ပခုက္ကူခရိုင်အမှတ် ၁၅ တပ်ရင်း တပ်တည်ထောင်ခြင်း ၂ နှစ်ပြည့် အခမ်းအနားပြုလုပ်

မြိုင်၊ ဇန်နဝါရီ ၂၊ ၂၀၂၅။

မကွေးတိုင်း၊ မြိုင်မြို့နယ်အခြေပြု၊ ပခုက္ကူခရိုင်အမှတ် ၁၅ တပ်ရင်း၊ ကျားသစ်နက်တပ်မတော် တည်ထောင်ခြင်း ၂ နှစ်ပြည့် အထိမ်းအမှတ်အခမ်းအနားပွဲကို ဒီဇင်ဘာ ၃၀ နဲ့ ၃၁ ရက်တွေမှာ ပြုလုပ်ခဲ့တယ်လို့ အဲ့ဒီအဖွဲ့ဆီက သိရပါတယ်။

တပ်ဖွဲ့တည်ထောင်ခြင်း ၂ နှစ်ပြည့်အခမ်းအနားကို ကျားသစ်နက်တပ်မတော်တာဝန်ခံဥက္ကဌ ဦးဥက္ကာ ၊ တပ်ရင်းမှူး ၊ ဒုတပ်ရင်းမှူးတို့အပါ တပ်ဖွဲ့ဝင်အမျိုးသား၊ အမျိုးသမီးအင်အား ၁၂၀ တက်ရောက်ခဲ့ကြပြီး မဟာမိတ်အဖွဲ့က ခေါင်းဆောင်တွေလည်း တက်ရောက်ခဲ့ကြတယ်လို့ တပ်ဖွဲ့ရဲ့သတင်းနဲ့ပြန် ကြားရေးတာဝန်ခံက ပြောပါတယ်။

တပ်နှစ်ပတ်လည်အခမ်းအနားမှာ ဘုန်းကြီးဆွမ်းကပ်တာ၊ စစ်ရေးပြသတာနဲ့ ပျော်ပွဲရွှင်ပွဲအစီအစဥ်တွေလည်း ထည့်သွင်းကျင်းပခဲ့တယ်လို့ သိရပါတယ်။

သတင်း - ဒိန်းဂျား

#မြေလတ်အသံ
#ပခုက္ကူခရိုင်အမှတ်၁၅တပ်ရင်း #မြိုင် #တပ်နှစ်ပတ်လည် #အခမ်းအနား