قالوا زمان مَثَل (يدي الحلق للي مالا ودان)
مثل بيدل على الحسد جدااااااا اوعوا تقولوه : )

بس هو يعني إيه حسد أصلا؟!
الحسد هو تمني الحصول على الشيء وزواله من عند صاحبه
يعني مش بس عايزة لا وكمان مستكتره عليه!

المشكلة دي كبيرة جدا يا شباب
وظهرت كمان بسبب
السوشال ميديا اللي قربت المسافات
وكل واحد بقى عارف صاحبه أو قريبه بيعمل ايه وفين دلوقتي..
بقى الواحد مش راضي باللي عنده وباصص دايما على اللى عند غيره!
سواء كان رزق أو صحة أو فسحة أو علم أو زوج أو زوجة أو أو أو ....

طب إيه مشكلة الحسد؟!

إنه فيه سوء أدب بالغ مع الله جل في علاه
لأنه مقسم الارزاق وهو الحكيم..
قَالَ الله تَعَالَى: {أَمْ يَحْسُدُونَ النَّاسَ عَلَى مَا آتَاهُمُ اللهُ مِنْ فَضْلِهِ}

ثانيا
كمان هيقلل من حسناتك
النَّبيَّ صلى الله عليه وسلم قَالَ: «إيَّاكُمْ وَالحَسَدَ؛ فَإنَّ الحَسَدَ يَأكُلُ الحَسَنَاتِ كَمَا تَأكُلُ النَّارُ الحَطَبَ»

ثالثا
إن حسد الناس بيظهر في التعامل معاهم و ده هيكون سبب في بعد الناس عن الشخص و النفور الشديد منه.

طب والحل لو أنا لقيت ف قلبي حسد أعمل إيه؟

١- الدعاء
ادعى ربنا يخرج الحسد من قلبك
وادعي بالنعمة اللي نفسك فيها كمان
يا شباب خزائن ربنا مليااانه والله اسأله يعطيك من فضله زى ما أعطى غيرك
وسواء رزقك أو لا فخلي عندك يقين إنه الحكيم..

٢- خلي دايما ذكر الله في لسانك وأول ما تشوف عند حد نعمة قول ( اللهم بارك)
فكر دايما ان زوال النعمة من عند الناس مش هيزودك..
بالعكس.. !

اخيرا عايز أفكركم اننا في الدنيا ياشباب ويابنات
يعني مهما رزقنا فيها من خير هتفضل مش كاملة ومنغصه
دايما افتكروا حديث النبي ( اللهم لا عيش إلا عيش الآخرة )
ف تمنوا الخير لنفسكم واللي حواليكم.


#د_محمد_الغليظ

💛☁️

سبحان الله .
- الحمدلله .
- لا إله إلا الله .
- الله أكبر .
- لاحول ولا قوة إلا بالله .
- أستغفرالله .
- سبحان الله وبحمده .
- سبحان الله العظيم -اللهم صلِّ وسلم على محمد
🍃🌻

أخواتي وأحبابي عيدكم عبادة وسعادة ✨🤍
تقبل الله منا ومنكم وكل عام وأنتم في خير وصحة وعافية وسعادة ورضوان من الله 🤍🤍

الله أكبر الله أكبر الله أكبر الله أكبر لا إله إلا الله
الله أكبر الله أكبر ولله الحمد ✨
عيدنا : توحيد ، وعبادة ، وتراحم ، وتسامح ، وصلة ، وتزاور ، وتدبر ، وسلام ، ومحبة ، وسعادة ، وابتغاء رضوان من الله 🤍
هكذا يكون أو هكذا ينبغي أن يكون 😊

أبي 🤍

ممكن تسمعوه جميل جدا 🥺