စစ်ကောင်စီ ရဟတ်ယာဉ်ကို တာဝေးပစ်လက်ဖြောင့် သံချပ်ကာဖောက် ရိုင်ဖယ်ဖြင့် ကေအိုင်အေ ပစ်ချခဲ့ခြင်းဖြစ်နိုင်ဟုဆို

22 May 2025 By Ra Wai / MPA

စစ်ကောင်စီ ရဟတ်ယာဉ်များကို ကေအိုင်အေက တာဝေးပစ်လက်ဖြောင့်သံချပ်ကာဖောက်ရိုင်ဖယ် ဖြင့် ပစ်ချခဲ့ခြင်းဖြစ်နိုင်ကြောင်းမြန်မာစစ်ဘက်ရေးရာနှင့်လုံခြုံရေးဆိုင်ရာ လေ့လာရေးအဖွဲ့( Myanmar Defense & Security Institute-MDSI) က ထုတ်ပြန်သည်။

မေလ၂၀ရက်တွင် ဗန်းမော်မြို့သို့ စစ်ကူလာသည့် စစ်ကောင်စီရဟတ်ယာဉ်သုံးစင်းကို ကေအိုင်အေ ကပစ်ချခဲ့ရာ တစ်စင်းမှာ ရွှေကူမြို့နှင့် ၁၅မိုင်ခန့်အကွာ တောတွင်းတစ်နေရာ၌ ပျက်ကျခဲ့ပြီး နောက် တစ်စင်းမှာ ရွှေကူမြို့၊ခမရ၅၆သို့ အရေးပေါ်ဆင်းသက်ခဲ့ရကာ ယင်းရဟတ်ယာဉ်ကိုလည်း ကေအိုင်အေက မေလ၂၁ရက်၊နေ့ခင်းပိုင်း၌ သွားရောက်တိုက်ခိုက်ဖျက်ဆီးခဲ့သည်။