မြိုင်နဲ့ ပခုက္ကူက ဒေသခံသောင်းချီ စစ်ရှောင်နေရ

မြိုင်၊ မေ ၂၊ ၂၀၂၅။

မကွေးတိုင်း၊ မြိုင်မြို့နယ်နဲ့ ပခုက္ကူမြို့ထဲက ကျေးရွာတွေကို စစ်ကောင်စီစစ်ကြောင်းထိုးနေတဲ့အတွက် ဒေသခံသောင်းကျော် တိမ်းရှောင်ထွက်ပြေးနေရတယ်လို့ အညာမြေအရပ်ဖက်အဖွဲ့အစည်း(မြိုင်)ဆီက သိရပါတယ်။

ဧပြီ ၃၀ ရက်ညပိုင်းမှာ မြိုင်မြို့နယ်၊ စိုတွင်းရွာကို စတင်စစ်ကြောင်းထိုးဝင်ရောက်လာပြီး မေ ၁ ရက်မနက် ၆ နာရီဝန်းကျင်မှာ စိုတွင်းရွာ၊ မင်းကန်ရွာ၊ သရက်ကွတောတိုက်နဲ့ သင်းပေါင်းကန်တောတိုက်တို့ကို စစ်ကြောင်းထိုးတပ်စွဲတဲ့အတွက် အဲ့ဒီနေရာတွေက ဒေသခံ ၁ ထောင်ကျော်ထွက်ပြေး နေကြရတာလို့ ဆိုပါတယ်။

“ပခုက္ကူတပ်မ ၁၀၁ ကထွက်လာတာက စစ်ကြောင်းက ၂ ခုပေါင်း အင်အား ၅၀၀ ကျော် လောက်ရှိ မယ်။ ၁ ခုက ၂၈ ရက်နေ့ကတည်းက အောင်သာဘက်ကိုထွက်လာတာ ခုစစ်ကြောင်းက (ဧပြီ ၃၀) ညကမှခြေလျင်အင်အား ၁၅၀ လောက် စိုတွင်းဘက်ကို ထပ်ထွက်လာကြတာ။”

သတင်းအပြည့်အစုံ - https://myaelattathan.com/news/4051/