سبحان الله، الإنسان هو هو، نفسيته المطمئنة تتيح له إنجاز مليارات الأشياء، ونفسيته القلقة تصيبه بالشلل!

اللهم لا تكلنا إلى أنفسنا طرفة عين :))

بعد كتب كتابي بكام يوم لون بشرتي بدأ يتغير للون الأصفر والألم في بطني كان يكاد يكون مُميت ولا يُطاق.

فروحت للدكتورة مع والدتي وكشفت وهنا كانت أكبر صدمة صُعقت منها في حياتي الدكتورة قالتلي كدا بالنص:
" الرّحم عندك يكاد يكون مشقوق نصين ومستحيل تخلفي! "

خرجت من المستشفى وكل اللي في بالي هقول لزوجي إيه؟
وقتها ماما كانت منهارة بس بتحاول تتماسك، بقيت أقول في بالي " ياترى هيسيبني؟ لا مستحيل ده بيحبني جدًا "
حارب عشاني كتير وحتى بعد ما بابا رفضه فضل متمسك بيا فمش معقولة هيتخلى عنِّي، طلعت موبايلي ورنيت عليه فرد عليا بعد تاني مرة، ولما حكيتله اتردد وسكت فلاقيت ريقي وقف وحسيته اتحجر في زوري، فهمت موقفه من عدم رده عليا ولساني انقعد وحتى كلمات الـحب اللـي كـنت بقولهاله حسيتها هتبقى ماسخة جدًا لو طلعت مني للشخص ده تاني واستغربت الدنيا جدًا حقيقي، إمبارح أقرب شخص ليا أصبح أغرب شخص، فكرت إنه هيشاركني كل حاجة، هيطلب صورة ليا بالفستان ويختارلي الأجمل.

مقدرتش أقف على رجلي وأغمى عليا، صحيت على صوت ماما غي البيت وهي بتقولي " الخيبة لما بتيجي بدري يانور بنقدر نعالجها بسرعة، هو بص لأسباب الطب ومبصش لأسباب الرب "

- طب هو كان في حاجة لازم أعملها ياماما؟
لا ياقلب ماما " قُلْ إِنَّ الْأَمْرَ كُلَّهُ لِلَّهِ "
- بس أنا كنت بحبه!
ربنا بياخد منك الأنسب بالنسبالك عشان يرزقك الأصلح ♥.

بعد أيام مش بعيدة أتقدم ليا شاب على خُلق ودين، فرفضتهُ وخوفت يسيبني هو كمان، بس هو أتقدم تاني وتالت فبابا قالي " اقعدي معاه وقوليله الحقيقة بينك وبينه "
أول ما قعدت معاه سألني على سبب رفضتي!
فقولتله " أنا مش هخلف ".
فرد بصدمة وقال " فين الضرر لو توكّلنا على الله الذي يَمنح ويَمنع! "
- فقولتله " وليه متتجوزش غيري وتخلف؟ " فسكت ومردش!
وبعد شوية قال " إزاي واحد عاقل يبص للبشر ويغض الطرفَ عَن المُسبِّب؟ والذي أعطى زكريا سيُعطيني! "
وافقت عليه، وتمَّت الخطوبة والفرح، وبعد ٣ سنين حملت!
فرحتي كانت لا توصف، ولكن الحمل هيكتمل إزاي؟ لكني سيبتها على ربنا وكنت بروح أشتري لبس للطفلة وبشارك زوجي وأقوله " دي أجمل ولا دي! " ياترى هيبق ولد؟
ولا بنت؟ شبهي ولا شبهك!

والصدمة جات زي ما توقعت، الحمل مكتملش بصيت لجوزي وقولتل " مش قولتلك ؟ "
فابتسم وقال " وَلَئِن صَبَرْتُمْ لَهُوَ خَيْرٌ لِّلصَّابِرِينَ".
- هتسيبني؟
ايوه بس لما أموت.

عدت سنة وحملت مرة كمان، زوجي بقى هو اللي يخدمني وكنت بنام في السرير على طول، وبرضو سقطت تاني!
دخلت في حالة نفسيَّة فلاقيت زوجي دخل عليا وحضني وقال " وَأَيُّوبَ إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ "

" وَزَكَرِيَّا إِذْ نَادَىٰ رَبَّهُ رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ.
فَاسْتَجَبْنَا لَهُ ".

مع الوقت لاقيت جسم زوجي بيضعف، تحت عينه بقى أسود فروحتله الصالون ونمت على كتفه وقولتله" مالك؟ "
رد وقال " عُكّازي اتكسر ".
- أي عُكاز ؟
انتي عُكّازي في الدُّنيا يانور ♥.

- بس أنا مش قادرة اسندك!
عارفة يانور لو صبرتي بجد كان ربنا مّن عليكي.
- أنا صابرة
إزاي صابرة وصبرك مُقترنٌّ بسوءِ ظنّ؟
- يعني أعمل إيه؟
أُصبري بيقين وبثقة وادعي دُعاء المُضطر
- معقولة هيجبرني؟
ثقي في رحمته فقط ♥.

وفعلاً بعد سنتين من الدعاء والمناجاه حملت، بس المرة دي مكنتش خايفة، حتى معملتش سونار ولا مرة وكنت سايبة كل أموري على الله، ولما جه يوم الولادة ماما وزوجي وبابا كانوا جنبي، هو كان بيطمني ويطبطب عليا كل شوية وبيحاول يذكرني إن ربنا رب الخير ♥..

وبعد الولادة زوجي دخل لقى في حضني تؤام وبعيط!

فوقف متنح شوية وبعد قال بفرحة ويقين " مفكرة معيّة اللّٰه عز وجل هتهجُرنا بعد ما جبر قلوبنا وجمعنا ببعض؟ "

فبصيت لماما فقالت الجملة دي للمرة التانية:

" بياخد الأنسب من وجهة نظرك عشان يرزقك الأصلح " ♥.

واقعية سُردت بواسطتي.

لـ/ عزة العمروسي

في ناس بتصلي…
بس مش حاسين بحاجة.

الركوع تقيل…
والسجود مفيهوش روح…
والدعاء في الآخر بيبقى مجرد كلمتين بيتقالوا بسرعة وخلاص.

مش لأنهم كُفار،
ولا لأن قلبهم ميت،
بس عشان جواهم حاجة مطفية…
وهم بيحاولوا يرجعوها كل يوم، ومش راضية ترجع.

وبرغم كده…
لسه بيصلّوا.
كل يوم.

يمكن تكونوا شايفين ده ضعف أو فتور،
لكن عايز أقول: والله ده أصدق التعلّق…

لأن اللي بيكمّل من غير ما يحس،
هو أكتر واحد خايف يضيع.

اللهم اجعل قرة أعيننا في الصلاة
ولا تحرمنا لذة الخشوع بين يديك!

كُل عامٍ ونحنُ نشهدُ أن لا إله إلاّ اللّٰه ، وأنَّ مُحمدًا رسول اللّٰه 🤍🌿
صَلوا على مَن مّر على هِجرته ١٤٤٧ عامٍ 🕊️

من مغرب اليوم تبدأ أول ليالي شهر الله المحرم وبداية العام الهجري الجديد ..

يقول الله عز وجل في كتابه الكريم:
{ إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنْفُسَكُمْ }

- شهر الله المحرم من الأشهر الحرم!
وقت مناسب جداً لبداية جديدة لفتح باب أمل جديد لمُتابعة ما بدأناه وفترنا عنه.
بـدايـة نعيش بيها معني الهجرة!
نهجر المعصية
نهجر الكسل
نهجر كل هوي وذنب مقيمين عليه .

وقت نزود فيه طاعتنا ونتقرب فيه إلي الله بعد انتهاء مواسم الطاعات ، صدقة ، ذكر ، قيام ليل ، بر والدين ، الدعاء وخاصة الصيام ..
حيث ورد عَنْ أَبِي هُرَيْرَةَ رَضِيَ اللَّهُ عَنْهُ قَالَ :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ وَأَفْضَلُ الصَّلَاةِ بَعْدَ الْفَرِيضَةِ صَلَاةُ اللَّيْلِ )

اللهم اجعله عامٌ نلجأ ونتوب فيهِ اليك، واجعله عاماً مليء بالرحمةِ والمغفرةِ والنصرِ لإخواننا المستضعفين والأمة الإسلامية جميعها :")) .

فيه معلومة عِرفتها وهي إن أصحاب الرسول صلى الله عليه وسلّم كانوا بيقولوا دُعاء عن رسول الله صلى الله عليه وسلّم عند بداية الشهر وعند بداية السنة "عند رؤية الهلال"،
وإحنا أهو بنبدأ السنة الهجرية الجديدة فنتعلم الدُعاء ده،
عن عبدُ الله بن هشام قال:

كَانَ أَصْحَابُ النَّبِيِّ صَلَّى اللهُ عَلَيْهِ وَسَلَّمَ، يَتَعَلَّمُونَ هَذَا الدُّعَاءَ إِذَا دَخَلْتِ السَّنَةُ أَوِ الشَّهْرُ:
"اللَّهُمَّ أَدْخِلْهُ عَلَيْنَا بِالْأَمْنِ، وَالْإِيمَانِ، وَالسَّلَامَةِ، وَالْإِسْلَامِ، وَرِضْوَانٍ مِنَ الرَّحْمَنِ، وَجَوَازٍ مِنَ الشَّيْطَانِ"،

كل عام والأمة الإسلامية بخير.♥️

"وإذَا لَيـلُ الخَمِيسِ طَارِفُهُ بَدَا
زِد بالصَلاةِ على الحَبِيبِ مُحَمّدَا ﷺ.".
..♡🪐

ربنا سبحانه وتعالى قال في سورة الصافات آية عظيمة جدًا على هيئة سؤال، وهي قوله تعالى"فما ظنُّكم بِرَبِّ العالمين."؟

السؤال ده كل ما تضيق عليك الدنيا وتحس انها ضلّمت في وشّك اسأله لنفسك، قول لنفسك ما ظنّك برب العالمين؟

سيدنا عبد الله بن مسعود كان يقول : "قسمًا بالله ما ظَنَّ أحد بالله ظنًّا إلا أعطاه ما يظن، وذلك لأن الفضل كله بيد الله."

ساعتها والله هتحس كأن باب كبير يوشك أن يُفتح، ونور عظيم باين قدام في آخر الطريق، إحساس بيقولك إنها هتفرج من وسع فاتطمِّن بجد ولا تحزن.

اللهم إنا نظن بك غفرانًا، وعفوًا، وعافيةً، وسترًا، وتوبة، وهداية، وسعادة، وثباتًا، ورزقًا، وتوفيقًا، وفرجًا قريبًا، وحُسن خاتمة.

﴿ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ﴾
[ القصص: 24]⁠

عندما قالها موسى عليه السلام ، أوجَد الله له العمل، ثم يسّر له الزواج، ثم أكرمه بالنبوة.
الإفتقار لله، غِنى!

اللهم أنت الغني ونحن الفقراء إليك ، فاغننا بفضلك عمن سواك ..🤲🏻♥️

قال ابن رجب في لطائف المعارف:
" أفضل شهر الله المحرم عشره الأول" .

يُستحب الإكثار من الأعمال الصالحة في هذا الشهر المبارك ، مثل الصيام فيُستحب صيام يومي تاسوعاء وعاشوراء. ، والصدقة، وقيام الليل، وذكر الله، وصلة الرحم ، وبر الوالدين.

اللهم أعنا على ذكرك وشكرك وحسن عبادتك..🤲🏻♥️

يقول الله تعالى في سورة الحجر :

{وَلَقَدۡ نَعۡلَمُ أَنَّكَ يَضِيقُ صَدۡرُكَ بِمَا يَقُولُونَ (97) فَسَبِّحۡ بِحَمۡدِ رَبِّكَ وَكُن مِّنَ ٱلسَّٰجِدِينَ (98)}

إذا ضاق صدرك بالأحزان، وامتلأ قلبك بالهموم، انشغل بالذكر والاستغفار والتسبيح والصلاة، فإن ذلك كله خير دواء.🤍

كنت في جنازة النهاردة، ومشهد بصراحة وجعني
الجامع كان مليان والنعش دخل والناس بدأت تدخل تصلي لكن اللي صدمني فعلاً إن في ناس وقفت على الباب اللي واقف بيتكلم واللي واقف ماسك موبايله الغريب أنهم واقفين ادام الجامع ومدخلوش يصلوا على الجنازة وبصراحه الأمر يخوف دا مش أمر عادي انك تروح للمسجد عشان تحضر جنازة وتروح تقعد ادام المسجد ومتدخلش وعشان كده سألت نفسي سؤال بصراحة خوّفني
هو إيه اللي يمنعك تدخل تصلي؟
ليه الخير قدامك وتبعد؟
ليه الدعاء مفتوح وانت ساكت؟
معقول تبقى قدّام لحظة مغفرة وربنا ما يرزقكش الدخول ليها؟
وخطر في بالي إن ممكن يكون دا غضب من ربنا؟!
آه هو انا مشفتهاش غير كده
ممكن يكون إن قلبك اتقفل أو إنك اتحرمت من الخير علشان ذنب علشان غفلة علشان تقصير؟!
دي مش مبالغة...
في ناس ربنا بيصرفهم عن مواطن الرحمة مش صدفة لكن لأنهم صرفوا قلبهم زمان عنها
وبعدين شوف النبي ﷺ قال من صلى على جنازة فله قيراط... والقيراط مثل جبل أُحد."
يعني مغفرة كبيرة دعوة ممكن تترفع ليك قبل ما تترفع للميت وبرضه في ناس واقفة تتفرج وكأنهم مش معنيين بشيء أنا دخلت صليت ودعيت وقلبي بيترجف مش بس علشان اللي مات علشان اللحظة دي بتفكرني بنفسي إن الدور جاي وإن اللي أنا عملته النهاردة هو اللي هتردلي زيه.
✋ لو حسّيت إنك ما كنتش تستاهل تدخل ارجع لربنا لو لقيت نفسك بعيد عن مواطن الخير خاف يمكن تكون دي إشارة
وما تنساش
زي ما بتعمل النهاردة هيتعمل فيك بكرة
رزقنا الله وإياكم حسن الختام 🤲🤍🌹

اللهم صل وسلم وبارك على سيدنا محمد في كل لمحة ونفس بعدد كل معلوم لك صلاة ترضيك وترضيه وترضى بها عنا يا كريم 🤍🤲🌹

‏وفي الحديث من قال: "سُبْحانَ اللَّهِ العَظِيمِ وبحَمدِهِ؛ غُرست له نخلة في الجنة"
فانظر إلى مُضيِّع الساعات كم يفوته من نخيل!

- ابن الجوزي.

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾💚🤍🌿

«إن ضلَّ قلبي فقلبي، أنت تَعرِفهُ
أو كانَ ذنبي عظيمًا، أنتَ غفّارُ»💚🤍🌿

مسألتش نفسك
- ليه مفيش خطوة كويسة في حياتك بتكمل؟
- إشمعنا يعني التوفيق مش مصاحبك؟
- ليه دايماً المشاكل بتقوم في البيت على أبسط حاجة؟!
= أسباب كتير لقلة الحظ، والدربكة اللي بتحصل في حياة كل واحد، ولكن في سبب مهم جداً.. خليني أقولك عليه:
سنة ٢٧٠ هجرية.. كان في عالِم مشهور في العراق إسمه "إبراهيم الخَوَّاص" كان رايح يحل مُشكلة والناس منتظراه، وهو خارج من المسجد لقى في طريقه كلب!.. قطع عليه السكة وجري وراه وكان عاوز ينهشُه.. الخواص خاف ودخل المسجد تاني، وبعد شوية خرج وشاف نفس الكلب، ولكن بصله من بعيد وما هوبش ناحيته، ومشي الخوَّاص في طريقه ووصل مشواره، ولما سألوه الناس عن سبب التأخير
قالهم: كان عندي ذنب، فمنعني الكلب، فلما عُدت مرة أخري إلى المسجد صليت وتُبت من ذلك الذنب
ولما رجعت لم يقترب مني وتركني أمضي.
كل إنسان بيستنتج البلاوي اللي بتحصله من التصرفات اللي بيعملها، وبيربط الخيوط ببعض، والخواص إستنتج ده.
والشاهد من الكلام.. إن الحال ممكن يقف، والخطوات تفشل، والإبتلاء ينزل، والمشكله تشعلل الدنيا، والسبب الحقيقي ذنب إتعمل.
توب وقول "أستغفر الله" وعلم غيرك المعنى ده.. جايز ربنا يفرجها عليك بسببه، ،نفسيتك تِفُك، والسكك تسلك، والأمور تظبُط وتمشي زي السكينة في الحلاوة، ويكون التوفيق والنجاح عن قريب من حظك ونصيبك.
= سيدنا أبو بكر الصديق بيقول: مانزل بلاء إلا بذنب، وما رُفع إلا بتوبة💚🤍🌿

🔴 عرفوا الدنيا كلها إن يوم السبت الجاي صيام عاشوراء!

بلغوا أحبابكم، فكروا أهلكم، شاركوا الخير…
اليوم اللي النبي ﷺ قال عنه:
"صيام يوم عاشوراء أحتسب على الله أن يكفّر السنة التي قبله"

💡 والسُنّة كمان إننا نصوم معاه يوم تاسوعاء (الجمعة) علشان نخالف اليهود

قال النبي ﷺ:
"لئن عشت إلى قابل لأصومن التاسع"

خلِّيها بداية جديدة… بداية أمل وتوبة
انوي من دلوقتي، وشارك الأجر مع اللي حواليك ♥️

#صيام_عاشوراء

اهتز قلبي عندما عرفت بأن اهل النار بعد عذاب طويل لا نعرف مدته يطلبون أربعة اماني القرآن وصفهم في أربعة مشاهد
الأمنية الأولى:-(ربَّنا أخرِجنا مِنهَا فإن عُدْنا فإنا ظالمون) يريدون أن يخرجوا من النار ، فيرُد الله تعالى عليهم:-(قال اخسئوا فِيها ولَا تُكَلِمون) بعدها ييئسوا ويعملوا أن لا مخرج لهم منها
الأمنية الثانية:-يطلبوها من "مالك" خازن النار (ونَادوا يا مالِك لِيقْضِي علينا ربُّك) يريدون ان يموتوا ليرتاحوا من العذاب ، فيرُد عليهم مالك:(قال إنكُم ماكِثون) ، بعدها يتوجهون إلى
الأمنية الثالثة:-إلى خزنة النار (الملائكة) ويطلبون منهم أمنية عجيبة تقشعر منها الأبدان والله ، ما هي الامنية؟ (وقَال الذين فِي النّار لخَزنَة جَهنّم ادعُوا ربّكم يُخَفِّف عنّا يومًا مِن العَذاب) يالله! يريدون ان يرتاحوا يوم، يوم فقط ، فيأتيهم الرد من الملائكة( أوَلَم تَكُ تأتِيكُم رُسَلُكم بالبيّنات)(قالوا بلى) (قالوا فادعوا و ما دُعاء الكَافِرِين إلّا فِي ضَلال) أي دعائكم غير مستجاب
بعدها الأمنية الرابعة:- مِن مَن يطلبونها؟ من أهل الجنة و يالها من امنية بسيطة( ونَادى اصحَابُ النّار أصحاب الجنّة أن افيضوا علينا مِن المَاء ) او ماذا؟ ( او مما رزَقكُم الله)
فيردون عليهم:-(قالوا إنّ الله حرّمَهما على الكَافِرين) لماذا؟ ماذا كانوا يغعلون؟ ( الذِين اتخَذوا دِينهم لَهوًا وٌلَعٌبًآ ) وماذا ايضا؟ ( وغَرَتهُم الحياة الدُنيا) فما جزاءهم؟ (فاليوم ننساهُم كمَا نسوْا لِقاء يومهم هَذا)

قال رسول الله صلى الله عليه وسلم: إذا فرغ أحدكم من التشهد الآخر، فليتعوذ بالله من أربع: من عذاب جهنم، ومن عذاب القبر، ومن فتنة المحيا والممات ومن شر المسيح الدجال. رواه مسلم.

من أعظم مطالب الدُّنـيـا:
” كفاية الهم ”

ومن أعظم مطالب اﻵخرة:
” غفران الذنب ”

وهما مضمونتان:
بالصلاة على رسول الله ﷺ
(تُكفَى همَّكَ ويُغفرُ ذنبُكَ).

اللهم صلِّ وسلِّم على نبيّـنا
محمد صلى الله عليه وسلم