ရေစကြိုမြို့နယ်၊ ဆင်ချောင်းရွာတွင် ခြင်းခတ်နေသော ပျူစောထီးများကို ဒရုန်းဖြင့် ဗုံးကျဲတိုက်ခိုက်မှု မုဒိမ်းမှုများစွာ ကျူးလွန်ထားသော ပျူစောထီးခေါင်းဆောင် လင်းထင် အပါအဝင် ၁၀ ဦးသေဆုံး

ဇန်နဝါရီလ ၁၆ ရက်

မကွေးတိုင်း၊ ရေစကြိုမြို့နယ်၊ ဆင်ချောင်းရွာပျူစောထီးများခြင်းခတ်နေစဉ် ဒရုန်းဖြင့် ဗုံးကျဲ တိုက် ခိုက်ခဲ့ရာ ပျူစောထီးခေါင်းဆောင် ငလင်း (ခ)လင်းထင်အပါအဝင် ၁၀ ဦးသေဆုံးပြီး ပျူခေါင်းဆောင် ငလင်း(ခ) လင်း ထင် မှာ မိန်းကလေးငယ်များကို ဖမ်းဆီးပြီး အချုပ်ခန်းအတွင်း မုဒိမ်းကျင့်နေသူဖြစ် ကြောင်း ရေစ ကြိုပကဖမှ တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောကြားသည်။

ဇန်နဝါရီလ ၁၅ ရက် ညနေ ၅ နာရီ ၃၀ မိနစ်ခန့်က ရေစကြိုမြို့နယ်၊ ရေစကြို -ပခုက္ကူကားလမ်း ဘေး ဆင်ချောင်းပျူရွာ၌ ခြင်းခတ်နေသည့် ပျူစောထီးအဖွဲ့ကို ရေစကြို ပကဖအဖွဲ့မှ ဒရုန်းဖြင့် ဗုံးကျဲတိုက်ခိုက်ခဲ့ရာ ဆင် ချောင်းရွာ ပျူစောထီးခေါင်းဆောင် လင်းထင် (ခ) ငလင်းအပါအဝင် ၁၀ ဦး ခန့်သေဆုံးခဲ့ကြောင်း သိရသည်။

သေဆုံးသွားသော ဆင်ချောင်းရွာ ပျူစောထီးခေါင်းဆောင်မှာ စစ်တပ်အငြိမ်းစား ဝန်ကြီးဟောင်း စိုး မောင်၏ တူမဖြစ်သူ ညားပြီး စိုးမောင်၏ အရှိန်အဝါဖြင့် လက်နက်ခဲယမ်းအင်အား တောင့်တင်းသော ကြောင့် ပြည်သူလူထုအပေါ် ဆက်ကြေးကောက်ခံ ခြင်း၊ မိန်းကလေးများအား ဖမ်းဆီးပြီး မုဒိမ်းကျင့် ခြင်းများ လုပ်ဆောင်နေသူဖြစ်ကြောင်း သိရသည်။

“လက်ရအရှင်ဖမ်းဆီးဖို့ပဲ၊ ဒါပေမယ့် အခြေအနေက တော်တော်ကြာနေတဲ့အခြေအနေဖြစ်သွားတာ ပေါ့၊ ကျနော်တို့ ကင်းထောက်နေတာကလည်း ကြာသွားတာနဲ့ဆိုတော့ တစ်ခါတည်းပဲ အသေ ရှင်း လင်းလိုက်ရတော့တာ၊ ကင်းထောက်နေတာက ကြာပြီ။ ဒီကောင်က‌ တော်တော်ဆိုးတဲ့ကောင်၊ မုဒိမ်း မှုတွေဆိုရင် သူ့တပည့်တွေ ဖမ်းမိထားတဲ့သူတွေရဲ့ ထွက်ဆိုချက်အရကိုက လေးငါးမှုလောက်ရှိ တယ်။ သူတို့မထင်တဲ့ မိန်းကလေးတွေဆိုရင် ဖမ်းတယ်၊ ဖမ်းပြီးတော့ အချုပ်ထဲထည့်ထားတယ်၊ ထည့်ပြီးတော့ ဒီကောင်အရင် မုဒိမ်းကျင့်တယ်။ ပြီးတော့ သူ့တပည့်တွေကို တယောက်တလှည့်စီ အချုပ်ခန်းထဲဝင်ပြီး မုဒိမ်းကျင့်ခိုင်းတာရှိတယ်။ ဆိုးတာက တော်တော်ဆိုးတယ်။ ဗိုလ်တွေဘာတွေ လည်း မထင်ရင်မထင်သလို ဆဲဆိုတာတွေ လက်ပါတာတွေက အစရှိတယ်။ အဲကြောင့် ကျနော်တို့ က လိုက်နေတာ၊ ကြာပြီ၊ ဒါပေမယ့် သူတို့က ရေစကြို-ပခုက္ကလမ်းကြားထဲမှာနေတာဆိုတော့ ကျ နော် တို့က လုပ်ရကိုင်ရ ခက်ခဲလို့ အချိန်က နည်းနည်း ကြသွားတာ။ ဖမ်းတာကတော့ အရှင်ဖမ်းချင် တာ၊ ဒါပေမယ့်နောက် ဆုံး အသေပဲ တိုက်ခိုက်လိုက်ရတော့တာ” ဟု ရေစကြိုပကဖမှ တာဝန်ရှိသူက ရန်ကုန်ခေတ်သစ် သတင်းဌာနထံသို့ ပြောကြားသည်။

မုဒိမ်းမှုမြောက်များစွာကျူးလွန်ထားပြီး ပြည်သူလူထုအပေါ်မိုက်ရိုင်းစော်ကားနေသောကြောင့် ငလင်း (ခ)လင်းထင်ကို အရှင်ဖမ်ဆီးနိုင်ရေးအတွက် ရေစကြိုပကဖမှ ရဲဘော်များက ကင်းထောက် နေခဲ့ရာ ၁ လကျော်ကြာမြင့်ခဲ့ပြီဖြစ်ပြီး လက်ရဖမ်းဆီးခြင်းထက် ဒရုန်းဖြင့် ဗုံးကျဲတိုက်ခိုက်ခြင်းက ပိုမို အခွင့်သာသောကြောင့် တိုက်ခိုက်ရှင်းလင်းလိုက်ရခြင်းဖြစ်ကြောင်း ရေစကြိုပကဖက အသိပေး ထားသည်။

“ဒရုန်းနဲ့ ဆယ့်လေးငါးလုံးလောက်ချခဲ့ရတာ၊ သူတို့ခြင်းခတ်နေတဲ့အချိန်ချခဲ့တာ၊ မနေ့က ပခုက္ကူ ကနေ သံပြားကာ ကား ၂ စီးနဲ့ အင်အားကလည်း ၂၀၀ လောက်ရှိတယ်၊ ဆင်ချောင်းဘက်ကို လာပြီး တော့ သူတို့ကို ပခုက္ကူဘက်သယ်သွားတယ်ထင်တယ်၊ မနေ့က အဲဒါတွေရှုတ်နေတယ်။ ပခုက္ကူမြို့ ပေါ်ကနေ ဟောင်ဝှစ်ဇာတွေလည်း ထုတယ်။” ဟု ရေစကြိုပကဖမှ တာဝန်ရှိသူက ရှင်းပြသည်။

လက်ရှိချိန်တွင် ယုတ်မာရိုင်းစိုင်းသည့် ငလင်း (ခ) လင်းထင်၏ လက်ပါးစေပျူစောထီးများ ရှက်ရမ်း ရမ်း နေသည့်အချိန်ဖြစ်သောကြောင့် ခရီးသွားပြည်သူလူထုများအနေဖြင့် အထူးသတိပြု သွားလာ ကြပါရန် ရေစကြိုမြို့နယ်(ပ.က.ဖ)က သတိပေးထားသည်။

#KTM
#7starmyaimg

ကံမမြို့နယ်တွင် စစ်တပ် စစ်ကြောင်းကို ကြားဖြတ်တိုက်ခိုက်မှု စစ်သား ၇ ဦးသေဆုံး၊

▪️စစ်တပ်က ကျေးရွာများကို စစ်ကြောင်းထိုး မီးရှို့နေ၍ ရာနှင့်ချီသော ပြည်သူများ တိမ်းရှောင်နေရ

ဇန်နဝါရီလ ၁၆ ရက်

မကွေးတိုင်း၊ ကံမမြို့နယ်တွင် အကြမ်းဖက် စစ်တပ် စစ်ကြောင်းကို ကြားဖြတ်တိုက်ခိုက်ရာ စစ်သား ၇ ဦးသေဆုံးပြီး စစ်တပ်က ကျေးရွာများကို စစ်ကြောင်းထိုး မီးရှို့နေ၍ ရာနှင့်ချီသော ပြည်သူများ တိမ်းရှောင်နေရကြောင်း သရက်ခရိုင် အမှတ်-၄ တပ်ရင်းမှ သတင်းနှင့်ပြန်ကြားရေးတာဝန်ခံ ကိုမြတ်က ရန်ကုန်ခေတ်သစ်သတင်းဌာနထံသို့ပြောဆိုသည်။

ဇန်နဝါရီလ ၁၅ ရက်နေ့ မွန်းလွဲ ၃ နာရီခန့်တွင် ကံမမြို့နယ်၊ ရေနံ့သာရဲကင်းစခန်းမ် ကား ၃ စီး အင်အား ၁၀၀ ကျော်ဖြင့် ထွက်လာသော အကြမ်းဖက် စစ်တပ် စစ်ကြောင်းသည် ကံမမြိုနယ် ပုညိုကျေးရွာတွင် ကားများထားခဲ့၍ ခြေလျင်စစ်ကြောင်းထိုး ဝင်ရောက်လာခြင်းဖြစ်ကြောင်း၊ ယင်း စစ်ကြောင်းကို  သရက်ခရိုင်အမှတ်-၄ တပ်ရင်းက မင်းကျေးရွာအနီးအရောက်တွင် စောင့်ကြို တိုက်ခိုက်ခဲ့ကြောင်း သိရသည်။

ထိုထိတွေ့ တိုက်ပွဲသည် ၁၀ မိနစ်ခန့်သာ ကြာမြင့်ခဲ့ပြီး အကြမ်းဖက် စစ်တပ် ဘက်မှ စစ်သား ၇ ဦးသေဆုံးခဲ့ကြောင်း၊ တိုက်ခိုက်မှု ပြုလုပ်ပြီးနောက် တော်လှန်ရေးရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း၊ ထိုသို့ တိုက်ခိုက်ခံရပြီးနောက် အထိနာသွားသော စစ်တပ် စစ်ကြောင်းသည် ကံမမြို့နယ် တောမကုန်းကျေးရွာသို့ ရောက်ရှိလာကာ ပြည်သူများကို ကြိမ်းမောင်းခြိမ်းခြောက်ပြီး အဖိုးတန်ပစ္စည်းများကို ခိုးယူသွားကြောင်း၊ထို့နောက် ကျောက်စောင်းကျေးရွာအထိ စစ်ကြောင်းထိုးဝင်ရောက်ပြီး တိုက်ပွဲအတွင်း သေဆုံးသူများကို သယ်ဆောင်ကာ ရေနံ့သာရဲကင်းစခန်းသို့ ပြန်လည်ဆုတ်ခွာသွားကြောင်း သိရသည်။

ယင်းနေ့ ည ၉ နာရီ ၃၀ မိနစ်ခန့်တွင် အဆိုပါ  စစ်တပ် စစ်ကြောင်းရောက်ရှိနေသော ရေနံ့သာရဲကင်းစခန်းကို တော်လှန်ရေးရဲဘော်များက ၄၀ မမ လက်နက်ကြီး ၃ လုံးဖြင့် ထပ်မံ ပစ်ခတ်တိုက်ခိုက်ခဲ့ရာ စခန်းအတွင်း ကျရောက်ပေါက်ကွဲပြီး ထိခိုက်မှုများရှိနိုင်ကြောင်း သိရှိရသည်။

ယနေ့ ဇန်နဝါရီ ၁၆ ရက်နေ့ နံနက်ပိုင်းတွင် အဆိုပါစစ်ကြောင်းသည် လက်နက်ကြီးများဖြင့် ရမ်းသမ်းပစ်ခတ်ပြီး မင်းတုန်းမြို့နယ် ကံတွင်း၊ လယ်ပြား၊ လက်ပွကျေးရွာများသို့ ဆက်လက် စစ်ကြောင်းထိုးကာ နေအိမ်များကို ဖောက်ထွင်းမွှေနှောက်နေ၍ ပြည်သူများ ဘေးလွတ်ရာ ထွက်ပြေးတိမ်းရှောင်နေရကြောင်း သိရသည်။

"၁၅ ရက်နေ့မှာ ကံမမြို့နယ် ရေနံ့သာရဲကင်းစခန်းကနေ ထွက်လာတဲ့ အင်အား ၁၀၀ ခန့်စစ်ကြောင်းကို ကျနော်တို့ မင်းကျေးရွာအနီး ကြားဖြတ်တိုက်ခိုက်ခဲ့တာပါ။ အဲ့တိုက်ခိုက်မှုမှာ စစ်ခွေးဘက်က ၇ ဦးသေဆုံးတယ်။ အဲ့နေညမှာပဲ အဲ့ရဲစခန်းကို ကျနော်တို့ ၄၀ မမ နဲ့သွားပစ်တာတော့ စခန်းထဲကိုကျရောက်ပေါက်ကွဲပြီး ထိခိုက်မှုရှိနိုင်တယ်။ စစ်ခွေးတွေဘက်က စခန်းထဲကနေ ပြန်ပြီးပစ်တာတော့ရှိတယ်။ လက်ရှိမှာ စစ်ခွေးစစ်ကြောင်းကြောင့် သရက်မြို့နယ်မှာဆို ဆင်ကော်နဲ့ မြို့လှ၊ ကံမမြို့နယ်ထဲမှာဆို ကျောက်ပန်းတောင်း၊ မင်းတုန်းမြို့နယ်မှာ ချင်းနစ်ရွာ၊ ကံတွင်းရွာ၊ လယ်ပြားရွာနဲ့လက်ပွရွာတွေ ပြည်သူ ရာနဲ့ချီစစ်ရှောင်နေရပါတယ်။ လက်ရှိမှာ ကျနော်တို့ ကြားဖြတ်တိုက်ခိုက်ခဲ့တဲ့ ရေနံသာဘက်ကလာတဲ့ စစ်ကြောင်းကတော့ ရေနံသာမှာပဲရှိနေတယ်" ဟု သရက်ခရိုင် အမှတ်-၄ တပ်ရင်းမှ သတင်းနှင့်ပြန်ကြားရေးတာဝန်ခံ ကိုမြတ်က ပြောဆိုသည်‌။

ထိုအကြမ်းဖက် စစ်တပ် စစ်ကြောင်းသည် ဇန်နဝါရီ ၅ ရက်နေ့မှစ၍ မင်းတုန်းမြို့နယ် သဖန်းကိုင်းကျေးရွာမှ နေအိမ် ၈ လုံးနှင့် ပုဇင်းဒါးကျေးရွာမှ နေအိမ် ၃၈ လုံးတို့ကို မီးရှို့ဖျက်ဆီးခဲ့ကြောင်း၊ ထို့ပြင် သရက်မြို့နယ် အောက်မမြင့်၊ အောက်မနိမ့်၊ ဆင်ကော်၊ မြို့လှ၊ ဆတ်လည်၊ ပုဏ္ဍားနှင့် ပျဉ်းအိုင်ကျေးရွာများရှိ ပြည်သူပိုင်ပစ္စည်းများ၊ ဆန်စပါးများနှင့် တန်ဖိုးကြီးအသုံးအဆောင်များကိုလည်း မတရားသိမ်းပိုက်ယူဆောင်ခဲ့ကြောင်း သိရှိရသည်။

လက်ရှိချိန်တွင် သရက်၊ ကံမနှင့် မင်းတုန်းမြို့နယ်အတွင်း စစ်ရေးတင်းမာနေသဖြင့် မိဘပြည်သူများအနေဖြင့် စစ်ရေးသတိဖြင့် နေထိုင်ကြရန်နှင့် လေကြောင်းရန်၊ လက်နက်ကြီးရန်များကို ကြိုတင်ကာကွယ်ထားကြရန် သရက်ခရိုင် အမှတ် ၄ တပ်ရင်းက အသိပေးနှိုးဆော်ထားသည်။

#KTM
#7stamyaing

♦ရေစကြိုမြို့နယ်♦

ရေစကြိုမြို့နယ် ကမ္ဘဲ့ရွာတွင် ညအိပ်ခဲ့သော ခလရ {256/257/258}ခွေးတပ်များ ပူးပေါင်းစစ်ကြောင်းသည်၊ ကြည်းကန်ရွာသို့ ရောက်ရှိနေကြောင်း သတင်းရရှိထားပါသည်။

#PKK News
🗓️𝐉𝐚𝐧-17-⏰7:00𝐀𝐌
#7stamyaing
📫သတင်းပေးပို့ရန်@myaing3starbot

⚠️မြေပြင်

ရေစကြို၊ မကွေးတိုင်း

ရေစကြိုမြို့ပေါ်မှ ထွက်လာသော စခ စစ်ကြောင်းသည် ရေစကြိုမြို့နယ် ရွာသစ်ရွာထဲသို့ရောက်ရှိနေကြောင်းသတင်းရရှိ။

#WES
7:15am, Jan 17
#7stamyaing
📫သတင်းပေးပို့ရန်
@myaing3starbot

♦ရေစကြိုမြို့နယ်♦

ရေစကြိုမြို့နယ် ကြည်းကန်ရွာတွင် ရောက်ရှိနေသော ခလရ {256/257/258}ခွေးတပ်များ ပူးပေါင်းစစ်ကြောင်းသည်၊ တောင်အို စစ်ခွေးဂိတ်အတွင်းသို့ ဝင်းရောက်သွားကြောင်း သတင်းရရှိထားပါသည်။

#PKK News
🗓️𝐉𝐚𝐧-17-⏰7:25𝐀𝐌

#MRSN
Jan-17 ,  8:20AM
#3starmyaing
📬 သတင်းပေးပို့ရန် @myaing3starbot

17.01.2026
08:50 am
ကျောက်ထုသတင်း

ကျောက်ထု အမတ ၃၆၈ တပ်ထဲမှ စခအင်အား (၂၀၀)ခန့်ဟာ ယောမြို့ကျေးရွာ အရှေ့ဘက် ယောဘုရားကြီးမှတဆင့် တောင်ဘက်ဒေသအခေါ် ကြခတ်ချောင်းလမ်းအတိုင်း တက်သွားတယ်လို့သိရပါတယ်ခင်ဗျာ။ စခတွေဟာ ခမ်းတိုကျောအတိုင်းတက်လာနိုင်သလို့ တောင်ဘက်ဒေသအခေါ် ရေဝေဘက်သို့လည်းဆက်လက်ထွက်ခွာလာနိုင်ပါတယ်ခင်ဗျာ။ လယ်ကြီးအိုင်၊ချောင်းခွ၊ကံချောင်း၊ ပေါက်တောကျေးရွာဘက် မိဘပြည်သူများအ နေဖြင့် စခသတင်းတွေကိုမပြတ်နားစွင့်ထားကြပါရန်နှင့် မိမိတို့လုံခြုံရေး၊ဘေးအန္တရာယ်ကင်းရှင်းရေးတို့ကို အထူးဂရုစိုက်ကြပါရန် အသိပေးအပ်ပါတယ်ခင်ဗျာ။

မိဘပြည်သူများအားလုံး ဘေးအန္တရာယ်ကင်းရှင်းကြပါစေ။

-------------------------- Aung Gyi ---------------------------

ယောအလင်းတန်း
#MRSN
Jan-17 ,  9:00AM
#3starmyaing
📬 သတင်းပေးပို့ရန် @myaing3starbot

ရေစကြို -မကွေးတိုင်း🟡

ရေစကြိုမြို့နယ် ရွာသစ်ရွာထဲသို့ရောက်ရှိနေသော စစ်ခွေးများသည် ပြည်သူ့ပိုင် ပစ္စည်းများ အိမ်ထောင်ပရိဘောဂများပါ မကျန် ခိုးယူပြီး ရေစကြိုမြို့ပေါ်သို့ ၁ဝဘီးကား ၁၂ဘီးကားများဖြင့်လာရောက်သယ်ယူ​နေကြောင်းသတင်းရရှိပါသည်။

#Threestarmyaing
Jan-17(9:40AM)
📬သတင်းပေးပို့ရန်
@myaing3starbot

17.01.2026
10:15 am
ကျောက်ထုသတင်း

ကျောက်ထုအမတ ၃၆၈ တပ်ထဲမှ လက်နက်ကြီးတွေရမ်းသန်းပစ်ခတ်နေတယ်လို့သိရပါတယ်ခင်ဗျာ။ ယောမြို့ကျေးရွာတောင်ဘက်သို့ ထွက်သွားတဲ့ စစ်ကြောင်းဟာ ဒေသအခေါ် ကြို့ပ်နားတစ်ဝိုက်မှာ လက်နက်ကြီးငယ်တွေပစ်ဖောက်နေတယ်လို့သိရပါတယ်။အနီးအနားကျေးရွာမိဘပြည်သူများအနေဖြင့်အစစအရာရာအထူးဂရုစိုက်ကြပါဗျ။ချောင်းခွ၊လယ်ကြီးအိုင်ကျေးရွာဘက်မိဘပြည်သူများအနေဖြင့် စစ်ကြောင်းသတင်းမပြတ်နားစွင့်ထားကြပါရန်နှင့် အစစအရာရာအထူးဂရုစိုက်ကြပါရန် အသိပေးအပ်ပါတယ်ခင်ဗျာ။

မိဘပြည်သူများအားလုံး ဘေးအန္တရာယ်ကင်းရှင်းကြပါစေ။

------------------------ Aung Gyi ----------------------------

ယောအလင်းတန်း
#MRSN
Jan-17 ,  10:15 AM
#3starmyaing
📬 သတင်းပေးပို့ရန် @myaing3starbot

⚠️မြေပြင်

ရေစကြို-မကွေးတိုင်း

ရေစကြိုမြို့နယ် ရွာသစ်ရွာသို့ စကစစစ်သားများရောက်ရှိ ပြည်သူပိုင်ပစ္စည်းများအား ခိုးယူလုယက်နေကြောင်း သတင်းရရှိ။

#WES
9:34am,Jan 17
#7starmyaing
📫သတင်းပေးပို့ရန်
@myaing3starbot

♦ရေစကြိုမြို့နယ်♦

ရေစကြိုမြို့နယ် ရွာသစ်ရွာသို့ ရောက်ရှိနေသော အကြမ်းဖက် စစ်ခွေးများသည်၊ ရွာသစ်ရွာထဲ၌ ပြည်သူ့ပိုင် ပစ္စည်းများ အိမ်ထောင်ပရိဘောဂများပါ မကျန် ခိုးယူပြီး ရေစကြိုမြို့ပေါ်သို့ (၁ဝ)ဘီးကား (၁၂)ဘီးကားများဖြင့် လာရောက်သယ်ယူနေကြောင်း သတင်းရရှိထားပါသည်။

#PKK News
🗓️𝐉𝐚𝐧-17-⏰9:40𝐀𝐌
#7starmyaing
📫သတင်းပေးပို့ရန်
@myaing3starbot

⚠️ပခုက္ကူ

ပခုက္ကူမြို့နယ် (န)ဘုန်းကန်ပျူရွာသို့ရောက်ရှိနေသော စခစစ်ကြောင်းမှာ ဘုန်းကန်ပျူရွာမှာဘဲရှိနေသေးကြောင်းသိရ...(ပြည်သူ့ရှေ့မှာ အချိန့်ပြေ့ရှိတယ်)

🇼🇸မြိုင်🦚ဒေါင်းမင်း မြေပြင်သတင်းမှန်ပြန်ကြားရေးအဖွဲ့
🛰@Daungmin
#MRSN
Jan-17 ,  11:14 AM
#3starmyaing
📬 သတင်းပေးပို့ရန် @myaing3starbot

ရေစကြို - မကွေးတိုင်း⚠️

ရေစကြိုမြို့ပေါ်မှ မအလ စခ၊ ပခများ လူငယ်များကို ပေါ်တာဆွဲနေကြောင်း၊ ယနေ့နံနက်ပိုင်း ရေစကြိုမြို့ပေါ် ရွှေတန်ဆာဈေးကို စခ၊ ပခများရောက်ရှိလာပြီး လူငယ် ၁၀ ဦးဝန်းကျင် ပေါ်တာဆွဲ ဖမ်းဆီးခေါ်ဆောင်သွားခဲ့ကြောင်း၊ ယခင်ရက်ကလည်း တမာတန်းလမ်းဆုံတွင် လူငယ်များကို ပေါ်တာဆွဲဖမ်းဆီးခေါ်ဆောင်ပြီး မအလ စခ စစ်သင်တန်းကျောင်းသို့ ပို့ဆောင်ခဲ့ကြောင်း သိရှိရပါသည်။

မင်းအောင်လှိုင်၏ ကျွန်ရူး၊ ခွေးရူးများ ယုတ်မာရမ်းကားနေသည့်အတွက်ကြောင့် နယ်မှဈေးဝယ်လာသူများ အထူးဂရုစိုက် သွားလာကြပါရန် သတိပေးအပ်ပါသည်။

#Threestarmyaing
Jan-17, 2026
Crd
#InfoCommitteeYesagyo
📬သတင်းပေးပို့ရန်
@myaing3starbot

ပေါက်မြို့နယ်အနောက်ခြမ်းက ဆေးပေးခန်းကို စစ်ကော်မရှင်တပ်က လေကြောင်းကနေ ဗုံးကြဲတိုက်ခိုက်

ဇန်နဝါရီ ၁၇

မကွေးတိုင်း ပေါက်မြို့နယ်အနောက်ခြမ်း တောင်ကံပိုင်ကျေးရွာ ဆေးပေးခန်းကို စစ်ကော်မရှင်တပ်က လေကြောင်းကနေ ဗုံးကြဲတိုက်ခိုက်ခဲ့တယ်လို့ ပေါက်မြို့နယ် ပြည်သူ့လုံခြုံရေးတပ်ဖွဲ့ရဲ့ ထုတ်ပြန်ချက်အရ သိရပါတယ်။

ဇန်နဝါရီလ ၁၇ ရက် ဒီကနေ့ နေ့လယ် ၁၂ နာရီ ၄၅ မိနစ်အချိန်ခန့်မှာ တောင်ကံပိုင်ကျေးရွာဆေးပေးခန်းကို ဂျက်ဖိုက်တာ ၁ စီးနဲ့ လေကြောင်းတိုက်ခိုက်မှု ၂ ကြိမ် ပြုလုပ်ခဲ့တာဖြစ်တယ်လို့ ဆိုပါတယ်။

အဆိုပါလေကြောင်းတိုက်ခိုက်မှုကြောင့် ပြည်သူတွေ ထိခိုက်သေဆုံးမှု မရှိပေမယ့် ကျေးရွာဆေးပေးခန်း ၁ ခုနဲ့ လူနေအိမ် ၅ လုံး ပျက်စီးသွားခဲ့ပြီး လက်ရှိမှာ ကျေးရွာနေပြည်သူလူထုက စစ်ကော်မရှင်တပ်က လေကြောင်းတိုက်ခိုက်မှု နောက်ထပ်လုပ်ဆောင်လာမှာကို စိုးရိမ်တာကြောင့် စစ်ဘေးရှောင်နေကြတယ်လို့လည်း သိရပါတယ်။

ပေါက်မြို့နယ်တောင်ပိုင်းမှာလည်း စစ်ကော်မရှင်တပ်က တပ်ကုန်းပျူရွာမှာ အထိုင်ချထားပြီး အနီးဝန်းကျင်ရွာတွေကို မြေပြင်စစ်ကြောင်းထိုးနေတာကြောင့် ဇင်ရွေးဂုံ၊ တဲတောယာတောင်ရွာ၊ တဲတောယာမြောက်ရွာ၊ ပြစ်ထဲ၊ ကိုင်းလယ်၊ ချောင်းနား၊ စမ်းရေခုံ၊ ဖားအ၊ ကမ္ဘားနီ၊ ချက်ကန်၊ ထန်းတောလယ် အစရှိတဲ့ ကျေးရွာတွေက ပြည်သူလူထု ၄ ထောင်ကျော်ဟာ ဇန်နဝါရီလ ၁၄ ရက်နေ့ကစတင်ကာ စစ်ဘေးရှောင်နေကြရတယ်လို့လည်း သိရှိရပါတယ်။

မြို့တော် News Channel


#myotawnpt
#3starmyaing

မကွေးမြို့  ဆည်မြောင်းနှင့်ရေအသုံးချမှု ဦးစီးဌာနမှ ဒုဦးစီးမှူး လှမျိုးအောင်(ခ) ဗိုလ်ပေါက်ကို PDF က ဖမ်းဆီးသွားမှု နေပြည်တော်သို့ မတင်ပြဘဲ ဖုံးဖိထား

ဇန်နဝါရီလ ၁၇ ရက်

မကွေးတိုင်း၊ မကွေးမြို့၊ စက်မှုတိုင်း ၃ ၊ ဆည်မြောင်းနှင့်ရေအသုံးချမှု ဦးစီးဌာနမှ ဒုဦးစီးမှူး လှမျိုးအောင်(ခ) ဗိုလ်ပေါက်ကို PDF က ဖမ်းဆီးသွားမှုကို နေပြည်တော်သို့ မတင်ပြဘဲ ဖုံးဖိထားကြောင်း အဆိုပါဌာနတွင်း သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇန်နဝါရီလ ၅ ရက်နေ့ မကွေးမြို့မှ မြင်းခြံသို့ အသွားလမ်းတွင်  စက်မှုတိုင်း ၃ ၊ ဆည် မြောင်းနှင့်ရေအသုံးချမှု ဦးစီးဌာနမှ ဒုဦးစီးမှူး လှမျိုးအောင်(ခ) ဗိုလ်ပေါက်ကို PDF တပ်ဖွဲ့များက Non-CDM ဝန်ထမ်းဖြစ်ကြောင်း စိစစ်တွေ့ရှိရပြီး ဖမ်းဆီးသွားခြင်းဖြစ်ကြောင်း သိရှိရသည်။

"ဇန်နဝါရီလ ၅ ရက်နေ့မှာ ညွှန်ကြားရေးမှူး၊ဦးအောင်ကျော်ထွန်း စက်မှုတိုင်း(၃)၊ဆည်မြောင်းနဲ့ ရေ အသုံးချမှု ဦးစီးဌာန မကွေးမြို့နဲ့  ဦးကျော်မင်းဆွေ ဒု-ညွှန်မှူးတို့က ခွင့်ပေးတဲ့အတွက်  ဒုဦးစီးမှူး ဦးလှမျိုးအောင်(ခ)ဗိုလ်ပေါက် ခေါ် ကိုပေါက်က မကွေးကနေ မြင်းခြံကိုပြန်တယ်။ အဲဒါလမ်းမှာ PDF တွေက Non-CDM အရာရှိမှန်း စစ်ဆေးသိရှိသွားပြီးတော့ ဖမ်းသွားတယ်။  အဲဒါကိုလည်း PDF တွေက သက်ဆိုင်သူတွေကို လှမ်းအသိပေးတယ်"ဟု ဌာနတွင်းသတင်းရင်းမြစ်ကရှင်းပြသည်။

ထိုသို့ ဆည်မြောင်းနှင့်ရေအသုံးချမှု ဦးစီးဌာနမှ ဒုဦးစီးမှူး လှမျိုးအောင်(ခ) ဗိုလ်ပေါက်ကို PDF ကဖမ်းဆီးသွားခြင်းကို ညွှန်ကြားရေးမှူး အောင်ကျော်ထွန်းနှင့် ဒုညွှန်ကြားရေးမှူး ကျော်မင်းဆွေတို့က နေပြည်တော်သို့ မတင်ပြတော့ဘဲ ခွင့်မဲ့ပျက်ကွက်ပုံစံဖြင့် ဖုံးဖိထားကြောင်း သိရှိရသည်။

"PDF ဖမ်းသွားတာ သိပေမယ့် အထက်လူကြီးနဲ့ သက်ဆိုင်ရာ အုပ်ချုပ်ရေးအကြီးအကဲတွေကို အသိမပေးဘဲ ဖုံးဖိထားတယ်။ အဓိက ခွင့်မဲ့ ပျက်ကွက်ပုံစံလို ထားထားတာ။ အခုအချိန်အထိလည်း သေသလားရှင်သလား မသိရပါဘူး။ မကွေးက ညွှန်မှူးရော ဒုညွှန်မှူးကရော သူတို့ ခွင့်ပေးလို့ ပြန်တာမို့ သူတို့ကို ထိခိုက်မှာစိုးလို့  နေပြည်တော်ကို အသိပေးပြောကြားခြင်း မရှိဘဲ လွတ်လာဖို့ စောင့်နေကြတာ။ တကယ်လို့ လွတ်လာရင်တော့ ခွင့်မတင်ဘဲ အိမ်ပြန်သွားတယ်ဆိုပြီး အမှုဖျောက်ဖို့ ပြင်တာပေါ့။ အခုကတော့ မလွတ်တော့ ခက်နေတာ" ဟု ဌာနတွင်း သတင်းရင်းမြစ်က ဆိုသည်။

PDF ၏ ဖမ်းဆီးခြင်းခံထားရသော ဆည်မြောင်းနှင့်ရေအသုံးချမှု ဦးစီးဌာနမှ ဒုဦးစီးမှူး လှမျိုးအောင်(ခ) ဗိုလ်ပေါက်၏ ဇနီးမှာလည်း ဆည်မြောင်းနှင့်ရေအသုံးချမှု ဦးစီးဌာနမှ လက်ထောက်ဦးစီးမှူး တစ်ဦးဖြစ်ကြောင်း သိရှိရသည်။

#KTM
#7starmyaing