جهاد النفس والدنيا من أصعب المعارك اللِّي ممكن الإنسان يعيشها، وكل يوم بيحتاج مجاهدة وصبر من جديد
ولما الأمور تضيق، بفكر نفسي دائماً بقول الله تعالى:
﴿لَقَدْ خَلَقْنَا الْإِنسَانَ فِي كَبَدٍ﴾
طبيعة الحياة إنها فيها تعب، والإنسان مخلوق يجاهد نفسه، ويقاوم هواه، ويواجه فتن الدنيا ووساوس الشيطان، ويستعين بالله في كل خطوة

الله المستعان، ولا حول ولا قوة إلا بالله💚🤍🌿

السلام عليكم ورحمة الله وبركاته
صباح الخير يا شباب

قال تعالى: ﴿وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا...﴾

"ولا تمدن عينيك"..
منهج رباني بيعلّمك إنك متقارنش حياتك بحد.

فلو شايف حد عنده حاجة نفسك فيها (رزق، بيت، شغل، نجاح، أو حتى حياة بتتمنى تكون حياتك زيها)؛ افتكر إن ربنا هو اللي قسم الأرزاق، وإن لكل إنسان نصيبه.

فاللي عند غيرك ومش عندك؛ مش معناه إن ربنا حرمك..
واللي اتأخر عنك؛ مش معناه إن خلاص فات أوانه وراح منك.

ركز في ورقتك، وبص للنعم اللي ربنا أنعم بيها عليك، واشكره عليها..

وخليك عارف إن الفلاح الحقيقي مش في اللي امتلكته من الدنيا، لكن في اللي أعددته لآخرتك.

اللهم ارزقنا القناعة والرضا، وبارك لنا في نعمك، ولا تجعل الدنيا أكبر همنا 🤲🏻