တိုက်ပွဲသတင်းထုတ်ပြန်ခြင်း

၂၀၂၄ ခုနှစ်၊ နှစ်သစ်ကို ကြိုဆိုသောအားဖြင့် မြိုင်မြို့နယ် (Rocket) လက်နက်ကြီး မဟာမိတ်အဖွဲ့များ ပူးပေါင်းပြီး ၂၀၂၄ ခုနှစ်၊ ဇန်နဝါရီလ (၁) ရက်နေ့၊ ညနေ (၅) နာရီအချိန်တွင် မြိုင်မြို့-မြို့မ ရဲစခန်း၊ အထွေထွေအုပ်ချုပ်ရေးဦးစီးဌာန  နှင့် စကစများ ခိုအောင်းနေသော နေရာများသို့ Rocket ဗုံးသီး (၂၀၀) ခန့်ဖြင့် တိုက်ခိုက်ခဲ့ရာ စခများ အများအပြား ထိခိုက်ဒဏ်ရာ ရရှိကြောင်း သိရှိရပါသည်။

အဆိုပါ တိုက်ခိုက်မှုကို နှလုံးလှလူမိုက်၊ ဆင်ရိုင်းရာဇာ၊ ဘာမထီ၊ MPL တိုက်နယ် ၄၊ ထိရှ၊ နေမင်း၊ ကင်းကြီး၊ ဗိုလ်မိုးသီး၊ ပြောင်ကြီး၊ ဖိုက်တာမြွေဆိုး၊ PRDF၊ RDF၊ PCM၊ အညာမုန်တိုင်း၊ အညာဒေါင်း၊ GEN 21၊ MVRF ရင်း ၆၊ သာထူး၊ နှင်းဂွေး၊ ဦးလေးကြီး၊ ဗိုလ်ညို၊ တိုးကြီး၊ ရင်း ၁၅၊ သိမ်းငှက်နီ၊ ရွာသစ်ကြီး၊ ဇီးဖြူပင်၊ ကံမ စသည့်အဖွဲ့များအပြင် လက်နက်ငယ်အဖွဲ့များဖြစ်သည့် သူရိန်၊ ဦးဇင်းလေး၊ ဗိုလ်တစ်ထောင်ပြောက်ကျား - မြိုင် ပကဖ ခွဲ-၃ နှင့် ဒေါင်းအလံလွှင့်မည့် စေတမာန် စသည့် အဖွဲ့များ ပူးပေါင်းတိုက်ခိုက်ခဲ့ခြင်း ဖြစ်ပါသည်။

မြိုင် ပကဖ
မြိုင်ပြည်သူ့ကာကွယ်ရေးတပ်ဖွဲ့
MRSN
Jan 6 , 9:50PM
📬သတင်းပို့ရန် @MagwayScoutNetworkBot

မြိုင်မြို့နယ်တွင် ရိက္ခာလာပို့သော စစ်ကြောင်းနှင့် မြို့ပေါ်ရှိ စီမံရေးရုံးကို ဒရုန်းဖြင့် ဗုံးကျဲ တိုက်ခိုက်မှု စစ်သား ၃ ဦးသေဆုံး၊ နတ်တလင်းမြို့နယ်တွင် မိုင်းရှင်းရန်လာသော စစ်ကောင်စီတပ်သားများကို မိုင်းဆွဲတိုက်ခိုက်

ရန်ကုန်၊ ဇန်နဝါရီ ၆

မကွေးတိုင်း၊ မြိုင်မြို့နယ်တွင် ရိက္ခာလာပို့သော စစ်ကြောင်းနှင့် မြို့ပေါ်ရှိ စီမံရေးရုံးကို ဒရုန်းဖြင့် ဗုံးကျဲ တိုက်ခိုက်ရာ စစ်သား ၃ ဦးသေဆုံးခဲ့ကြောင်း မြင်းခြံခရိုင်အမှတ် ၁ တပ်ရင်း 27 Revolution Forces မှ တာဝန်ရှိသူ တစ်ဦးက ​ရန်ကုန်ခေတ်သစ် မီဒီယာသို့ ပြောဆိုသည်။

ဇန်နဝါရီလ ၅ ရက်နေ့တွင် မြိုင်မြို့နယ်၊ ကန်နီပျူစောထီးရွာကို ရိက္ခာလာပို့သော အကြမ်းဖက် စစ်တပ် စစ်ကြောင်းသည် သဲကျွန်းအရှေ့ဘက် ဇရပ်မြောက်ဘက်မှာရှိ ဇီးပင်အောက်တွင် ဇီးသီးခူးစားနေစဥ် တော်လှန်ရေး တပ်ဖွဲ့များက ဒရုန်းဖြင့် ဗုံးသီးကျဲချ တိုက်ခိုက်ခဲ့ရာ စစ်ကောင်စီ တပ်သား ၈ ဦး ထိခိုက်ဒဏ်ရာရရှိပြီး ၃ ဦးကို မြိုင်ဆေးရုံသို့ လူနာတင်ကားဖြင့် ချက်ချင်းခေါ်ဆောင်သွားကြောင်း သိရသည်။

အလားတူ ယနေ့ ဇန်နဝါရီလ ၆ ရက်နေ့တွင်လည်း မြိုင်မြို့ပေါ် စီမံရေးရုံးအတွင်း၌ တပ်စွဲထားသော အကြမ်းဖက် စစ်ကောင်စီ တပ်သားများကို တော်လှန်ရေး တပ်ဖွဲ့များက 1KG ဗုံးသီး ၃ လုံး ကျဲချတိုက်ခိုက်ခဲ့ရာ ၂ လုံးမှာ စီမံရေးရုံးအတွင်း ကျရောက် ပေါက်ကွဲခဲ့​ပြီး စစ်သားများ ထိခိုက်သေဆုံးမှု ရှိမရှိကို အတည်မပြုနိုင်သေးကြောင်း သိရှိရသည်။

"မြိုင်စစ်ကြောင်းကို ချခဲ့တာက ၈ ကောင်ထိခဲ့ပါတယ်။ ဒဏ်ရာပြင်းထန်လို့ ကားပေါ်တင်ပြီး ဆေးရုံခေါ်သွားတဲ့ ၃ ကောင်မှာ ၂ ကောင်က လမ်းမှာ သေပြီး ၁ ကောင်က ဆေးရုံမှာ သေတယ်။ ဒီနေ့ တိုက်ခိုက်တာကတော့ စစ်ခွေးသေစာရင်း မသိရသေးဘူး" ဟု မြင်းခြံခရိုင်အမှတ် ၁ တပ်ရင်း 27 Revolution Forces မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို Urban Underground Revolution Force၊ မြင်းခြံခရိုင်အမှတ် ၁ တပ်ရင်း 27 Revolution Forces၊ ယင်းမာပင်ခရိုင်တပ်ရင်း 3/4/5/6 ၊ ဆင်ရိုင်းရာဇာ မြိုင်အဖွဲ့တို့ ပူးပေါင်း လုပ်ဆောင်ခဲ့ကြောင်းသိရသည်။

ထို့ပြင် ပဲခူးတိုင်း၊ နတ်တလင်းမြို့နယ်၊ ရွာသာယာရွာထိပ်၊ ဗျူဟာလမ်းခွအနီး၌ မိုင်းရှင်းလာသော စစ် ကောင်စီတပ်သားများကို မိုင်းဆွဲတိုက်ခိုက်ခဲ့ရာ ထိခိုက်သေဆုံးမှုရှိနိုင်ကြောင်း နတ်တလင်းမြို့နယ် ပြည်သူ့ကာကွယ်ရေးတပ်ဖွဲ့ - Phoenix D F တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။

ယနေ့ ဇန်နဝါရီလ ၆ ရက် နံနက် ၁၁ နာရီ ၄၅ မိနစ်ခန့်က မိုင်းရှိသည် မသင်္ကာဖွယ်ရာ သတင်းအရ မိုင်းရှင်းရန် တောင်ညိုရဲစခန်းမှ စစ်ကောင်စီတပ်သား၊ ရဲ၊ ပျူ၊ အုပ်ချုပ်ရေးမှူးပါ အင်အား ၄၀ ခန့်ဖြင့် ထွက်ခွာလာရာ နတ်တလင်းမြို့အရှေ့ဘက်၊ ရွာသာယာရွာ အနောက်ထိပ် ဗျူဟာလမ်းခွအနီး မိုင်း ကွင်းအရောက် မိုင်းဆွဲတိုက်ခိုက်ခဲ့ရာ ထိခိုက်သေဆုံးမှုရှိနိုင်ပြီး အတိအကျသိရှိနိုင်ရန် စုံစမ်းနေဆဲ ဖြစ်ကြောင်း သိရသည်။

“တောင်ညိုရဲစခန်းက ထွက်လာတယ်လို့ထင်တယ်၊ မိုင်းဆွဲခံရပြီးတော့ အနီးအနားမှာရှိတဲ့ ရွာသား ၅ ဦး ကိုဖမ်းသွားတာ၊ နောက်ဆက်တွဲသတင်းတော့ ဘာမှ မကြားရသေးဘူး” ဟု နတ်တလင်းမြို့နယ် ပြည်သူ့ကာကွယ်ရေးတပ်ဖွဲ့- Phoenix D F တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ် သတင်း ဌာနထံသို့ ပြောကြားသည်။

အဆိုပါ မိုင်းဆွဲတိုက်ခိုက်မှုကို သာယာဝတီခရိုင် တပ်ရင်း ၃၈၀၁၊ တပ်ခွဲ ၂ Phoenix D F ရဲဘော် များ မှ လုပ်ဆောင်ခဲ့ခြင်းဖြစ်ပြီး မိုင်းဆွဲခံရပြီးနောက် အကြမ်းဖက်စစ်ကောင်စီတပ်သားများက အနီး နားရှိ ရွာသာယာရွာမှ အပြစ်မဲ့ ပြည်သူ ၅ ဦးကို ဖမ်းဆီးသွားကြောင်း သိရသည်။

မိဘ ပြည်သူများအနေဖြင့် အကြမ်းဖက် အုပ်စုအနီးတွင် နေထိုင်ခြင်း၊ အကြမ်းဖက်စစ်ကောင်စီ တပ်ဖွဲ့ ဝင်များနှင့်အတူ ခရီးသွားလာခြင်း၊ အကြမ်းဖက်စစ်ကောင်စီတပ်ဖွဲ့ဝင်များအား အဆက် အသွယ်ပြုလုပ်ခြင်းများ ရှောင်ရှားကြပါရန် အသိပေး ထုတ်ပြန်ထားသည်။

မြိုင်

ရေးကြိုမြို့နယ် နှင့်မြိုင်မြို့နယ်အစပ်ရှင်မတောင်ပေါ်ကဆင်းသွားသောစခများသည် ရေစကြို့မြို့နယ် ဂွေးပင်ယာရွာရောက်ဟုသိရပြီး

( မြိုင် ) စက်မှု  စခ အင်အား ၅၀ ထက်မနည်း စက်မှုထဲ ပြန်ဝင်‌ကာ

မြိုင်မြိုပေါ်က  စခ ရခ များခြေရှုပ်နေတယ်မြိုတွင်းသတင်းရင်မြစ်အရ သိရပါတယ်။

ပြည်သူများ သတိထား သွားလာကြပါရန်

#YESAGYO   #MYAING
MRSN
Jan 7 , 12:50PM
📬သတင်းပို့ရန် @MagwayScoutNetworkBot

☂️သတင်း☔

၂၀၂၄ ဇန်နဝါရီလ ၈ရက်နေ့မှ ၁၂ရက်နေ့အထိ ကချင်ပြည်နယ် စစ်ကိုင်းတိုင်း မကွေးတိုင်း မန္တလေးတိုင်း ရှမ်းပြည်နယ်မြောက်ပိုင်း ရှမ်းပြည်နယ်တောင်ပိုင်းဒေသတွေမှာ ညအပူချိန် ဖြစ်မြဲမှ 2°C မှ 3°C နိမ့်ကျနိုင်ကာ  အအေးပိုလာစေနိုင်ပါတယ် 🌬️🌬️🌬️🍵
ဖျက်မိုးအန္တရာယ်မရှိပါဘူး
issued time
07/01/2024 10:38am(MMT)

ဂရုစိုက်ကြပါ ။
🙏🕊️🌔

မင်း ဂွတ် သီး Su Su San
MRSN
Jan 7 , 5:25PM
📬သတင်းပို့ရန် @MagwayScoutNetworkBot

တော်လှန်ရေး ကို ပါဝင်ခြင်း
မပါဝင်ခြင်းကိုအပစ်မပြောလိုပါဘူး
တော်လှန်ရေးမှာ အမှား/အမှန်သိ့ရင်ကို ခများတော်တယ်

7.1.24. ပြည်သူတစ်ဦး

ဗိုလ်တေဇလမ်းထိပ်

ဗိုလ်တေဇလမ်း ငြိမ်းချမ်းရေးပဲခွဲစက်အနီးတွင် စခ (၂၀) ခန့်ရောက်ရှိစစ်ဆေးနေပြီး ကင်းပုန်းများလည်းချထား။

Jan 8 , 8:50 AM

📢 Telegram Channel
https://t.me/monywaSCO123

📬သတင်းပေးပို့ရန်
@monywascout001

#MPDO

မုံရွာမြို့နယ်တွင် စစ်ကောင်စီတပ်နှင့် ဒေသတွင်း PDFများ တိုက်ပွဲဖြစ်

အောင်ဇေယျ/People's Spring

စစ်ကိုင်းတိုင်း၊ မုံရွာမြို့နယ်၊ ညောင်ဖြူပင် ရဲစခန်းမှ စစ်ကောင်စီတပ်သားနှင့် ဒေသတွင်း PDF အဖွဲ့များ တိုက်ပွဲဖြစ်ပွားခဲ့ကြောင်း မုံရွာခရိုင်ပြည်သူ့ကာကွယ်‌‌ရေးတပ်မတော်တပ်ရင်း(၄)၏ တာဝန်ရှိသူက ပြောသည်။

တိုက်ပွဲအတွင်း စစ်ကောင်စီတပ်မှ စစ်ဗိုလ်တစ်ဦးအပါအဝင်သုံးဦးသေဆုံးပြီး ပြည်သူ့ကာကွယ်ရေးတပ်မှ CDM စစ်သားတစ်ဦးကျဆုံးခဲ့ရကြောင်း ၎င်းက ပြောသည်။

ယမန်နေ့ (ဇန်နဝါရီ ၈ရက်)နံနက် ၈ နာရီခွဲခန့်က ညောင်ဖြူပင်ရဲစခန်းမှ စစ်ကြောင်းနှစ်ကြောင်းဖြင့် ကျေးရွာသို့ စစ်ကြောင်းထိုးလာသော အင်အား ၃၀ကျော်ပါ စစ်ကောင်စီတပ်အား တိုက်ခိုက်ခဲ့ကြောင်း မုံရွာခရိုင်ပြည်သူ့ကာကွယ်‌‌ရေးတပ်မတော်တပ်ရင်း (၄)၏ တာဝန်ရှိသူက ပြောသည်။

စစ်ကောင်စီဘက်က ဗိုလ်တစ်ဦး အပါအ၀င် သုံးဦးသေဆုံးပြီး သုံးဦး ဒဏ်ရာရရှိကြောင်း၊ ပြည်သူ့ကာကွယ်ရေးအဖွဲ့များဘက်ကလည်း CDM စစ်သားတစ်ဦးဖြစ်သူ ရဲဘော် Jade ကျဆုံးခဲ့ကြောင်း တပ်ရင်း (၄)၏ တာဝန်ရှိသူက ပြောသည်။

"CDM စစ်သားက စနိုက်ပါနဲ့ သူပစ်ကိုယ်ပစ်အနေအထားမှာ ကျသွားတာပါ။"ဟု မုံရွာခရိုင်ပြည်သူ့ကာကွယ်‌‌ရေးတပ်မတော်တပ်ရင်း (၄)၏ တာဝန်ရှိသူက ပြောသည်။

အဆိုပါ စစ်ဆင်ရေးကို မုံရွာခရိုင်ပြည်သူ့ကာကွယ်‌‌ရေးတပ်မတော်တပ်ရင်း (၄)၏ အထူးကွန်မန်ဒိုတပ်ဖွဲ့ (Monywa The Boys) ၊ မုံရွာခရိုင်ပြည်သူ့ကာကွယ်‌‌ရေးတပ်မတော်တပ်ရင်း (၄) တပ်ခွဲ (၂) 5/ Monywa Commando Force ၊ မုံရွာခရိုင်တပ်ရင်း (၅) ၊ မုံရွာခရိုင်တပ်ရင်း (၉) ၊ မုံရွာခရိုင်တပ်ရင်း (၁၃) ၊မုံရွာခရိုင်တပ်ရင်း (၂၅) ၊ Special Guerilla Force - Monywa S.G.F ၊ စေတန် နှင့် ညောင်ဖြူပင်(ပကဖ)တို့ ပူးပေါင်းတိုက်ခိုက်ခဲ့ခြင်းဖြစ်သည်။

People's Spring
SSNTIMES

▪︎ဆောင်းပါး

ပျူရွာသားများ၏ ဖွင့်ဟဝန်ခံချက်

အောင်ဇေယျ/People's Spring

အသက် ၅၈ နှစ်အရွယ် ဦးအေး(အမည်လွှဲ)ဟာ ပုလဲမြို့နယ်က နာမည်ကျော် အင်မထီးကျေးရွာကပါ။ ပုလဲ-ဂန့်ဂေါလမ်းပေါ်မှာရှိတဲ့ အင်မထီးရွာဟာ အရင်ကတော့ လူသိနည်းတဲ့ အညာက သာမန်ရွာတစ်ရွာပါပဲ။ ဒါပေမယ့် စစ်တပ်ကအာဏာသိမ်းပြီးနောက်ပိုင်းမှာတော့ အင်မထီးရွာဟာ ဂုဏ်ပုဒ်တစ်ခုနဲ့အတူ နာမည်ကျော်လာပါတော့တယ်။ အင်မထီးပျူစောထီးရွာဆိုပြီးတော့ပါ။

စစ်တပ်ကအာဏာသိမ်းပြီး PDFအဖွဲ့တွေ ပေါ်ပေါက်လာပြီးနောက်မှာ အင်မထီးရွာကို စစ်တပ်ကလာအထိုင်ချပါတယ်။ အင်မထီးရွာဟာ အိမ်ခြေ ၅၀၀ခန့်ရှိပါတယ်။

အဲဒီနောက်တော့ ရွာက စိမ်းသရဖူစိမ်းတဲ့ စစ်တပ်အမာခံတွေနဲ့ ပြည်သူ့စစ်ဆိုပြီး ဖွဲ့တယ်။ ရွာထဲက လူငယ်လူရွယ်တွေ အကုန်ပြည်သူ့စစ်ထဲဝင်ရတယ်။

ပြည်သူ့စစ်ဆိုတောစစ်ကောင်စီကပေးတဲ့ အမည်ပါ ။စစ်ကောင်စီတပ်က လက်နက်တပ်ဆင်ပေးပြီး စစ်ကောင်စီခိုင်းတဲ့အတိုင်း ပြည်သူတွေကို သတ်ဖြတ် ၊လုယက် အကြမ်းဖက်တာတွေကို စစ်တပ်နဲ့အတူကျူးလွန်ပါတယ် ။စစ်ကောင်စီက စတင်ယေဖွဲ့ပေးခဲ့ချိန် သုံးခဲ့တဲ့ ပျူစောထီးဆိုတဲ့ အမည်ကိုပဲ ပြည်သူတွေက အဓိက ခေါ်ဝေါသုံးစွဲကြပါတယ် ။

"ကျွန်တော့်ကျ အသက်ကြီးလို့ဆိုပြီး လက်နက်တော့မကိုင်ရဘူး။ ငယ်တဲ့ကလေးတွေဝင်ခိုင်းတာ။"လို့ ဦးအေးက ပြောပြတယ်။

အဲဒီလိုဖွဲ့တာကို လက်မခံနိုင်တဲ့၊ အဖွဲ့ထဲလည်း မပါချင်တဲ့ ရွာခံတွေလည်း ရှိတယ်။ သူတို့ကတော့ အစောပိုင်းကာလမှာကတည်းက အင်မထီးကနေထွက်ခွာ လွတ်မြောက်သွားခဲ့ကြတယ်။

"အင်မထီးပျူရွာစဖြစ်ကတည်းက မနေလိုတော့လို့ ထွက်လာတဲ့ ပြည်သူတွေရှိတယ်။ အဲဒီပြည်သူတွေကိုလည်း
စောင့်ရှောက်ပေးခဲ့တယ်။"လို့ ပုလဲပအဖအဖွဲ့ လူသားစာနာတာဝန်ခံက ပြောပါတယ်။

ဦးအေးတို့ကတော့ ရွာထဲမှာပဲ စစ်တပ်နဲ့ပျူစောထီးတွေရဲ့ အဟိန်းအဟောက် အခြောက်အလှန့်တွေကြားမှာပဲ ကျန်ခဲ့မိတယ်။

အင်မထီးက စစ်တပ်နဲ့ပျူတွေဟာ ပုလဲနယ်အတွင်းကရွာတွေကို စစ်ကြောင်းထိုးတယ်။ မီးရှို့တယ်။ တော်လှန်ရေးလုပ်နေတဲ့သူ၊ ၎င်းတို့နဲ့ပတ်သက်နေတဲ့သူတွေဆိုရင် ဖမ်းဆီးသတ်ဖြတ်တာတွေအထိ ပြုလုပ်ခဲ့တယ်လို့ ဒေသခံတွေက ပြောပါတယ်။

အင်မထီးကထွက်ပြေးလွတ်မြောက်လာတဲ့၁၆ နှစ်အရွယ်
သာရှိသေးတဲ့လူငယ်လေးတစ်ယောက်ဆိုရင် ရွာထဲကစစ်သားနဲ့ပျူတွေ လူ ၃ ယောက်အထိ သတ်တာကိုမြင်ခဲ့ဖူးတယ်လို့ ဆိုပါတယ်။ဖမ်းလာတဲ့လူတွေကို ဓားတွေဓားရှည်တွေနဲ့ထိုးသတ်တာလို့ ပုလဲပအဖအဖွဲ့ဝင်တွေကို ပြန်ပြောပြတယ်။

အဲဒီလို ရက်စက်မှုတွေကြောင့် သူတို့ရွာကို တော်လှန်ရေးအဖွဲ့တွေက အကြိမ်ပေါင်းများစွာ လာရောက်တိုက်ခိုက်တာခံရပါတယ်။ စစ်တပ်နဲ့ပျူစောထီးအဖွဲ့တွေလည်း သေကြကြေကြပါတယ်။ အဝေးကနေ လက်နက်ကြီးနဲ့ အထုခံရတာကတော့ အကြိမ်ပေါင်းမနည်းတော့ပါဘူး။ ဦးအေးတို့တတွေ ဘယ်နေ့ သေမလဲဆိုတာကို ရင်တမမနဲ့ နေခဲ့ရတယ်။

၂၀၂၂ ခုနှစ်ထဲမှာတော့ အင်မထီးကနေ မိသားစုတချို့ ပြင်ပကို ထွက်ပြေးတာတွေရှိလာတယ်။ ဒါပေမယ့်ဦးအေးတို့ ထွက်ပြေးတဲ့လမ်းစဉ်နောက် မလိုက်ရဲသေးဘူး။ ဘာလို့လဲဆိုတော့ ရွာထဲကပျူတွေရဲ့ ခြောက်လုံးလှန့်လုံးတွေ
ကြောင့်ပါ။ အပြင်ရောက်ရင် PDF တွေသတ်တာခံရမယ်ဆိုတာမျိုးတွေနဲ့ ခြိမ်းခြောက်တယ်လို့ ထွက်ပြေးလာသူတွေက ပုလဲပအဖအဖွဲ့ကို ပြောပြကြတယ်။

"မထွက်အောင်ခြောက်တယ်။ အခက်အခဲရှိတော့ အကုန်ထွက်ချင်တော့ မထွက်အောင် ခြောက်တယ်။လူနည်းသွားမှာစိုးတာ။"လို့ ဦးအေးက သူ့ထင်မြင်ချက်ကို ပြောပြတယ်။

ဦးအေးတို့ နောက်ထပ် အကြီးမားဆုံးရင်ဆိုင်လာရတာက
တော့ စားနပ်ရိက္ခာကိစ္စပါ။ စစ်တပ်အထိုင်ချထားပြီး ပျူစောထီးအားကောင်းတဲ့သူတို့အင်မထီးရွာကို ဒေသတွင်း PDF တွေက ပတ်ပတ်လည်ပိတ်ဆို့ထားနိုင်တော့ ရိက္ခာအတွက် အခက်အခဲရှိလာခဲ့ပါတယ်။

"ပဲစေ့ပြုတ်စားရတာ။ ဒီပဲကုန်ရင်လည်း စားစရာမရှိသ
လောက်ဖြစ်တာ။"လို့ ဦးအေးက ပြောပြတယ်။ပဲစေ့ဆိုတာ ပဲစင်းငုံကိုပြောတာပါ။

"အဓိကကတော့ အငတ်ပြဿနာပါပဲ။ အစာရေစာရှားတယ်။ နှစ်နှစ်အတွင်းမယ် မိသားစုတစ်စုကို ပဲစင်းငုံငါးတင်းလောက်အထိ စားခဲ့ရတဲ့ အခြေအနေ ရှိခဲ့တယ်လို့ ပြောတယ်။"လို့ ပုလဲပအဖအဖွဲ့ရဲ့ လူသားစာနာတာဝန်ခံက ပြောပါတယ်။

နောက်ဆုံး အငတ်ပြဿနာက တအားဆိုးရွားလာတယ်။ ထွက်ပြေးတဲ့သူတွေလည်း များလာတယ်။ နောက်တော့ ဦးအေးတို့လည်း ထွက်ပြေးဖို့ စီစဉ်ကြတယ်။နိုဝင်ဘာလအတွင်းက သူတို့ရွာကိုလာတဲ့ စစ်ကောင်စီယာဉ်တန်း ညတစ်ညမှာ ပြန်အထွက် ခိုးလိုက်လာခဲ့ကြတယ်။

ခိုးလိုက်လာတယ်ဆိုတာဒီလိုပါ။ အဲဒီယာဉ်တန်းကို လိုက်ချင်တဲ့သူတွေလိုက်လို့ရတယ်လို့ ရွာထဲကပျူခေါင်းဆောင်တွေက ပြောပါတယ်။ ဒါပေမယ့်စာရင်းပေးပြီးလိုက်ရင် ဟိုကျဘာခိုင်းမယ်မသိတော့စာရင်း မပေးရဲကြဘူး။ ဒါနဲ့ ပျူခေါင်းဆောင်တွေကိုတော့အသိမပေးဘဲ ယာဉ်တန်းကစစ်သားတွေကိုအသိပေးပြီး ခိုးလိုက်လာကြတယ်။

အင်မထီးတင်မကဘူး။ အင်မထီးလိုပဲ ပျူစောထီးရွာဖြစ်တဲ့ ဇီးဖြူကုန်းပျူရွာက လူတွေပါ ပါကြတယ်။ စုစုပေါင်းတစ်ရာကျော်တယ်လို့ ထွက်ပြေးလာသူတွေက ပြောတယ်။

ပုလဲမြို့နယ် မြို့နယ်ရဲစခန်းနှင့်ထွေအုပ်ရုံးတို့ကို ၂ ဆက် လေကြောင်းစစ်ဆင်

ဇန်နဝါရီ ၊ ၈ ၊ ၂၀၂၄။
လူထုခေတ်

စစ်ကိုင်းတိုင်း၊ပုလဲမြို့နယ်ထွေအုပ်ရုံးနှင့်မြို့မရဲစခန်းတို့ကို ဗုံးသီးချတိုက်ခိုက်ခဲ့ကြောင်း Daung Ta Mann လေကြောင်းစစ်ဆင်ရေးအဖွဲ့မှ ထုတ်ပြန်ထားသည်။

ဇန်နဝါရီ ၇ ရက်နေ့တွင် ည ၇ နာရီ ၄၆ မိနစ်ဝန်းကျင်တွင် ပုလဲမြို့နယ် ထွေအုပ်ရုံးနှင့်မြို့မရဲစခန်းတို့ကို Fixed Wings Drone များဖြင့် ဗုံးသီး ၄ လုံးကြဲချတိုက်ခိုက်ခဲ့ခြင်းဖြစ်ကြောင်းသိရသည်။

အလားတူ ဇန်နဝါရီ ၆ ရက်နေ့ ည ၁၀ နာရီ ၁၅ မိနစ်ဝန်းကျင်တွင်လည်း ပုလဲမြို့နယ်၊ထွေအုပ်ရုံးသို့ ဗုံးသီး ၂ လုံးကြဲချတိုက်ခိုက်ခဲ့သေးသည်။

ယင်းတိုက်ခိုက်မှုများကြောင့် စစ်ကောင်စီတပ်မှ ပြန်လည်ပစ်ခတ်မှုများရှိသော်လည်း တော်လှန်ရေးရဲဘော်များ ထိခိုက်မှုမရှိ အောင်မြင်စွာဆုတ်ခွာနိုင်ခဲ့ကြောင်းသိရသည်။

အဆိုပါစစ်ဆင်ရေးများကို Shar Htoo Waw နည်းပညာတပ်ဖွဲ့၏ Team (3)PDAF၊ Shar Htoo Waw နည်းပညာတပ်ဖွဲ့၏(4)SSTF၊Seven People Defense Force-Mandalay၊Union Brothers-UB(ပြည်သူ့အကျိုးဆောင်အဖွဲ့)၊ဒေါနစစ်ကြောင်း၏ ဖိုးမောင်ပြန်လာပြီ ကားထောက်ပို့အဖွဲ့၊Support To Federal Democracy ၊CONNECT၊ဒေသခံ(ပကဖ)အဖွဲ့များနှင့် တပ်ရင်း၊တပ်ဖွဲ့များ ပူးပေါင်းဆောင်ရွက်ခြင်းဖြစ်သည်။

လူထုခေတ် Facebook Page ကို Like ပေးခြင်း၊You Tube Channel ကို Subscribed လုပ်ပေးခြင်းဖြင့် ရေရှည်ရပ်တည်နိုင်အောင် ဝိုင်းဝန်းကူပေးပါကြရန် မေတ္တာရပ်ခံအပ်ပါသည်။

အောက်ပါလင်ခ့်တွေမှာလည်း လူထုခေတ် သတင်းများကို ဝင်ရောက်ဖတ်ရှုနိုင်ပါသည်။

Telegram Link -
https://t.me/luhtukhitnews

YouTube Link –
https://www.youtube.com/@luhtukhit4114

မြိုင်

မြိုင်မြို့ပေါ်  ရိက္ခာပို့ယာဉ်တန်းသည်  ကန်နီပျူရွာကို ရိက္ခာပို့ရန် နည်းမျိုးစုံအားထုတ်သော်လဲ ပို့ဆောင်နိုင်ခြင်းမရှိဘဲ  မြိုင် ထွေအုပ်ရုံးနှင့်ဆေးရုံတို့တွင်
ကားတစင်းစီချိမ်းထားခဲ့တယ်လို့ သိရပါတယ်။  ( ကန်နီပျူခွေးများငိုချင်းချပေတော့ )

မြိုင်မြို့ပေါ်က Non များအပြင် ဒဏ်ရာရ စခ ပခများ ပန်းခြံအနီး ဘဏ်မှပစ္စည်းများ ပြန်လာသည့် ယာဉ်တန်းနှင့်တင်ဆောင်လာတယ်လို့လဲသိရပြီး
ယာဉ်တန်းနှင့်အတူ စခ အင်အား ၈၀ ထက်မနည်း  စက်ရုံထဲကိုဝင်တယ်လို့ သိရပါတယ်။

မြိုင် - ကိုင်းတောမ - ကမ္မ လမ်းပိုင်းအနီး ပြည်သူများ အထူးသတိထား နေထိုင်သွားလာကြပါရန်။

#MYAING
MRSN
Jan 9  , 6:00PM
📬သတင်းပို့ရန် @MagwayScoutNetworkBot

အာဏာရှင်မလိုလား မြတ်ဗုဒ္ဓသားတော်များ သပိတ် အင်အားစုမှ စစ်အာဏာရှင် တော်လှန်ရေး လှုပ်ရှားမှု ပြုလုပ်

ရန်ကုန်၊ ဇန်နဝါရီ ၁၁

အာဏာရှင် မလိုလား မြတ်ဗုဒ္ဓသားတော်များ သပိတ် အင်အားစုမှ သံဃာတော်များ ဦးဆောင်ကာ ယနေ့ ဇန်နဝါရီ ၁၁ ရက်နေ့တွင် စစ်အာဏာရှင် တော်လှန်ရေး လှုပ်ရှားမှု ပြုလုပ်ခဲ့ကြောင်း သိရသည်။

အဆိုပါ လှုပ်ရှားမှုကို သံဃာတော်များက "တရားမျှတခြင်း၊လွတ်လပ်ခြင်း၊တန်းတူအခွင့်ရေးရရှိခြင်းအတွက် အဆုံးထိတိုက်ပွဲဝင်နေကြတဲ့ တော်လှန်အင်အားစုတိုင်းကိုလေးစားဂုဏ်ယူရပါသည်။" စာတန်း ကိုင်ဆောင်ကာ ပြုလုပ်ခဲ့ကြောင်း သိရသည်။

မကွေး ⚠️

မကွေးလေတပ်မှ နောက်ထပ် ဂျက်ဖိုက်တာ တစ်စီး အနောက်​ ဘက်သို့ ပျံတက်။

#WaiHin
Jan 13, 9:19 AM
📫သတင်းပို့ရန် @WaiHinBot

ကန်သာယာရွှေလိမ္မော်ကျွန်းတွင် တပ်ထောက်ခံပွဲပြုလုပ်မည်ဖြစ်📢

13/1/2024 , 6:25 PM

◾အပြစ်မဲ့ပြည်သူများ ၊ ကလေးသူငယ်များ ၊ သက်ကြီးရွယ်အိုများပါ ရက်ရက်စက်စက်လူမဆန်စွာ သတ်ဖြတ်မှူ့တွေ ၊ အပြစ်မဲ့ပြည်သူများ၏ နေအိမ်များမှ အဖိုးတန်ပစ္စည်းများ ယူဆောင်ခြင်း ၊ မယူဆောင်နိုင်သော ပစ္စည်းများအား နေအိမ်နှင့်အတူ မီးရှို့ ဖျက်ဆီးခြင်း ၊ လေကြောင်းကနေ မြိုနယ်များ/ကျေးရွာများ ကို ရည်ရွယ်ချက်ရှိရှိ ဗုံးကြဲတိုက်ခိုက်မှူ့တွေ စဉ်ဆက်မပြတ် ပြု‌လုပ်နေသော အကြမ်းဖက် စစ်ကောင်စီ အား ထောက်ခံကြောင်း အယောင်ပြထောက်ခံပွဲကို ဇန်နဝါရီလ (၁၂) ရက်နေ့က နေပြည်တော်တွင် ကျင်းပခဲ့ပြီး ဖြစ်သလို မနက်ဖြန် (၁၄) ရက်နေ့တွင်လည်း မုံရွာမြို့ ၊ ကန်သာယာ ရွှေလိမ္မော်ကျွန်းမှာ ကျင်းပပြုလုပ်မည်ဖြစ်ကြောင်းသတင်းရရှိထားပါတယ်။
ကျင်းပပြုလုပ်ရာမှာ တက်ရောက်မယ့် Non CDM ဝန်ထမ်းတွေနဲ့ စစ်ကောင်စီကိုထောက်ခံအားပေးသော ပြည်သူတွေအနေနဲ့ စစ်ကောင်စီက မိမိတို့ မိသားစု ၊ သူငယ်ချင်း/မိတ်ဆွေ တွေအပေါ် အနိုင်ကျင့်သတ်ဖြတ်မှူ့တွေ မိမိပိုင်ပစ္စည်းတွေ ဓားပြတိုက်ယူဆောင်မှူ့တွေ မီးရှို့ဖျက်ဆီးမှူ့တွေ လုပ်ဆောင်လာမည်ဆိုရင်ရော အကြမ်းဖက်စစ်တပ်ကို ဆက်လက်ထောက်ခံနိုင်ပါဦးမလားဆိုတာ ကျန်တော်တို့က မေးခွန်းထုတ်လိုက်ရပါတယ် ခင်ဗျာ။

ပြည်သူမှပြည်သူသတင်းနှင့်ကူ

📢 Telegram Channel
https://t.me/monywaSCO123

📬သတင်းပေးပို့ရန်
@monywascout001

#MPDO