သဘာဝဘေးအန္တရာယ်ဆိုတာ ဘယ်အစိုးရတက်တက်ဖြစ်လာရင် ခံစရာရှိ ခံရမယ်ဆိုပေမဲ့ ၄ နှစ်တာကာလမှာ ဘေးအန္တရာယ်ဆိုးကြီး ၄ ခုကို တပြိုင်တည်း ခံရတယ်ဆိုတာ ဘာကြောင့်ပါလဲ။

ဘယ်လိုမှ တားလို့မရတဲ့ ငလျင်ဒဏ်ကိုအသာထား တားဆီးလို့ရတဲ့ ဘေးဆိုး ကပ်ဆိုး အန္တရာယ်တွေမှာ ဘာကြောင့် လူ့အသက်ပေါင်း မြောက်များစွာ သေကြေပျက်စီးကြရတာပါလဲ။

တားဆီးလို့မရတဲ့ ဘေးအန္တရယ်ဖြစ်လင့်ကစား ငလျင်လှုပ်ခံရပြီး ၂ ရက်မြောက်တဲ့နေ့အထိဘာကြောင့် ကယ်ဆယ်ရေးတွေ မလုပ်တာပါလဲ။

ငလျင်ဒဏ်ကြောင့် သေကြေပျက်စီးကြရတဲ့ ပြည်သူတွေအတွက် ဝမ်းနည်းပူဆွေးနေသူများ

စစ်ကိုင်းတိုင်း၊ တန့်ဆည်မြို့နယ်၊ လယ်မရွာက ဘုန်းကြီးကျောင်းကို ဧပြီ ၁၃ ရက် ညနေပိုင်းမှာ ဖက်ဆစ်ခွေးမိစ္ဆာက ၂ ကြိမ်ဗုံးကြဲတိုက်ခိုက်ခဲ့တာကြောင့် အမျိုးသမီး ၁ ဦး သေဆုံးပြီး အမျိုးသမီး ၂ ဦး၊ အမျိုးသား ၁ ဦးဒဏ်ရာရခဲ့ကြောင်း သိရှိရသည်။

ညနေ ၃ နာရီ ၃၅ မိနစ်ခန့်မှာ ၁ ကြိမ်၊ ညနေ ၃ နာရီ ၃၉ မိနစ်မှာ ၁ ကြိမ် မိတ္ထီလာလေတပ်က တက်လာတဲ့ ဂျက်ဖိုက်တာ ၂ စီးက လယ်မကျေးရွာ ဘုန်းကြီးကျောင်းကို ပေါင် ၂၅၀ ဗုံးသီး ၄ လုံး ကြဲချခဲ့တာလို့ ဆိုပါတယ်။

“ပထမဆုံး ဗုံး ၁ လုံးကျတာကတော့ စေတီပေါ်မှာကျတဲ့အခါမှာ စေတီထီးတော်မြေခသွားတယ်၊ ဒုတိယ ၁ လုံးနဲ့ တတိယ ၁ လုံးကတော့ လယ်မကျေးရွာဘုန်းတော်ကြီးကျောင်း နှစ်ထပ်ဆောင်ပေါ်ကို တည့်တည့်ကျသွားတော့ ဘုန်းတော်ကြီးကျောင်းလည်း မီးလောင်ပျက်စီးသွားတယ်၊ စတုတ္ထ ၁ လုံးကတော့ ဘုန်းတော်ကြီးကျောင်းရဲ့ မီတာ ၄၀ အကွာက ပြည်သူ့နေအိမ်ပေါ်ကျတဲ့အခါမှာ အိမ်လည်းပျက်စီးသွားတယ်”လို့ ချင်းတွင်းရိုးမမဟာမိတ်တပ်ပေါင်းစုမှ ရဲဘော် မြတ်ကိုက ပြောပါတယ်။

မြေလတ်အသံ