السلام عليكم ورحمة اللّٰه وبركاته
خليني أفكركم إننا في شهر رجب
أحد الأشهر الحُرُم اللي ربنا عظم فيها الأجر، وحثَنا فيها على الطاعات.
ومن خير الأعمال في الأيام دي "الصيام"
فلو ماعرفتش تصوم الأيام البيض اللي عدت، لسه قدامك الفرصة!
صوم أي 3 أيام من الباقي من شهر رجب، ومتنساش تعدد النوايا..
وافتكر وصية النبي لأبي هريرة رِضي اللّهِ عنه:
"أَوْصَانِي خِلِيلي بِثَلَاَتْ لا أَدَعْهُنَ حَتَّى أَمُوت: صَوْمٍ ثَلاَثَةٍ أيَامٍ مِن كَلَ شهْرٍ، وصَلاَةِ الضَحَى، ونَوْم علَى وتُرِ"..
دي فرصة عظيمة تزود بيها حسناتك، وتقرب بيها من ربنا.
فأغتنم الفرصة، ومتنساش تدعي لنفسك و لخواتك المسلمين وإنت بتفطر.

قرأت كلام جميل لابن القيم، عبّر عن إحساس جوا صدري بقاله سنين ومكنتش عارف أقوله إزاي؟

حقيقي أنا كنت دايمًا بحس بغيرة لله عزّ وجل ويعز عليّا جدًّا ويثقل إننا نكون قاعدين في مجلس، وأول ما يتذكر اسم النبي ﷺ الدنيا تهتز بالصلاة والسلام عليه (وده شيء جميل ومُؤنس ويفرح القلب) لكن المحزن إن لما بيُذكر اسم الله تبارك وتعالى محدش بيقول حاجة حتى المتكلم إلا قليل!

والصح إن المسلم متى ذُكر الله تبارك وتعالى أن يقول ما يدل على توقيره وتعظيمه وده من كمال الإيمان.

ابن القيم رحمه الله قال معنى جميل أوي:
"إنه لو وجبت الصلاة على النبي ﷺ - وهي واجبة بلا شك - كلما ذُكر، لوجب الثناء على الله عزّ وجلّ كلما ذُكر اسمه؛ فيجب على من ذكر اسم الله أن يقرنه بقوله: سبحانه وتعالى، أو عزّ وجلّ، أو تبارك وتعالى، أو جلّت عظمته، أو تعالى جدّه، ونحو ذلك".

عايزك خلال شهر رجب وشعبان ورمضان متبطّلش تدعي الأدعية دي

قُل: "اللهم اغفر لي ذنبي كله، دِقّهُ وجلّه، أوله وآخره، سره وعلانيته، ما علمت منه وما لم أعلم"

والدعاء ده كمان "اللهم إنّي أستغفرك مما أعلم، ومما لا أعلم، ومما أنت به أعلم، إنك أنت الأعز الأكرم"

يعني أستغفرك يارب من ذنوب عملتها وعارفها وفاكرها، وأستغفرك من ذنوب أنا عملتها ونسيتها، وأستغفرك من حاجات أنت تعلمها عنّي وما أدركتش أصلا إنها حرام

وزي ما اتفقنا.. لو مش هتعمل طاعة في الشهور دي، فكُفّ نفسك عن المعصية

"فلا تظلموا فيهن أنفسكم"

‏والله الإنسان لا يرجوا من الدنيا شيء سوى أن يخرج منها بقلبٍ سليم ويُقبض غير فاتن أو مفتون وعلى حالٍ يُحبه الله ويرضاه.

ليست دارنا ولا ديارنا..
ربنا يجعل مستقرنا الجنّة.")

مينفعش أسهر أقيم الليل وأنام متأخر؛ فمعرفش أصحى لفريضة الفجر!

مينفعش ألاقي وقت أدور على حلول لكل المشاكل اللي عندي، لكن أبقى مش فاضي أدور على حل للصلوات اللي بجمعها آخر اليوم!

مينفعش والدتي تحتاجني أساعدها، بس أنا بشوف درس مش فاضي!

هتقولي طيب ما دي عبادة ودي عبادة بردو!

هقولك بس إنت المفروض بتعبد ربنا زي ما أمرك، مش زي ما إنت تحب!!

والعبادات مش كلها زي بعض..
في الحديث القدسي يقول الله عز وجل: "وما تَقَرَّبَ إلَيَّ عَبْدِي بشَيءٍ أحَبَّ إلَيَّ ممَّا افْتَرَضْتُ عليه، وما يَزالُ عَبْدِي يَتَقَرَّبُ إلَيَّ بالنَّوافِلِ حتَّى أُحِبَّهُ، فإذا أحْبَبْتُهُ، كُنْتُ سَمْعَهُ الَّذي يَسْمَعُ به، وبَصَرَهُ الَّذي يُبْصِرُ به، ويَدَهُ الَّتي يَبْطِشُ بها، ورِجْلَهُ الَّتي يَمْشِي بها، وإنْ سَأَلَنِي لَأُعْطِيَنَّهُ، ولَئِنِ اسْتَعاذَنِي لَأُعِيذَنَّهُ"..

وحتى في النوافل فيه أولويات..
يعني مثلًا لو الأذان بيأذن وإنت بتقرأ القرآن = الأفضل إنك تتوقف عن القراءة وتردد الأذان وبعدها ترجع تاني تكمل قراءة.
ليه؟
لأن إجابة المؤذن مقيدة بوقت سماعك للأذان، أما قراءة القرآن فمش مقيدة بوقت.

المسلم واعي ولازم يكون محدد أولوياته وعارف هو عايز إيه، مش تايه في الحياة وخلاص.

فراجع إيه هو ترتيب أولويات المسلم زي ما الشرع بيقول؛ عشان تعرف تمشي في طريق ربنا صح.

#قدام_المراية

ياربِّ الخطوات الجاية تكون أسهل والطُرق تكون أوضح.
ياربِّ اجعل لنا نصيب فِي حياة طيِّبة؛
نرضى فيها عن نفسنا وعن مجهودنا ومحاولاتنا واختيارتنا بدون تخبُّط أو خساير أو آلام!
ياربِّ
ارزقنا من حيثُ لا نحتسب

أتمنى من الله أن يرزقني على قدر نيتي، على قدر حبي للآخرين،
على قدر ما أحمله في قلبي.
أتمنى أن يعاملني كما أتمنى لغيري ولا أخشى ذلك أبدًا لأنني لم أحمل ذرة كرهٍ لأحد يومًا، ولم تكن نيتي سيئة تجاه أحد..
أتمنى الخير للجميع وأتمنى من الله أن يرد لي أفعالي وأن يمن عليَّ ولو بنصف ما أتمناه لغيري.

📌تَذْكِير للجميع ..

مَنْ كَانَ عَلَيْهِ قَضَاءٌ مِنْ رَمَضَانَ الْمَاضِي فَلْيُعَجِّلْ بِالْقَضَاءِ فَإِنَّهُ دَيْنٌ!

الأَيَّامُ تَجْرِي بِسُرْعَةٍ، وَالْوَقْتُ يَضِيقُ، وَالأَجْوَاءُ مُعْتَدِلَةٌ، وَالنَّهَارُ قَصِيرٌ، وَالتَّعَبُ فِيهِ يَسِيرٌ.

*اللَّهُمَّ بَلِّغْنَا رَمَضَانَ، وَأَعِنَّا عَلَىٰ صِيَامِهِ وَقِيَامِهِ عَلَى الْوَجْهِ الَّذِي يُرْضِيكَ عَنَّا.*

كلنا عارفين إن أول حاجة هنتحاسب عليها هيه
الصلاة ..
بس تعالوا نكمّل بقية الحديث :") ربنا لمّا هيحاسبك
ع الصلاة هيحصل حاجتين لإمّا تكون صلاتك تامة
وكاملة لإمّا تكون ناقصة .. لو ناقصة ربنا هيقول
للملائكة انظروا هل لعبدى من تطوع ؟؟ يعنى هل
صلّى نوافل ؟؟
فإن كان له تطوع قال رب العالمين " أتمّوا لعبدى
فريضته من تطوعه " !
شوف جمال ربك ورحمته بيك بالرغم من إنك
صلاتك ناقصة إلا إنه يريد إنه يخرجك من النار بأى
طريقة .. وشوف كلمة " عبدى " .. نسبك ليه مع إنك
مقصر :") ..
أكثروا من نوافل الصلاة " السنن اللى بتبقى قبل و
بعد الفريضة " لعلها تكون المنجية ليك يوم القيامة ❤️📌

*قُل : [ سُبحَانَ الله العَظِيم وَبِحَمدِه]*

*غُرِست لك نخلة في الجنَّةَ ، ومَا أدراك ما نخل الجنة !*

فكم من نخلة ستغرس في هذا اليوم؟

.وما عليك إلا حُسن السعي، ويسدد الله لك ما يشاء.
اعمل كل اللي ما تقدر عليه وربنا هيدبرلك اللي مش هتقدر عليه.
وافتكر دايمًا إنك مسؤول عن السعي مش النتيجة : ))

إِن مسّنا الضّر
أو ضَاقت بنا الحِيَلُ
فَلَن يَخِيبَ لنا فى ربِنَا أملُ.

في صحيح مسلم عن أم المؤمنين عائشة رضي الله عنها أنها قالت:
كان النبي صلى الله عليه وسلم إذا عصفت الريح قال:
(اللهم إني أسألك خيرها وخير ما فيها وخير ما أرسلت به، وأعوذ بك من شرها وشر ما فيها وشر ما أرسلت به.)

إن ربنا ينعم عليكِ باللبس الفضفاض دى نعمة..

أما إنك تشوفى فى لبسك الفضفاض شياكة وجمال مبتشوفيهاش فى البناطيل واللبس الضيق ، دى نعمة أخرى وفضل عظيم ، بعد فضل توفيقك للطاعة نفسها.

"ولكن الله حبب إليكم الإيمان وزينه فى قلوبكم".

وما الفضفاض إلا قرار نَبع مِن القلب قبل أن يتزين بهِ الجسد ، فَـ أضيئي قلبكِ بِـ حُب الستر.

يعني واحد قرر إن هو لما يسمع الأذان ينزل يصلي في المسجد. فنزل أول لما دخل المسجد، لقى إيه؟ رايح بدري شوية، فلقى في ناس بتصلي السنة فراح مصلي السنة. قعد، لقى لسه الإمام ما أقامش الصلاة، فلقى واحد ماسك مصحف بيقرأ فإيه؟ ففتح المصحف وقعد يقرأ.

شوف الطاعة إيه؟ بتولد فصلى مع الجماعة بعدها جه يقوم لقى الناس قاعدة، وواحد اللي جنبه بيقول: أستغفر الله وأتوب إليه، أستغفر الله، فقعد يستغفر تلقائي، بعدين شوية لقى الناس بتختم الصلاة فقعد، لقى الناس قامت تصلي السنة البعدية فصلى.

هو في البيت ممكن ما يعملش كل ده، ممكن يقلب الصلاة بسرعة كده. فشوف ثمرات الطاعة، بإيه؟ بتولد الطاعة.

يروح يحضر درس، فيلاقي في الدرس يتعرف على صحبة صالحة، فيلاقي اللي بيقوله: خد بالك اسمع السلسلة دي هتفرق معاك جداً، كتاب يلاقي اللي بياخده في درس تاني، يلاقي اللي بيقوله على خد بالك انت الحاجة دي انت غلط ممكن تعملها الصح كذا، يلاقي حد بيعلمه التجويد، يلاقي حد بيعلمه قيام الليل.

يبقى هو بس خد إيه؟ خطوة في طاعة، فيفتح له إيه؟ أبواب. فالطاعة بتعمل إيه؟ بتولد الطاعة. وكذالك المعصية.

• م. شريف علي | ‏آثار الذنوب والمعاصي 🎙️

*لا يجتمع الشقاء مع ستة حالات:*

*1- لا يجتمع الشقاء مع بِر الوالدة:*
*«وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا»*

*2- ولا يجتمع الشقاء مع الدعاء:*
*«وَلَمْ أَكُن بِدُعَائِكَ رَبِّ شَقِيًّا»*

*3- ولا يجتمع الشقاء مع القرآن:*
*«مَا أَنزَلْنَا عَلَيْكَ الْقُرْآنَ لِتَشْقَىٰ»*

*4- ولا يجتمع الشقاء مع اتِّباع الهدى*:
*«فَمَنِ اتَّبَعَ هُدَايَ فَلا يَضِلُّ وَلا يَشْقَى»*

*5- ولا يجتمع الشقاء مع خشية الله:*
*«سَيَذَّكَّرُ مَن يَخْشَىٰ. وَيَتَجَنَّبُهَا الْأَشْقَى»*

*6- ولا يجتمع الشقاء مع التقوى:*
*«فَأَنذَرْتُكُمْ نَارًا تَلَظَّىٰ لَا يَصْلَاهَا إِلَّا الْأَشْقَى * الَّذِي *كَذَّبَ وَتَوَلَّىٰ وَسَيُجَنَّبُهَا الْأَتْقَى»🌷*

*‏الإنسان ما هو إلا نفسية؛ إن ضاقت عجز عن عمل الدنيا والآخرة*

*ولذا كان الرسول ﷺ يستعيذ من الهم والغم والحزن في صباحه ومسائه*

*اللهم إنِّي أعوذ بك من الهم والحزن، وأعوذ بك من العجز والكسل، وأعوذ بك من الجبن والبخل، وأعوذ بك من غلبة الدين وقهر الرجال*

اللهم اجعلنى من المقربين وادخلنى فى عبادك الصالحين .

‏بين نِعم حاصلة، و نِعم مُنتظره،
و نِعم لا نشعُر بها .. لك الحمد يا الله"" "

مساء الطمأنينة، لمن يذكر الله فيهدأ
اللهم في هذا المساء:
اشرح صدورنا، ويسّر أمورنا، واغفر ذنوبنا،
وارزقنا راحة لا تنتهي، وأياماً تحمل الخير بين طياتها.
واجعل لنا في كل هم فرج، وفي كل ضيق مخرج،
واكتب لنا من خيرك ما يغنينا، ومن رحمتك ما يطمئن قلوبنا.

مساؤكم دعاء لا يُرد، ورحمة لا تُعد، وقلب مطمئن بنور الله