သပိတ်ကျင်းက စစ်တပ်စခန်း ၂ ခု ကို ရှော့ဒုံးတွေနဲ့ ပစ်ခတ်တိုက်ခိုက် (ရုပ်/သံ)

သပိတ်ကျင်း၊ ဧပြီ ၁၂၊ ၂၀၂၅ ။

မန္တလေးတိုင်း၊ သပိတ်ကျင်းမြို့နယ်က စစ်ကောင်စီတပ်စခန်းနေရာ ၂ ခုကို ရှော့တိုက်ဒုံး အလုံး ၅၀ နဲ့ ပစ်ခတ်တိုက်ခိုက်ခဲ့တယ်လို့ Madaya Urban Guerrilla -MUG အဖွဲ့ထံမှ သိရပါတယ်။

ဧပြီ ၁၀ ရက်မှာ အင်အား ၅၀ ခန့်ရှိ ၇ မိုင်ကျေးရွာစစ်ကောင်စီတပ်ခစန်းကို ရှော့တိုက်ဒုံး ၃၅ လုံး၊ ၇ မိုင်ကျေးရွာနဲ့ မီတာ ၃၀၀ ခန့်အကွာရှိ စစ်အခြေခံလေ့ကျင့်ရေးတပ် (စခတ ၂)ကို ရှော့တိုက်ဒုံး ၁၅ လုံးနဲ့ မနက် ၁၀ နာရီ ၄၀ မိနစ်ကနေ ၁၂ နာရီအထိ ပစ်ခတ်တိုက်ခိုက်ခဲ့တာလို့ ဆိုပါတယ်။

"ရော့ကတ် အလုံး ၅၀ နဲ့ ပွိုင့် ၂ ပွိုင့်ခွဲပီး ပစ်ခတ်တိုက်ခိုက်ခဲ့တယ်။ ပစ်ခတ်တိုက်ခိုက် တဲ့နေရာမှာ တပ်ထဲကလက်နက်တိုက်တွေနဲ့ ဂျန်ပါတွေ၊ စတားလင့်တွေ၊ ဆက်သွယ်ရေးအထိုင်တွေ၊ အရာရှိတွေရှိတဲ့နေရာပေါ့အဲဒီနေရာတွေကို အဓိကထားပြီး ပစ်ခတ်တိုက်ခိုက်ခဲ့တယ်။ ရွာထဲကကျတော့သူတို့နေရာယူထားတဲ့ အဓိကကျတဲ့မိန်းပွိုင့်တွေ စနိုက်ပါရှိတဲ့နေရာ၊ အရာရှိနေတဲ့နေရာတွေကိုပစ်ခတ်ခဲ့တာ"လို့ Madaya Urban Guerrilla -MUG ဒုတာဝန်ခံ အငယ်လေးက ပြောပါတယ်။

ရှော့တိုက်ဒုံးပစ်ခတ်မှုအတွင်းမှာ ၇ မိုင်ကျေးရွာအတွင်း အထိုင်ချထားတဲ့ စစ်ကောင်စီအဖွဲ့က ၂ ဦးသေဆုံးတယ်လို့ စစ်ကောင်စီတပ်ဖွဲ့ဝင်တွေနဲ့နီးစပ်သူတွေထံက ပြန်လည်စုံစမ်းသိရှိရကြောင်းနဲ့ စခတ ၂ တပ်တွင်းက သေဆုံးမှုကိုတော့ ဆက်လက်စုံစမ်းနေဆဲဖြစ်တယ်လို့ ဆိုပါတယ်။

ရှော့ဒုံးတွေကျရောက်ပေါက်ကွဲတာကြောင့် စခတ ၂ တပ်တွင်းက လက်နက်တိုက်၊ အရာရှိအဆောင်တွေ မီးလောင်တာနဲ့ ၇ မိုင်ရွာအတွင်းက စစ်ကောင်စီစခန်းတွေမှာလည်း မီးလောင်တာတွေ ဖြစ်ပေါ်ခဲ့တယ်လို့ ၎င်းက ပြောပါတယ်။

၇ မိုင်ကျေးရွာကို ပြီးခဲ့တဲ့ ၂၀၂၄ ခုနှစ်အတွင်း တော်လှန်ရေးပူးပေါင်းတပ်တွေထိန်းချုပ်ထားနိုင်ခဲ့ပေမယ့် ယခုနှစ် ဇန်နဝါရီမှာ စစ်ကောင်စီဘက်က ထိုးစစ်ဆင် ပြန်လည်ထိန်းချုပ် အထိုင်ချတပ်စွဲထားတာပါ။

စစ်ကောင်စီတပ်စခန်းတွေ ရှော့တိုက်ဒုံးနဲ့ပစ်ခံရပြီးနောက် ဧပြီ ၁၁ ရက်မှာ စစ်ကောင်စီတပ်က တိုက်လေယာဉ်တွေနဲ့ ၇ မိုင်ကျေးရွာတဝိုက် လေကြောင်း ကင်းထောက်ပျံသန်းတာတွေ ပြုလုပ်ခဲ့တယ်လို့ ဆိုပါတယ်။

အဆိုပါ တိုက်ခိုက်မှုကိုတော့ Madaya Urban Guerrilla -MUG၊ ပြည်သူ့ကာကွယ်ရေးတပ်မတော် TRI ဗျူဟာ ၊ PACMPT ၊ NAA-DF (Khin U)၊ ခင်ဦးမြို့နယ်ပလဖ ၊ ရွှေဘိုခရိုင်တပ်ရင်း ၉ ၊ ရွှေဘိုမြို့နယ်တိုက်နယ် ၁ ပကဖ၊ Peacock King People Defense Force တို့က ပူးပေါင်းတိုက်ခိုက်ခဲ့တာလို့ သိရပါတယ်။

ဒီပစ်မှတ်တွေကို တပ်တွင်းသတင်းပေးတွေရဲ့ အသိပေးမှုအရ သွားရောက်တိုက်ခိုက်ခဲ့ကြတာလို့ လည်း ဆိုပါတယ်။

ဧပြီလ ၃ ရက်ကလည်း သပိတ်ကျင်းမြို့နယ်၊ ၇ မိုင်ကျေးရွာအနီးမှာ စစ်ကောင်စီတပ်တွေနဲ့ TNLA ပူးပေါင်းတပ်တွေက တိုက်ခိုက်ခဲ့ပါသေးတယ်။

သတင်း - ကျော်ကြီး၊ တည်းဖြတ် - M

#မြေလတ်အသံ
#သပိတ်ကျင်း #စခတ၂ #၇မိုင်ကျေးရွာ #ရှော့တိုက်ဒုံး #တိုက်ပွဲ⁩

https://youtu.be/mQF6S8Vfdsk

ညောင်လေးပင်ခရိုင်အတွင်း စစ်ကောင်စီတပ် ဒရုန်းနှင့် လက်နက်ကြီး ပစ်ခတ်မှုများကြောင့် ပြည်သူပိုင် နေအိမ် (၅)လုံးနှင့် ဘုန်းကြီးကျောင်း(၁) ကျောင်း ထိခိုက်ပျက်စီး...
ပြည်သူ (၁) ဦးကိုလည်း စစ်တပ်က အကြောင်းမဲ့ဖမ်းဆီး...
ဧပြီ ၁၂ ၊ ၂၀၂၅
ပဲခူးတိုင်း၊ ညောင်လေးပင်ခရိုင်အတွင်း အကြမ်းဖက်စစ်ကောင်စီတပ်ရဲ့ ဒရုန်းနဲ့ လက်နက်ကြီး ပစ်ခတ်တိုက်ခိုက်မှုတွေကြောင့် ပြည်သူပိုင် နေအိမ် (၅)လုံးနဲ့ ဘုန်းကြီးကျောင်း(၁) ကျောင်းထိခိုက်ပျက်စီးခဲ့ပြီး အရပ်သား (၁) ယောက်ကိုလည်း စစ်တပ်က အကြောင်းမဲ့ ဖမ်းဆီးသွားတယ်လို့ ကရင်အမျိုးသားအစည်းအရုံး (KNU) က ဒီနေ့ ထုတ်ပြန်ပါတယ်။
ရွှေကျင်မြို့နယ်အတွင်း ဧပြီလ (၁၀)ရက် ညနေပိုင်းမှာ သိမ်ဇရပ် အခြေစိုက် ခမရ-၂၀၇ က အကြမ်းဖက်စစ်ကောင်စီတပ်က သံမှန်ဇရပ်ရှိ ရော်ဘာခြစ်လုပ်ငန်း လုပ်ကိုင်နေတဲ့ အသက် (၃၀) အရွယ် အမျိုးသား ၁ ယောက်ကို သိမ်ဇရပ်မြို့ပေါ် ဈေးဝယ် ထွက်ချိန် အတင်းအဓမ္မ ဖမ်းဆီးခဲ့တယ်လို့ ဆိုပါတယ်။
ဧပြီလ (၉)ရက် ညပိုင်းမှာလည်း ခလရ-၂၆၄ က အကြမ်းဖက် စစ်ကောင်စီတပ်ဟာ (၁၂၀) မမ (၄) လုံး ပစ်ခတ်ခဲ့ရာ ထောလူခိုကျေးရွာ၊ ကောက်မယ်သူကျေးရွာနဲ့ ပန်းတင်ကုန်း ကျေးရွာတွင်း ကျရောက်ပေါက်ကွဲခဲ့ပြီး ထောလူခိုကျေးရွာက နေအိမ် (၁)လုံး ထိခိုက်ပျက်စီးခဲ့တယ်လို့ သိရပါတယ်။
ကျောက်ကြီးမြို့နယ်အတွင်းမှာလည်း ဧပြီလ (၁၁)ရက်က အကြမ်းဖက် စစ်ကောင်စီက ဒရုန်းနဲ့ဗုံးကြဲတိုက်ခိုက်ခဲ့ရာ ကွင်းဆိပ်ကျေးရွာအနီးရှိ လေးလမ်းဆုံ အနီး ကျရောက်ပေါက်ကွဲခဲ့ပြီး နေအိမ် (၂)လုံး ထိခိုက်ပျက်စီး ခဲ့တယ်လို့ သိရပါတယ်။
ဧပြီလ (၉) ရက် ညပိုင်းမှာလည်း ကြိတ်ကွင်းကျေးရွာတွင်း စစ်ကောင်စီတပ်တွေက ဒရုန်းနဲ့ ဗုံးသီးပစ်ချခဲ့တာကြောင့် နေအိမ် (၂)လုံး ထိခိုက်ပျက်စီးခဲ့တယ်လို့ သိရပါတယ်။
ဧပြီလ (၈)ရက် ညပိုင်းမှာလည်း အကြမ်းဖက် စစ်ကောင်စီရဲ့ ခလရ-၂၆၄ တပ်ရင်းက (၁၂၀) မမ (၂)လုံး ပစ်ခတ်ခဲ့ရာ တောင်ခင်ကျေးရွာ ဘုန်းကြီးကျောင်းမှာ ကျရောက်ပေါက်ကွဲခဲ့ပြီး တောင်ခင်ကျေးရွာဘုန်းကြီးကျောင်း ထိခိုက် ပျက်စီးခဲ့တယ်လို့ KNU က ထုတ်ပြန်ထားပါတယ်။
ပုံစာ − အကြမ်းဖက်စစ်ကောင်စီတပ် အကြမ်းဖက်လုပ်ရပ်များကြောင့် ထိခိုက်ပျက်စီးမှုများ...

မြင်းခြံ

အမှတ် ၁၈ ရပ်ကွက်၊ ဗောဓိတစ်ထောင်လမ်းအနောက်ဖက်ခြမ်းက အိမ်တစ်အိမ်ကို ပျူတွေ ယနေ့နေ့လည်က ဓားပြဝင်တိုက်သွား။ အိမ်စီးကားတစ်စီး၊ ဆိုင်ကယ် ၃ စီး၊ ဖုန်းတွေ၊ လက်တော့ ၁ လုံး၊ ရှိသမျှရွှေငွေအကုန်ယူသွားဟုသိရ။ရွှေ တွေများသည်ဟုသိရ။
ယူသွားတဲ့ကားနဲ့ လမ်းသစ်လမ်းကနေ တောင်ဘက်မောင်းသွားတယ်လို့သိရ။


မြင်းခြံလူထုလှုပ်ရှားမှုကော်မတီ
#MySN
Apr 12 , 6:36PM
https://t.me/https3starmyaing

ရေစကြိုနယ်၊ ရေလယ်ကျွန်းဒေသ၊ သာဂေါင်ကြီးရွာ စာသင်ကျောင်းကို ယနေ့ နံနက်ပိုင်း (၁၀) နာရီဝန်းကျင်အချိန် အကြမ်းဖက် စစ်ကောင်စီတပ်မှ ဂျက်ဖိုက်တာဖြင့် အကြောင်းမဲ့ လေကြောင်းတိုက်ခိုက်မှုပြုလုပ်ခဲ့ကြောင်း သိရှိရပါသည်။
ကျောင်းသား ပြည်သူများ ဘေးလွတ်ရာ ထွက်ပြေးခဲ့ခြင်းကြောင့် ထိခိုက်သေဆုံးမှု မရှိခဲ့‌သော်လည်း စာသင်ကျောင်းဆောင်နှင့် ကျောင်းသုံးပရိဘောဂပစ္စည်းများ ထိခိုက်ပျက်စီးခဲ့ကြောင်း သိရှိရပါသည်။
YSO..

Apr 12 , 6:36PM
https://t.me/https3starmyaing