كلنا عارفين إن ANA أول ما يطلع Positive
نبدأ نفكر في أمراض مناعية زي الذئبة 👌
وكأن النتيجة لوحدها حكم نهائي

لكن الحالة دي مختلفة شوية 👇

شخص سليم تمامًا
مفيش آلام مفاصل
مفيش طفح
مفيش أعراض واضحة
وفجأة ANA طلع Positive

السؤال هنا
هل كل ANA إيجابي معناه مرض مناعي؟
ولا في نسبة من الناس الطبيعية ممكن يطلع عندهم إيجابي من غير أي مشكلة؟

وإمتى الطبيب يقرر إن النتيجة دي مالهاش قيمة إكلينيكية
وما يكملش تحاليل مناعية تانية؟

مستني تحليلكوا 👇

تحليل ANA ممكن يطلع إيجابي في نسبة من الأشخاص الأصحاء تماما خصوصا السيدات وكبار السن وده بيحصل بعيارات منخفضة من غير أي دلالة مرضية حقيقية لأن الجسم أحيانا بيكون أجسام مضادة بسيطة من غير ما يكون في مرض مناعي نشط. النتيجة لوحدها لا تشخص مرض مناعي لأن التشخيص في الأساس إكلينيكي قبل ما يكون معملي ووجود أعراض زي طفح جلدي مميز أو التهابات مفاصل أو تقرحات أو تأثر في الكلى هو اللي يعطي للنتيجة وزن حقيقي. الطبيب يتجاهل ANA الإيجابي لما يكون العيار منخفض والمريض بلا أعراض واضحة ومافيش أي مؤشرات معملية تانية داعمة لأن استكمال تحاليل مناعية في الحالة دي ممكن يدخل المريض في دوامة فحوصات غير ضرورية وقلق بدون سبب. القيمة الحقيقية للتحليل تظهر فقط لما يكون في سياق إكلينيكي يدعمه أما رقم إيجابي مع جسم سليم تماما فغالبا لا يحمل معنى مرضي.