‏حافظ على وردك من القرآن والأذكار، كن حامل وفاعل صفات قرآنك في أقوالك وأفعالك وصمتك وكلامك وحركاتك وسكناتك، كن حليمًا رقيقًا لطيفا في تعاملك قويًا حازمًا حين يتطلب الأمر.

‏كن منبرًا يصدح بالحق ولا يخاف في الله لومة لائم، كُن غيثًا أينما حللت نفعْتَ وأزهَرْت.

1) ربنا ما قالش « اسعَ يا عبد و أنا أسعى معاك » و لا جت في قرآن و لا سُنة ..
لما تقول : « ربنا قال » .. يبقى لازم آية أو حديث قدسي صحيح ..
" أَتقولونَ على اللهِ ما لا تعلمون " ؟ ..

2) الآية اللي بتقول: " و هو على جَمعهم إذا يشاء قدير " معناها أن ربنا يقدر يجمع الأولين و الآخرين يوم القيامة ..
مش نازلة عشان الحَبِّيبَة اللي بيحطوها على الـ Profile و هيح و قلوب ..

3) مفيش حاجة اسمها كدبة بيضا ( مش بتكلم عن الكذب المباح ) ..
حضن أخوي .. بوسة بريئة .. دي تحايلات فكسانة على التسمية .. الحرام هيفضل حرام حتى لو سميتوه « ميدو » ..

4) الآية اللي فيها: " سلامٌ قولًا من ربٍّ رحيم " ما بتتقالش لما نتخض أو نشوف عفاريت فجأة ..
دي تحية ربنا لأهل الجنة لما يدخلوها .. و ما ينفعش تتُف في عِبَّك و أنت بتقولها ..

5) حديث « استفتِ قلبك » مش معناه أنك تِفكِس لأهل العلم و تمشي مع نفسك ..
و مش أي حد ينفع يستفتي قلبه .. خصوصا منتكسي الفطرة و أهل الهوى ..

6) الحديث معناه أنك لما تبقى عارف أو حاسس أن الحاجة دي حرام و حد يفتيك و يقولك حلال و لسة قلبك شايفها حرام .. يبقى تمشي ورا قلبك و تفكك من اللي أفتاك ..

7) النبي كان رحيم جدا بس ساعات بيغضب برضو « للحق طبعا » .. فمش كل ما تشوف حد ملتزم معظم الوقت .. و فجأة يغضب .. تمسكها عليه .. أنت ما صدَّقت ؟ ..
أي بشر ممكن يغضب عادي جدا والله...

8) الوسطية مش معناها أنك تشوف الحلال و الحرام فتختار اللي في النص .. الوسطية هي دين النبي و أصحابه .. " و كذلك جعلناكم أمةً وسطًا " ..
يعني شريعة وسَط بالنسبة للأمم ..

9) مافيش حاجة اسمها ( أبقى مش محتشمة بس كويسة أحسن ما أبقى محجبة شمال ) .. طَب ما تبقي محجبة و فى نفس الوقت كويسة ..
الدين جوهر + مظهر .. لازم نسقَّط جزء يعني ؟.
والله اعلم.

#منقول_للإفادة

بما اننا هنبدأ صلاة التراويح من بكرا ورغبة النساء في الصلاة في المساجد ..

قال العلامة الألباني رحمه الله:

"يضاعَف أجر صلاة المرأة في جماعة المسجد كما يضاعف للرجل بسبع وعشرين، وفي المسجد النبوي بألف، وفي المسجد الحرام بمئة ألف."

أما لو أرادت المرأة أجرًا أكثر من ذلك كله فلتصلي في بيتها لقول النبي ﷺ : ( وبيوتهنَّ خيرٌ لهنَّ ).

أول بداية للنجاح هيّ الصّلاة لذلك
مَن يَنصحك بالصّلاة هُو أشدهُم حبًا لك .

صلاة العشاء والشفع والوتر يا صُحبه اثابكم الله 💙

لو علم المؤمنون فضل الصلاه ع النبى ﷺ، لما كفت ألسنتهم عنها كل حين❤️

✍️ *قال ﷺ :

«أنا حظُّكم مِن الأنبياء ، وأنتُم حظي مِن الأُمم»

يالهُ مِن حظٍ عَظيم ♥️
صلوا عليه وسلموا تسليما ﷺ*

كان عمر بن الخطاب يستقبل رمضان
بقوله: "مرحباً بمطهرنا من الذنوب" 🤍

- حاجتين هفضل ممتنة لدكتور عبدالرحمن ذاكر ما حييت بسببهم.
حاجتين بس ولكن فرقوا في حياتي بشكل كبير.

ثلاثية: الله - أنا - الآخر
بهذا الترتيب الرائع والجميل، في أي موقف من مواقف الحياة بسأل نفسي فين حق ربنا؟ وأقدمه
ثم فين حق نفسي ؟ وأقدمه
ثم في حق الآخر : أيا كان الآخر مين ده.
وفي أي وقت يحصل تعارض ببقى عارفة هقدم مين على مين.

- فقه أقل القليل في اليوم والليلة على المسلم.

١- صلاتك على وقتها.

٢- سنن مؤكدة: أعمال لم يكن يدعها النبي ﷺ في الحضر والسفر
- ( أذكار الصباح والمساء ( حتى لو ذكر واحد تلزم نفسك بيه )
سنة الفجر ، سنة الضحى ، ورد قرآني( حتى لو آية بتدبرها ) ، ركعة الوتر )

٣- قراءة عامة( قراءة دينة مثلا أو عامة)
وقراءة خاصة( عن شيء بتدرسه ومهتم بتطوير ذاتك فيه ).
٤- الرياضة ( العناية ذاتية الجسديه بشكل واسع)
٥ - الترويح عن النفس ( بشيء مش حرام طبعا ) .

حطوهم قدامكم، اشتغلوا عليهم بتدريج ورحمة بنفسكم، وهتحسوا بفرق كبير 💜

اللهم صل على محمد عدد ما ذكره الذاكرون وغفل عن ذكره الغافلون🤍.

نهنئكم أنا وفانوسي 😅بحلول شهر رمضان المبارك تقبل الله منا ومنكم صالح الأعمال وكل عام وأنتم جميعا بألف خير 🌸🤍
وقولولي رأيكم في الفانوس بفن المكرمية والعقد الإسلامية
طوله متر

وإن زادَت هُمومك
فَاستشعِر ﴿ فَإِنِّي قَرِيب ﴾ " .

صلاة العصر وأذكاركم وسورة الكهف يا صُحبه اثابكم الله 💜

السلام عليكم ورحمة الله وبركاته

كل عام وأنتم بخير وصحة وسلامة يا شباب وربنا يعود علينا وعليكم الأيام بخير

أرجو منكم لو حد اساءت إليه أو زعلته يسامحني وانا مسامح الجميع في أي حق ليا تقبل الله منا ومنكم صالح الأعمال 💚💚

اول يوم رمضان لما بصحى ابص من البلكونه بشم ريحة فى الجو غريبة لكن حلوة اوي الغريب انها مكنتش موجودة فى الايام اللى قبل كده بتهل فجأة مع اول يوم..
شكل الشوارع والزينه والفوانيس..
اللى رايح واللى جاي بيبارك الشهر والاطفال وهما نازلين صايمين وفرحانين وبيتنافسوا سوا..
روايح الاكل والعصاير بداية من العصر..
قرآن المغرب اللى اول ما بيبدأ بيخلي القلب من كتر فرحته يفضل يدق..طعم التمره والاكل مختلفين..
اصوات المساجد وصلاة التراويح وكم الفرحة والراحة اللى فيها بجد...

كل ساعة فى اليوم وكل دقيقة مختلفة وجميلة وخفيفة تفاصيل كتيرة اكتر من كده بتخليك تفضل مبتسم كأنك رجعت طفل.

شهر من اول يوم فيه لآخر يوم له روح و روايح جميلة بشكل لايوصف سبحان الله.

اللهم بلغنا رمضان لا فاقدين ولا مفقودين واكتبنا من الصائمين المقبولين.. وكل عام وأنتم بخير ♥️

📌 المشكلة الأولى – قراءة بلا قلب!

🎯 رمضان هو شهر القرآن، لكن السؤال: هل تقرأه بقلبك أم بلسانك فقط؟ 🤔

كثير منّا يقرأ القرآن كأنه ورد يومي روتيني، أو مجرد مهمة يجب إنهاؤها، دون أي إحساس أو تدبر.

تجد الواحد يقرأ جزءًا كاملًا لكنه لا يذكر منه شيئًا بعد دقائق!

لماذا؟
لأن القلب لم يكن حاضرًا!
وكأن اللسان يقرأ والعقل في مكان آخر! 🤦‍♂️ مشغولًا بأمور الدنيا.

لذلك سل نفسك كم مرة ختمت القرآن في رمضان، لكن بعد العيد لم تجد أثرًا لهذا الختم؟

السبب بسيط = القلب لم يكن حاضرًا أثناء التلاوة!

💡 قال الله تعالى: {كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ}..

🔥 قال ابن القيم رحمه الله: "إذا أردتَ الانتفاع بالقرآن فاجمَع قلبك عند تلاوته وسماعه، وألقِ سمعك، واحضُر حُضورَ مَن يخاطبه به مَن تكلم به سبحانه منه إليه؛ فإنه خطابٌ منه لك علىٰ لسان رسوله."

🔥 وقال أيضا رحمه الله: "لا شيء أنفع للقلب من قراءة القرآن بتدبر وتفكر، فإنه يورث المحبة والشوق والخوف والرجاء والإنابة، والتوكل والرضا والتفويض والشكر والصبر وسائر الأحوال التي بها حياة القلب وكماله، وكذلك يزجر عن جميع الصفات والأفعال المذمومة التي بها فساد القلب وهلاكه."

✍ ✍ الحل العملي:
قبل أن تبدأ، اجلس جلسة هادئة واستحضر نية أن الله يكلمك الآن من خلال هذا الكتاب العظيم.

1. اجعل نيتك أن تفهم وتتأثر، لا مجرد إنهاء الورد.
2. اقرأ بتأنٍ، وتوقف عند الآيات التي تشعر أنها تخاطبك شخصيًا.
3. كرر الآيات التي تؤثر فيك وتلمس قلبك، ورددها بتأمل وتفكر في معانيها.
4. لا تجعل الختمة هي هدفك الوحيد، بل اجعل التغيير هو الهدف!

ادعُ الله أن يفتح لك معاني كتابه، فالنبي ﷺ كان يدعو: "اللهم اجعل القرآن العظيم ربيع قلبي، ونور صدري، وجلاء حزني، وذهاب همي."

✨ تذكر: القرآن ليس مجرد كتاب تقرؤه، بل هو كلام الله لك شخصيًا، فهل ستقرأه بلا انتباه؟!

🌙 رمضان فرصة ذهبية، فاقرأ بقلبك، لا بلسانك فقط!

#المشكلة_الأولى
#قراءة_بلا_قلب
#هدى_ونور

المواصلات مليانه ناس فاتحه المصاحف
السواقين مشغلين قرآن بصوت عالي
لو حصلت خناقه بيلموها بكلمه يعم( الدنيا صيام)
خواتم التسبيح ماليه ايد الناس
القرآن والسكينه بيهزوا المكان
المساجد مليانه اسرار بتتقال في السجود
بالله وتالله
اللَّيْلُ أُنْسٌ وَالنَّهَارُ سَكِينَةٌ
لَيْتَ الزَّمَان جَمِيعُهُ رَمَضَانُ

كانَ أحدُ السّلف إذا أذنبَ يبكي، ويقول:

ما الذي أسقطني مِن عَينكَ يا مانحَ العِصم.

صلاة العصر وأذكاركم يا صُحبه اثابكم الله 💜

عَسانا نُذكَرُ في الخَلواتِ، عندَ رفعِ الأكُفِّ، عندَ الإفطارِ، في السَّحرِ، وعندَ السُّجودِ ..
عَسانا نُذكرُ في دُعاءِ غريبٍ ما ظنَنَّاهُ يومًا يذكُرُنا.

تخيَّل أنَّ أبواب الرحمة قد فُتحت، وأنَّ الله ينادي في كل ليلةٍ من ليالي رمضان:
"هل من مستغفر؟ هل من تائب؟ هل من سائل؟"

والناس يرفعون أيديهم، تتساقط دموعهم، تُكتب أسماؤهم في قائمة العتقاء.. وأنت، كنت مشغولًا، كنت غافلًا، كنت تؤجل التوبة ليومٍ آخر!

تخيَّل أنَّ رمضان انتهى، والأسماء قد سُجِّلت، وبقي اسمُك خارج القائمة! كيف يكون حالك ؟!

اللهم لا تجعلنا من المحرومين، واكتبنا عندك من عتقائك من النار..

#من_القلب #رسايل_السحر #رسايل_رمضان