يعني إيه "ويمنعون الماعون"؟

-يعني زوج عايز يكرم زوجته وأولاده فأهله يقولو له لأ كفاية عليها كدا مش لازم تصرف ده كله ، فالزوج يبخل على أهل بيته.
-يعني حد ناوي يُخرج صدقة لوجه الله فتقوله بدون بينة ولا دليل : أنا مش مستريح للناس دي، فيشك فيهم ويغير رأيه.

-يعني واحد جايله مكافأة في عمله، فتقف له فيها ..وكله بقدر الله طبعًا.

-يعني زوجة نفسها تجيب هدية لزوجها، ولما تستشير صديقتها ترد تقولها: مالك مرمية عليه قوي كدا ليه، فتخليها ما تجيبلوش حاجة وتتغير معاه!

-يعني أب عايز يشتري لبنته حاجه ، فزوجته تقوله الولد أولى ، فتكون سبب فى منع خير جي للبنت .

-يعني واحد ناوي يتقدم لواحده فاللي حواليهم يشتغلوا بينهم بالنميمة حسدًا.

-يعني عمل خير هيبدأ، فنعمل نفسنا ناصحين وخبرة وبنوعي الناس علشان مصلحتهم، فيتوقف عمل الخير أو يمشي أعرج، أو يمشي بفريق عمل كارهين بعضهم.

يعني إيه "ويمنعون الماعون"؟
-يعني أرحام مقطعة !
-وخير مبتور!
-وفساد ذات البين !
-وبناء وعمار لا يكتمل!

يعني إيه "ويمنعون الماعون"؟
يعني ربنا يهيئ لنا أسباب الخير واحنا اللي نسعى في منعه من أجل الهوى.
فَوَيْلٌ لِّلْمُصَلِّينَ - الَّذِينَ هُمْ عَن صَلَاتِهِمْ سَاهُونَ - الَّذِينَ هُمْ يُرَاءُونَ

"ويمنعون الماعون"..
حذار... فقد توعّد الله من يفعل ذلك بالويل (جهنم) مع إنه بيصلي ..ولكن كان سبب رئيسى فى منع خير لحد من أجل الهوى.

تابعوا الصفحة أَوَّابٌ

إن اللهّ يُحِبُّ أنْ يُحمَد
الحمد لله على كل حال مهما كان الحال فالخير كل الخير فيما يختاره الله لنا،
الحمد لله بلا سبب، الحمد لله بلا طلب، الحمدلله بلا عدد، الحمدلله حتى يرضى.♡

بفكرك تاني أهو.. باقي 3 أيام وشهر رجب يخلص

فلو عملت ذنوب في الأيام اللي فاتت.. متبطلش تقول الأدعية دي

-اللهم إن كنت قد عصيتك في شهر رجب المُحرم، فهذا ليس استخفافاً بك، ولا استهتاراً بوعيدك، ولكن غلبتني نفسي، فإنها تأمر بالسوء، وتدفعني للمعصية فسامحني وإليك قربني و عن عصيانك جنبني وأبعدني

-اللهم اغفر لي ذنبي كله، دِقّهُ وجلّه، أوله وآخره، سره وعلانيته، ما علمت منه وما لم أعلم

-اللهم إنّي أستغفرك مما أعلم، ومما لا أعلم، ومما أنت به أعلم، إنك أنت الأعز الأكرم"

يعني أستغفرك يارب من ذنوب عملتها وعارفها وفاكرها، وأستغفرك من ذنوب أنا عملتها ونسيتها، وأستغفرك من حاجات أنت تعلمها عنّي وما أدركتش أصلا إنها حرام

وزي ما اتفقنا.. لو مش هتعمل طاعة في الشهور دي، فكُفّ نفسك عن المعصية

"فلا تظلموا فيهن أنفسكم"

السلام عليكم ورحمة الله وبركاته
صباح الخير يا شباب

النبي ﷺ كان يُكثِر من الدعاء بـ (اللهم يا مقلب القلوب والأبصار ثبّت قلبي على دينك، وصرّف قلبي على طاعتك)

فحافظ على الدعاء دا، وكل فترة (أسبوع مثلًا) خد دعاء من الأدعية النبوية وادعي بيه كتير لحد ما تحفظه..
لأن الأدعية النبوية فيها الخلاصة، والنبي ﷺ ما ترك خيرًا إلا ودلنا عليه.

ودي خطوة هتساعدك بإذن الله في القيام وغيره، خاصةً إننا داخلين على رمضان إن شاء الله.

فيه جميلة جدًا قرأتها وعجبتني بتقول:

بعض العطايا يجب أن تتأخر؛ ربما لو أتت باكرًا لا نحافظ عليها.

"وَلَمَّا بَلَغَ أَشُدَّهُ آتَيْنَاهُ".

عشان كده كان من دعاء النبي ﷺ: اللهم رضني بما قضيت، وعافني فيما أبقيت حتى لا أحب تعجيل ما أخّرت، ولا تأخير ما عجّلت.

ذنوبُ فترةِ الخطوبةِ من أهمِّ أسبابِ فشلِ الزواجِ وعدمِ استقامته،

فالخِطبةُ لا تُحلِّلُ الحرام،

فخطيبتُك ليست حلالَكَ، ولا خطيبُك حلالَك.

‏المؤمن يقطع عمره كله في مُحاولة ترويض نفسه
يهزمها مرة و تهزمه مرات

وكل أمله أن يلقى الله غالبًا لا مغلوبًا
لأن في هزيمتها انتصاره ونجاته.

{ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللهَ لَمَعَ الْمُحْسِنِينَ }

"ثبت بالتجربة أن الصلاة على النبيﷺ بصيغة: اللهم صلِّ وسلم على محمد (التي تجمع بين الصلاة والسلام عليه) ١٠٠ مرة بتأنٍ لا يجاوز ٣ دقائق فقط، وقولها ١٠٠٠ مرة = أقل من ٣٠ دقيقة!

فإذا تدبرت أنه بذلك تُكفى همك، ويغفر ذنبك؛ علمت أن التفريط في ذلك حرمان".

إن الشيطَان يُمنيك بالمفقُود لتفقِد الموجُود،

فكُن مُمتنًا حامدًا لما معَك واستعذ باللّٰه من الشيطان!
-

﴿ وَذَا النُّونِ إِذ ذَهَبَ مُغاضِبًا فَظَنَّ أَن لَن نَقدِرَ عَلَيهِ فَنادى فِي الظُّلُماتِ أَن لا إِلهَ إِلَّا أَنتَ سُبحانَكَ إِنِّي كُنتُ مِنَ الظَّالِمينَ ۝ فَاستَجَبنا لَهُ وَنَجَّيناهُ مِنَ الغَمِّ وَكَذلِكَ نُنجِي المُؤمِنينَ ﴾

كان سيدنا رسول الله ﷺ يدعو هذا الدُّعاء في كل صباح بعد صلاة الفجر:

عن صهيب رضىٰ اللهُ عنهُ أَنَّ رَسُولَ اللهِ صلَّى اللهُ عليهِ وسَلَّمَ كان يُحَرِّكُ شَفَتَيْهِ بعد صلاة الْفَجْر بِشَيْء.

فقلتُ: يا رسول الله.. إِنَّكَ تُحَرِّكُ شفتَيْكَ بِشيْءٍ ما كُنْتَ تَفْعل، ما هذا الذي تقول؟

قال: "أقول: اللَّهُمَّ بِكَ أُحَاول، وبكَ أُصَاوِلُ، وبكَ أُقاتل"

#صيام الإثنين 🤍

‏"اللهم في هذا الصباح ، فرجًا يأتي بهدوء، وخيرًا يصل دون موعد، وبشارة تُنسي ما مضى."🩶…

فاكر الركعتين اللي صليتهم بخشوع وبكاء؟
هياخدهم اللي اغتابته!

والصدقة اللي أخفيتها؟
هتروح للي بتنم عليه.

قيامك "ذكرك" وسعيك للخير؟
هيضيع لو مابطلتش غيبة ونميمة.

احفظ حسناتك عشان الثمن غالي جدا..!

اللهم طهر قلوبنا واغفر ذنوبنا واكتبنا من عبادك التوابين الصالحين الصادقين..

لو كنت نزلت بدري شوية مكناش هنقف في الزحمة دي..
لو فلان كان لحق بدري يعمل العملية مكنش زمانه دلوقتي مات..
لو كنت دخلت الكلية الفلانية بدل الكلية دي كان زماني مبسوط أكتر..
يقول الرسول صلى الله عليه وسلم:
( إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان ) رواه مسلم.
كل حاجة في طريقك ليك (إِنَّا كُلَّ شَيْءٍ خَلَقْنَاهُ بِقَدَرٍ)
حياتك مش صدفة، رزقك مش صدفة، معاد موتك مكتوب مهما كان مكانك فين، خلي عندك يقين إن كل حاجة بتفاصيلها في حياتك دي أحسن حاجة ليك حتى لو أنت مش عارف تشوف دا بعينك! اطمأن بأقدار ربنا ليك وأول ما يحصل حاجة تحسها تقيلة على قلبك ردد "قدر الله وما شاء فعل"
لأن أقدار ربنا كلها حكمة ورحمة..
-لقائله

مكان النظر في الصلاة:

وانت واقف = بصّ على موضع السجود
وانت راكع = بُصّ قدّامك
في التشهّد = عينك على صباعك

‏إذا أجري الله على لسانك الصلاة على النبيﷺ فقد جُبِرت ونُصِرت وأتتك أُمنيّآتك وهي راغِمة

عطِّر فمك بالصلاة على النبيﷺ❤️

لما تيجي تصلى الفجر، خد بالك من الكام سُّنة دول وحاول تطبقهم:

١-سُّنة الفجر: اقرأ فيها سورة الكافرون والإخلاص.

عن ابن عمر رَضِىَ اللَّهُ عنهما قال: (رمقتُ رسول اللَّه -صلَّى اللَّهُ عليهِ وسَلَّمَ- عشرين مَرَّةً يقرأ فى الركعتين بعد المغرب، وفى الركعتين قبل الفجر "قُلۡ یَـٰۤأَیُّهَا ٱلۡكَـٰفِرُونَ" و "قُلۡ هُوَ ٱللَّهُ أَحَدٌ")

٢-بعد ما تصلى وإنتَ على نفس قعدتك قول "لا إلهَ الا اللَّه وحده لا شريك له له الملك وله الحمد يحيي ويميت وهو على كل شئ قدير" عشر مرات.

قال رسول اللَّه -صلَّى اللَّهُ عليهِ وسَلَّمَ-:

"مَن قال فى دُبرِ صلاةِ الفجرِ وهوَ ثانٍ رجلَيْهِ قبلَ أن يتكلمَ: لا إلهَ إلَّا اللَّهُ وحدَهُ لا شريكَ لهُ، لهُ المُلكُ، ولهُ الحمدُ، يُحيي ويُميتُ، وهوَ على كلِّ شيءٍ قديرٌ عشرَ مرَّاتٍ..
كتبَ اللَّهُ لهُ عشرَ حسناتٍ، ومحا عنهُ عشرَ سَيئاتٍ، ورفعَ لهُ عشرَ درجاتٍ، وكان يومَهُ ذلكَ كلَّهُ فى حرزٍ مِن كلِّ مَكروهٍ، وحُرِسَ من الشَّيطانِ، ولَم ينبغِ لذنبٍ أن يُدركَهُ في ذلكَ اليومِ، إلَّا الشِّركُ باللَّهِ"!

•وذكِّر.
ـ نُقل

عارف ايه ثواب انك تسلّف حد فلوس؟

مثلا لو سلفت اخوك ١٠٠٠ جنيه واتفقتوا ان هيردهالك بعد ٣ شهور ،، فانت من هنا لحد ما المدة تخلص كأنك بتتصدق كل يوم على فقير بمبلغ١٠٠٠ ج
ولو خلصت الـ ٣ شهور وقالك معلش اتزنقت اديني مهلة شهر كمان يبقا ف الشهر ده كأنك بتتصدق كل يوم بـ ٢٠٠٠ جنيه !
اه والله النبي هو اللي قال كدة

! النبي صلى الله عليه وسلم قال إن من أنظر معسرًا كان له كل يوم صدقة، ومن أنظره بعد حله كان له مثله في كل يوم صدقة. ده معناه إنك لو سلفت حد فلوس واتفقتوا على ميعاد للسداد، فأنت بتتصدق كل يوم بمبلغ السلف، ولو مديت له المهلة بعد كده، فأنت بتتصدق بمبلغ أكبر.

العبادة مش بس صلاة وصيام، العبادة هي كل عمل صالح تقربك من ربنا، وده يشمل مساعدة الناس وفك كربهم.