သတိ


တဖြည်းဖြည်းနီးလာတဲ့ မျောက်ကျောက်ရောဂါ 🐒

မျောက်ကျောက်ရောဂါ Monkeypox (mpox လို့လည်းခေါ်ပါတယ်) က မနေ့က ထိုင်းနိုင်ငံမှာ စတွေ့တယ်လို့ သတင်းတွေမှာ ပါလာပါတယ်။ အရင်က ဝေးနေတော့ မလာလောက်ပါဘူး ထင်ပေမယ့် ကိုယ်နဲ့နီးလာတော့ ကြောက်လန့်တကြား ဖြစ်ပြီး လိုက်ရှာဖတ်ဖြစ်တာလေး မျှဝေပေးတာပါ။ ကိုဗစ်တုန်းက သေတတ်တယ်ဆိုပေမယ့် mpox မှာတော့ မသေရင်လည်း ရုပ်ဆိုးဦးမယ်ဆိုတော့ အများစုက သေမှာထက်ပိုကြောက်ကြပါတယ် 😀

Mpox က ကိုဗစ်လိုပဲ virus ပိုးတစ်မျိုးကြောင့် ကူးစက်တာ ဖြစ်ပါတယ်။ အခြားရောဂါပိုးရှိနေတဲ့ လူ၊ တိရိစ္ဆာန်၊ အရာဝတ္ထုပစ္စည်း၊ မိခင်မှ သန္ဓေသား ကူးစက်နိုင်ပါတယ်။
🔹မျက်နှာချင်းဆိုင် စကားအကြာကြီးထိုင်ပြောတာ
🔹 ပွေ့ဖက်နမ်းရှုံ့တာ
🔹လိင်တူ/ လိင်ကွဲဆက်ဆံတာ
🔹အသက်ရှူလမ်းကြောင်းကထွက်တဲ့ တံတွေ၊ သလိပ်၊ နှာရည် စတာတွေနဲ့ ထိတွေ့တာ
🔹 ရောဂါရှိတဲ့ တိရိစ္ဆာန် အကိုက်ခံရတာ၊ ကုတ်ခြစ်မိတာ၊ အသားပြင်ဆင်ချက်ပြုတ်တာ စတာတွေ ကြောင့်ကူးစက်ခံရနိုင်ပါတယ်။

ရောဂါပိုးက ပေါက်ပြဲနေတဲ့ အရေပြား၊ ဒါမှမဟုတ် ပါးလွှာတဲ့မျက်နှာပြင်ရှိတဲ့ ခံတွင်း၊ နှာခေါင်းတွင်း၊ မျက်လုံး၊ လိင်အင်္ဂါ၊ စအို စတဲ့နေရာတွေက ဝင်လွယ်တယ်လို့ ဆိုပါတယ်။

ဖြစ်လာခဲ့ရင်တော့
♦️ ကိုယ်ပူဖျားနာ
♦️ ကိုယ်လက်ကိုက်ခဲ
♦️ ခေါင်းကိုက်
♦️ လည်ချောင်းနာ
♦️ပြန်ရည်ကျိတ်ရောင်ရမ်း
♦️ အဖုအကျိတ် အပိမ့်တွေဖြစ်
စတာတွေ ဖြစ်ပါတယ်။

ကာကွယ်ဖို့ကတော့ အပေါ်က ကူးစက်တဲ့နည်းတွေကို ရှောင်လိုက်ရင် ရပါပြီ။ ကိုဗစ်လို လူထူတဲ့နေရာသွားရင် mask တပ်တာ၊ လက်ကို ဆပ်ပြာနဲ့ဆေးတာ၊ hand sanitizer နဲ့ဆေးတာ၊ တယောက်မျက်နှာ တစ်ယောက် တစိမ့်စိမ့်ကြည့်ပြီး စကားတွေ အကြာကြီးမပြောတာ 😁 ရောဂါရှိသူနဲ့ sex အပါအဝင် အနီးကပ် ထိတွေ့မှုတွေ ရှောင်တာ စတာတွေပါပဲ။

ကိုဗစ်လောက် မဆိုးတာကတော့
👍 အလွယ်တကူ မကူးစက်တာ (လက်ရှိတွေ့ထားသလောက် လေထဲက ပျံ့လွင့်ကူးစက်တာ မရှိဟုဆိ)
👍 ရောဂါရှိတဲ့သူကို အလွယ်တကူသိနိုင်တာ (အဖုအပိမ့်တွေကြောင့်ပါ)
👍 ထိရောက်ဟန့်တားနိုင်တဲ့ ကာကွယ်ဆေး တစ်ချို့ရှိနေတာ တွေ ဖြစ်ပါတယ်။

ရောဂါရှိသူက လက္ခဏာတွေ စပေါ်လာတဲ့အထိ ကူးစက်မှု သိပ်မရှိသေးလို့ အလွယ်တကူရှောင်ရှားနိုင်တယ်လို့ ဆိုပါတယ်။

နောက်ဆုံး ပြောချင်တာကတော့ အားလုံးကြောက်ကြတဲ့ အဖုအပိမ့်အကြောင်းပါ။ ကိုယ်လည်း အစက လန့်ပါတယ် .. သေရင်တောင် ချောချောလေး သေချင်တာကို 😁😁

အဖု အပိမ့်တွေက ဖျားပြီး ၁-၄ ရက်မှာ စပေါ်ပါတယ်။ မျက်နှာ၊ ပါးစပ်၊ ခြေဖဝါး၊ လက်ဖဝါး၊ ခြေ၊ လက်၊ ကိုယ်ခန္တာအပြင် လိင်အင်္ဂါ၊ စအိုတွေမှာပါ ဖြစ်တတ်ပါတယ်။ အနီစက်တွေကနေ ကြွတက်လာပြီး အဖုအပိမ့်၊ အရည်ကြည်ဖု၊ ပြည်ဖု၊ အနာဖေး အဆင့်ဆင့်ဖြစ်ပြီး ကွာကျသွားပါတယ်။ မကုတ်မဖဲ့ရင် အများအားဖြင့် အနာရွတ်၊ အပိမ့်အသီး မကျန်ဘူးလို့ ဆိုပါတယ်။ တစ်ခါတစ်လေတော့ အရောင်အနည့်ငယ်ရင်သော၊ ဖျော့သော အပြောက်‌အကွက်ငယ် အဖြစ် ကျန်တတ်ပါတယ်။ အဲလို ပုံမှန်အရေပြားပြန်ဖြစ်ဖို့ ၂ ပတ်ကနေ ၄ ပတ်အထိကြာတတ်ပါတယ်။

သေဆုံးနှုန်းကတော့ ၀.၁% ကနေ ၁၀ % ကြားပါတဲ့။ အနည်းဆုံး ၁၀၀၀ မှာ ၁ ယောက်ကနေ၊ ၁၀ ယောက်မှာ ၁ ယောက်လောက်အထိ ဖြစ်နိုင်ပါသတဲ့ ...

ကိုဗစ်နဲ့ ယှဉ်ရင် သိပ်ကြောက်စရာကြီးတော့ မဟုတ်ပါဘူး

မူရင်း (ဒေါက်တာ ကိုကိုလင်း post — https://www.facebook.com/share/p/jPgF818QbwKyboom/?mibextid=WC7FNe )

#MaShweMoeKorea