တရာယ် အထူးသတိပြုရန်လိုအပ်

မတ် ၃၁၊ ၂၀၂၆ | ဂန့်ဂေါ

မကွေးတိုင်း၊ ဂန့်ဂေါမြို့နယ် မြစ်သာမြစ်အနောက်ဘက်ခြမ်းရှိ ကျေးရွာများအနီးတွင် စစ်ကောင်စီတပ်က UAV ကင်းထောက်ဒရုန်းများဖြင့် ယနေ့ (မတ် ၃၁) နံနက် ၁၁ နာရီခွဲခန့်မှ စတင်ကာ ကင်းထောက်ပျံသန်းမှုများ ပြုလုပ်နေကြောင်း ဒေသခံများထံမှ စုံစမ်းသိရှိရသည်။

ဒေသခံများ၏ ပြောကြားချက်အရ စစ်ကောင်စီသည် ဂန့်ဂေါမြို့နယ်အတွင်း UAV ဒရုန်းအသုံးပြုကာ ကင်းထောက်ပျံသန်းမှုများကို မကြာသေးမီက ဆက်တိုက်ပြုလုပ်လာနေပြီး ယနေ့တွင်လည်း မြစ်သာမြစ်အနောက်ဘက်ရှိ ကျေးရွာများအနီးတွင် ပျံသန်းကင်းထောက်မှုများ ပြုလုပ်ခဲ့ကြောင်း သိရသည်။

“ဒီနေ့ မနက်ပိုင်း ၁၁ နာရီခွဲလောက်ကစပြီး UAV ဒရုန်း ပျံသန်းကင်းထောက်နေတာကို မြင်ခဲ့ရပါတယ်။ ဂန့်ဂေါမြို့အနီး မြစ်အနောက်ဘက်ခြမ်းမှာရှိတဲ့ ကျေးရွာတွေ အများစုအပေါ်မှာ ကင်းထောက်ပျံသန်းခဲ့ပါတယ်။ လေကြောင်းကနေ ဒရုန်းနဲ့ ကင်းထောက်ပြီးနောက် လေကြောင်းတိုက်ခိုက်မှုတွေ ဖြစ်လာနိုင်တာကြောင့် ပြည်သူတွေအနေနဲ့ လေကြောင်းအန္တရာယ်ကို အထူးသတိထားနေထိုင်ကြဖို့ လိုပါတယ်” ဟု ဂန့်ဂေါမြို့နယ်အတွင်း တော်လှန်ရေးရဲဘော်တစ်ဦးက သတိပေးပြောကြားသည်။

စုံစမ်းသိရှိရသည့်အချက်အလက်များအရ ယင်း UAV ကင်းထောက်ဒရုန်းသည် ဂန့်ဂေါမြို့အရှေ့တောင်ဘက်ရှိ အမတ (၃၇၁) တပ် မှ ပျံတက်လာခြင်းဖြစ်ကြောင်း သိရသည်။အဆိုပါ ဒရုန်းသည် မြစ်သာမြစ်အနောက်ဘက်ခြမ်းရှိ အနောက်ဂန့်ဂေါ၊ ရှုံးရှီ၊ အုတ်လှ၊ ပိတောက်ကုန်း၊ တောင်ပြင်၊ လုံဟော၊ ဇဟောနှင့် စိုင်ဒူးကျေးရွာများ အနီးပတ်ဝန်းကျင်တွင် ပျံသန်းကင်းထောက်ခဲ့ကြောင်း ဒေသခံများက ပြောသည်။

“နေ့ခင်း ၁၂ နာရီနီးပါးလောက်မှာ ဒရုန်းပျံသန်းသွားတာကို မြင်ရပါတယ်။ ဒရုန်းက အရှေ့ဘက်ကနေ အနောက်တောင်ဘက်ကို ဦးတည်ပျံသန်းသွားတာပါ” ဟု မြစ်သာမြစ်အနောက်ဘက်ခြမ်းရှိ ကျေးရွာနေ ဒေသခံတစ်ဦးက ပြောသည်။

ထို့ပြင် ဒေသတွင်း သတင်းရင်းမြစ်များအရ မတ်လ ၂၉ ရက်နေ့ ညနေပိုင်းက ဂန့်ဂေါမြို့တောင်ဘက်ရှိ မြို့အဝင် စစ်ဆေးရေးဂိတ်သို့ လမ်းမှားဝင်ရောက်လာရာမှ တော်လှန်ရေးရဲဘော်၂ဦးအနက် ၁ဦးကို စစ်ကောင်စီတပ်ဖွဲ့ဝင်များကဖမ်းဆီးထားပြီး ကျန်၁ဦးက ထွက်ပြေးလွတ်​မြောက်ခဲ့ကြောင်းသိရသည်။ထိုဖြစ်စဥ်ကြောင့် မြို့တောင်ဘက် WE LOVEအနီး မြို့အဝင်ဂိတ်စစ်ဆေးဂိတ်ကစစ်ကောင်စီတပ်ဖွဲ့၀င်များကို စစ်ကောင်စီကအပြစ်ပေးအရေးယူခြင်းများရှိကြောင်းလည်း သိရှိရပါသည်။
ဖမ်းဆီးခံထားရသည့် တော်လှန်ရေးရဲဘော်ကို ဂန့်ဂေါမြို့ရှိ ခလရ (၅၀) တပ် အတွင်းသို့ ခေါ်ဆောင်ထားပြီး စစ်ဆေးမေးမြန်းမှုများ ပြုလုပ်နေကြောင်း တပ်နှင့်နီးစပ်သည့် သတင်းရင်းမြစ်များထံမှ သိရသည်။

ယခင် မတ်လ ၁၁ ရက်နေ့တွင်လည်း စစ်ကောင်စီတပ်က ဂန့်ဂေါမြို့အရှေ့ဘက်ခြမ်းနေရာများကို UAV ဒရုန်းများအသုံးပြုကာ ကင်းထောက်ပျံသန်းမှုများ ပြုလုပ်ခဲ့သေးကြောင်း ဒေသခံများက ပြောသည်။

ဒေသတွင်း တော်လှန်ရေးအဖွဲ့အစည်းများအဆိုအရ စစ်ကောင်စီ၏ ဒရုန်းပျံသန်းကင်းထောက်မှုများသည် တော်လှန်ရေးတပ်ဖွဲ့များ၏ လှုပ်ရှားမှုများကို စောင့်ကြည့်ရန် ရည်ရွယ်ခြင်းဖြစ်နိုင်ကြောင်း ခန့်မှန်းထားသည်။

ထို့ကြောင့် ယခုရက်ပိုင်းအတွင်း ဒေသခံပြည်သူများနှင့် တော်လှန်ရေးတပ်ဖွဲ့များအနေဖြင့် စစ်ကြောင်းလှုပ်ရှားမှုများနှင့် လေကြောင်းတိုက်ခိုက်မှု အန္တရာယ်များကို အထူးသတိပြု စောင့်ကြည့်နေထိုင်ကြရန် လိုအပ်ကြောင်း ဒေသတွင်းသတင်းရင်းမြစ်များက သတိပေးထားသည်။

ယောအလင်းတန်း
#MRSN
Mar 31 , 3:20PM
#7starmyaing
📫သတင်းပေးပို့ရန်
@myaing3starbot

♦​​​​ကျွန်းချောင်းနယ်♦

ကျွန်းချောင်းနယ် ချမ်းသာကြီးရွာသို့ ရောက်ရှိနေသော အကြမ်းဖက် စစ်ခွေးအင်အား{၇၀}ခန့်ပါ စစ်ခွေးစစ်ကြောင်းသည်၊ ငွေသောင်ရွာနှင့် ချမ်းသာကြီးရွာတို့၌ လက်ရှိအချိန်ထိ ပြည်သူပိုင်ပစ္စည်းများကို ခိုယူ၍ ချက်ပြုတ်စားသောက်နေကြောင်း သတင်းရရှိထားပါသည်။

#PKK News
🗓️𝐌𝐚𝐫-31 ⏰ 4:55𝐏𝐌

#MRSN
Mar 31 , 5:45PM
#7starmyaing
📫သတင်းပေးပို့ရန်
@myaing3starbot

ရေစကြို - မကွေးတိုင်း⚠️

ရေစကြို ခလရ၂၅၆ ၂၅၇ ၂၅၈ မှ စခများသည် ရေစကြိုမြို့နယ် သပြေပင်ရွာတွင် ညအိပ်ခဲ့ပြီး ရေစကြိုမြို့နယ် ကံသစ်ရွာတွင် ယခု ည ညအိပ်ဝပ်ကျင်ချနေကြောင်းသတင်းရရှိပါသည်။

Mar-31, 8:46PM
#Threestarsmyaing

ဂန့်ဂေါမြို့နယ်တွင် တိုက်ပွဲဖြစ်ပွားခြင်းမရှိဘဲ စစ်ကောင်စီ ဂျက်ဖိုက်တာ ၂ စီးဖြင့် လေကြောင်းတိုက်ခိုက်၊ ပြည်သူ ၁ ဦး ဒဏ်ရာရ

မတ် ၃၁၊ ၂၀၂၆ | ဂန့်ဂေါ

မကွေးတိုင်း၊ ဂန့်ဂေါမြို့နယ် အနောက်တောင်ပိုင်းရှိ နေရာတစ်ခုကို ယနေ့ (မတ် ၃၁) ညနေ ၅ နာရီခွဲခန့်တွင် စစ်ကောင်စီလေတပ်က ဂျက်ဖိုက်တာလေယာဉ် ၂ စီးအသုံးပြုကာ လေကြောင်းတိုက်ခိုက်မှုများ ပြုလုပ်သွားကြောင်း ဒေသခံများထံမှ စုံစမ်းသိရှိရသည်။

ဒေသခံများ၏ ပြောကြားချက်အရ စစ်ကောင်စီလေတပ်မှ တံတားဦးလေတပ်စခန်းမှ ထွက်ခွာလာသည့် ဂျက်ဖိုက်တာ ၂ စီးသည် ဂန့်ဂေါမြို့နယ် အနောက်တောင်ပိုင်းရှိ ဇီးပြားကျေးရွာအနီးကို လေကြောင်းမှ ဗုံးကြဲတိုက်ခိုက်မှုများ ပြုလုပ်ခဲ့ခြင်းဖြစ်ကြောင်း သိရသည်။“ဂျက်ဖိုက်တာ ၂ စီး လာတိုက်ခိုက်သွားတာပါ။ ပထမတစ်စီးက ဗုံး ၁ ကြိမ်ပဲချသွားပြီး နောက်ထပ်တစ်စီးက ၂ ကြိမ်ဗုံးချတိုက်ခိုက်သွားပါတယ်။ ဂျက်ဖိုက်တာကို ၁ စီးပဲ သေချာမြင်လိုက်ရပါတယ်။ တိုက်ပွဲဖြစ်တာလည်း မရှိဘဲ လေကြောင်းကနေ ဗုံးကြဲသွားတာပါ” ဟု ဒေသခံပြည်သူတစ်ဦးက ပြောသည်။

အဆိုပါ လေကြောင်းတိုက်ခိုက်မှုကြောင့် ခရီးသွားလာနေသည့် ပြည်သူတစ်ဦး ထိခိုက်ဒဏ်ရာ (မစိုးရိမ်ရ) အနည်းငယ် ရရှိခဲ့ကြောင်းလည်း ဒေသခံများထံမှ သိရသည်။

ထို့ပြင် ယနေ့နံနက်ပိုင်း ၁၁ နာရီခွဲခန့်မှစ၍ စစ်ကောင်စီတပ်က ဂန့်ဂေါမြို့နယ် မြစ်သာမြစ်အနောက်ဘက်ခြမ်းရှိ ကျေးရွာများအနီးတွင် UAV ကင်းထောက်ဒရုန်းများဖြင့် အချိန်အတော်ကြာ ကင်းထောက်ပျံသန်းမှုများ ပြုလုပ်ခဲ့ပြီးနောက် ယခုကဲ့သို့ လေကြောင်းတိုက်ခိုက်မှုများ ဆက်လက်ပြုလုပ်လာခြင်းဖြစ်ကြောင်း သိရသည်။

“လေကြောင်းကနေ ဗုံးကြဲသွားတာကို မြို့ပေါ်ကနေ အသံအကျယ်ကြီး ကြားလိုက်ရပါတယ်။ အစောပိုင်းမှာ လက်နက်ကြီးပစ်တာလို့ ထင်နေခဲ့တာပါ။ နောက်မှ ဂျက်ဖိုက်တာနဲ့ ဗုံးလာကြဲသွားတာလို့ သိရပါတယ်” ဟု ဂန့်ဂေါမြို့ခံ ပြည်သူတစ်ဦးက ပြောဆိုထားသည်။

ဒေသတွင်း သတင်းရင်းမြစ်များ၏ ပြောကြားချက်အရ ယနေ့ UAV ဒရုန်းများဖြင့် ကင်းထောက်ပျံသန်းခဲ့သည့် မြစ်သာမြစ်အနောက်ဘက်ခြမ်းရှိ ကျေးရွာများအနေဖြင့် လေကြောင်းအန္တရာယ်ကို အထူးသတိပြုနေထိုင်ကြရန် လိုအပ်ကြောင်း သတိပေးထားသည်။

စစ်ကောင်စီတပ်သည် ဂန့်ဂေါမြို့နယ်အတွင်းတွင် တိုက်ပွဲဖြစ်ပွားခြင်းမရှိသော်လည်း လေကြောင်းတိုက်ခိုက်မှုများ ပြုလုပ်နေကြောင်း ဒေသခံများက ပြောဆိုထားသည်။

သတင်း – CJ
စာတည်း – မောင်ဇီးကွက်
ယောအလင်းတန်း

Mar 31, 9:01PM
#7starmyaing
📫သတင်းတင်းပေးပို့န်
@myaing3starbot