သူ့နေရာမှာ ကိုယ်ဆိုလည်း
ရူးသွားလိမ့်မယ်ထင်တယ် ။

ငလျင်ဘေးဒဏ်သင့်နေချိန် မွန်ပြည်နယ်မှာ သင်္ကြန်ပွဲတော်ကျင်းပဖို့ စစ်ကောင်စီ စတင်ပြင်ဆင်

ဧပြီလ ၁ ရက်

မြန်မာနိုင်ငံရဲ့ ဒေသခြောက်ခုမှာ ငလျင်ဘေးဒဏ်ကို အပြင်အထန် ခံစားနေရချိန် မွန်ပြည်နယ်မှာတော့ သင်္ကြန်ပွဲတော် စည်ကားသိုက်မြိုက်စွာ ကျင်းပဖို့အတွက် စစ်ကောင်စီဘက်က ကြိုတင်ပြင် ဆင်မှုတွေ လုပ်ဆောင်နေတယ်လို့ ဒေသခံတွေက သံလွင်တိုင်းမ်ကို ပြောပါတယ်။

ပြည်နယ်စစ်ကောင်စီဟာ  သင်္ကြန်ပွဲတော် စည်ကားဖို့အတွက် မော်လမြိုင်မြို့ ကမ်းနားလမ်းမှာ ဗဟိုမဏ္ဍပ်စတင် ဆောက်လုပ်နေသလို တခြား ဌာနဆိုင်ရာ မဏ္ဍပ်တွေကိုလည်း ဆောက်လုပ်ဖို့ ပြင်ဆင်နေတာပါ။

ဒေသတွင်းမှာတော့ ပရဟိတအဖွဲ့အစည်း တချို့နဲ့ လူငယ်တချို့ဟာ လူသားချင်းစာနာမှုအနေနဲ့ ငလျင်ဘေးသင့်ဒေသတွေကို လှူဒါန်းနိုင်ဖို့အတွက် ကိုယ်ထူကိုယ်ထ အလှူခံတာတွေကို လုပ်ဆောင်နေပေမယ့် စစ်ကောင်စီကတော့ ပျော်ပွဲရွှင်ပွဲကို ဦးစားပေး လုပ်ဆောင်နေတာ ဖြစ်ပါတယ်။

အဆက် - ⤵️⤵️

မန္တလေး Sky Villa ကွန်ဒိုမှ သေဆုံး ၂ ဦး ထပ်ဖော်ထုတ်နိုင်

ဧပြီလ ၁ ရက်

တရုတ်နိုင်ငံမှ ကယ်ဆယ်ရေးအဖွဲ့များဖြင့် ရှာဖွေနေသည့် မန္တလေး Sky Villa ကွန်ဒိုတွင် ယနေ့ နံနက်ပိုင်း၌ အမျိုးသား ၁ ဦး နှင့် အမျိုးသမီး ၁ ဦးတို့၏ ရုပ်အလောင်းများ ထပ်မံ ဖော်ထုတ်ရရှိကြောင်း မီးသတ်တပ်ဖွဲ့က သတင်းထုတ်ပြန်သည်။

မတ်လ ၂၈ ရက်က လှုပ်ခတ်ခဲ့သော အင်အားပြင်းငလျင်ကြောင့် မန္တလေးမြို့ လမ်း ၆၀ ၊ ၂၃ လမ်း နှင့် ၂၄ လမ်းကြားရှိ ၁၁ ထပ် အမြင့် Sky Villa ကွန်ဒို ပြိုကျပျက်စီးခဲ့ရာ အထဲတွင်ပိတ်မိနေသူများကို မတ် ၃၀ ရက်မှစ၍ တရုတ်နိုင်ငံမှ ကူညီရေး အဖွဲ့များက ခေတ်မီနည်းပညာများ၊ ပြည်တွင်းရှိ စက်ယန္တရားများဖြင့် ရှာဖွေကယ်ဆယ်ရေး လုပ်ဆောင်ခဲ့ရာ အမျိုးသမီး ၂ ဦး အသက်ရှင်လျက်ကယ်ထုတ်နိုင်ခဲ့ပြီး အမျိုးသား ၁ ဦး နှင့် အမျိုးသမီး ၃ ဦးတို့၏ ရုပ်အလောင်းများ ဖော်ထုတ်နိုင်ခဲ့ကြောင်း မီးသတ်တပ်ဖွဲ့က မတ် ၃၁ ရက်၌ သတင်းထုတ်ပြန်သည်။

နိုင်ငံတကာကူညီရေးအဖွဲ့များ မရောက်လာမီ မတ်လ ၂၉ ရက်၌ တွဲလက်လူမှုကူညီရေးအဖွဲ့ကလည်း စက်ယန္တရားများ အပါအဝင် လူအင်အားအများအပြားဖြင့် တညလုံး ရှာဖွေကယ်ဆယ်ရေးလုပ်ဆောင်ခဲ့ရာ အသက်ရှင်လျက် ၁ ဦးသာ ကယ်ထုတ်နိုင်ခဲ့ကြောင်း ၊ ရှာဖွေကယ်ဆယ်ရေးလုပ်ရသည်မှာ အန္တရာယ်များကြောင်း တွဲလက်လူမှုကူညီရေးအဖွဲ့ တာဝန်ရှိသူတဦးက ပြောသည်။

ပုံစာ -မန္တလေးမြို့ Sky Villa တွင် ကယ်ဆယ်ရေးလုပ်ဆောင်နေသည့် မြင်ကွင်း/ MFD

#WhatsHappeningInMyanmar
#MyanmarEarthquake
#Earthquake2025
#earthquake
#Sagaing
#Mandalay
#Naypyitaw
#RejectMilitaryCoup
#Irrawaddy
#HlaingInfo