"ဘူးလက် အဖမ်းခံရပြီလား"
----------------------------

ဧပြီလ ၁၁ ရက်နေ့ ဒီကနေ့ ည ၉ နာရီခန့် အချိန်က နေပြည်တော် ပုဗ္ဗသီရိမြို့နယ် တပင်ရွှေထီး ရပ်ကွက်ရှိ ဘူးလက် လှဆွေရဲ့ အိမ်ရှေ့မှာ စစ်ကားတွေ ရောက်လာပြီး ဝင်ရောက် မွှေနှောက်နေကြောင်း နေပြည်တော် သတင်းရင်းမြစ်က အတည်ပြု ပြောဆိုပါတယ်။

ဒါ့အပြင် နေပြည်တော် ၆ လုံးတန်းမှာလဲ စစ်ကားတွေ အများအပြားနဲ့ နေရာယူထားပြီး လုံခြုံးရေး ချထားကြောင်း သိရှိရပါတယ်။

နောက်ဆက်တွဲ စုံစမ်းလို့ ရရင် ဆက်လက် တင်ပေးပါမယ် ခင်ဗျာ။

#4C_TruthNews

‼️ကြံ့ဖွတ် မြင့်လှိုင်၊ ဘူးလက်နဲ့ မအောင်မြင်တဲ့ အာဏာသိမ်းရန် ကြံစည်မှု‼️

■ မြင့်လှိုင်ရဲ့ အမှုတွဲမှာ စစ်ရှုံးကောင်စီရဲ့ တယ်လီဂရန် ချန်နယ် ခွတုတ် လော်ဘီတွေပါ ပါဝင်

မင်းအောင်လှိုင် အုပ်စုက ကြံ့ဖွတ် မြင့်လှိုင်ကို ဧပြီလ ၁၀ ရက်နေ့ မနက်ပိုင်းက ဖမ်းဆီးခဲ့ပြီးနောက် နောက်ဆက်တွဲ အနေနဲ့ ဘူးလက် လှဆွေကို ဧပြီလ ၁၁ ရက်နေ့ နေ့ခင်းပိုင်း အချိန်က ဖမ်းဆီးခဲ့ပြီး နေပြည်တော် ပုဗ္ဗသီရိမြို့နယ် တပင်ရွှေထီး ရပ်ကွက်ရှိ ၎င်းရဲ့ နေအိမ်ကိုပါ မနေ့က ညပိုင်းမှာ ချက်ချင်း ချိတ်ပိတ်ခဲ့ပါတယ်။

ကြံ့ဖွတ် မြင့်လှိုင် အဖမ်းခံရတာက ကျားဖြန့်အမှုနဲ့ မသက်ဆိုင်သလို စစ်ရှုံးကောင်စီက ထုတ်ပြန်တဲ့ အဂတိမှုတွေ ဆိုတာကလဲ ရုပ်ပြသက်သက်ပါပဲ။ နောက်ဆက်တွဲတွေ ဖမ်းနိုင်ဖို့အတွက် လက်ဦးမှုရအောင် မင်းအောင်လှိုင် အုပ်စုက လှည့်ကွက်သုံးထားခဲ့တာပါ။

အာဏာသိမ်းဖို့ အစပျိုးခြင်း

၂၀၁၄ ခုနှစ် သိန်းစိန် အစိုးရ လက်ထက်မှာ နောက်ဆုံး ပြင်ဆင်လိုက်တဲ့ တပ်မတော် ဥပဒေတွေအရ တပ်ချုပ်ရာထူးကို သမ္မတကလဲ ခန့်ခွင့် ဖြုတ်ခွင့် မရှိတော့သလို လက်ရှိကာချုပ်ကပဲ ရာထူး စွန့်လွှတ်ပြီး နောက်တစ်ယောက်ကို ခန့်ထားပေးမှသာ တပ်ချုပ် အပြောင်းအလဲ ဖြစ်နိုင်မှာပါ။

ဒါကို အခွင့်ကောင်းယူကာ မင်းအောင်လှိုင်က အာဏာသိမ်းခဲ့ပြီး ထင်ရာစိုင်းလာချိန်မှာ စစ်တပ်ထောက်ခံသူ အများစုဟာ မင်းအောင်လှိုင်ကို မကြိုက်တော့သလို တပ်ထောက်ခံတွေ အသတ်ခံရတာ များလာလို့ ကြံ့ဖွတ် အသိုင်းအဝိုင်းကလဲ မကျေနပ်ကြတော့ပါဘူး။

နောက်ဆုံးတော့ မင်းအောင်လှိုင်ကို ဖြုတ်ချပြီး တပ်ချုပ် အပြောင်းအလဲ လုပ်ဖို့ ကြံစည်ကြပါတော့တယ်။

ကြံ့ဖွတ်ရုံးချုပ်

မင်းအောင်လှိုင်ကို ဖြုတ်ချပြီး တပ်ချုပ် အပြောင်းအလဲ လုပ်ဖို့နဲ့ အရပ်သား အစိုးရ (ကြံ့ဖွတ်နဲ့ အလိုတူ အလိုပါ နိုင်ငံရေးပါတီတချို့) ဆီ အာဏာလွှဲပြောင်းပြီး စစ်တပ်က စစ်တန်းလျားကို အပြန်ပြဖို့ အကြံအစည်က ကြံ့ဖွတ်ရုံးချုပ်ကနေ အစပြုခဲ့တာပါ။ အဓိက ကီးပလေယာ အနေနဲ့ မြင့်လှိုင်က ဦးဆောင်ခဲ့ပေမယ့် နောက်ကွယ်ကနေ ကြိုးကိုင်နေတဲ့ လက်မဲပေါင်းများစွာ ကြံ့ဖွတ်ရုံးထဲမှာ ရှိနေပါတယ်။

နောက်တစ်ချက်က တပ်ချုပ်ကို ဖြုတ်ချဖို့အတွက်ဆိုရင် လက်ရှိစစ်တပ်ထဲက ထိပ်ပိုင်း ရာထူးကြီးတွေ မပါလို့ကို မဖြစ်ပါဘူး။ ကြည်း ရေ လေ (၃) ခုလုံးက အရာရှိကြီးတွေပါ ပူးပေါင်းကြံစည်မှုမှာ ပါနေတယ်လို့ သတင်းရင်းမြစ်က ဆိုပါတယ်။ လက်ရှိလဲ ဆွဲစိထားပြီးသားတွေ ရှိသလို နောက်ထပ် စိရမယ့် စစ်ဘက်ဆိုင်ရာ အရာရှိကြီးပေါင်းများစွာ ရှိနေပြီး အနိမ့်ဆုံးက တိုင်းမှူး အဆင့်တွေအထိ ပါနေတယ်လို့ သိရတယ်။

မီဒီယာအားကို အသုံးချခဲ့

မင်းအောင်လှိုင်ကို ထောင်ချောက်ဆင်ဖို့အတွက် စစ်တပ်ရဲ့ လူမဆန်တဲ့ စစ်ရာဇဝတ်မှုတွေကို ရုပ်သံဖိုင်တွေနဲ့တကွ ဖောက်ချရာမှာ အထင်ရှားဆုံးက ဂန့်ဂေါမြို့နယ် မြောက်ခင်ရန်းရွာက PDF နှစ်ယောက်ကို ရက်ရက်စက်စက် မီးရှို့သတ်ခဲ့တဲ့ ဖြစ်စဉ်ပါ။ အခုဆိုရင် ဒီရုပ်သံဖိုင်က CNN သတင်းဌာနကြီးကနေ တဆင့် ကမ္ဘာကို ပြန့်သွားခဲ့ပါပြီ။

တကယ်တော့ မြောက်ခင်ရန်းရွာ ဆိုတာက ဘူးလက်လှဆွေရဲ့ မယားငယ် ဇာတိရွာ။ PDF နှစ်ယောက်ကို မီးရှို့သတ်ဖို့ ညွှန်ကြားခဲ့တာက ဘူးလက်၊ စီစဉ်ခဲ့တာက ကြံ့ဖွတ် ကျော်ဝင်း (လက်ရှိ နေပြည်တော် ကြံ့ဖွတ် ရုံးချုပ်မှာ ခိုအောင်းနေတယ်)။ သူတို့ လုပ်ခဲ့တဲ့ အမှုကို ခေတ်သစ်ဆီ ဘယ်လိုနည်းနဲ့ သူတို့ ပို့ခဲ့တာလဲ၊ ဘာ့ကြောင့် ပို့ခဲ့တာလဲ လော်ဘီ ကျော်စွာ အကုန်သိတယ်။

တစ်လ ၃ သိန်း စပွန်ဆာ

မြင့်လှိုင်ရဲ့ အစီအစဉ်ထဲမှာ စစ်တပ်ရဲ့ လက်ရှိ ယုတ်ကန်းမှုတွေကို မင်းအောင်လှိုင်ဆီ ထိုးချနိုင်ဖို့ မီဒီယာကို နည်းမျိုးစုံနဲ့ အသုံးချခဲ့တယ်။ တော်လှန်ရေး မီဒီယာတွေကို တဖက်လှည့်နဲ့ သတင်း အချက်အလက်တွေ ပေးပို့ခဲ့သလို စစ်ရှုံးကောင်စီရဲ့ လော်ဘီ တယ်လီဂရန် ချန်နယ်တွေကို တစ်လ ၃ သိန်း စပွန်ဆာပေးပြီး တိတ်တဆိတ် စည်းရုံး အသုံးချခဲ့တယ်။

အဓိက ရည်ရွယ်ချက်က စစ်တပ်ကို စိတ်ကုန်လာစေမယ့် သတင်းတွေကို ပါးပါးလေး တင်ပေးကြဖို့။ သူတို့ကို ချိတ်ဆက်ပေးတာက တပ်ကြပ်ကြီးဖိုးကွန်း ချန်နယ် admin မောင်မောင်အုန်း က ကြားခံလုပ်ပေးတာ။

စပွန်ဆာ ယူထားသူတွေထဲက ကျော်စွာကိုတော့ လယ်ဝေး စရဖက ကြံ့ဖွတ် ရုံးချုပ်ထဲအထိ ဝင်ဖမ်းပြီး တစ်ည စစ်ဆေးခဲ့သေးတယ်။ လောလောဆယ် ကျော်စွာ အပါအဝင် ဟန်ငြိမ်းဦး နဲ့ သဇင်ဦး တို့ကို နေအိမ် အကျယ်ချုပ်နဲ့ ထိန်းသိမ်းထားပြီး မင်းအောင်လှိုင် အုပ်စုက မကြာခင် နားအုံဖုန်ခါဖို့ ရှိနေတယ်လို့ သိရတယ်။

(လော်ဘီငဖားတွေရဲ့ ကိုယ်ကျိုးရှာ ကလိန်ကျမှုတွေကို နောက်ဆက်တွဲ ဆက်တင်ပေးပါမယ်)

အခုတော့ လက်ဦးမှုရသွားတဲ့ မင်းအောင်လှိုင်က သူ့ကို ဖြုတ်ချဖို့ ကြံစည်ခဲ့တဲ့ နိုင်ငံရေး ပါတီတွေနဲ့ စစ်ဘက်ဆိုင်ရာ အရာရှိတွေကို ဘယ်လို ဖြုတ်ထုတ်သတ် လုပ်မလဲ စောင့်ကြည့်ကြရအောင်ပါ..။

#4C_TruthNews

❗ရွှေလီတွင် တရုတ် အစိုးရက အင်အား အလုံးအရင်းဖြင့် တပ်ဖြန့်ချထား❗

ရှမ်းမြောက်ဒေသ မူဆယ်မြို့နဲ့ ကပ်လျက်ရှိနေတဲ့ တရုတ်နိုင်ငံ ရွှေလီမြို့မှာ တရုတ်စစ်တပ်တွေကို အသင့်အနေအထားနဲ့ အင်အား အများအပြား ချထားပြီး လက်နက်ကြီးတွေနဲ့ ယန္တရားတွေပါ ပါဝင်ကြောင်း သိရပါတယ်။

လေဆိပ်နဲ့ လူစည်ကားရာ နေရာတွေမှာပါ တရုတ် စစ်တပ်တွေကို ဓာတ်ပုံရိုက် မှတ်တမ်းတင်တာမျိုး မလုပ်ကြဖို့ တရုတ် အာဏာပိုင်တွေက တင်းတင်းကြပ်ကြပ် တားမြစ်နေကြောင်း၊ ဒါ့အပြင် လေကြောင်း ခရီးစဉ်တွေ အားလုံးရဲ့ လေယာဉ် အတက်အဆင်းတွေမှာ ခရီးသည်တွေ မြေပြင်ကို မမြင်နိုင်စေရန် (သို့မဟုတ်) ဓာတ်ပုံ ရိုက်ယူခြင်း မပြုနိုင်ရန်အတွက် လေယာဉ် ပြတင်းတံခါးတွေကို ပိတ်ခိုင်းထားကြောင်း သိရှိရပါတယ်။

တရုတ်စစ်တပ်တွေ ရွှေလီမှာ အင်အား အလုံးအရင်းနဲ့ ချထားတာဟာ ဘာအတွက်ဆိုတာ ရှင်းရှင်းလင်းလင်း မသိရသေးပါဘူး။

#4C_TruthNews

"မင်းအောင်လှိုင်ကို ဖြုတ်ချရန် ကြံစည်မှု နောက်ဆက်တွဲ"

■ ဒုတိယဗိုလ်ချုပ်ကြီး ညိုစော၊ ကြံ့ဖွတ်ပါတီ CEC နှင့် နိုင်ငံခြားရေးရာ ကော်မတီ တာဝန်ခံ ဒုတိယဗိုလ်ချုပ်ကြီးဟောင်း အောင်စိုးတို့ကို ဖမ်းဆီး

အကြမ်းဖက် စစ်ခေါင်းဆောင် မင်းအောင်လှိုင်ကို ဖြုတ်ချရန် ကြံစည်မှု နောက်ဆက်တွဲအဖြစ် မင်းအောင်လှိုင်ရဲ့ အကြံပေး ဒုတိယဗိုလ်ချုပ်ကြီး ညိုစော၊ ကြံ့ဖွတ်ပါတီ CEC နှင့် နိုင်ငံခြားရေးရာ ကော်မတီ တာဝန်ခံ ဒုတိယဗိုလ်ချုပ်ကြီးဟောင်း အောင်စိုးတို့ကို မင်းအောင်လှိုင် အုပ်စုက လက်ဦးမှု ရယူကာ ဧပြီလ ၁၁ ရက်နေ့ ည ၉ နာရီ ၁၅ မိနစ် အချိန်က ဖမ်းဆီးခဲ့ကြောင်း သိရပါတယ်။

ဒုတိယဗိုလ်ချုပ်ကြီး ညိုစောဟာ မင်းအောင်လှိုင် အထူးယုံကြည်ရတဲ့ အကြံပေးတစ်ဦးဖြစ်ပြီး ဒုတိယဗိုလ်ချုပ်ကြီးဟောင်း အောင်စိုးမှာလည်း မင်းအောင်လှိုင်ရဲ့ စီမံမှုနဲ့ ကြံ့ဖွတ်ပါတီသို့ ၂၀၂၂ ခုနှစ် အောက်တိုဘာလကုန်မှာ အရပ်ဝတ်လဲ ပြောင်းရွှေ့ခံရသူဖြစ်ကာ ၎င်းတို့ ၂ ဦးစလုံးကို မြေယာများ အလွဲသုံးစားမှုနဲ့ အခြားသော အဂတိလိုက်စားမှုဖြင့် အဆင်သင့် အမှုတပ်ထားပြီး နေပြည်တော် အဆောင် ၁၄၊ ကကရေး ၃ ရုံးချုပ်ရှိ အချုပ်ဆောင်တွင် ဖမ်းဆီး ထိန်းသိမ်းထားကြောင်း သိရှိရပါတယ်။

ဒီကနေ့ ညမှာလဲ နေပြည်တော်မှာ စစ်ကားတွေနဲ့ ခြေရှုပ်နေပြီး ဆက်တိုက် ဆိုသလို ဖမ်းဆီးမှုတွေ လုပ်ဆောင်နေကြောင်း နေပြည်တော် သတင်းရင်းမြစ်က ပြောဆိုပါတယ်။

ဒုတိယဗိုလ်ချုပ်ကြီးဟောင်း အောင်စိုးဟာ စစ်တက္ကသိုလ် အပတ်စဉ် ၂၆ ကျောင်းဆင်းဖြစ်ပြီး တပ်မ ၃၃ တပ်မမှူး၊ အရှေ့မြောက်တိုင်း စစ်ဌာနချုပ် တိုင်းမှူး၊ ကစထမှူး တာဝန်များ ထမ်းဆောင်ခဲ့ကာ သိန်းစိန် အစိုးရနှင့် NLD အစိုးရ လက်ထက်တွင် ပြည်ထဲရေး ဒုဝန်ကြီးအဖြစ် တာဝန်ထမ်းဆောင်ခဲ့သူဖြစ်ကြောင်း၊

ဘောမ သရုပ်ဆောင် မေသဉ္ဇာဦးရဲ့ ခဲအို တော်စပ်သူ ဒုတိယဗိုလ်ချုပ်ကြီး ညိုစောဟာ စစ်တက္ကသိုလ် အမှတ်စဉ် ၂၃ ကျောင်းဆင်းဖြစ်ပြီး တောင်ပိုင်းတိုင်း စစ်ဌာနချုပ်နဲ့ အလယ်ပိုင်းတိုင်း စစ်ဌာနချုပ်တွေမှာ တိုင်းမှူး တာဝန်တွေကို ထမ်းဆောင်ခဲ့ပြီး စစ်ထောက်ချုပ်အဖြစ် ၂၀၁၄ ခုနှစ်မှ ၂၀၂၀ ခုနှစ် ဧပြီလအထိ တာဝန်ထမ်းဆောင်ခဲ့ကြောင်း၊

လက်ရှိတွင် မြန်မာ့စီးပွားရေးကော်ပိုရေးရှင်း (MEC) ဥက္ကဋ္ဌအဖြစ် တာဝန်ထမ်းဆောင်လျက်ရှိပြီး စစ်တပ်ပိုင် အင်းဝဘဏ်ရဲ့ ဥက္ကဋ္ဌလည်း ဖြစ်ကာ စစ်ခေါင်းဆောင် မင်းအောင်လှိုင်ရဲ့ အထူးအကြံပေး ပုဂ္ဂိုလ်လည်း ဖြစ်ပါတယ်။

#4C_TruthNews

‼️ဒုချုပ်စိုးဝင်း အခြေအနေ မကောင်း‼️
---------------------------------------

စစ်ရှုံးကောင်စီရဲ့ ဒုကာချုပ် စိုးဝင်းဟာ ဒရုန်းဗုံး ထိမှန်ခဲ့တဲ့ ဒဏ်ရာကြောင့် ခန္ဓာကိုယ် ဘယ်ဘက် တစ်ခြမ်းလုံး စုတ်ပြတ်သတ်သွားပြီး အခုချိန်အထိ အထူးကြပ်မတ်ခန်း ICU မှာ အရေးပေါ် အနေအထားနဲ့ အောက်ဆီဂျင် မပြတ် ပေးနေရကြောင်း ဆေးဘက်ဆိုင်ရာ သတင်းရင်းမြစ်က ပြောဆိုပါတယ်။

အကယ်၍ စိုးဝင်း အနေနဲ့ အသက်ဘေးက လွတ်မြောက်ခဲ့ရင်တောင် သူ့ရဲ့ မူလတာဝန်ကို ပြန်လည်ထမ်းဆောင်ဖို့ မဖြစ်နိုင်လောက်ဘူးလို့ ဆရာဝန်တွေက မှတ်ချက်ပြုထားကြောင်း သိရပါတယ်။

ဒုတိယ ဗိုလ်ချုပ်ကြီး ညွန့်ဝင်းဆွေကတော့ လောလောဆယ် ညာဘက်ခြေထောက် ဖြတ်တောက်ထားရပြီး ညာဘက်မျက်နှာ တစ်ခြမ်းကလဲ လုံးဝကို စုတ်ပြတ်သတ်သွားတယ်လို့ သိရပါတယ်။

မော်လမြိုင် ရတခမှာ ဒရုန်းနဲ့ ဗုံးကြဲ တိုက်ခိုက်ခံရမှု ဖြစ်စဉ်အတွင်း စစ်ရှုံးကောင်စီရဲ့ စစ်ဘက်ဆိုင်ရာ ထိပ်ပိုင်း အရာရှိကြီး ၁၆ ဦး ဗုံးထိမှန်ခဲ့ပြီး ၁၄ ဦးက အရေးပေါ် အခြေအနေမှာ မသေမရှင် ဆန့်ငင်ဆန့်ငင် ဖြစ်နေဆဲလို့ သိရပါတယ်။

လက်ရှိမှာ စင်္ကာပူနဲ့ အိန္ဒိယက အထူးကု ဆရာဝန်တွေကို ခေါ်ယူကာ ရန်ကုန်မြို့ အင်းယား ကန်စောင်းရှိ စစ်တပ်ပိုင် ကန်သာယာ ဆေးရုံမှာ ကြိတ်ကုနေကြက ဆေးရုံကို လုံခြုံရေး အပြည့်ချထာပြီး အရပ်သား လုံးဝ ဝင်ခွင့် မပြုဘူးလို့ တပ်တွင်း သတင်းရင်းမြစ်က သတင်းပေးပို့ထားပါတယ်။

ဒါကတော့ ဒရုန်းစာမိခဲ့တဲ့ လက်ဖက်ခြောက်တို့ အုပ်စုရဲ့ နောက်ဆုံးရ သတင်းပါ။ ထူးခြားတာကတော့ မင်းအောင်လှိုင်က လူလာပြီး ကိုယ်တိုင် သတင်းမေးဖို့ နေနေသာသာ ဖုန်းဆက်ပြီးတော့တောင် သတင်းမမေးဘူးလို့ သိရပါတယ်။

#4C_TruthNews

"မဲနှိုက်ပြီး စစ်မှုထမ်း ပါသွားရင်ရော PDF က သတ်မှာလား"

စစ်ရှုံးကောင်စီကနေ စစ်မှုထမ်း ဥပဒေ ပြဌာန်းပြီး နည်းမျိုးစုံနဲ့ စစ်မှုထမ်းခိုင်းဖို့ လူသစ်စုဆောင်းတာတွေ လုပ်ခဲ့ချိန်မှာ ပြည်သူတွေရဲ့ မေးခွန်းပေါင်း မြောက်မြားစွာ ထွက်ပေါ်လာခဲ့ပါတယ်။

အများဆုံး သိချင်ကြတဲ့ မေးခွန်းက-

စစ်မှုထမ်းဖို့ မတရား ဖမ်းဆီးခံရသူတွေ၊ မဲနှိုက်ပြီး ပါသွားသူတွေ၊ ကိုယ်တိုင် စစ်မှုမထမ်းလိုသော်လည်း အကြောင်းအမျိုးမျိုးကြောင့် စစ်တပ်ထဲကို ဝင်ခဲ့ရသူတွေကို ရှေ့တန်းရောက်ရင် PDF က သတ်မှာလား ဆိုတဲ့ မေးခွန်းပါ။

အကြမ်းဖက် စစ်တပ်ရဲ့ အဝန်းအဝိုင်းထဲကို ရောက်သွားပြီ ဆိုကတည်းက ပြည်သူ့ကာကွယ်ရေး တပ်ဖွဲ့တွေက စစ်ခွေးအဖြစ် သတ်မှတ်မှာပါပဲ။ ခွေးဝတ်စုံ ဝတ်ထားတဲ့ စစ်ခွေးတစ်ကောင်ကို ဘာ့ကြောင့် စစ်တပ်ထဲကို ဝင်ရောက်လာတာလဲ ဆိုတဲ့ အတွေးမျိုး ဘယ် PDF ကမှ တွေးနေမှာ မဟုတ်ပါဘူး။ မျက်စိရှေ့ ရောက်လာတာနဲ့ ချက်ချင်း သတ်မှာပါ။

ဧပြီလ (၁၂) ရက်နေ့က ဖြစ်ပွားခဲ့တဲ့ အရာတော် ဖြစ်စဉ်ကို ကြည့်ရင်-

မုံရွာ နမခ ကနေ အရာတော် စစ်သင်တန်းကျောင်းကို ပို့မယ့် စစ်သားသစ်တွေ ခေါ်ဆောင်လာတဲ့ စစ်ကား ယာဉ်တန်းကို ကြားဖြတ် တိုက်ခိုက်ခဲ့ရာမှာ တပ်သားသစ် ၂၀ သေဆုံးခဲ့ပြီး ၄၅ ဦး အရှင် အဖမ်းခံရတယ်။

ဒီကောင်တွေ သင်တန်းဆင်းပြီး ခွေးတပ်ထဲ ရောက်သွားလို့ ရှေ့တန်းထွက်ရရင် ပြည်သူကို မသတ်ဘူး၊ မြို့တွေ ရွာတွေကို မီးမရှို့ဘူးလို့ ဘယ်သူ အာမခံမလဲ?

အဲ့တော့ ပြည်သူ့ကာကွယ်ရေး တပ်ဖွဲ့တွေ အနေနဲ့ အခွင့်သာတာနဲ့ လက်ဦးမှု ရယူပြီး လုပ်သင့်တာကို လုပ်ကြမှာပါ။ ခွေးတပ်ထဲ ရောက်သွားပြီ ဆိုကတည်းက အချိန်မရွေး အသတ်ခံရနိုင်တယ် ဆိုတာကို အမှတ် (၁) စစ်ဒေသက ရှင်းလင်းတဲ့ မက်ဆေ့ချ် ပေးလိုက်တာပါပဲ။

အသတ် မခံရချင်ရင် မသေချင်ရင် စစ်ခွေးတပ်နဲ့ လွတ်ကင်းအောင် နေကြ၊ ဒါပဲ ရှိပါတယ်။

ဒါနဲ့ အခုလို အသတ်ခံရတဲ့ တပ်သားသစ်တွေ အတွက်ကိုရော စစ်တပ်က ဘယ်လို တာဝန်ယူမယ် ထင်ပါသလဲ? နစ်နာကြေးတွေ ဘာတွေ မိသားစုကို ပေးမယ် ထင်လား?

သေဆုံးကြောင်းကိုတောင် မိသားစုဆီ အကြောင်းကြားမှာ မဟုတ်တာမို့ ခွေးတပ်ထဲ ရောက်သွားပြီ ဆိုကတည်းက သေလူလို့ သတ်မှတ်ပြီး ရေစက်ချ စွန့်လွှတ်လိုက်တာ အကောင်းဆုံးပဲလို့ အကြံပေးချင်ပါတယ်။

စစ်အာဏာရှင် လူပါးဝသမျှ ခေါင်းငုံ့ခံပြီး ခွေးတပ်ထဲ ဝင်ချင်ကြသေးရင်လဲ သဘောပါပဲ.. 😈

#4C_TruthNews

❗ပြင်ဦးလွင် နောက်ဆုံးရ သတင်း❗
-----------------------------------

ဧပြီလ ၁၄ ရက်နေ့ ဒီကနေ့ ည ၉ နာရီ ၁၅ မိနစ် အချိန်ခန့်မှ စတင်ကာ မန္တလေးတိုင်း၊ ပြင်ဦးလွင်မြို့ရှိ စစ်ရှုံးကောင်စီရဲ့ စစ်တက္ကသိုလ် DSA ကို ရှော့တိုက်ဒုံးတွေနဲ့ ပစ်ခတ် တိုက်ခိုက်ခံခဲ့ရရာ ကျောင်းဝန်းထဲကို (၁၁) လုံးတိတိ ကျရောက် ပေါက်ကွဲခဲ့ကြောင်း သိရပါတယ်။

လက်ရှိ အချိန်မှာ DSA ကျောင်းဝန်း တစ်ခုလုံးကို မီးတွေပိတ်ချကာ နှာခေါင်း ထယ်ထိုးပြီး ပုန်းအောင်းနေကြရကြောင်း၊ အဆောက်အအုံတွေ ထိမှန်မှု ရှိပေမယ့် ထိခိုက် သေဆုံးမှုကို သေချာ မသိရသေးကြောင်း သတင်းရင်းမြစ်က ပြောဆိုပါတယ်။

ပြင်ဦးလွင် မြို့ထဲမှာ စစ်ကားတွေနဲ့ လှည့်ပတ်နေပြီး စစ်ရှုံးကောင်စီတပ်က သံဘိုဘက်ကို လက်နက်ကြီးတွေနဲ့ ရမ်းသန်း ပစ်ခတ်နေကြောင်း၊

ခွေးပု မင်းအောင်လှိုင်က ပြင်ဦးလွင်ကို မနေရဲတာကြောင့် ယောင်ပြပဲ အနေပြကာ ဒီကနေ့မှာပဲ နေပြည်တော်ကို ပြန်ပြေးသွားကြောင်း အတည်ပြု သိရှိရပါတယ်။

#4C_TruthNews

၂၀၂၄ ခုနှစ် ဧပြီ ‌၁၆ သင်္ကြန်အတက်နေ့ စစ်ရေးသတင်း ကောက်နုတ်သုံးသပ်ချက်

မန္တလေး 💪💪💪

မအလရဲ့ပြင်ဦးလွင် ဂယက်က "မရှိတဲ့ဂယက် ဟက် တက်ကွဲ"တယ်။နပတကို ထုတုန်းက တာချီလိတ်ကို ရောက်နေလို့ ကံကောင်းသလို ရှိပေမယ့် ညီငယ်လေး စ၀ ရတခ မော်လမြိုင်မှာ ခံလိုက်ရတယ်။မဟုတ်ရင် လက်ဘက်ခြောက် သင်္ကြန်တွင်း ငုတ်တုတ်ကြီး ထိုင်ပြလာမှာပေါ့။အောက်က အငယ်တွေတုန်းက နာရေးကို ကြိတ်ပြီးလုပ်ခိုင်းခဲ့တဲ့ ခေါင်းကြီးပိုင်းတွေ ၀ဋ်ဆိုတာ လည်တယ်နော်။ကြိတ်ငို ဟုတ်ပြီလား။အသံမထွက်စေနဲ့။ရာနှုန်းပြည့် သေချာပြီဆိုရင် ရှိတ်ကြ Dance ကြမယ်ဗျာ။အခု ဟုတ်ကိုဟုတ်နေပြီ။အကျ နေ့ညမှာ မာဃလုလင်နဲ့ ပါလာတဲ့ ၁၀၇ မမကြောင့် ဘယ်ကိုပြေးလို့ ပြေးရမှန်း မသိတတ်သေး။နောက် ဆုံး ဖြစ်ချင်ရာဖြစ် ဖားကောက်တဲ့ဘက် သွားတယ်လို့တော့ သိရတယ်။လပခဂွင်ထဲမှာ နေရာမသိလို့ ပူမနေကြနဲ့။ဘယ်ရောက်ရောက် ထပ်လုပ်ခံရမှာဘဲ။

ရှမ်းမြောက် 💪💪💪

စစ်ပြင်နေကြတဲ့ ရှမ်းမြောက်က မအလ ရှော့ဒုံးနဲ့ အကင်ခံရပြီးတဲ့နောက်နေ့မနက် လင်းအားကြီးချိန်မှာ နောင်ချိုမြို့အစပ် သရက်ကုန်းရွာမှာ တပ်စွဲထားတဲ့ စကစ စခန်းတစ်ခုကို စီးနင်းတိုက်ခိုက်လျက်ရှိပါတယ်။တစ်ခါကသိခဲ့တဲ့ သံဘိုနဲ့လွန်စွာ မဝေးလှတဲ့ နေရာမှာပေါ့ဗျာ။ညနေပိုင်းမှာပဲ ခဲယမ်း နည်းပါးလာပြီလို့တော့ အော်သံစကြားနေရပါပြီ။

ရှမ်းတောင် 💪💪💪

ညောင်ရွှေမြို့နယ် ညောင်လေးပင်ရွာအနီး အ‌ခြေပြုထားတဲ့ ဒေသခံကာကွယ်ရေးစခန်းတစ်ခုကို စကစမှ သာလွန်အင်အားနဲ့ စီးနင်းတိုက်ခိုက်လာပါတယ်။အင်းလေး၊ ဖယ်ခုံ နဲ့ FBR က ကြယ်ပွင့်တွေ ကြွေလွင့်ခဲ့ရပါတယ်။

ကရင်နီ 💪💪💪

ဆီဆိုင် မြို့နယ်ထဲမှာ နယ်မြေရှင်းလင်းလာတဲ့ စကစ စစ်ကြောင်းကို တခွန်းခေါ် ကျေးရွာအနီးမှာ KNDF နဲ့ ပူးပေါင်းတပ်ဖွဲ့တွေ စောင့်ကြိုတိုက်ခိုက်နိုင်ခဲ့ပါတယ်။နှစ်နေရာကနေ ကြားဖြတ် တိုက်ခိုက်ခဲ့တာဖြစ်တဲ့အတွက် စကစ မွင်းနား ၁၃ ပွဲ ဖြစ်သွားပါတယ်။ကိုယ့်ဘက်ကလည်း အဖိတ်အစင် အထိအရှ ရှိနိုင်ပါတယ်။

ကရင် 💪💪💪

မြ၀တီကတော့ အားလုံးသိပြီးတဲ့ အတိုင်းပါဘဲ။မြ၀ တီကိစ္စ ကျွန်တော် လက်ရှောင်တာ မဟုတ်ရပါ။စစ်ရေး ၊နိုင်ငံရေး အနေအထားဆိုတာ အချိန်နဲ့ အမျှ ပြောင်းလဲနေတတ်မြဲပါ။မြ၀တီကို အပြီးတိုင်သိမ်းနိုင်ဖို့ဆိုတာ စစ်ရေးအင်အားအရဆိုရင် လက်ခတ်တောင်ရပြီးတည်းက လုပ်ရင်ရတဲ့ အနေအထားလို့တောင် ဆိုချင်ပါတယ်။သို့သော် ဒါပေမယ့် ပေါ့ဗျာ။ မျှော်လင့်ချက် အရမ်းကြီးတော့ စိတ်ထင့်သွားကြရမှာပေါ့။

မြဝတီ မြို့အ၀င်ဆိုင်းဘုတ်နဲ့ ဓါတ်ပုံတွေတက်တော့ "ပခုက္ကူလေဆိပ်ရှေ့ ဓာတ်ပုံရိုက်ပြတာ အမှတ်ရမိတယ်"လို့ ကျွန်တော်ပြောတုန်းက သိပ်မကြိုက်ကြဘူးဆိုတာ သိလိုက်ရလို့ ထိန်းထိန်းသိမ်းသိမ်းဘဲ ချပြဖြစ်တော့တယ်။အခုက မြေပြင်မှာ လုပ်ကိုင်နေတဲ့သူတွေကို အပြစ်ပြောနေခြင်းမဟုတ် ရှေးမဆွတည်းက ဖြစ်နိုင်ချေနည်းတဲ့ အခင်းအကျင်းကို တွေ့နေရလို့ပါ။ပြောရရင် မောင်ချစ်သူက ပိုင်သက်ကျော်မှ မ ဟုတ်တာ ရေဘဝဲလို လက်တံတွေနဲ့ ဆိုတာ သိနေလို့ပါ။စစ်ကူယာဉ်တန်းက အခုထိ မြ၀တီကို ‌မရောက်သေးဘူးဆိုတာ သေချာသလောက်ဆိုတော့ ချော ချောမောမော လာလို့မရဘူးဆိုတာ သေချာတယ်။

စ၀ နောက်ဆုံးပုံဖော်တာဖြစ်တဲ့ ခြေလျင် တင့် ပူး ပေါင်းစစ်ဆင်ရေးဟာ ဖားစည်မြေမှာ ဘယ်လောက်အလုပ်ဖြစ် မဖြစ်ဆိုတာ သင်ခန်းစာဖော်ထုတ်ဖို့ စကစဘက်ကစောင့်နေကြတယ်။ကြာအင်းဆိပ်ကြီးမြို့ နယ် တောင်စွန်းစခန်းကို ဖထီးတို့ ပူးပေါင်းအဖွဲ့တွေ အင်အား ၃၀၀ လောက် လက်နက်ကြီး၊လက်နက်ငယ် ၊ Drop Bomb တွေနဲ့ မြိုင်မြိုင်ကြီး အ၀ကျွေးနေပါတယ်။ဖာပွန်လက်ကျန်တပ်ရင်းကိုလည်း ပူးပေါင်းအဖွဲ့တွေက Drone သုံးပြီး Drop Bomb အလုံး နှစ်ဆယ်နီးပါးသုံးပြီး သင်္ကြန်လက်ဆောင်ပေးထားပါသေးတယ်။

ရာမည 💪💪💪

ရတခ တိုင်းစစ်ဌာနချုပ်ရှိရာ မော်လမြိုင်မှာလည်း ပွဲအချို့ ရှိတဲ့ပုံပါ။မုန့်ဟင်းခါး ၁၉ ပွဲ နဲ့ ဒါန်းစီး ၅ ယောက်လို့တော့ သိရတယ်။ဘယ်မှာ ဖြစ်တယ်ဆိုတာ သိရရင် ပြောပေးပါ့မယ်။သင်္ကြန်ကာလအတွင်းဘဲ ဖြစ်မလား။သင်္ကြန်ပြီးမှလားတော့ မသိရသေးပါဘူး။စစ်ကိုင်းတိုင်းထဲက နေရာတစ်ချို့ နဲ့ မိုးကုတ်မြို့နယ် ၀န်းကျင်တွေကို လေကြောင်းတိုက်ခိုက်မှု လုပ်ရန်ရှိနေပါတယ်။

ပဲခူးတိုင်း 💪💪💪

ပေါင်းတည်မြို့နယ် ကိုင်းကွင်းကျေးရွာ အရှေ့တောင်ဘက်မှာ စကစရဲ့ စစ်ကြောင်းနဲ့ ပူးပေါင်းတပ်ဖွဲ့တွေရဲ့ လှည့်ကင်းတွေ့ဆုံထိတွေ့မှု အနည်းငယ်ရှိပါတယ်။အင်အားအရ ရေရှည်တိုက်ပွဲ ဆင်နွှဲရန်မဖြစ်တဲ့ အနေ အထားမို့ ကာကွယ်ရေးတပ်ဖွဲ့တွေဟာ အချိန်မီ ဟန့်စစ်ဆင် ဆုတ်ခွာနိုင်ခဲ့ပါတယ်။စာအုပ်ရောင်းသမားနှစ်ယောက် ဖြစ်အောင်တော့ စွမ်းဆောင်နိုင်လိုက်ပါသေးတယ်။

"နှောင်းလျင် တန်ခူး" လို့ ဆိုခဲ့ပါတယ်။တန်ခူးလလည်း ရက်သိပ်မကျန်တော့ပါဘူး။တော်လှန်ရေး အရွေ့အပြောင်း အောင်ပွဲတွေ အမြန်ဆုံးနဲ့ အများဆုံး ရယူထားရမယ့် အချိန်ပဲဖြစ်ပါတယ်။မိုးကျလာလျင် တိုက်ပွဲဖော်ဆောင်မှု ကန့်သတ်ချက်များ ရှိလာအုံးမှာ ဖြစ်ပါတယ်။

အညာမြေလတ် 💪💪💪

အညာနဲ့ မြေလတ်ဆိုရင် မီးရှို့ခံရတာ အညာက ပိုများသပေါ့ဗျာ။မြေလတ်ကျတော့ လူရှို့ခံရတယ်လို့ ဆိုချင်တယ်။မြေလတ်ဒေသတွေမှာ တော်လှန်ရေး စိတ်အပြည့်ရှိပေမယ့် အခြေအနေ မပေးပြန်ဘူး။ဒါပေမယ့် ကိုယ့်နယ်မြေတွင်း အဖွဲ့တွေကို တိုးတိုး တိတ်တိတ် ထောက်ပံ့ကူညီတယ်။အဲဒီမှာ စကစဘာလုပ်လဲဆိုတော့ နယ်ခံ အရာရှိဇနီးတွေကို သူတို့ဇာတိတွေ ပြန်လွှတ်ထားတယ်ပတ်၀န်းကျင်ကို အသံလွှင့်တော့လည်း သူ့ယွကျားက CDM မလုပ်လို့ ကွာထားတာလိုလို ဘာလိုလို ဇာတ်နာပြထားပြန်ရော။တကယ် တမ်းက ဆဲလ်ထည့်ထားတာ။ပြီးတော့ သူတို့တပ်က ဘယ်သွားတယ်။ဘယ်လာတယ်။ဘယ်သူကတော့ ကျသွားတယ်။ထွက်ပြေးတယ်။လျော်ရတယ်ဆိုတဲ့ အဖိုးမတန်တဲ့ သတင်းတွေပေးပြီး ၀င်လုံးတယ်။

ပြီးမှ ရသမျှ အချက်အလက်အကုန်ယူတယ်။တပ်ကနေတဆင့် လှရွှေတို့ကို လက်တို့ပြီး ဆွဲစိခိုင်းတယ်။အဲလိုပြောလို့ သူ့ကို အဖက်မလုပ်ရင်လည်း အနီဆိုပြီး ခေါင်းစဉ်တပ် ဆွဲစိခိုင်းတယ်။အဲလိုနဲ့ ဒလန်ထက်ဆိုးတဲ့ ဒလက်ဆိုတာ အဲဒါဘဲ။ရပ်ထဲ ရွာထဲဆိုတာ ကိုယ်တွေက လူများပါတယ်။ပါးပါးလေး ပုတ်ပေး လိုက်စမ်းပါဗျာ။အဲဒီ မြေလတ်ဘက်မှာ ဒီလို ဒလက်တွေ တော်တော်များများ နေရာယူထားပါတယ်။မနေ့က Comment တွေကို React .Reply မပြန်ဖြစ်တာ တောင်းပန်ပါတယ် ခင်ဗျာ။ဒီနေ့ အတက်နေ့ဆိုတော့ ဘယ်သူတွေ ကျွန်တော်နဲ့ အတူရှိမလဲဆိုတာလေးတော့ သိချင်ပါတယ်။ကဲ .... သင်္ကြန်ရက်မှာဘာတွေလုပ်ဖြစ်ကြလဲဆိုတာလေး မန့်မှာရေးသွားပေးကြပါ ခင်ဗျာ။

၂၀၂၄

#ZinYawCaptain

"မြ၀တီမြို့သို့ စစ်ကူလာသည့် စစ်ကြောင်းကို ကြားဖြတ် တိုက်ခိုက်နိုင်ခဲ့ပြီး စစ်တပ်ဘက်မှ သေဆုံးနှင့် ထိခိုက် ၁၀၀ နီးပါးရှိ"

KNLA ဦးဆောင်တဲ့ တော်လှန်ရေး မဟာမိတ်တပ်တွေက သိမ်းပိုက်ထားတဲ့ မြ၀တီမြို့သို့ စစ်ကူ တက်လာတဲ့ စစ်ရှုံးကောင်စီရဲ့ စစ်တပ်စစ်ကြောင်းကို ဧပြီလ ၁၂ ရက်နေ့တွင် ကြားဖြတ်ဟန့်တား တိုက်ခိုက်နိုင်ခဲ့ပြီး အကြမ်းဖက် စစ်တပ်ဘက်မှ သေဆုံးနှင့်ထိခိုက် ၁၀၀ နီးပါးရှိကြောင်း KNU ဗဟိုအလုပ်အမှုဆောင် ပဒိုစောတောနီးက ရိုက်တာ သတင်းဌာနထံသို့ ပြောဆိုပါတယ်။

“ဒီကိုလာဖို့က မလွယ်ဘူး။ သူတို့ အခက်အခဲတွေ အများကြီး ကြုံရမှာပါ။ ကျနော်တို့ တပ်တွေက စစ်တပ်ကို ကြားဖြတ် ပိတ်ဆို့တားဆီး နေပါတယ်" လို့ ပဒိုစောတောနီးက ဆိုပါတယ်။

ရိုက်တာလို ကမ္ဘာ့မီဒီယာကြီး တစ်ခုကို ပြောဆိုဖို့ ဆိုတာက အချက်အလက် မခိုင်မာပဲ ပြောဆိုလို့ မရပါဘူး။ သူတို့လို သတင်းဌာနကြီးတွေက လက်တံရှည်သလို သတင်းအချက်အလက်ကို ပြန်လည်ဖော်ပြရာမှာ အခြား source တွေကနေပါ အချက်အလက်တွေ ရယူကာ check and balance လုပ်ပြီး သေချာခိုင်မာမှ ဖော်ပြလေ့ရှိတာပါ။

ဒါ့အပြင် စစ်အာဏာရှင်ကို တော်လှန်ရေးအတွက် ကရင်တော်လှန်ရေး လက်နက်ကိုင် တပ်ဖွဲ့တွေအကြား ညှိနှိုင်းမှုတွေ ဆက်လက်လုပ်ဆောင်နေကြောင်း KNU ဗဟိုအလုပ်အမှုဆောင် ပဒိုစောတောနီးက ပြောဆိုသွားပါတယ်။

#4C_TruthNews

“ဆရာဇော် ပြည်တွင်းပြန်ဝင်တာ ဂုဏ်ယူတယ်”

တော်လှန်ရေးရဲ့အသက်က ပြည်တွင်းမှာပဲရှိပါတယ် ခင်ဗျ။ ကျနော်တို့ပြည်ပအင်အားတွေက ကြီးမားတဲ့အထောက်အပံ့မျှ ဖြစ်ပါတယ်။ တော်လှန်ရေးခေါင်းဆောင်တွေ (မရှိမဖြစ် ပြည်ပထွက်ဖို့လိုသူတွေကလွဲလို့) ပြည်တွင်းရှိဖို့ မလွဲမသွေလိုအပ်ပါတယ်။ ကမ္ဘာပေါ်မှာ ဘယ်တော်လှန်ရေးမှလည်း ခေါင်းဆောင်တွေ နိုင်ငံခြားနေလို့ အောင်ပွဲရခဲ့တာမရှိပါဘူး။

ပြည်တွင်းအင်အားစုတွေကသာ တော်လှန်ရေးကို အဓိက အဆုံးအဖြတ်ပေးမှာဖြစ်တယ်။ ဒါကိုသိတဲ့ရန်သူက လူထုခေါင်းဆောင်တွေ ပြည်ပရောက်အောင် ခေတ်အဆက်ဆက် အစဉ်တစိုက် ကြိုးစားခဲ့တာ သမိုင်းထင်ရှားရှိပါတယ်။ ဒေါ်အောင်ဆန်းစုကြည် ကိုလန်ဒန်ပြန်ဖို့အကျပ်ကိုင်ခဲ့ဖူးတာဟာ အထင်ရှားဆုံးသက်သေပါ။ ခေါင်းဆောင်တွေ ပြည်ပရောက်လေ သူတို့ကြိုက်လေဖြစ်ပါတယ်။

ဆရာ ဇော်ဝေစိုးနဲ့ ကျနော် စကားပြောခွင့်ရလိုက်ပါတယ်။ ကျနော်က သူတို့ ဆရာဦးရည်မွန်တို့အပါအဝင် ဒီမိုကရေစီတော်လှန်ရေးခေါင်းဆောင်အားလုံးရဲ့ လုံခြုံရေးကို အများသူငါလိုပဲ အထူးစိုးရိမ်ပါတယ်။ အထူးသဖြင့် စနိုက်ပါနဲ့ လေကြောင်းရန်။ NUG နဲ့ KNU ခေါင်းဆောင်တွေ လှို့ဝှက်တွေ့ဆုံပွဲကို ပေါင် ၅၀၀ ဗုံး လေးလုံးချခဲ့ဖူးပါတယ်။ GPS နဲ့အတိအကျလာချတာပါ။ ကံကောင်းလို့ လွတ်ခဲ့ကြတယ်။ KNU ဗိုလ်ချုပ်တယောက်တော့ ဒဏ်ရာရခဲ့တယ်။

ဆရာဇော် က ဒေါ်အောင်ဆန်းစုကြည်ကို ခွဲစိပ်ကုသပေးဖူးသလို ဗိုလ်ချုပ်ကြီးသန်းရွှေကိုလည်း ကုသပေးဖူးပါတယ်။ သူနေပြည်တော်ရောက်တိုင်း ဦးသန်းရွှေက BMW အနက်ရောင်တစီးပေးထားလေ့ရှိတယ်။ အဲဒီလို သူကောင်းပြုရက်က CDM ခေါင်းဆောင်ရသလားဆိုပြီး ကမ္ဘာမကြေဖြစ်ခဲ့တာပါ။

အခုလည်းသူ့လုံခြုံရေး စိုးရိမ်လို့ ကျနော်သတိပေးလိုက်ပါတယ်။ သူကပြန်ပြောတယ်။

“ကျနော်ပြည်တွင်းပြန်နေရမယ့်အချိန် ရောက်နေပြီဗျ။”

ဒါပါပဲဗျာ။ အားလုံးရဲ့ လွတ်လပ်စွာ ပြောဆိုရေးသားမှုတွေလေးစားပါတယ်။ ဆင်ခြင်ကြပါလို့ပဲ မေတ္တာရပ်တာပါ။ ။

✍Khin Maung Soe
#HlaingInfo

Breaking

- အမေစုကို တရုတ် သံအမတ်နှင့် တွေ့ဆုံခွင့်ပြုမည်

- သမ္မတကြီး ဦးဝင်းမြင့်နှင့် အမေစုကို အကျဉ်းထောင်မှ ပြန်လွှတ်ပြီး နေအိမ် အကျယ်ချုပ်ပြောင်းမည်

- အမေစုကို ခြံအမှတ် ၅၄ မှာ ပြန်ထားဖွယ်ရှိ

ထပ်ဆောင်းသေချာရင် တင်ပြပါဦးမယ်ဗျို့။

ဥပုသ်သီလစောင့်တဲ့ သက်ကြီးရွယ်အိုတွေကို PDF ရဲဘော်တွေက ဆေးကုသိုလ်အဖြစ် ကုသပေး (ရုပ်/သံ)

မြိုင်၊ ဧပြီ ၁၈၊ ၂၀၂၄။

မကွေးတိုင်း၊ ပခုက္ကူခရိုင်၊ မြိုင်မြို့နယ်အတွင်းရှိ ဘုန်တော်ကြီးကျောင်းတကျောင်းမှာ သက်ကြီးရွယ်အိုတွေကို ဧပြီ ၁၇ ရက်မှာ ဆေးဝါးကုသပေးခဲ့တယ်လို့ ပခုက္ကူခရိုင် တပ်ရင်း ၇၊ Myaing's Hero Generation တပ်ဖွဲ့ဆီက သိရပါတယ်။

နှစ်ဆန်းတရက်နေ့မှာ ဥပုသ်သီလစောင့်ဖို့ လာရောက်ကြတဲ့ သက်ကြီးရွယ်အိုတွေထဲက ကျန်းမာရေးမကောင်းသူ လူဦးရေ ၈၀ ကျော်ကို ဆေးကုသိုလ်ပြုတဲ့အနေဖြင့် ဆေးဝါးကုသပေးခဲ့တယ်လို့ ဆိုပါတယ်။

ဆေးကုသပေးရာမှာ အဓိကအားဖြင့်ဆီးချို၊ သွေးချို၊ သွေးတိုးရောဂါတွေ အဖြစ်များနေပြီး အားဆေး၊ထိုးဆေး၊ သောက်ဆေးပေးရင်း ကုသပေးခဲ့ရသလို ဒူးနာ၊ ခါးနာ၊ ကိုယ်လက်ကိုက်ခဲတာတွေလည်း ကုသိုလ်ပြု ဆေးကုသပေးခဲ့တယ်လို့ သူကဆက်ပြောပါတယ်။

ဆေးကုသရာမှာ အသုံးပြုတဲ့ ဆေးပစ္စည်းတွေမှာ ယခင်က ပြည်သူတွေ ဆေးဖိုးလှူဒါန်းထားတဲ့ငွေဖြင့် လိုအပ်တာတွေ ဝယ်ယူပြီး အဘိုး အဘွားတွေကို ဆေးမှူးနဲ့အဖွဲ့ဝင် ရဲဘော်ရဲမေ ၁၅ ဦးက ဆေးကုသပေးခဲ့တယ်လို့ ဆိုပါတယ်။

ပခုက္ကူခရိုင်အမှတ် ၇ တပ်ရင်းက ဆေးတပ်ဖွဲ့ဝင်များမှာ ကျောင်းနေအရွယ်ကလေးသူငယ်များအား ကျန်းမာရေး အသိပညာပေးဟောပြောတာ၊ သံကောင်ကာကွယ်ဆေး အားဆေးတိုက်ကျွေးတာ၊ စစ်ရှောင်နဲ့ မီးဘေးသင့်ပြည်သူတွေကိုလည်း အခါအားလျော်စွာ ကျန်းမာရေးစောင့်ရှောက်မှု ပေးနေတယ်လို့ သိရပါတယ်။

သတင်း - စောကျော်ငြိမ်း၊ တည်းဖြတ် - HP

#မြေလတ်အသံ
#မကွေး #ပခုက္ကူ #မြိုင် #PDF #ရပ်ရွာနေပြည်သူများ #ဆေးကုသိုလ်ပြု

https://youtu.be/GJqpG_FVRnE

စစ်မှုထမ်းဥပဒေအရ မဲနှိုက်ရာတွင်မဲပေါက်သူ အချို့မှာ ကိုယ်စားဝင်ရောက်သူများအားရှာဖွေကာ ငွေပေး၍ ဝယ်ယူနေကြပြီး လူစားထိုးဝင်ရောက်ခိုင်းသူများလည်း ရှိကြောင်း သိရသည်။

"ဒီဘက်မှာ​တော့ ပိုက်ဆံရှိတဲ့ သူတွေထဲက မဲပေါက်ရင် ကိုယ်စားပြု ဝင်နိုင်မဲ့သူကိုရှာတယ် ငွေပေးမယ်ပေါ့ အချို့ဆို သိန်း ၁၀၀ လောက်အထိ ကမ်းလှမ်းနေတာမျိုးတွေတောင်ရှိပါတယ် "ဟု ကျုံပျော်မြို့နယ်မှဒေသခံအမျိုးသားတစ်ဦးမှ ဧရာဝတီတိုင်းမ်ကိုပြောသည်။

စစ်ကောင်စီမှ တပ်အတွင်းဝင်ရောက်ပါက လစာရိက္ခာပေးမည် ၊ မိသာစုအတွက် ငွေကြေးထောက်ပံ့ပေးမည်ဟု ပြောဆိုထားသော်လည်း တပ်အတွင်းဝင်ရောက်သူများ၏ မိသာစုဝင်များမှာ ထောက်ပံ့မှုမရကြကြောင်း ဒေသခံများထံမှသိရသည်။

#AYAT
#HlaingInfo

တော်လှန်ရေးမှာ ဘယ်အလံအောက်က ဖြစ်စေ၊ ဘယ်အဖွဲ့အစည်းအောက်က ဖြစ်စေ၊ ဘယ်လို အတွေးအမြင် အယူအဆမျိုးနဲ့ဖြစ်ပါစေ၊

မြေပြင်ရဲဘော်တွေဖြစ်စေ၊ မြို့ပြUG တွေ ဖြစ်စေ၊ FRတွေဖြစ်စေ၊ ထောက်ပို့ပြည်သူတွေဖြစ်စေ၊ ပြည်တွင်းကဖြစ်စေ၊ နယ်စပ်ကဖြစ်စေ၊ လွတ်မြောက်နယ်မြေကဖြစ်စေ၊ ပြည်ပကဖြစ်စေ၊

အနုပညာနဲ့ဖြစ်စေ၊ ကလောင်နဲ့ဖြစ်စေ၊ စုစည်းအားနဲ့ဖြစ်စေ၊ ကလစ်အားနဲ့ဖြစ်စေ၊ နည်းပညာအားနဲ့ဖြစ်စေ၊

အာဏာရူးတွေကို ကိုယ့်နည်းကိုယ့်ဟန်နဲ့ တိုက်ထုတ်နေတယ်ဆိုရင် တော်လှန်ရေးသမားပဲ။

အချို့က တိုက်တော့တိုက်တယ်။
ဘယ်လိုတိုက်တာလဲဆိုတော့ ကန့်လန့်တိုက်တာ။

အဲ့လိုဟာတွေကျ ဘယ်လိုခေါ်သလဲ သိလား။

ဖျေလို့မသားတွေလို့ ခေါ်တယ်။
ကိုင်း

❗ဒီကနေ့ည ရန်ကုန် အခြေအနေ❗
----------------------------------

ဧပြီလ ၁၉ ရက်နေ့ ဒီကနေ့ ညပိုင်းမှာ ရန်ကုန်-လှိုင်သာယာ ကူးသန်းသွားလာတဲ့ ဘုရင့်နောင်တံတား၊ အောင်ဇေယျတံတားနဲ့ ရွှေပြည်သာတံတား ၃ စင်းလုံးကို စစ်ရှုံးကောင်စီက ပိတ်ချလိုက်ပြီး သံဆူးကြိုးတွေပါ ချထားကြောင်း ဒေသခံတွေက သတင်းပေးပို့လာပါတယ်။

စစ်ရှုံးကောင်စီက ဒီကနေ့ ည ၈ နာရီခန့်မှာ မင်္ဂလာဒုံ လေဆိပ်ကိုလဲ ခရီးသည်တွေကို အပြင်ထွက်ခိုင်းကာ ပိတ်ချခဲ့ပြီး ည ၉ နာရီခန့်မှာ ပြန်လည် ဖွင့်ပေးခဲ့ကြောင်း သိရှိရပါတယ်။

#4C_TruthNews

20 Apr 2024  6:30 am

ယမန်နေ့ညက ညောင်ဂျစ်ပင်ပျူရွာရောက်တဲ့   အကြမ်းဖက် စခ ပခ များ ဆားကျင်းကုန်း လမ်းဆုံလဲကင်းရှိနေပြီး  မြိုင်လမ်းဘက်ကိုထွက်လာနေတာ  မန်ကျည်းတန်းအနီး ရောက်နေပြီလို့ သိရပါတယ် ။

⚠️⚠️ ပြည်သူများ သတိထားသွားလာကြပါရန်။

#SanayThar
#MRSN

📬သတင်းပို့ရန် @MagwayScoutNetworkBot

"ကိုယ့်ကိုယ်ကိုယ်ပင် မနည်း ကာကွယ်နေရတဲ့ စစ်ရှုံးခေါင်းဆောင်ကြီး မင်းအောင်လှိုင်"

စစ်ရှုံးကောင်စီရဲ့ ထိတ်ထိတ်ကြဲ ခေါင်းဆောင်ကြီး မင်းအောင်လှိုင်ရဲ့ အခြေအနေဟာ တိုင်းပြည်ကို ကာကွယ်ဖို့နဲ့ လက်ပါးစေ ကျွန်သပေါက်တွေရဲ့ အသက်တွေကို ကာကွယ်ပေးဖို့ အသာထား၊ လက်ရှိမှာ ကိုယ့်အသက်ကို ကာကွယ်ဖို့ အတွက်ကိုပင် မနည်း ကြိုးစားနေရပြီ ဖြစ်ပါတယ်။

စစ်ရှုံးခေါင်းဆောင်ကြီးဟာ ၎င်းရဲ့ ရုံးတက်ရုံးဆင်း၊ ပြည်တွင်းခရီးစဉ်တွေနဲ့ လှုပ်ရှားသွားလာမှုတွေ အားလုံးကို ၎င်းရဲ့ ကိုယ်ရံတော်တပ်မှလွဲ၍ ပြည်ထဲရေး၊ ကာကွယ်ရေး၊ အရပ်ဘက်ဝန်ကြီးဌာနတွေနဲ့ နေပြည်တော် စစ်ရုံးချုပ်ကိုပင် ကြိုတင် အသိပေးခြင်း မပြုလုပ်တော့ကြောင်း နေပြည်တော် စစ်ဘက်သတင်းရင်းမြစ်က ပြောဆိုပါတယ်။

ဧပြီလ ၁၄ ရက်နေ့ ညပိုင်းက ပြင်ဦးလွင်သို့ စစ်ရှုံးခေါင်းဆောင်ကြီး ရောက်ရှိနေချိန် ရှော့တိုက်ဒုံးတွေနဲ့ ပစ်ခတ်တိုက်ခိုက်ခံရခြင်း၊ ဧပြီလ ၄ ရက်နေ့ မနက်ပိုင်းက နေပြည်တော်ရှိ စစ်ရှုံးခေါင်းဆောင်ကြီးရဲ့ နေအိမ်ကို အသေခံ ဒရုန်း ၄ စီး၊ စစ်ရုံးချုပ်ကို ၁၂ စီးနဲ့ အေလာလေဆိပ်ကို ၁၂ စီး၊ အသီးသီး တိုက်ခိုက်ခံရပြီးနောက်-

စစ်ရှုံးခေါင်းဆောင်ကြီးဟာ ၎င်းနဲ့ မိသားစုရဲ့ လုံခြုံရေးအတွက် လှုပ်ရှားသွားလာမှုတွေကို ဝန်ကြီးဌာနတွေနဲ့ စစ်ရုံးချုပ်ကိုပင် အသိမပေးတော့ပဲ ခိုးကြောင်ခိုးဝှက် သွားလာနေကြောင်း သိရပါတယ်။

"အရင် ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနဲ့ စစ်ရုံးချုုပ်ကတော့ တပ်ချုပ် ခရီးစဉ်နဲ့ပတ်သက်ပြီး ကြိုတင် လုံခြုံရေးယူတာ။ မိုင်းရှင်းတာ လုပ်ဖို့ အနည်းဆုံး ၅ ရက် ကြိုတင် အသိပေးတယ်။ အခုတော့ ကပ်ပြီးတော့ပဲ ပြောတော့တယ်။ ကြိုတင် လုံခြုံရေးယူ ရှင်းလင်းတာကိုလည်း ကိုယ်ရံတော်တပ်ကပဲ လုပ်တော့တယ်။ ကိုယ်ရံတော်တပ်ကိုလည်း အတွင်းစည်း၊ အပြင်စည်း ထပ်တိုးချဲ့တယ်လို့ သိရတယ်။ အဓိက ပြင်ဦးလွင် တိုက်ခိုက်မှုအပြီးနဲ့ နေပြည်တော်ကို ဒရုန်းတွေနဲ့ တိုက်ခိုက်တဲ့ ဖြစ်စဉ်တွေကြောင့် အပြောင်းအလဲဖြစ်ကုန်တာ" လို့ နေပြည်တော် စစ်ဘက်သတင်းရင်းမြစ်က ဆိုပါတယ်။

ဒါ့ပြင် လုံခြုံရေးဆိုင်ရာ လျှို့ဝှက် ညွှန်ကြားချက်နဲ့ အမိန့်တွေကို ဖြစ်နိုင်သမျှ စာရွက်စာတမ်း လုံးဝ မသုံးတော့ဘဲ စကားဝှက်တွေ ကုတ်တွေ အသုံးပြုကာ စကားပြောစက်နဲ့ ညွှန်ကြား အမိန့်ပေးတဲ့ စနစ်ကို ပြောင်းလဲ အသုံးပြုနေကြောင်း၊ စာရွက်စာတမ်းများ မကြာခဏ ပေါက်ကြားမှုကို ကာကွယ်တဲ့သဘောဖြစ်ကြောင်း သိရပါတယ်။

စစ်ရှုံးခေါင်းဆောင်ကြီးရဲ့ ခရီးစဉ်နဲ့ လှုပ်ရှားသွားလာမှုတွေကို နေပြည်တော် စစ်ရုံးချုပ်ကိုပင် အသိမပေးတော့ခြင်းမှာ အချင်းအချင်း မယုံကြည်တော့တဲ့ သဘောသက်ရောက်နေကြောင်း၊ ပြည်နယ်/တိုင်း စစ်ရှုံးကောင်စီတွေကို လျှို့ဝှက် ညွှန်ကြားစာတွေ ပေးပို့ရာမှာလဲ စာရွက်စာတမ်းနဲ့ ပေးပို့မှုတွေ လျှော့ချပြီး လေနဲ့သာ အလုပ်လုပ်ကြရန် စစ်ရှုံးခေါင်းဆောင်ကြီးက အထပ်ထပ်အခါခါ ပြောဆို ညွှန်ကြားလေ့ရှိကြောင်း သိရှိရပါတယ်။

ဒါကတော့ ဘောမတို့ရဲ့ တစ်ခုတည်းသော အားကိုးရာ စစ်ရှုံးခေါင်းဆောင်ကြီးရဲ့ ခိုးကြောင်ခိုးဝှက် ခွေးပုန်းဝက်ပုန်း သွားလာလှုပ်ရှားနေရတဲ့ လက်ရှိ အခြေအနေ အမှန်ပါ.. 🤓

#4C_TruthNews