قال الله تعالى
"إِلَيْهِ يَصْعَدُ الْكَلِمُ الطَّيِّبُ"

،الكلمة الطيبة هي سلوك
شيك الناس بتحبه ..
وكمان النبي وصانا بيها .
قول شكراً ..قول لو سمحت ..
قول أنا أسف
قول نصيحة بطريقة طيبة ،
قول تسلم إيدك يا أمي أو يا زوجتي
قول الخير و انشره في كل مكان ...

#د_محمد_الغليظ

لو بتحبوا بعض متعصوش ربنا بالحب ده
#د_محمد_الغليظ

‏يأسِرُني جداً فِعْلُ النَّبيِّ ﷺ
حين رأى نسوةً عجائز
فخلعَ رداءه وأجلسهُنَّ عليه
وقال لمن معه يُزيلُ دهشتهم : هؤلاءِ صُويحباتُ خديجة!
هذا حُبُّه وإكرامه لصويحبات خديجة
فتراه كيف كان يُحبُّها هي ؟!💚

•القارئ خالد الزيادي

﴿فَأَجاءَهَا المَخاضُ إِلى جِذعِ النَّخلَةِ قالَت يا لَيتَني مُتُّ قَبلَ هذا وَكُنتُ نِسيًا مَنسِيًّا﴾.

برواية: الدوري عن أبي عمرو.

°°

"‏وصيّة عابرة؛ اجعل بينك وبين الله مشاريع خفيّة لا تراها الأعين أو تتحدّث بها الألسن، كركعتين في جوف اللّيل، أو صدقة لمحتاج لا يعرفك، أو كلمة تخيط بها جرح قلب لا تعرفه ثم تمضي في طريقك دون أن تلتفت، وتذكر دائماً بأن الخبيئة الصّالحة هي زورق النّجاة عندما تشتدّ عليك الأيام".

` 💌🌻

حاليا في مصر بقي اجمل كلمة وأحسن حاجة الواحد يسمعها هي " النور جي " 🥳😂

طلب صغير لو سمحتو عايزة نشيد عن معلمة القرآن يكون حلو ريكورد تسجيل مش فيديو وجزاكم الله خيرا

بمناسبة اقتراب #نتيجة_الثانوية العامة
تعالوا نفكر سوا بصوت عالي.

أهم شئ في مرحلة ما بعد الثانوية -وأخطر شئ- إنك فجأة بتبقى مسئول بشكل شبه كامل عن نفسك.

مقصدش الإداريات والمصاريف والمِرواح والمِجِي،أقصد تفكيرك واختياراتك ودواخل نفسك ... فجأة إنت شخص من اتنين ...

أهله راضيين عنه وحاسين إنه زويل العلم، ومجدي يعقوب الطب ، وبيقولولك افعل ما شئت فقد حصلت على المجموع المتين فأنت ولدٌ غير عادي في زمن ونظام جديد غير اعتيادي... فـ بالفعل بتلاقي نفسك مع نفسك والشيطان ثالثكما ..

أو أهله راميين طوبته، وبيقولوله افعل ما شئت فقد حصلت على مجموع ضعيف ميشتريش رغيف ، فتلاقي إن الضغوطات ال عليك بتقلّ و التوقعات في الأرض والمجال فسيح والشوارع واسعة وهي الحياة كدة ليه بقى ليها لون تاني بقى ليها طعم جديد غيرلي أحزاني ، فتجد نفسُك (المش محترمة) مجالًا للهِئ والمِئ والطبلة والرئ وشخاليل وبتاع وكلام نعناع..أو تجد نفسُك (المحترمة) مجالًا فسيحًا للتجربة والإخفاق والتعلم واكتساب الخبرات خلال سنوات الكلية... فبالله عليك استغل الفرصة العظيمة دي وانطلق بنفسك (المحترمة طبعا).

المهم..

إليك بعض النصائح المناسبة لكل مجموع .. في نظام قديم أو جديد ، نضيف أو جربوع (مسم ، يسلاام)

أيًا كانت النتيجة، أظن الهدف الأسمى والغاية الأخيرة والفاينل ديستنيشن = لم ولن تتغير، وأُعيذك بالله إنك في يوم تغيرها ... وهي قلبٌ سليم يوصلك للچنة ♥

الطب وسيلة والله، وليست غاية، في الچنة ليس هناك الدكتور فلان والدكتورة فلانة، بل عبدالله وأمَةُ الله.

أعيذك بالله من السخط على قضاء الله..
وتذكّر أنه "مَن رضي فله الرضا وأمر الله نافذ، ومن سخط فعليه السخط .. وأمر الله نافذ" ...

في فرق بين السخط والحزن على ضياع هدف وعدم تحقق أمنية، وده طبيعي وفطري، واللي يلومك عليه بيظلمك، ولكن قُل "الحمدلله، قدّر الله وما شاء فعل" واعلم أن "الخِيرة فيما اختاره الله" ... وإن كنت ذا حقٍ وظُلمت = إياك تسيب حقك.

ثم يا هذا، يا عم الدكتور، يا سفاح الأحياء وكينج الفيزياء يا قاهر الكيماء العضوية والمجموعة الانتقالية الأولى ومركبات الهيدرو كربونات ، أعيذك بالله أنت أيضًا من العُجب، وأن تنسب النچاح لنفسك، فوالله ما كان إلا بفضل الله وبعضٍ من اجتهادك معذرةً إلى الله، فلا تنسَ حقّ الله، ولا تلهِك النعم عن الشكر، ولا تنغمس في الدنيا فتنسى الغاية الأسمى.

النور في قلبك ، والسعادة في الداخل لا في حرف "دال" ونقطة يوضعان قبل اسمك.

بالمناسبة، الحكاية مبتنتهيش ، النهاية إما جنة في رحمة الله، أو نارٌ والعياذ بالله.

وإنما هي دار ابتلاء، طُبعت على كَدرٍ وأنت تريدها صفوًا من الأقذار والأكدار ، يا بأف :""

#المتعة_في_الطريق_وعثراته
#ظننا_بالله_أنه_لن_يضيعنا

الإنسان بيعامل ناس بطريقة اللي هو ساعات يجي علي نفسه ورغبته عشانهم أو عشان يجبر خاطرهم وفي الآخر يبقوا ميستاهلوش حاجة 💔

أجرنا على الله 🤍🥹

قلبي يا ألله، اصبب عليه السكينة صبًا, عافِه من الشبهات والشهوات، ألا يُلوث بالأمراض الخفية، أن يحب الخير لإخوانه كحبه لنفسه، ألّا يوجد بين ثناياه حاجة مما أوتي الذين آمنوا، أن يفيض بحبك وحب رسولك، ألا يتعلق بأحدٍ غيرك، أغنه بك عمّن سواك.
محل نظرك يا الله، اجعله سليمًا طيبًا معافى فلا يشقى أبدًا ! 


✍🏻: نوران حشمت

اللهم إنها أيام ثقال ع قلوبنا فرفقا بنا يا الله ♥️

يوم الخميس ٢٧/ ٧ : صيام تاسوعاء.
والجمعه ٢٨/ ٧ : عاشوراء، وهو يكفر ذنوب عام مضى!

‌‎وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ. ❤️

آخر انجازاتي البسيطة ♥️☺️
رأيكم فيها ؟

القريب قال :
‏"اقتلُوا يوسف"

‏وأمَّا الغريب فقال :
‏"أكرمي مثواه"

‏إنَّ الحُبَّ رزق
‏وإنك لا تعرفُ في أي قلبٍ رزقك ! 🤍🤍🤍

هل يجوز صيام يوم عاشوراء منفردا؟ وما الحكم لو وافق يوم الجمعة، هل يجوز صومه منفردا؟
لا تنسوا صيام يوم عاشوراء، وذكر بصيامه، الأجر عظيم والرب كريم.
بقرب يوم عاشوراء ويسن صيام ذلك اليوم، فما المشروع في ذلك.
١. *يستحب* يوم التاسع مع يوم عاشوراء من شهر الله المحرم .
٢. يجوز صيام يوم عاشوراء منفردا ولا حرج في ذلك ، فلم يرد نهى عن ذلك، وإنما ورد الاستحباب بصيام يوم معه حتى نخالفهم .
فعن أبي قتادة رضي الله عنه أن النبي صلى الله عليه وآله وسلم قال: « وَصِيَامُ يَوْمِ عَاشُورَاءَ، أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ» أخرجه مسلم في "صحيحه".

٣. *يحوز إفراد* يوم الجمعة بصوم عاشوراء ولا حرج في ذلك، وكذلك كافة الأيام التي يُستحب صيامها، إذا وافقت صومًا مُعتادًا للمسلم.
وبناءً عليه: فيجوز صيام يوم عاشوراء منفردًا، ويستحب مع ذلك صوم يوم قبله أو يوم بعده خروجًا من الخلاف.
وكذلك يجوز صوم يوم عاشوراء منفردا إذا وافق يوم الجمعة لأنه وافق سنة يستحب الصيام فيها.

ورد اليوم الجزء العشرون.💭
من قوله تعالى: "فما كان جواب قومه إلا أن قالوا أخرجوا ءال لوط من قريتكم.....
(النمل: 56)
الي قوله تعالى"اتل ما أوحى إليك من الكتىٰب وأقم الصلوٰة تنهى عن الفحشاء والمنكر.....
(العنكبوت:45).💭

مواجهة البدع - للشيخ - سمير مصطفى فك الله أسرة ونفعنا بعلمه
فيه شويه ضحك جميل إنما ايه 😁
اتمنى تسمعوا الفيديو كامل
متطنشوش عشان الفيديو طويل .. ها 👊

وعليكم السلام ورحمة الله وبركاته
تعرفي إن غالب المشاكل والحرام بيبدأ برده من نقطة الدين نفسها ازاي إن الشيطان بيضحك عليكم ويقولك احنا مش بنعمل حاجة غلط ده بنتعلم الدين من بعض ونذكر بعض بالطاعات والكلام ده وطبعا النهاية معروفة 🙂

اوعي تكلميه احفظي نفسك وقلبك ومتقربيش للفتن متفكريش فيه حتي ، ادعي ربنا يحفظ قلبك ورددي علي لسانك دايما اللهم لا تعلق قلبي بأحد غيرك
والله ي بنتي كل ده كلام فاضي ولا ليه اي لازمة هتعرفي بعدين الكلام ده وهتندمي للأسف فالحقي نفسك من دلوقتي وكويس انك بعدتي فاوعي ترجعي تاني دي نصيحة من اختك أو صاحبتك زي ما تعتبريني 🤍

ربنا يهديك ويهدينا ويهدي بنات المسلمين وشباب المسلمين يارب ويحفظنا وقلوبنا ويبعدنا عن الفتن


---------
http://103989259630065050116.sarhne.com

بصي ي حبيبتي أيوة جميل إن ضميرك صاحي وتندمي وتستغفري من ذنوبك
بس ما دوم ذنب عملتيه في الماضي وتوبتي منه خلاص مفيش داعي إنك كل يوم تفتكري الذنب وتعيطي لإن التوبة تجب ما قبلها خلاص انتي كده بتتعبي نفسك عالفاضي
ممكن تستبدلي التفكير فيها والعياط بطاعة استغفار ذكر صلاة قرآن " إن الحسنات يذهبن السيئات "

اما المستقبل ده فمتقلقيش منه ده في ايد الله يقلب الأمور كيف يشاء وفي اي وقت شاء " وإذا قضي أمرا فإنما يقول له كن فيكون " اللي خايفة منه ادعي ربنا وإن شاء الله هيتقبل منك ويغيرك للأفضل وبرده فكري بإيجابية بلاش السلبية شيليها من دماغك

ازاي ربنا يحبك إنك تداومي علي طاعته تكثري من السنن / قيام الليل / كثرة الذكر
بري امك وابيك / تعصمي نفسك عن الفتن وتبعدي عنها تحاولي تغيري من نفسك للأحسن ومن اللي حواليك تنصحيهم قد ما تقدري لإن من صفات المؤمنين اللي ربنا أمرنا بيها الأمر بالمعروف والنهى عن المنكر واهم حاجة في ده كله إخلاص النية لله في كل حاجة بتعمليها 🤍
وربنا يرضي عنا وعنك يارب

------
http://103989259630065050116.sarhne.com