"ခရီးရှည်ဒရုန်းများရဲ့ ပထမဆုံး အတွေ့အကြုံပါပဲ။ ဒရုန်းတစ်စင်းပါ ယမ်းပေါက်ကွဲအားက 107 တစ်စင်းထက် ၂၀ ရာခိုင်နှုန်း ပိုပြင်းပြီး အနက်ဖောက်ထွင်းအားလည်း ပိုကောင်းပါတယ်" လို့ ပြည်ထောင်စုဝန်ကြီး ဦးရည်မွန်က အသိပေးပြောကြားခဲ့တာပါ။

အကြမ်းဖက်စစ်တပ်ရဲ့ စစ်ရုံးချုပ် တိုက်ခိုက်မှုကို ပြည်သူ့ကာကွယ်ရေးတပ်မတော် (PDF) အထူးတပ်ဖွဲ့တွေနဲ့ ရှာထူးဝေါ် နည်းပညာတပ်ဖွဲ့ရဲ့  Kloud Drone တပ်ခွဲက ပြုလုပ်ခဲ့တာဖြစ်ပြီး အေလာလေတပ်ကိုတော့ ပြည်သူ့ကာကွယ်ရေး တပ်မတော် (PDF) အထူးတပ်ဖွဲ့တွေနဲ့ ရှာထူးဝေါ် နည်းပညာတပ်ဖွဲ့ရဲ့ လီသာပရော့ တပ်ခွဲက တိုက်ခိုက်ခဲ့တာလည်း ဖြစ်ပါတယ်။

#SR
#HlaingInfo

“မနေ့က ၁၁ နာရီ ၄၅ မိနစ်လောက်ကနေစရှို့တာ၊ ကျောပကစကနေ ဆင်းလာတဲ့ စစ်ကြောင်းဖြစ်ဖို့ များတယ်ဗျ၊ အဲဒီစစ်ကြောင်းက ရေမျက်နီရဲစခန်းကို အဝင်မှာ စခန်းရဲ့ အနီးပတ်ကျင်အိမ်တွေကို ရှို့ တာ၊ အဓိကတော့ သူတို့ ပစ်ကွင်း မြင်ကွင်းရှင်းဖို့အတွက်လည်း ဖြစ်နိုင်တယ်ဗျ၊ အဲဒီကနေ ကူးစက် ပြီးတော့ အိမ်ခြေ ၂၀၀ ကျော်ပါသွားတာပါဗျ။ ဒီညနေပိုင်းတော့ မီးကူးစက်တာတော့မရှိတော့ဘူး၊ မီးကြွင်းမီးကျန်လောက်တော့ ရှိသေးတယ်” YRA ထီးလင်း တပ်ဖွဲ့မှ သခင်ဇော်က ရန်ကုန်ခေတ် သစ် သတင်း ဌာနထံသို့ ပြောကြားသည်။

ထို့သို့ မီးရှို့နေသော အကြမ်းဖက်စစ်သားများကို YRA ထီးလင်းတပ်ဖွဲ့မှ ၄၀ မမဖြင့် သွားရောက်ပစ် ခတ်တိုက်ခိုက်ခဲ့ရာ အကြမ်းဖက်စစ်သားတစ်ဦးသေဆုံးပြီး ၃ ဦးဒဏ်ရာရရှိခဲ့ကြောင်း၊ လက်ရှိ ရေ မျက်နီရဲစခန်းနှင့် အနီးတဝိုက် တောင်ကုန်းများတွင် အကြမ်းဖက်စစ်သားများနေရာယူ တပ်စွဲ ထား ကြောင်း သိရသည်။

“ကျောကပစနေ ဆင်းလာတာ၊ အင်အား ၆၀ /၇၀ လောက်ပဲ မှန်းထားတယ်၊ ပိတ်ဆို့ထားပေမယ့် သူတို့က သွားနေကြလမ်းကြောမဟုတ်ပဲနဲ့ တောလမ်းတွေထဲအတိုင်း ရေမျက်နီဘက်ကို သွားတာဗျ၊ ဘာမတိုက်ပွဲမှာ မဖြစ်လိုက်ရဘူး၊ မနေ့ကတော့ မီးစရှို့တဲ့အချိန် ကျနော်တို့အဖွဲ့တွေက ၄၀ မမ နဲ့ ပစ်လိုက်သေးတယ်၊ ပစ်လိုက်တော့ မီးရှို့နေတဲ့နေရာနားမှာ ၃ ယောက်ရှိတာ၊ အဲဒီ ၃ ယောက်ထဲက တစ်ယောက်ကတော့ ပွဲချင်းပြီးသေသွားတယ်၊ ၂ ယောက်ကတော့ ဒဏ်ရာရသွားတာပေါ့၊ ဒါလေးပဲ ဖြစ်သေးတယ်” ဟု YRA ထီးလင်း တပ်ဖွဲ့မှ သခင်ဇော်က ရန်ကုန်ခေတ် သစ် သတင်း ဌာနထံသို့ ပြောကြားသည်။

#KTM
#HlaingInfo

ပြည်သူ့ကာကွယ်ရေးတပ်ဖွဲ့ဝင်များ ထိခိုက်မှုတစ်စုံတစ်ရာမရှိဆုတ်ခွာနိုင်ခဲ့ကြောင်းလည်းအသိ​ပေးထားသည်။

"စစ်ရုံးချုပ်ကို ပစ်တယ်လို့ သတင်းတွေတက်လာတော့ PDF တွေ ဘေးကင်းပါ့မလား စိတ်ပူခဲ့တာ။ ဘေးကင်းပြီးဆိုမှ စိတ်ချနိုင်တာ။ ကျတော်တို့ စစ်ကို မျှော်တယ်ပြောလည်း ပြော။ နေပြည်တော် ပစ်မှတ်တွေကို ချဖို့လိုတာအမှန်ပဲ"ဟု နေပြည်တော်ဒေသခံတစ်ဦးကပြောသည်။

အာဏာသိမ်း စစ်ကောင်စီ၏ စစ်ရုံးချုပ်(ကက-ကြည်း)
တည်ရှိရာနှင့် အေလာလေတပ်တို့ကို ယနေ့တွင်  ဒရုန်းများဖြင့်တပြိုင်နက် တိုက်ခိုက်ခဲ့ကြောင်း ၊ ထိခိုက်မှုများရှိခဲ့ကြောင်း အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာန(MOD)ကထုတ်ပြန်ထားသည်။

တိုက်ခိုက်မှုသတင်းစတင်ထွက်ပေါ်လာချိန်၌ စစ်ကောင်စီထောက်ခံသည့် တယ်လီဂရမ်ချန်နယ်များတွင် သတင်းအမှားဖြစ်ကြောင်း ရေးသားခဲ့ကြသည်။ နာရီနည်းငယ်ကြာတွင် စစ်ကောင်စီကဝန်ခံလိုက်ရသည်။နေပြည်တော်လေဆိပ်သို့ ပြန်သန်းလာသည့် ဒရုန်း လေးစီးနှင့် ဇေယျာသီရိမြို့နယ် ပျံသန်းလာသော ဒရုန်းသုံးစီး စုစုပေါင်း ၇စီးကို ပစ်ချနိုင်ခဲ့ပြီး လူနှင့်အဆောက်အဦး ထိခိုက်မှုမရှိဟု  စစ်ကောင်စီကဆိုခဲ့သည်။

စစ်ရုံးချုပ်၊ ​အေလာ​လေတပ် နှင့် အာဏာသိမ်း​ခေါင်း​ဆောင်၏ ​အိမ်တို့အား Kamikaze ဒရုန်း အစင်း ၃၀ ​ကျော်ဖြင့်တိုက်ခိုက်ခဲ့ခြင်းဖြစ်​ကြောင်း ​စစ်​ရေးသတင်းရင်းမြစ်က​ပြောသည်။

NUG ကာကွယ်​ရေးဝန်ကြီး ဦး​ရည်မွန်ကလည်း
"ဒီ​နေ့ ​နေပြည်​တော်"ဟု ​ခေါင်းစဥ်တပ်၍ဒရုန်း ​စစ်ဆင်​ရေးနှင့်ပတ်သက်၍"ခရီးရှည်ဒရုန်းများရဲ့ ပထမဆုံးအ​တွေ့အကြုံပါပဲ။ဒရုန်းတစ်စင်းပါ ယမ်း​ပေါက်ကွဲအားက 107တစ်စင်းထက်  ၂၀%ပိုပြင်းပြီး အနက်​ဖောက်ထွင်းအားလည်း ပို​ကောင်းပါတယ်။ပစ်မှတ်တိုင်းကို မှတ်ပုံတင်ထားလို့ ရပါပြီ" ဟု ​ရေးသားထားသည်။

(​PDF များနှင့် နေပြည်​တော်ကိုတိုက်ခိုက်ခဲ့​သော Kamikaze  ဒရုန်းများထဲမှ အချို့ကို​​တွေ့ရစဥ်။ဓါတ်ပုံ-POA)
#LNO
#HlaingInfo

ယခုအကြိမ် တံခါးဖွင့်အစည်းအဝေးတွင်လည်း အကြမ်းဖက်မှုလုပ်ဆောင်‌နေသည့် အီရန်နှင့် မြန်မာနိုင်ငံ စစ်တပ် များအပေါ် ဖိအားပေးမှုများတိုးမြှင့်လုပ်ဆောင်လာခဲ့ခြင်း ဖြစ်သည်။
၂၀၂၁ ခုနှစ် ဖေဖော်ဝါရီလကနေ ၂၀၂၃ ဒီဇင်ဘာလအထိ မြန်မာနိုင်ငံတွင် လေကြောင်းတိုက်ခိုက်မှုဖြစ်စဥ် စုစုပေါင်း ၁,၆၅၂ ခု ဖြစ်ပွားခဲ့သည်။

လေကြောင်းတိုက်ခိုက်မှုများကိုတားဆီးရန် မြန်မာနိုင်ငံကို လေယာဉ်လောင်စာဆီတင်သွင်းသည့် ကုမ္ပဏီများအား အမေရိကန်၊ ဗြိတိန်အပါအဝင် အနောက်နိုင်ငံအများစုက ကန့်သတ်ပိတ်ဆို့မှုများ ဆက်တိုက်လုပ်ဆောင်ခဲ့သည်။

ပိတ်ဆို့မှုများရှိနေသည့်ကြားကပင် ၂၀၂၃ ခုနှစ် ဧပြီလကနေ ဩဂုတ်လအတွင်း မြန်မာနိုင်ငံတွင်းကို လောင်စာဆီ သင်္ဘော ၆ စီး ဝင်ရောက်ခဲ့သည်ဟု Amnesty International အဖွဲ့က ဂြိုဟ်တုဓာတ်ပုံများနှင့်တကွ ဖော်ပြထား သည်။

ယင်းအပြင် အိန္ဒိယလေတပ်သည် ၂၀၂၄ ခုနှစ် ဇန်နဝါရီလတွင် စစ်အုပ်စု၏လေတပ်ထံ ကုန်ပစ္စည်းအမျိုးပေါင်း ၅၂ မျိုးပေးပို့ခဲ့သည်ဟု Justice Myanmar အဖွဲ့က ထုတ်ပြန်ထားသည်။

ထို့ကြောင့် စစ်ကောင်စီ၏လေကြောင်းတိုက်ခိုက်မှုများလျော့နည်းမသွားဘဲ၂၀၂၃ ခုနှစ် ၁ နှစ်တည်းမှာပင် လေကြောင်းတိုက်ခိုက်မှုပေါင်း ၁,၂၂၈ ခုထိရှိခဲ့ပြီး လေကြောင်းတိုက်ခိုက်မှုဖြစ်စဥ်စုစုပေါင်း၏ ၇၄ ရာခိုင်နှုန်းအထိ ရှိလာခဲ့သည်။

ပုံစာ - ၇၆ နှစ်မြောက် လေတပ်နှစ်ပတ်လည်အခမ်းအနားသို့ အာဏာသိမ်းစစ်ခေါင်းဆောင်တက်ရောက်စဉ်။
#TLKN
#HlaingInfo

နောက်ထပ် ဒရုန်းအစီးရေ များလာရင် ကြောက်စရာကြီးနော်။

အခုဆို ခွေးခေါင်းဆောင်တွေ အိပ်ယာရွှေ့အိပ်နေလောက်ပြီ။ ဘယ်အိမ်ရာမှာ ဘယ်သူတွေ ဘယ်နားနေတယ်ဆိုတာ ဖရဲသီးက တည်နေရာပေးလို့ သိပြီးကုန်ပြီ။

ဟို နေပြည်တော် အလယ်က ခြောက်လုံးတန်းကရော အေးဆေးနေရအုံးမှာလား။

သန်းရွှေကြီး အသက်ကြီးမှ ဒရုန်းဗုံးထိပြီး ကားယားသေရင် ကြည့်မလှဘူးနော်။

စောက်သုံးမကျတဲ့ မင်းအောင်လှိုင်ကို အာဏာတက်သိမ်းခိုင်းပြီး သန်းရွှေကိုယ်တိုင် လက်နတ်ချရင်တော့ ကြည့်ကောင်းမယ်။

နို့မို့ အငြိမ်းစားဗိုလ်ချုပ်တွေ အကုန်လုံး စမုံတုံးမယ့် အခြေအနေရောက်နေပြီ။

ပြည်သူကို ရန်သူလို သဘောထားတဲ့ကောင်တွေ မျိုးပြုတ်ဖို့ ပြင်ထားကြ....။


#ထိန်လင်းနေ
#htainlinnay

https://t.me/+_ddlLy1mgTQzZmU1

လာမည့် ၁ ပတ်အတွင်း(ဧပြီ ၅ ရက်မှ ၁၁ ရက်အတွင်း) ဖြစ်နိုင်သော မိုးလေဝသအခြေအနေကြိုတင်ခန့်မှန်း
ဧပြီလ ၅ ရက် - ၁၂၅၀ နာရီ
===

🔸 အယ်လ်နီညို၊ လာနီညာနှင့် အိုင်အိုဒီ positive
အယ်လ်နီညိုဖြစ်နေတဲ့အခြေအနေကတော့ လာမဲ့ ၁ လ ၂ လအတွင်း(ခန့်မှန်း မေလအကုန် ဇွန်လဆန်း ကာလအတွင်း)ပြီးဆုံးပြီး ကြားနေရာသီဥတုဖြစ်စဉ် Neutral ကာလကို ရောက်လာနိုင်မယ်၊ ဇူလိုင်လမှ စက်တင်ဘာလအတွင်း လာနီညာဖြစ်နိုင်ချေက တဖြည်းဖြည်းမြင့်တက်လာပြီး ဖြစ်နိုင်ချေ ၈၅% အထိရှိလာနိုင်ကြောင်း နိုင်ငံတကာ မိုးလေဝသနဲ့ ရာသီဥတုစောင့်ကြည့်လေ့လာရေးဌာနကြီးတွေက ထုတ်ပြန်ထားတာတွေ့ရပါတယ်။
မြန်မာနိုင်ငံမှာတော့ အယ်လ်နီညိုရဲ့ သက်ရောက်မှုကဆက်လက်ရှိနေတာကြောင့် ပူပြင်းခြောက်သွေ့တဲ့ ရာသီဥတုအခြေအနေကို ဆက်လက်ရင်ဆိုင်နေရဆဲပါဘဲ။ ကျနော်အရင်က ကြိုတင်ခန့်မှန်းထားတဲ့ မိုးဦးမိုးအခြေအနေအတိုင်း မကောင်းနိုင်ပဲ မိုးလယ်နဲ့ မိုးနှောင်းမှာသာ မိုးကောင်းနိုင်ပါမယ်။ အယ်လ်နီညိုဆက်လက်ဖြစ်ပေါ်နေနိုင်တဲ့အခြေအနေတွေကြောင့် မုတ်သုံအဝင်လဲ ပုံမှန်ထက်အနည်းငယ်နောက်ကျနိုင်ချေရှိမယ်လို့တော့ ခန့်မှန်းနိုင်ပါတယ်။

🔸 မိုးဦး/မိုးလယ်ကာလ မုန်တိုင်းဖြစ်ပေါ်နိုင်ချေ
ဘင်္ဂလားပင်လယ်အော်မှာ ဇွန်လနဲ့ ဇူလိုင်လတွေအတွင်းမှာ လေဖိအားနည်း၊ မုန်တိုင်း ဖြစ်လာရင် ပင်လယ်ရေမျက်နှာပြင်အပူချိန်မြင့်တက်နေတာ၊ ကုန်းတွင်းအပူချိန်မြင့်တက်နေတာတွေကြောင့် အားကောင်းပြီး အန္တရာယ်များတဲ့ ဆိုင်ကလုန်းမုန်တိုင်းဖြစ်လာနိုင်ပတယ်၊ ဘယ်နိုင်ငံဘက်ကိုရွေ့လျားနိုင်မယ်ဆိုတာကတော့ မုန်တိုင်းဖြစ်လာချိန်မှာရှိနေမဲ့ လေတိုက်ခြင်း၊ အပူချိန်၊ စိုထိုင်းဆ၊ ဖိအား စတဲ့ လေထုအလွှာတွေအတွင်းဖြစ်ပေါ်မဲ့ ပြောင်းလဲမှုတွေပေါ်မှာမူတည်ပါတယ်။

🔸 အပူချိန်မြင့်တက်နိုင်ချေ
အပူချိန်မြင့်တက်နိုင်ချေက မကွေးတိုင်း၊ မန္တလေးတိုင်းနဲ့ ရှမ်းပြည်နယ်အနောက်ပိုင်းတွေမှာ ဧပြီလ ၁၀ ရက်နေ့အထိ ၉၀% အထက်သေချာမှုရှိနေတယ်။ ၁၀ ရက်နေ့နောက်ပိုင်းမှာတော့ အလယ်ပိုင်းဒေသတွေမှာ အပူချိန်နည်းနည်းလျော့နိုင်တာတွေ့ရပါတယ်။
နောက် ၄ ရက်အထိ(ဧပြီ ၅ ရက်မှ ၈ ရက်အထိ)တော့ မန္တလေးတိုင်း၊ နေပြည်တော်၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းနဲ့ ရှမ်းပြည်နယ်အရှေ့ပိုင်းတွေမှာ အပူချိန် ၄၀°C အောက် မကျနိုင်ဘူး၊ မန္တလေး၊ မကွေးနဲ့ စစ်ကိုင်းတိုင်းတွေမှာ ၄၃°C - ၄၄°C အထိ အပူချိန် မြင့်နေနိုင်ဦးမယ်။

🔸 မိုးရွာသွန်းနိုင်ချေ
မိုးရွာနိုင်ချေကျတော့ ကရင်ပြည်နယ်မှာ ဧပြီ ၁၀ ရက်နေ့ ၅၃% အထိ သေချာမှုရျိနိုင်ပြီး ရန်ကုန်တိုင်းပဲခူးတိုင်းတွေမှာ မိုးရွာနိုင်ချေက ၂၅% လောက်ပဲ ရှိတယ်။
ကချင်ပြည်နယ်မှာ ဧပြီ ၅ ရက်နဲ့ ၆ ရက် မိုးရွာနိုင်ချေ ၄၉% ရှိတာတွေ့ရပြီး ဧပြီလ ၇ ရက်နောက်ပိုင်း ကချင်ပြည်နယ်မှာလဲ မိုးရွာနိုင်တဲ့ အခြေအနေမတွေ့တော့ပါဘူး။

🔸 လေပြင်းတိုက်ခတ်နိုင်ချေ
ရခိုင်ရိုးမတလျှောက်နဲ့ ရှမ်းပြည်နယ်မြောက်ပိုင်း၊ အနောက်ပိုင်းဒေသတချို့မှာ မှာ လေပြင်း တနာရီ ၂၅ မိုင်မှ မိုင် ၃၀ ခန့်အထိ တိုက်နိုင်ကြောင်းတွေ့ရပါတယ်၊ လေတိုက်နိုင်တဲ့အရပ်ကတော့ အနောက်ဘက်နဲ့ တောင်ဘက်အရပ်များကလေတိုက်နိုင်ချေ ပိုများပါတယ်။

🔸 နောက် ၄ ရက်အတွက် မိုးလေဝသအခြေအနေခန့်မှန်း
ပြည်နယ်တိုင်းမြို့ကြီးတွေအပါအဝင် မြို့တော်တော်များများရဲ့ ၄ ရက်အတွင်းဖြစ်နိုင်သောမိုးလေဝသအခြေအနေတွေကို MMWeather Website မှာတင်ပေးထားတာရှိပါတယ်။
https://www.mmweather.org/divisional-cities-weather
https://www.mmweather.org/non-divisional-cities

ကာမီကာဇေ အပူလှိုင်း— 🔥

ဒီနေ့ (ဧပြီလ၅ရက်နေ့) တော်လှန်ရေးရဲဘော်တွေက အကြမ်းဖက်စစ်ကောင်စီရဲ့ လေယာဉ်ဗုံးထုတ်လုပ်ရေးစက်ရုံ (ကပစ ၂၁) ကို မကွေတိုင်းပြည်သူ့ကာကွယ်ရေးအဖွဲ့ Droneလက်ရုံးတပ်ဖွဲ့က Rocket (၂၅) လုံးနဲ့ ထပ်ကြိတ်လိုက်ပြန်ပြီ။

အဲ့ဒီ့ စစ်ရုံးထဲကလူတွေ အိမ်ပြန်ခွင့်မပေး၊ဖုန်းသုံးခွင့်မပေး၊ပိတ်လှောင်ထားတယ်၊ဗိုလ်ချုပ်အဆင့်တွေပါထိခိုက်တယ်လို့သိရတယ်။

🔥

မနေ့ ( ဧပြီလ ၄ ရက်နေ့ )ကလည်း နေပူတော်ကို ကြိတ်လိုက်တဲ့ ကာမီကာဇေဒရုန်းတွေကြောင့် ကျွတ်ကြဲသွားကြတဲ့ မင်းအောင်လှိုင် နဲ့ သူ့ကောင် စစ်ဗိုလ်ချုပ်တွေ ဒီနေ့ ထပ်ခံရတော့ ကြောက်လန့်ကုန်ပြီပေါ့။

🔥

နိုင်ငံတကာမီဒီယာတွေမှာလည်း တော်လှန်ပြည်သူတွေက နေပြည်တော်ကို ဒရုန်းတွေနဲ့ တိုက်တဲ့ အကြောင်း ဟိုးလေးတကြော်ပါပဲ။

မင်းအောင်လှိုင်ကောင်ကြီးနဲ့ သူ့ကောင်လည်းပျာယာခတ်ပြီး လေကြောင်းရန် ကာကွယ်ရေးစနစ်တွေ Jammer တွေကို ပြန်စစ်ဖို့၊ အဆင့်မြှင့်ဖို့ အဆင့်ဆင့်
ဆဲဆဲဆိုဆိုနဲ့ အသေးစိတ် စုံစမ်းစစ်ဆေးရေး အစီရင်ခံစာတွေတင်ခိုင်း၊၂၄ နာရီ ဒရုန်းစောင့်ကြည့်ရေးအဖွဲ့တွေဖွဲ့ပေါ့။

🔥

ဒရုန်းကျတဲ့နေရာတွေက အသံတော်တော်ကျယ်တယ် ၊ ဗုံးတွေ ကျသွားတဲ့ နေရာတွေကို အခုအထိ
သတင်း မထုတ်ပြန်ရဲကြဘူး။

ပြည်သူတွေရဲ့ လူ့အခွင့်ရေးကို
ပြတ်ပြတ်သားသား ချိုးဖောက်၊ရယ်မောပြောင်လှောင်ခဲ့တဲ့ လူတစ်စုပါ။ သူ့တို့ အသက်မှ တန်ဖိုးရှိတယ်ထင်နေကြတဲ့ လူတစ်စုပါ။

အဲ့ဒီ့ စစ်ရာဇ၀တ်ကောင်လူတစ်စုကို အပြစ်ပေးဖို့ အချိန်အကြာကြီး စောင့်စရာမလိုတော့ဘူးလို့ မျှော်လင့်ပါတယ်။

🔥🔥🔥

မရွှေမိုး-ကိုရီးယား
April 5th, 2024.

စစ်လက်နက်ပစ္စည်းစက်ရုံကို မီးပေးနေတဲ့ ဓါတ်အားစက်ရုံနဲ့ကင်းပုန်းတွေ တိုက်ခိုက်ခံရ (ရုပ်/သံ)

ပေါက်၊ ဧပြီ ၄၊ ၂၀၂၄။

မကွေးတိုင်း၊ ပေါက်မြို့နယ်၊ ကပစ ၂၄ စစ်လက်နက်ပစ္စည်းစက်ရုံကို လျှပ်စစ်ဓါတ်အားဖြန့်ဖြူးနေတဲ့ ချောင်းကူးပင်မဓါတ်အားခွဲ လျှပ်စစ်စက်ရုံနဲ့ ကင်းပုန်းဝပ်နေတဲ့ စစ်သားတွေကို တိုက်ခိုက်ခဲ့တယ်လို့ Joker ပြောက်ကျားတပ်ဖွဲ့ ခေါင်းဆောင် ဗိုလ်ဘလိတ်က ပြောပါတယ်။

စစ်လက်နက်ပစ္စည်းစက်ရုံကို လျှပ်စစ်ဓါတ်အားဖြတ်တောက်ဖို့ ရည်ရွယ်ချက်နဲ့ ဧပြီ ၃ ရက် ညနေ ၅ နာရီကနေ ညနက်အထိ ချောင်းကူးပင်မဓါတ်အားခွဲ လျှပ်စစ်စက်ရုံနဲ့ ကင်းပုန်းဝပ်နေတဲ့ စစ်သားတွေကို ဒရုန်း ၄ စီးနဲ့ 3 kg ၆ လုံး၊ 1.8 kg ၂ လုံး ၊ 800 g ၆ လုံး ၊ 500 g ၂၄ လုံး ကြဲချပြီး Rocket ကျည်ဖူး ၁၅ ဖူးနဲ့ပစ်ခဲ့တာ ဖြစ်တယ်လို့ ဆိုပါတယ်။

တိုက်ခိုက်ခံရပြီးနောက်မှာ ကင်းပုန်းဝပ်နေတဲ့ စစ်ကောင်စီတပ်သားတွေက လက်နက်ကြီးနဲ့ ပစ်ခတ်တာကြောင့် ချောင်းကူးရွာဝန်းကျင်က အမျိုးသမီး ၁ ဦး သေဆုံးပြီး ကလေးငယ် ၂ ဦး ထိခိုက်ဒဏ်ရာရကာ နွား ၂ ကောင်သေခဲ့တယ်လို့ သိရပါတယ်။

သေဆုံးသူတွေရဲ့ အချက်အလက်အသေးစိတ်ကိုတော့ ဆက်လက်စုံစမ်းနေဆဲသာဖြစ်ပြီး လက်ရှိမှာ မသိရသေးဘူးလို့ ဗိုလ်ဘလိတ်ကဆိုပါတယ်။

ဒီတိုက်ခိုက်မှုကို Joker ပြောက်ကျားတပ်ဖွဲ့ ၊ မြိုင်ပကဖနဲ့ ပေါက်ပကဖတို့က ပူးပေါင်းလုပ်ဆောင်ခဲ့တာ ဖြစ်ပါတယ်။

သတင်း - ဒိန်းဂျား၊ စာတည်း - နွေဦးငြိမ်းချမ်း၊ တည်းဖြတ် - HP

#မြေလတ်အသံ
#မကွေး #ပေါက် #ကပစ၂၄ #ကင်ပုန်းဝပ် #ဒရုန်းဗုံးကြဲ #စစ်ပွဲ

https://youtu.be/BCdVDIUCVkw

“နားဖော့မှာ စကစခွင့်ပြုပြီး စိုက်ထားတဲ့ ဘိန်းခင်းကို KIA ဖျက်ဆီးလိုက်ပါတယ်”ဟုလည်း ကချင်ဘာသာဖြင့် ရေးသားဖော်ပြခဲ့သည်။

အခြားသတင်းရင်းမြစ်တစ်ဦးကလည်း "ဘိန်းခင်းတွေကို KIAက ရှင်းလင်းနေတာပါ။ စကစ တပ်နဲ့ တရုတ်လောပန်းတွေ ပေါင်းစိုက်ထားတာ။ နယ်စပ်နားမှာ ဟုတ်တယ်။ စကစတပ်ကိုတော့ သိမ်းထားလိုက်ပြီ။ အခု ဘိန်းခင်းတွေကို ရှင်းနေတာ"ဟု ပြောသည်။

ဗျူဟာမှူးထိုင်သည့် နားဖော့ တပ်စခန်းကို KIAက မတ်လ ၂၁ရက်တွင် တိုက်ခိုက်သိမ်းပိုက်ခဲ့သည်။ နားဖော့တပ်စခန်း အပါအဝင် အဆိုပါ ဒေသတွင်းရှိ တပ်စခန်းများကို မတ်လ ၂၀ရက်နှင့် ၂၁ရက်တို့တွင် တိုက်ခိုက်သိမ်းပိုက်ခဲ့ခြင်းဖြစ်သည်။

(နားဖော့ စစ်ကောင်တပ်စခန်းအနီး ဘိန်းခင်းအား မြင်တွေ့ရစဥ်။ ဓာတ်ပုံ - Gunmaw Sumlut/FB)
#LNO
#HlaingInfo

လက်ရှိမှာ ပတ်ဝန်းကျင်အနှံ့ကူးစက်ပျံ့နှံ့တဲ့အန္တရာယ်မရှိသေးဘဲ မွေးမြူရေးလုပ်သားဟာ ပိုးရှိတဲ့ နွားနဲ့ တိုက်ရိုက်ထိတွေ့ ရက ကူးစက်ခံရတာဖြစ်ပေမယ့် လူရဲ့ ခုခံအားစနစ်မှာ ကြက်ငှက်တုပ်ကွေးဗိုင်းရပ်စ်ကို ခုခံနိုင်စွမ်းမရှိလို့ သေဆုံး နှုန်းအလွန်များပြားခြင်းက အထူးသတိထားရမယ့် အရေးဖြစ်ပါတယ်။

တစ်ကမ္ဘာလုံး လူသားတွေကို ကူးစက်ပျံ့နှံ့ သွားရင် သေဆုံးနှုန်းက ကိုဗစ်ထက် အဆ ၁၀၀ ပိုးဆိုးနိုင်ကြောင်း ပစ်ဘတ်စ်ငှက်တုပ်ကွေး စူးစမ်းလေ့လာသူ ဆာရက်ရှ်ကူချီပူဒီက New York Post မှာ သတိပေးပြောကြားသွားပါတယ်။

ကိုဗစ်-၁၉ ဗိုင်းရပ်စ်ဟာ ဖြစ်စမှာ သေဆုံးနှုန်း၂၀ ရာခိုင်နှုန်းအထိ မြင့်မားခဲ့ပေမယ့် နောက်ပိုင်း ကူးစက်သူရဲ့ ၀ . ၁ ရာခိုင်နှုန်းသာ သေဆုံးနှုန်းရှိခဲ့ပါတယ်။

ဒါပေမဲ့ ၂၀၀၃ ခုနှစ်က ကမ္ဘာ့ကျန်းမာရေးအဖွဲ့ကြီးရဲ့ ထုတ်ပြန်ချက်မှာ ကြက်ငှက်တုပ်ကွေးကူးစက်ခံရသူထဲမှာ သေဆုံးနှုန်းက ၅၂ ရာခိုင်နှုန်းအထိ ရှိခဲ့တယ်လို့ ဖော်ပြခဲ့တဲ့အတွက် ပိုမိုပျံ့နှံ့နိုင်သလို သေဆုံးနှုန်းလည်း ပိုမြင့်တက်လာနိုင်တဲ့ ကြက်ငှက်တုပ်ကွေး မျိုးစိတ်သစ် A (H5N1) ကနေ တစ်ဆင့်ထပ်ပြီး မျိုးခွဲသစ်တွေအဖြစ် ခွဲထွက်လာမယ့် ဗိုင်းရပ်စ်တွေသာ ကမ္ဘာအနှံ့ပျံ့နှံ့သွားရင် အဆိုးရွားဆုံး ရောဂါကပ်ဘေးဆိုက်နိုင်တယ်လို့ ဆာရက်ရှ်ကူချီပူဒီက သတိပေးထုတ်ပြန်သွားပါတယ်။ အမေရိကန်သမ္မတ ဂျိုးဘိုင်ဒန်ကလည်း လက်ရှိမှာ ကြက်ငှက်တုပ်ကွေး ကာကွယ်ဆေးထုတ်နိုင်ဖို့ စမ်းသပ်မှု အဆင့်တစ်ခုရှိတဲ့ အဖွဲ့ ၂ ဖွဲ့ကို ကာကွယ်ဆေးထုတ်လုပ်နိုင်ဖို့ အမိန့်ပေးစေခိုင်းထားကြောင်း Washington Post မှာ ဖော်ပြခဲ့ပါတယ်။

Ref:New York Post
#MKN
#HlaingInfo

၂၀၂၄ ဧပြီ ၀၆ စစ်ရေးသုံးသပ်ချက်

ကရင် 💪💪💪

နာမည်ကြီး မြ၀တီ ခလရ ၂၇၅ ဘက်မှာတော့ ပစ် ခတ်သံတွေနဲ့ တစ်မနက်လုံးညံနေပါပြီ။ပိုင်မှတွယ်တတ်တဲ့ မြွေဟောက်တွေဆိုတော့ အဆုံးသတ် မြန်ပါစေကြောင်း ဆုတောင်းကြရအောင်ပါ။ခလရ ၂၇၅ ကို တိုက်နေတာ မဟုတ်သေးဘဲ ၂၇၅ ထဲကနေ လက် နက်ကြီး ပစ်ကူပေးနေခြင်းဖြစ်ပါတယ်။မြ၀တီ လက် ခတ်တောင်ဘက်နဲ့ တောင်ကလေး ဘုန်းကြီးကျောင်းဘက်မှာ စကစ ရဲ့ လင်ပျံတွေ မပြတ်ဝဲနေပါတယ်။မြ၀တီအနေအထားနဲ့ ပတ်သက်ရင် မပူပါနဲ့။နောက် ကျခဲ့ရင်တောင် မြေပြင်အနေအထားအမှန်ကို ပြောပြပေးပါ့မယ်။ကော့ကရိတ် ခလရ ၉၇ ကိုလည်း ပိတ် ဆို့ထားရာကနေ ထိုးစစ်အသွင်ကူးပြောင်းနိုင်တော့မလားလို့ ဆိုရမှာဖြစ်ပါတယ်။

ကျိုက်ထီးရိုးဘုရားမှာ တပ်စွဲထားတဲ့ စကစ ညွန့်ပေါင်းတပ်တွေဟာ အမြောက်တင်ယာဉ် ၈ စီးနဲ့အတူ မနေ့က နေ့လည် တစ်နာရီက ဆုတ်ခွာသွားပြီ ဖြစ်ပါတယ်။၎င်းထုတ်နှုတ်စစ်ကြောင်းဟာ ဖာပွန်ကို စစ် ကူစစ်ကြောင်းအဖြစ် ချီတက်မှာပါ။သင်္ကန်းညီနောင်မှာ လင်ပျံ နေ့တိုင်း တိုက်ခိုက်မှုကြောင့် ကွင်းကလေးဆိုတဲ့ ရွာပျောက်သလိုဖြစ်သွားပါတယ်။လင်ပျံ အ မျိုးအစားစုံ ပုစင်းမျိုးစုံနဲ့ မပြတ်တိုက်ခိုက်နေလို့ ဖထီးတို့ ထင်သလောက် ခရီးမပေါက် ဖြစ်နေပါတယ် ။ လေကြောင်းတိုက်ခိုက်မှုတွေ ကြားထဲကနေ သင်္ကန်းညီနောင် အခြေချစစ်ဗျူဟာနဲ့ ခမရ ၃၅၇ တပ်ရင်းကို သိမ်းပိုက်နိုင်ခဲ့ပြီလို့ ကော်ပရာတို့ ဆိုပါတယ်။စစ်ဗျူဟာမှူးတို့ရဲ့ ဟောင်၀စ်ဇာ နှစ်လက်ပါ သိမ်းပိုက်ရရှိတယ်လို့ မြေပြင်သတင်းပေးပို့လာတာရှိပါတယ်။

ကရင်နီ 💪💪💪

ရှမ်းတောင် ပင်လောင်းကနေ မိုးဗြဲ လွိုင်ကော်ဘက်ကို အင်အားဖြည့် ယာဉ်တန်း ၃ စီး ထွက်လာဖို့ရှိနေပါတယ်။ပင်လောင်းကနေ ဖယ်ခုံကြား ကျောက်ပြား ၀ယ်(ကင်းပုန်း၀ပ်) တဲ့ အဖွဲ့ တွေ ရှိနေပါတယ် ။ မိုးဗြဲ ခမရ ၄၂၂ ကိုတော့ ဂျိုဝါးနီတို့ တပ်ရင်း၀င်ဗျင်းနေကြောင်းပါ ခင်ဗျာ။ပြည်သူ့ကူညီမှုကြောင့် ရထားတဲ့ RPG နဲ့ ကွင်းဖွင့်နေကြောင်းပါ။

အညာ 💪💪💪

ညနေ နေညိုရင် ရွှေဘိုကို သတိရကြတယ်မို့လား။အခုတော့ နေမညိုခင် မနက်အစောတည်းက ရွှေဘိုမြို့ပေါက်မှာ တိုက်ပွဲပြင်းထန်လျက်ရှိပါတယ်။နောက်ဆက်တွဲ သိရတာနဲ့ ပြောပါ့မယ်။

မြေလတ် 💪💪💪

ယောသားတွေ အိမ်ကွင်း၊အဝေးကွင်း လက်စွမ်းထက်နေပါတယ်။ထီးလင်းကနေ ထွက်လာတဲ့ အင် အား ၇၀ ပါ စစ်ကြောင်းကို ထလင်းရွာထဲမှာ မိုင်းကွင်းခင်းတိုက်ခိုက်တာ တပ်စိတ်တစ်စိတ်လုံး ကျွံ၀င်လာတဲ့ အတွက် မွင်းနား ၄ ပွဲ ရလိုက်ပါတယ်။ဂန့်ဂေါသားများ လက်ရာဖြစ်ပါတယ်။ဟောဗျ ... ပခုက္ကူက ယာဉ်တန်း အစီး ၁၀၀ မရောက်သေးဘူးဗျ။ဆန့်ငင် ဆန့်ငင် သွားနေရတော့ စိတ်သိပ်ရှည်တော့တာ မှုတ်ဖူး။၇ စီးအလှူပေးလိုက်ပါပြီတဲ့။ရည်မှန်းချက်ရောက်ရင် တင်လာတဲ့ ရိက္ခာလည်း ကုန်နေလောက်ပါပြီ။ကမ္မမြို့နား ရောက်အလာမှာ သိမ်းယူဖျက်စီးနိုင်ခဲ့တာ ဖြစ်တယ်လို့ ပူးပေါင်းအဖွဲ့တွေက ပြောတာတွေ့ရပါတယ်။

နေပူတော် 💪💪💪

အေလာ လေတပ်ကတော့ Ambulance ကား ၁၅ စီး နဲ့ ကုတင် ၁၀၀၀ ကို ပျာယာခတ်ပြီး ထွက်သွားရတယ်ဆိုတော့ ကျေနပ်ကြပါကုန်လော့။

ရှမ်းတောင် 💪💪💪

စကစရဲ့ စစ်ရေးပြင်ဆင်မှုပါ။ရပခ လက်အောက်ခံ ခလရ ၂၈၇ နဲ့ ခလရ ၂၉၂ ရွှေညောင်မှာ ယာဉ်တင် အသင့်စုဖွဲ့ထားပါတယ်။ညောင်ရွှေမှာ တိုက်ပွဲသံ သဲ့ သဲ့ ကြားရပါပြီ။မအလဟာ သူတိုင်းမှူးလုပ်ခဲ့တဲ့ တသခ တာချီလိတ်ကို ကောင်းကောင်းကြီး စည်းရုံးထားနိုင်တာကိုတော့ အံ့ဩရပါလိမ့်မယ်။

ရှမ်းမြောက် 💪💪💪

ဗထူးတပ်နယ်မှာ စုဖွဲ့ထားတဲ့ ထုတ်နှုတ်စစ်ကြောင်းတွေနောင်ချိုအထိ တောတိုးချီတက်မှာဖြစ်ပါတယ်။ဒီည အခြေပြု မှာက တောင်ခမ်းဖြစ်တယ်လို့ သိရပါတယ်။

ကချင် 💪💪💪

မံစီမြို့ ဟန်ထက် စခန်းကတော့ ကျွန်တော့် စာရင်းထဲ မှာ သိမ်းပိုက်ပြီးဖြစ်လို့ ထပ်မဖော်ပြတော့ပါ ခင်ဗျာ။ ဟန်ထက် စခန်းကုန်းအကြောင်း ဧပြီ ၄ ရက်နေ့ကပို့စ်မှာ ဖော်ပြခဲ့ပြီးဖြစ်လို့ ထပ်မပြောတော့ဘူးနော့။ကီယာ ခေါင်းပေါင်းရဲ့ နားဖော့စခန်းမှာ အိမ်နောက်ဖေးဈေးဆိုင်တည်ဆိုပြီး ဖော်ထုတ်ပေးမှုကြောင့် မအလ ပျာယာခတ်သွားပုံရပါတယ်။ကျွန်တော် နားဖော့စ ခန်းမှာ နေခဲ့ဖူးပါတယ်။တကယ် မှန်ပါတယ် ။( အခုမှ ဖော်ကောင်လုပ်တာ မဟုတ်ပါ။နားဖော့ ဂွင်၀င်ဖူးတဲ့ စစ်သား (ခြေလျင်စစ်သား) တိုင်းသိပါတယ်။အခု CDM စစ်ဗိုလ် (ခြေလျင်စစ်ဗိုလ်) တွေ ရှိပါတယ်။သူတို့လည်းပြောပါလိမ့်မယ် ) အဲဒီတော့ ဘာဖြစ်လဲ ဆိုတော့ စကခ၂၁ စကခမှူး မှူးချုပ် ကျော်ဇင်အေး ပြုတ်ပါတယ် ။တပ်မ ၈၈ က နည်းဗျူဟာ ၁ ဟန်းကောမှူး မှူးကြီး သက်ခိုင် ပြုတ်ပါတယ်။

နဗဟ ၁ မှူး ဆိုတော့ မတ်စိကိုက်သွားတဲ့ တပ်မ ၈၈ မှူး နေရာ လူအသစ်ထပ်မရောက်သေးရင် ခေတ္တတပ် မမှူး လုပ်နေရတဲ့ သဘောပါ။တနိုင်း ဒကစမှူး မှူးချုပ် မြတ်မင်းမိုးလည်း ပြုတ်ပါတယ်။တစ်လနီးပါး ခံစစ်ဆင်ပေးနေတဲ့ ပူတာအို ‌ဗျူဟာမှူး မှူးကြီး မင်းသီဟကတော့ ရာထူးတိုးသွားပါတယ်။စကခ ၁၃ ဘုတ်ပြင်းကို စကခမှူး အဆင့်တိုးနဲ့ ပြောင်းရပါတယ်။

🌤️ ရက်သတ္တပတ် မိုးလေဝသခန့်မှန်းချက်
(၈.၄.၂၀၂၄ မှ ၁၄.၄.၂၀၂၄ အထိ)

အလေးပေးတင်ပြချက်များ
••••••••••••••••••••••••
◾ယခုတစ်ပတ်အတွင်းထူးခြားချက်မှာ လာမည့်ရက်သတ္တပတ်အတွင်း ရာသီအကူးအပြောင်းကာလတွင် မြောက်ပိုင်းစွန်းနှင့် တောင်ပိုင်းစွန်းဒေသများ၌ မွန်းလွဲနှင့်ညနေပိုင်းများတွင် မိုးတိမ်တောင်ငယ်များ စတင်ဖြစ်ပွားပြီး အချိန်အခါမဟုတ် မိုးထစ်ချုန်း ရွာနိုင်ခြေရှိနိုင်ပါကြောင်း သတိပြုစေလိုပါသည်။

◾ယခုတစ်ပတ်တွင် လေပွေလှိုင်းများနှင့် လေဖိအားနည်းရပ်ဝန်းများ ဖြစ်နိုင်ခြေအလွန်နည်းပါသည်။ အခြားတဖက်တွင်လည်း မြန်မာနိုင်ငံတောင်ပိုင်းနှင့် အလယ်ပိုင်းဒေသများတွင် ကုန်ဆုံးခါနီး အယ်နီညို၏သက်ရောက်မှုကြောင့် နေ့အပူချိန်များ (၄၀-၄၁-၄၂) ဒီဂရီစင်တီဂရိတ် အထိမြင့်တက်လာစေနိုင်ပြီး အပူဒဏ်ခံရသကဲ့သို့ တောင်ဘက်မှ ရေငွေ့ပါသောလေများသည် မြန်မာနိုင်ငံပေါ်သို့ တိုးဝင်လာနိုင်သဖြင့် မိုးတိမ်တောင်များ ဖြစ်ထွန်းပြီး တောင်ပိုင်းနှင့် မြောက်ပိုင်းဒေသများတွင် အချိန်အခါမဟုတ် မိုးထစ်ချုန်းရွာ စေနိုင်သည်ကိုလည်း သတိပြုစေလိုပြီး ထိုအခြေအနေများက အပူဒဏ်ကို ပြန်လည်သက်သာစေနိုင်ပါသည်။

◾ဧပြီလနောက်ဆုံးရက်သတ္တပတ်အတွင်း မုန်တိုင်းငယ်များဖြစ်ပေါ်လာနိုင်ခြေရှိပါသည်။

🗓️ နေ့အလိုက်တပတ်စာ မိုးလေဝသ အခြေအနေသတင်းအပြည့်အစုံကို ဆက်လက်ဖတ်ရှု့နိုင်ပါသည်။

🌨️📌🌥️📌☁️📌🌩️📌⛈️📌🌤️
#မိုးလေဝသသတင်း
#WeatherForecast
#MOHADM

မဲဆောက်လေဆိပ်ဖြစ်စဉ် ထိုင်းအစိုးရကို ဖိထာ မေးခွန်းထုတ်

ဧရာဝတီ၊ ဧပြီ ၈၊ ၂၀၂၄

ထိုင်းနိုင်ငံ၊ တာ့ခ်ခရိုင် မဲဆောက်လေဆိပ်၌ မြန်မာအမျိုးသား လေ ကြောင်းလိုင်း (MNA) လေယာဉ် ဆင်းသက်မှုနှင့် ပတ်သက်၍ ထိုင်းအစိုး ရအနေဖြင့် ပြည်သူများအား ပွင့်လင်းမြင်သာစွာရှင်းလင်းသင့်ကြောင်း Move Forward ပါတီခေါင်းဆောင်၏ အကြံပေး ဖိထာ လင်ဂျာရွန်ရတ်က ပြောဆိုလိုက်သည်။

၎င်းက "ပြည်သူတွေအနေနဲ့ အစိုးရနဲ့ စစ်တပ်ဆီက အဖြေကိုစောင့်နေကြတယ်။ မဲဆောက်လေဆိပ်မှာ ဘာဖြစ်ခဲ့ကြတာလဲ၊ ပစ္စည်းတွေ၊ လက်နက်တွေ သယ်ယူတာမျိုးဆိုရင် မြန်မာစစ်ကောင်စီကို ကူညီပေးတာလို့ အဓိပ္ပာယ်ဖွင့်ဆိုနိုင်ပါတယ်။ ဒါကြောင့် ထိုင်းအစိုးရအနေနဲ့ ပွင့်လင်းမြင်သာမှုရှိရှိ အသေးစိတ်ရှင်းလင်းပေးရပါမယ်" ဟု သူ၏ လူမှုကွန်ရက်စာမျက်နှာမှတဆင့် ပြောဆိုသည်။

ထို့ပြင် လူသားချင်းစာနာထောက်ထားမှု အကူအညီဟုတ်မဟုတ်ဆိုသည်ကိုလည်း အသေးစိတ် ဆန်းစစ်ရန်လိုကြောင်း၊ ကူညီပေးမည်ဆိုလျှင် ဘက်မရွေးဘဲ ကူညီပေးသင့်ကြောင်းလည်း ဖိထာက ပြောဆိုသည်။

မဲဆောက်မြို့မှ ရန်ကုန်မြို့သို့ ဧပြီ ၇ ရက်မှ ၉ ရက်နေ့အထိ အရေးပေါ် လေယာဉ်ခရီးစဉ် ပျံသန်းခွင့်ပြုရန် စစ်ကောင်စီက ထိုင်းအစိုးရထံ မေတ္တာရပ်ခံထားကာ ယမန်နေ့ညပိုင်းတွင် MNA လေယာဉ် ၁စီး မဲဆောက်လေဆိပ်၌ ဆိုက်ကပ်ခဲ့ပြီး မြဝတီရှိ ဝန်ထမ်းများ၊ ပစ္စည်းများကို သယ်ဆောင်သွားကြောင်း ထိုင်းသတင်းဌာနများက ဖော်ပြထားကြသည်။

ဓာတ်ပုံ -khaosod

Breaking news—

မော်လမြိုင်မှာ ဒီနေ့ ညနေ ၅ နာရီ ၁၀ မိနစ်မှာ စစ်ကောင်စီ ဒုခေါင်းဆောင် စိုးဝင်း အစည်းအဝေးလုပ်နေတုန်း ရှာထူးဝေါ်နည်းပညာတပ်ဖွဲ့ က Fixed Wing Drone နဲ့ကြိတ်— စိုးဝင်း နဲ့ ရတခ တိုင်းမှူးတို့ အစည်းအဝေးကနေ ချက်ခြင်းထွက်ပြေး။
ဧပြီ ၈ ၊ ၂၀၂၄

#PVTVNews

မော်လမြိုင်မြို့ရှိ ရတခ ဌာနချုပ်အတွင်း အသေခံဒရုန်း ၅ စီးဖြင့် ဗုံးကျဲတိုက်ခိုက်မှု အကြမ်းဖက်စစ်ကောင်စီ၏ ဒုတိယစစ်ခေါင်းဆောင် စိုးဝင်း၊ ဒုတိယဗိုလ်ချုပ်ကြီး ညွန့်ဝင်းဆွေတို့ ဒဏ်ရာရနိုင်သူများထဲတွင် ပါဝင်နိုင်ပြီး အရာရှိကြီးပိုင်းမှ ၃ ဦး သေဆုံး

ရန်ကုန်၊ ဧပြီ ၉

မော်လမြိုင်မြို့ရှိ ရတခ ဌာနချုပ်အတွင်း အသေခံဒရုန်း ၅ စီးဖြင့် ဗုံးကျဲတိုက်ခိုက်မှု အကြမ်းဖက် စစ်ကောင်စီ၏ ဒုတိယစစ်ခေါင်းဆောင် စိုးဝင်း၊ ဒုတိယဗိုလ်ချုပ်ကြီး ညွန့်ဝင်းဆွေတို့ ဒဏ်ရာရရှိသူအများအပြားထဲတွင် ပါဝင်နိုင်ကာ အရာရှိကြီးပိုင်းမှ ၃ ဦးသေဆုံးပြီး ၃၀ ကျော်ထိခိုက်ဒဏ်ရာ ရရှိ ထား ကြောင်း Alpha Bats Drone Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြား သည်။

ယနေ့ ဧပြီလ ၉ ရက် မွန်းလွဲ ၁ နာရီ မိနစ် ၃၀ အချိန်ခန့်က မော်လမြိုင်မြို့၊ အရှေ့တောင်တိုင်း စစ် ဌာနချုပ် - ရတခ တိုင်းရုံးအတွင်း အကြမ်းဖက်စစ်တပ် ဒုတိယခေါင်းဆောင် စိုးဝင်းဦးဆောင်ပြီး စစ် ဆင်ရေးအစည်းအဝေးပြုလုပ်နေသည့် အားကစားခန်းမကို ကာမီကာဇေ Fixed Wing Drone ၃ စီး ဖြင့်လည်းကောင်း၊ ရဟတ်ယာဉ် ၂ စီး ရပ်ထားသည့်နေရာကို ကာမီကာဇေ Fixed Wing Drone ၂ စီး ဖြင့်လည်းကောင်း ကျဲချတိုက်ခိုက်ခဲ့ခြင်း ဖြစ်ကြောင်း သိရသည်။

ထိုသို့ ဗုံးကျဲတိုက်ခိုက်မှုကြောင့် အစည်းအဝေးခန်းမအတွင်းရှိ ဒုတိယဗိုလ်ချုပ်မှူးကြီးစိုးဝင်း၊ ဒုတိယ ဗိုလ်ချုပ်ကြီးညွန့်ဝင်းဆွေ၊ စစ်ဦးစီး ပထမတန်းနှင့်အထက် စစ်ဗိုလ်ချုပ် ၄ ဦး အပါအဝင် အရာရှိ အရာခံ အကြပ် တပ်သား ၃၀ ကျော် ထိခိုက်ဒဏ်ရာရရှိခဲ့ကြောင်း သိရသည်။

“ဒီနေ့ တိုက်ခိုက်မှုမှာ ဒဏ်ရာရစာရင်းထဲ ဒုဗိုလ်ချုပ်မှူးကြီးစိုးဝင်းနဲ့ ဒုဗိုလ်ချုပ်ကြီးညွန့်ဝင်းဆွေတို့ ပါဝင်နိုင်တယ်၊ စိုးဝင်းကားနဲ့ အနောက်က လူနာတင်ယာဉ်တစ်စီး ပညာရေး တပ်နားက ကုတင် ၃၀၀ ရောက်နေတယ်။ ကွန်မန်ဒိုတွေလဲ ဆေးရုံမှာ အစောင့်ချထားတယ်။ ဒုချုပ်စိုးဝင်းရယ် ကစထ မှူး ညွန့်ဝင်းဆွေရယ် သူတို့ ၂ ဦးကို နေပြည်တော်က အဆက်အသွယ်ပြတ်တောက်နေလို့ ဗြောင်းဆန်နေ တယ်လို့ကြားတယ်” ဟု ” Alpha Bats Drone Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြား သည်။

ယင်းတိုက်ခိုက်မှုအတွင်း အကြမ်းဖက်စစ်ကောင်စီ၏ ဒုတိယခေါင်းဆောင် ဒုတိယဗိုလ်ချုပ်မှူးကြီး စိုးဝင်း၊ ဒုတိယ ဗိုလ်ချုပ်ကြီး ညွန့်ဝင်းဆွေအပါအဝင် ဗိုလ်ချုပ်တစ်ဦး၊ ဗိုလ်မှူးချုပ်တစ်ဦးအပါအဝင် အရာရှိကြီးပိုင်းမှ ၆ ဦးအပြင်းအထန်ဒဏ်ရာရရှိပြီး ယနေ့ ညပိုင်းတွင် ၃ ဦးသေဆုံးသွားကြောင်း ၊ သေဆုံးသူမည်သူမည်ဝါဖြစ်သည်ကို မသိရသေးကြောင်း သိရသည်။

အဆိုပါ တိုက်ခိုက်မှုကို ရှာထူးဝေါ်နည်းပညာတပ်ဖွဲ့၏ Alpha Bats တပ်ခွဲက တိုက်ခိုက်ခဲ့ခြင်း ဖြစ်ပြီး ရဟတ်ယာဥ်ကွင်း၌ ရပ်ထားသည့် ရဟတ်ယာဉ်၂ စီးအနက် တစ်စီး ပျက်စီးနိုင်ကြောင်း သိရသည်။

ယနေ့ တိုက်ခိုက်မှုသည် ဒုချုပ်စိုးဝင်း အနေဖြင့် ရတခ တွင် ရောက်ရှိနေပြီး မြဝတီ၊ သင်္ဃန်းညီနောင်၊ ကော့ကရိတ် စစ်ဆင်ရေးများကို အနီးကပ်ကွပ်ကဲနေကြောင်း သိရသဖြင့် ရသမျှနည်းလမ်းများ အသုံးပြုတိုက်ခိုက်နေခြင်းဖြစ်ကြောင်း Alpha Bats Drone Force က ရန်ကုန်ခေတ်သစ် သတင်း ဌာနထံသို့ ပြောဆိုသည်။

ရက္ခိုင့်တပ်တော် AA က ပလက်ဝ၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ ပေါက်တော၊ မြေပုံ၊ ရမ်းဗြဲ၊ ရသေ့တောင်၊ တောင်ပြိုစသော မြို့များကို သိမ်းပိုက်ထားပြီး ကျန်ရှိနေသည့်မြို့များကို တစိတ်ဒေသ သိမ်းပိုက်ထားသည်။

ပြီးခဲ့သည့် အောက်တိုဘာလ ၂၇ ရက်နေ့က စတင်လိုက်တဲ့ ၁၀၂၇ စစ်ဆင်ရေးကို ရက္ခိုင့်တပ်တော် AA ပါဝင်သည့် မြောက်ပိုင်း ညီနောင်မဟာမိတ် သုံးဖွဲ့က ရှမ်းပြည်နယ်မြောက်ပိုင်းမှာ စတင်ခဲ့ပြီး ရခိုင်ပြည်ကို နိုဝင်ဘာ ၁၃ ရက်နေ့တွင် AA က စတင်ခဲ့သည်။

ယင်းနောက်ပိုင်းတွင် ရက္ခိုင့်တပ်တော် AA က ရခိုင်ရှိ မြို့များကို တမြို့ပြီး တစ်မြို့ သိမ်းပိုက်လာခဲ့ပြီးနောက် အခြားမြို့များကို သိမ်းပိုက် ရရှိနိုင်ရေး ထိုးစစ်ဆင်း တိုက်ခိုက်နေကာ နှစ်ဖက် တိုက်ပွဲများလည်း လက်ရှိတွင် ပြင်းထန်နေသည်။

သို့သော်လည်း တစ်ခြားတစ်ဖက်တွင် ရက္ခိုင့်တပ်တော် AA က သိမ်းပိုက်ထားသည့် မြို့များကို  စစ်ကောင်စီက လေကြောင်း တိုက်ခိုက်မှုအပါအဝင် လက်နက်ကြီးများဖြင့် ပစ်ခတ်မှုကြောင့် အရပ်သားများမှာ နေ့စဉ်ရက်ဆက် သေဆုံးမှုများ ရှိနေသည်။

စစ်ကောင်စီနှင့် ရက္ခိုင့်တပ်တော် AA တိုက်ပွဲများ ပြင်းထန်လာလျှင်  ပြည်သူများကို အထိခိုက် နည်းစေချင်သည့် ဆန္ဒကြောင့် ယင်းကဲ့သို့ ပြောကြားခြင်းဖြစ်ကြောင်း ရခိုင့်နိုင်ငံရေး သုံးသပ်သူတစ်ဦးက Western News ကို ပြောဆိုသည်။

"ဗိုလ်ချုပ်ပြောလိုတဲ့ အဓိက အချက်ကတော့ ပြည်သူတွေကို အထိအခိုက် မရှိစေချင်ဘူး။ စစ်ကောင်စီတပ်ကတော့ သူတို့မှာ ဘယ်သူသေသေ သိပ်ဂရုစိုက်တာမဟုတ်ဘူးလေ။ အဲ့ဒါကြောင့် AA တပ်မှူးချုပ်က အရင်စလို ပြည်သူတွေကို ရှောင်ခိုင်းတဲ့သဘောပါပဲ။ ကိုယ့်ပြည်သူတွေကို အထိအခိုက်နည်းစေချင်တယ်။ အပျက်အစီးနည်းစေချင်တယ်။ ဒါပါပဲ"ဟုပြောသည်။

#WN
#HlaingInfo

၁၀၂၇ စစ်ဆင်ရေးကာလမှာ တအာဝ်းအမျိုးလွတ်မြောက်ရေးတပ်-TNLA တပ်က တပ်မ ၁၀၁ တပ်တွေ နဲ့ နယ်မြေခံတပ်တွေကို ထိုးစစ်ဆင်တိုက်ခိုက်ပြီးနောက် တအာဝ်းဒေသမြို့နယ် ၇ ခုကို သိမ်းပိုက်နိုင်ခဲ့သလို တပ်မ ၁၀၁ တပ်မမှူး ဗိုလ်မှူးချုပ် မင်းမင်းထွန်း ကို အရှင်ဖမ်းဆီးနိုင်ခဲ့တာကြောင့် လက်ကျန်တပ်မ ၁၀၁ နဲ့ လက်အောက်ခံတပ်တွေဟာ ဘေးလွတ်ရာမြို့နယ်တပ်စခန်းတွေကို ထွက်ပြေးခဲ့ကြတာပါ။

အလင်းဝင်စစ်ကောင်စီတပ်သားဟာ လက်နက်တွေနဲ့အတူထွက်ပြေးလာတာဖြစ်ပြီး ၎င်းထံက မောင်းပြန်ရိုင်ဖယ် MA 1 ၁ လက်၊ ၅.၅၆ မမ ကျည် ၁၂၀ တောင့်၊ ကျည်အိမ် ၄ ခု၊ Vest တထည်၊ ကျည်ကာ ၁ ထည် ရရှိခဲ့တယ်လို့ သိရပါတယ်။

လက်ရှိမှာ သူ့ကို လုံခြုံတဲ့နေရာကိုပို့ဆောင်ထားပြီးဖြစ်ကာ အဆိုပါတပ်သားဟာ တပ်ရင်းမှာ ရှိနေစဉ်အတွင်း စစ်ကောင်စီတပ်အရာရှိနဲ့ စစ်သားတွေရဲ့ ညှင်းပန်းနှိပ်စက်မှုကြောင့် စိတ်ပိုင်းဆိုင်ရာဒဏ်ရာ ခံစားနေရတယ်လို့လည်း ဆိုပါတယ်။

“ကျနော်တို့ စောင့်ကြည့်တဲ့အခါ သူ့ကို ပြန်ပို့မှာတွေ၊ သတ်ပစ်မှာတွေ အရမ်းကြောက်စိတ်ဖြစ်တယ်။ ညဆို ကယောင်ကတမ်းနဲ့ တယောက်ထဲ စကားပြောတာတွေ၊ စကားတခွန်းကို ထပ်ခါထပ်ခါ ပြောတာတွေ၊ အလိုလိုစိတ်အားငယ်တာတွေ ကြောက်တာတွေ တွေ့ရတယ်။ သူကသာမာန်လူ တယောက်လိုပဲ နေချင်တယ်၊  လက်နက်တွေလည်း မကိုင်ချင်တော့ဘူးလို့ တောင်းဆိုထားတယ်”လို့ ဗိုလ်ကြီး AKက ပြောပါတယ်။

မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး ABSDF အမှတ် ၂ စစ်ကြောင်းမှာ စစ်ဘက်နဲ့ ရဲဘက်ကနေ CDMပြုလုပ်ပြီး တာဝန်ထမ်းဆောင်နေသူတွေရှိပေမယ့် အလင်းဝင်လာတာကတော့ ပထမဆုံးအကြိမ်ဖြစ်တယ်လို့ သိရပါတယ်။

#MLAT
#HlaingInfo

အဆိုပါ စစ်မှုထမ်းဆောင်ရန် မဲစာရင်းနံပတ်များ ထည့်သွင်းကြိုတင်စီစဥ်ထားကြသူများမှာ မရွေးကုန်းအုပ်စုရှိ စစ်ကောင်စီခန့် အုပ်ချုပ်ရေးမှုး ဦးသိန်းဝင်းနှင့် ၎င်း၏ နောက်လိုက်ဖြစ်သည့် ဦးကိုလင်းနှင့် ဦးခင်လှိုင်တို့ဖြစ်ကြောင်း သိရသည်။

"ဆေးရုံလုပ်အားပေးဆိုပြီးတစ်အိမ်တစ်ယောက်ခေါ်တယ်။ မလိုက်တဲ့အိမ်ကို ပိုက်ဆံတစ်သောင်းလိုက်ကောက်တာတွေလုပ်တယ်။ မဲပေါက်တဲ့ တစ်ယောက်ကတော့မဲပေါက်ရဲ့သားနဲ့ မလိုက်သွားရဘူး။ အုပ်ကြီးကို ပိုက်ဆံပေးလိုက်တာ ကျန်ခဲ့ရတယ်။ သူ့တို့မိသားစုနဲ့ သားသမီးတွေကိုတော့ အသက်မှီရက်သားနဲ့ စစ်မှုထမ်းဖို့ မထည့်ဘူး" ဟု ဒေသခံတစ်ဦးက ပြောသည်။

မရွေးကုန်းအုပ်စုတွင် စစ်မှုထမ်းဆော​င်ရန်း စာရင်းထည့်ပေးနေသည့် စစ်ကောင်စီခန့်အုပ်ချုပ်ရေးမှူး ဦးသိန်းဝင်းနှင့် ၎င်း၏တပည့်မှာ (ဂျင်သမား) (ဖဲသမား)ဖြစ်သည့်အပြင် တရားမဝင်လောင်းကစားများ
အားလုံး လုပ်ဆောင်လျှက်ရှိသည်ဟု စုံစမ်းသိရှိရသည်။

ထို့ပြင် ဧရာဝတီတိုင်းအတွင်း ပုသိမ်ခရိုင်၊ ဟင်္သာတခရိုင်၊ မြောင်းမြခရိုင်၊ မအူပင်ခရိုင်၊ ဖျာပုံခရိုင်၊ လပွတ္တာခရိုင်များတွင် အုပ်ချုပ်ရေးမှူး၊ ရာအိမ်မှူးများ၏ သားသမီးများက်ို စစ်မှုထမ်းဆောင်ရန်ချန်လှပ်ထားပြီး ၎င်းတို့နှင့် အဆင်မပြေသူများကိုသာ အများစု စစ်မှုထမ်းဆောင်ရန် စာရင်းများထည့်ပေးနေခြင်း ဖြစ်သည်။

စစ်ကောင်စီက စစ်မှုထမ်းဥပဒေကို အတည်ပြု ထုတ်ပြန်ပြီးနောက် စစ်မှုမထမ်းလိုသည့် လူငယ်အချို့သည် တော်လှန်ရေးတပ်ဖွဲ့ဝင်များထံ ရောက်ရှိနေကြသလို  ပြည်ပထွက်ရန်အတွက် ပြင်ဆင်လာသူများနှင့် ထွက်ပြေးတိမ်းရှောင်သူ အများအပြားရှိနေကြောင်း သိရသည်။


ဓာတ်ပုံ- မရွေးကုန်းကျေးရွာအုပ်စု စစ်ကောင်စီခန့်အုပ်ချုပ်ရေးမှူး သိန်းဝင်း

#AYAT
#HlaingInfo

"ဘူးလက် အဖမ်းခံရပြီလား"
----------------------------

ဧပြီလ ၁၁ ရက်နေ့ ဒီကနေ့ ည ၉ နာရီခန့် အချိန်က နေပြည်တော် ပုဗ္ဗသီရိမြို့နယ် တပင်ရွှေထီး ရပ်ကွက်ရှိ ဘူးလက် လှဆွေရဲ့ အိမ်ရှေ့မှာ စစ်ကားတွေ ရောက်လာပြီး ဝင်ရောက် မွှေနှောက်နေကြောင်း နေပြည်တော် သတင်းရင်းမြစ်က အတည်ပြု ပြောဆိုပါတယ်။

ဒါ့အပြင် နေပြည်တော် ၆ လုံးတန်းမှာလဲ စစ်ကားတွေ အများအပြားနဲ့ နေရာယူထားပြီး လုံခြုံးရေး ချထားကြောင်း သိရှိရပါတယ်။

နောက်ဆက်တွဲ စုံစမ်းလို့ ရရင် ဆက်လက် တင်ပေးပါမယ် ခင်ဗျာ။

#4C_TruthNews

‼️ကြံ့ဖွတ် မြင့်လှိုင်၊ ဘူးလက်နဲ့ မအောင်မြင်တဲ့ အာဏာသိမ်းရန် ကြံစည်မှု‼️

■ မြင့်လှိုင်ရဲ့ အမှုတွဲမှာ စစ်ရှုံးကောင်စီရဲ့ တယ်လီဂရန် ချန်နယ် ခွတုတ် လော်ဘီတွေပါ ပါဝင်

မင်းအောင်လှိုင် အုပ်စုက ကြံ့ဖွတ် မြင့်လှိုင်ကို ဧပြီလ ၁၀ ရက်နေ့ မနက်ပိုင်းက ဖမ်းဆီးခဲ့ပြီးနောက် နောက်ဆက်တွဲ အနေနဲ့ ဘူးလက် လှဆွေကို ဧပြီလ ၁၁ ရက်နေ့ နေ့ခင်းပိုင်း အချိန်က ဖမ်းဆီးခဲ့ပြီး နေပြည်တော် ပုဗ္ဗသီရိမြို့နယ် တပင်ရွှေထီး ရပ်ကွက်ရှိ ၎င်းရဲ့ နေအိမ်ကိုပါ မနေ့က ညပိုင်းမှာ ချက်ချင်း ချိတ်ပိတ်ခဲ့ပါတယ်။

ကြံ့ဖွတ် မြင့်လှိုင် အဖမ်းခံရတာက ကျားဖြန့်အမှုနဲ့ မသက်ဆိုင်သလို စစ်ရှုံးကောင်စီက ထုတ်ပြန်တဲ့ အဂတိမှုတွေ ဆိုတာကလဲ ရုပ်ပြသက်သက်ပါပဲ။ နောက်ဆက်တွဲတွေ ဖမ်းနိုင်ဖို့အတွက် လက်ဦးမှုရအောင် မင်းအောင်လှိုင် အုပ်စုက လှည့်ကွက်သုံးထားခဲ့တာပါ။

အာဏာသိမ်းဖို့ အစပျိုးခြင်း

၂၀၁၄ ခုနှစ် သိန်းစိန် အစိုးရ လက်ထက်မှာ နောက်ဆုံး ပြင်ဆင်လိုက်တဲ့ တပ်မတော် ဥပဒေတွေအရ တပ်ချုပ်ရာထူးကို သမ္မတကလဲ ခန့်ခွင့် ဖြုတ်ခွင့် မရှိတော့သလို လက်ရှိကာချုပ်ကပဲ ရာထူး စွန့်လွှတ်ပြီး နောက်တစ်ယောက်ကို ခန့်ထားပေးမှသာ တပ်ချုပ် အပြောင်းအလဲ ဖြစ်နိုင်မှာပါ။

ဒါကို အခွင့်ကောင်းယူကာ မင်းအောင်လှိုင်က အာဏာသိမ်းခဲ့ပြီး ထင်ရာစိုင်းလာချိန်မှာ စစ်တပ်ထောက်ခံသူ အများစုဟာ မင်းအောင်လှိုင်ကို မကြိုက်တော့သလို တပ်ထောက်ခံတွေ အသတ်ခံရတာ များလာလို့ ကြံ့ဖွတ် အသိုင်းအဝိုင်းကလဲ မကျေနပ်ကြတော့ပါဘူး။

နောက်ဆုံးတော့ မင်းအောင်လှိုင်ကို ဖြုတ်ချပြီး တပ်ချုပ် အပြောင်းအလဲ လုပ်ဖို့ ကြံစည်ကြပါတော့တယ်။

ကြံ့ဖွတ်ရုံးချုပ်

မင်းအောင်လှိုင်ကို ဖြုတ်ချပြီး တပ်ချုပ် အပြောင်းအလဲ လုပ်ဖို့နဲ့ အရပ်သား အစိုးရ (ကြံ့ဖွတ်နဲ့ အလိုတူ အလိုပါ နိုင်ငံရေးပါတီတချို့) ဆီ အာဏာလွှဲပြောင်းပြီး စစ်တပ်က စစ်တန်းလျားကို အပြန်ပြဖို့ အကြံအစည်က ကြံ့ဖွတ်ရုံးချုပ်ကနေ အစပြုခဲ့တာပါ။ အဓိက ကီးပလေယာ အနေနဲ့ မြင့်လှိုင်က ဦးဆောင်ခဲ့ပေမယ့် နောက်ကွယ်ကနေ ကြိုးကိုင်နေတဲ့ လက်မဲပေါင်းများစွာ ကြံ့ဖွတ်ရုံးထဲမှာ ရှိနေပါတယ်။

နောက်တစ်ချက်က တပ်ချုပ်ကို ဖြုတ်ချဖို့အတွက်ဆိုရင် လက်ရှိစစ်တပ်ထဲက ထိပ်ပိုင်း ရာထူးကြီးတွေ မပါလို့ကို မဖြစ်ပါဘူး။ ကြည်း ရေ လေ (၃) ခုလုံးက အရာရှိကြီးတွေပါ ပူးပေါင်းကြံစည်မှုမှာ ပါနေတယ်လို့ သတင်းရင်းမြစ်က ဆိုပါတယ်။ လက်ရှိလဲ ဆွဲစိထားပြီးသားတွေ ရှိသလို နောက်ထပ် စိရမယ့် စစ်ဘက်ဆိုင်ရာ အရာရှိကြီးပေါင်းများစွာ ရှိနေပြီး အနိမ့်ဆုံးက တိုင်းမှူး အဆင့်တွေအထိ ပါနေတယ်လို့ သိရတယ်။

မီဒီယာအားကို အသုံးချခဲ့

မင်းအောင်လှိုင်ကို ထောင်ချောက်ဆင်ဖို့အတွက် စစ်တပ်ရဲ့ လူမဆန်တဲ့ စစ်ရာဇဝတ်မှုတွေကို ရုပ်သံဖိုင်တွေနဲ့တကွ ဖောက်ချရာမှာ အထင်ရှားဆုံးက ဂန့်ဂေါမြို့နယ် မြောက်ခင်ရန်းရွာက PDF နှစ်ယောက်ကို ရက်ရက်စက်စက် မီးရှို့သတ်ခဲ့တဲ့ ဖြစ်စဉ်ပါ။ အခုဆိုရင် ဒီရုပ်သံဖိုင်က CNN သတင်းဌာနကြီးကနေ တဆင့် ကမ္ဘာကို ပြန့်သွားခဲ့ပါပြီ။

တကယ်တော့ မြောက်ခင်ရန်းရွာ ဆိုတာက ဘူးလက်လှဆွေရဲ့ မယားငယ် ဇာတိရွာ။ PDF နှစ်ယောက်ကို မီးရှို့သတ်ဖို့ ညွှန်ကြားခဲ့တာက ဘူးလက်၊ စီစဉ်ခဲ့တာက ကြံ့ဖွတ် ကျော်ဝင်း (လက်ရှိ နေပြည်တော် ကြံ့ဖွတ် ရုံးချုပ်မှာ ခိုအောင်းနေတယ်)။ သူတို့ လုပ်ခဲ့တဲ့ အမှုကို ခေတ်သစ်ဆီ ဘယ်လိုနည်းနဲ့ သူတို့ ပို့ခဲ့တာလဲ၊ ဘာ့ကြောင့် ပို့ခဲ့တာလဲ လော်ဘီ ကျော်စွာ အကုန်သိတယ်။

တစ်လ ၃ သိန်း စပွန်ဆာ

မြင့်လှိုင်ရဲ့ အစီအစဉ်ထဲမှာ စစ်တပ်ရဲ့ လက်ရှိ ယုတ်ကန်းမှုတွေကို မင်းအောင်လှိုင်ဆီ ထိုးချနိုင်ဖို့ မီဒီယာကို နည်းမျိုးစုံနဲ့ အသုံးချခဲ့တယ်။ တော်လှန်ရေး မီဒီယာတွေကို တဖက်လှည့်နဲ့ သတင်း အချက်အလက်တွေ ပေးပို့ခဲ့သလို စစ်ရှုံးကောင်စီရဲ့ လော်ဘီ တယ်လီဂရန် ချန်နယ်တွေကို တစ်လ ၃ သိန်း စပွန်ဆာပေးပြီး တိတ်တဆိတ် စည်းရုံး အသုံးချခဲ့တယ်။

အဓိက ရည်ရွယ်ချက်က စစ်တပ်ကို စိတ်ကုန်လာစေမယ့် သတင်းတွေကို ပါးပါးလေး တင်ပေးကြဖို့။ သူတို့ကို ချိတ်ဆက်ပေးတာက တပ်ကြပ်ကြီးဖိုးကွန်း ချန်နယ် admin မောင်မောင်အုန်း က ကြားခံလုပ်ပေးတာ။

စပွန်ဆာ ယူထားသူတွေထဲက ကျော်စွာကိုတော့ လယ်ဝေး စရဖက ကြံ့ဖွတ် ရုံးချုပ်ထဲအထိ ဝင်ဖမ်းပြီး တစ်ည စစ်ဆေးခဲ့သေးတယ်။ လောလောဆယ် ကျော်စွာ အပါအဝင် ဟန်ငြိမ်းဦး နဲ့ သဇင်ဦး တို့ကို နေအိမ် အကျယ်ချုပ်နဲ့ ထိန်းသိမ်းထားပြီး မင်းအောင်လှိုင် အုပ်စုက မကြာခင် နားအုံဖုန်ခါဖို့ ရှိနေတယ်လို့ သိရတယ်။

(လော်ဘီငဖားတွေရဲ့ ကိုယ်ကျိုးရှာ ကလိန်ကျမှုတွေကို နောက်ဆက်တွဲ ဆက်တင်ပေးပါမယ်)

အခုတော့ လက်ဦးမှုရသွားတဲ့ မင်းအောင်လှိုင်က သူ့ကို ဖြုတ်ချဖို့ ကြံစည်ခဲ့တဲ့ နိုင်ငံရေး ပါတီတွေနဲ့ စစ်ဘက်ဆိုင်ရာ အရာရှိတွေကို ဘယ်လို ဖြုတ်ထုတ်သတ် လုပ်မလဲ စောင့်ကြည့်ကြရအောင်ပါ..။

#4C_TruthNews