ها اريد درجات الفيزياء كلها حلوة مثلكم ترفع الرأس لا تخيبون ضني بيكم انتوا كدها

✍ توصيات و نصائح لطلاب 2024

اثناء ايام الإمتحانات

1_ الإستعانة بالله و التوكل عليه بإستمرار.
2_ اعتني هواي هواي بطعامك و نومك [خصوصا بليلة الامتحان ضروري تنام زين].
3_ انسى شي اسمه انترنت خلال هاي الفترة إلا للضرورة [مو تلغيه نهائيا لأن اكيد خلال هاي الفترة اكو منشورات كلش راح تفيدك بالقنوات المشترك بيها، و لا تخلص وقتك طاب بقناة و طالع من قناة، عيّن لك وقت محدد].
4_ ابعد عنك الموبايل و خصوصًا اثناء دراستك لأنه من الهى الملهيات و ضياع الساعات.
5_ تعامل مع القلق و الخوف على انه شي طبيعي جدًا [الانسان عبارة عن مشاعر و احاسيس].
6_ حافظ على صلاتك و بعض الأذكار اليومية.

اثناء وقت الإمتحانات

7_ اذهب على وقت الى المركز الامتحاني.
8_ إقطع مراجعتك قبل الامتحان بساعة و دع الباقي لعقلك اللاواعي.
9_ عندما تستلم الاسئلة ابدأ بالتسمية و الصلاة على محمد و آل محمد ثم قل ( اللهم الهمني العلم و الفهم... ).
10_ اذا احسست بتوتر لا تحل مباشرة بل عليك الاسترخاء اولًا (طبق عملية الشهيق و الزفير).
11_ الافضل ان لا تقرأ الاسئلة بإكملها، بل تقرأ السؤال الاول و تبدأ بحله مباشرة و من ثم تنتقل لقراءة السؤال الثاني و تحله و هكذا [اغلب الطلاب متسوي هيج بس هذه الطريقة هي الانفع].
12_ احرص على ان يكون خطك واضح و مفهوم.
13_ بالامتحانات التضمن رياضيات اجري العمليات الحسابية المعقدة على جهة ميتة من الورقة و بخط خفيف و من ثم امسحهم بهدوء.
14_ عندما تخرج من الامتحان بوجهك مباشرة للبيت و إياك إياك تراجع [ خلص الامتحان الراح راح ].
15_ انجز الّي عليك و الباقي على الله، و تيقن ان الله سيختار لك الانسب و الاصلح.

موفقين و متفوقين🤲
#كل_قلوبنا_معكم_اهلكم_محبيكم_مدرسيكم_بل_قلب_امام_زمانكم_معكم_فيالها_من_سعادة

تهنئة فيزيائيه
نرسل لكم (امواج)من التبريكات والتهاني ليست (ميكانيكية) ولا (كهرومغناطيسية) ولا( مادية) إنما هي أمواج مودة ومحبة .
نرسلها ب (سرعة الضوء )عبر  (الالياف البصرية)
محملة  ب(كميات ) لا(قياسية)ولا(اتجاهية)
وإنما كميات غير محددة من(شحنات ) المحبة و (فوتونات ) الاحترام لتعكسها  (طبقة الايونوسفير ) ( انعكاسا"كليا ) بلا  (تداخل )ولا  (استقطاب) فترجع إليكم وتصطدم  (تصادما مرنا ) بقلوبكم الطيبة  (المشعة) و المضيئة (بألوان الطيف الشمسي ) فتطبع عليها كلمات براقة من  (ألوان قوس قزح) لتقول لكم
كل عام  وانتم بألف خير تقبل الله طاعاتكم

حبايبي كل عام وانتم بالف خير صحة وسلامة وتحقيق الاماني أن شاء الله يارب يوم نجاحكم تخرجكم وأشوفكم بأعلى المراتب أن شاء الله بحق محمد وآل محمد

السلام عليكم ورحمة الله وبركاته
شلونهن عسولاتي شلونها الفيزياء وياكم انتم أبطال ادري راح ترفعون راسي ان شاء الله يا رب الدرجات العالية والمعدلات الترفع الرأس ربي لا يضيع تعبكم أن شاء الله بحق محمد وآل محمد
قلبي ودُعائي معكم
عين المولى صاحب الزمان ترعاكم

السلام عليكم ورحمة الله وبركاته شلونكم ورداتي ما اريدكم تذبلون اريدكم دائماً مزهرين ابداََ لا تخافون صح اسئلة الدور الاول بيها نوع من الصعوبة وبالاخص السؤال الأول A كانت به فكرة واغلبكم وصلتني اخباركم مأجلين الفيزياء مو بس انتم تقريباً اغلب طلاب العراق اجلوا امتحان الفيزياء فاريدكم ان شاء الله بالدور الثاني تطلعون الفرق بحيث تكون درجة الفيزياء حلوة وترفع الرأس مثلكم والي تجيب درجة ناصية مو قبول وازعل منها
شدوا حيلكم ولا تتكاسلون ابد كل دقيقة تفوتكم خسارة فكونوا حريصين واقرأ بورقة وقلم وان شاء الله ميضيع تعبكم بحق محمد وآل محمد
شملتكم الطاف ولي النعمة صاحب الزمان عجل الله فرجه
مدرستكم المحبة لكم سجى محسن

رسالتي الى الطلبة المؤجلين لثلاث مواد فأكثر..

الطالب المؤجل اكثر من مادتين حاليا قلق من امرين:
🔺اولًا : قلق من كثرة المواد المؤجلة.
🔺ثانيًا: قلق من التصور الشائع بأن اسئلة الدور الثاني تجي صعبة.

🤏بداية احب اجيبك بمقدمة مهمة:
التأجيل ليس بالامر السيء الى الحد الّي يتصوره الطالب، او نفس مَتسمع من هنا و هناك، ليش اجلت، شلون اجلت، غير تمتحنهن كلهن و تفتك، الدور الثاني راح تجي صعبة، ووووو.... الخ من السوالف المهبطة و كل حقيقة ما الها.
كل ما هنالك يا عزيزي المستشكل، الطالب شاف نفسه ميجيب الدرجة اليريدها، فأحب ان يؤجل لكي يعطي فرصة الى نفسه بالدور الثاني، الطالب اعرف بنفسه، اعرف بطاقته، اعرف بإستحقاقه.
وين المشكلة؟ أي عاقل بالدنيا راح يگول كل مشكلة ماكو.
اذن التأجيل كل شي مابيه و امره وارد على الجميع، اليريد طب و الميريد طب.

اما الإجابة على الامرين المقلقين:
🔰اولًا:( و هي كثرة المواد المؤجلة )
شوف يا عزيزي انت قبل الدور الاول لازم تمتحن 7 مواد، و الآن بعد التأجيل بكم ستمتحن؟ ب 3 مواد او 4 او حتى 5... بمعنى انت خلصت جزء من الامتحانات و بقالك جزء معين، اضافة لهذه المواد المؤجلة انت كلها قاريها و مراجعها، كل ما هنالك نفس ما گتلك ردت تنطي لنفسك فرصة بإعادة امتحانهن لكي تحصل على استحقاقك من الدرجة، فما اشوف اكو أي داعي للقلق.

🔰ثانيًا: اسئلة الدور الثاني اسئلة منهجية و نمطها نمط وزاري، و انت تكدر بنفسك تطّلع على اسئلة الدور الثاني على مر السنوات السابقة و راح تتأكد بنفسك.
فما عليك الا بالاطمئنان القلبي و النفسي يا عزيزي.

توكل على الله، رتب وضعك و جدولك، و التوفيق و القوة منه تعالى.

تمنياتي لك بالمعدل العالي 🌹

أجرك الله مولاي يا صاحب الزمان
أعظم الله اجركم واحسن الله عزائكم بذكرى استشهاد ابي الأحرار الإمام الحسين عليه السلام جعلنا الله وإياكم من الطالبين بتأره مع أمامٍ منصور من أهل بيت محمد عليهم السلام

السلام عليكم ورحمة الله وبركاته
مبارك للطالبات الناجحات ان شاء الله يارب دوام النجاح والتفوق
اما بالنسبة لباقي طالباتي فالنجاح أمامكم شدوا حيلكم هاي الايام واقرأوا بتركيز وان شاء الله ميضيع تعبكم وتحصدون أعلى الدرجات بحق محمد وآل محمد الطيبين الطاهرين

الناجِح والراسب كلاهما محبوبان عِند الله:

الأول: أحبه فأعطاه ما تمنّى.
والثاني: أحبّه فابتلاه فصبر فنال أحسن.
(وفي كلاهما خَير)

الرسوب ليس نهاية العالم، ومال بعد التعثّر إلا التفوق.
ثُمَّ تأكدوا: أن الرسوب لا يعني الفشل، الحياة مليئة بالفرص لكنها تحتاج قوتك وإصرارك من جديد.

ابشروا فأمر المؤمن كلّه خير.

- "يقِينًا كُلهُ خِيـرّ🌱🤍."

شدوا حيلكم ورداتي ان شاء الله كلكم ناجحين بالدور الثاني وبالمعدلات الي تردوها

#الدور_الثاني

- اغلب طلاب الدور الثاني حاليا عايشة بتوتر او خوف لان سامعين حجاية ( اسئلة الدور الثاني اصعب من الدور الاول ) وطبعا هل شي مو حقيقي اصلا بل عكس اغلب السنوات الدور الثاني يكون أسهل من الدور الاول فا معليك ابد بل اشخاص الي تخوفك او تكلك ليش أجلت او ليش رسبت وتمتحن دور ثاني وانت فشلت خلاص لان منجحت من اول دور . أنت من تسمع هيج طنش و غلس لان كلامهم لا يقدم ولا يأخر لان الدور الثاني هو فرصة ثانية للطالب بدال ما ينجح بدور اول راح ينجح بدور الثاني ونفس مميزات الدور الاول بل تقديم للجامعات راح تكون لطلاب الدور الثاني فا كل كلامهم ما بي أي معنى ركز على دراستك كدامك تقريبا شهر وكم يوم استغلها زين قسم أيامك حسب عدد موادك الي تمتحن بيهة و نظم وقتك لتضيعة بل تفكير او تخاف لا انما استغلة بقرايتك وتركيزك بل مادة تمام حبايبي؟

https://t.me/+2tg2qPzCLTkxNDYy

السلام عليكم ورحمة الله وبركاته
شلونكم طالباتي العزيزات ان شاء الله بخير وبأتم الصحة والعافية
حبايبي حذزلكم سؤال بي فكرة بسيطة اريدكم تحلوا وتدربون عليه
وضعوا لايك اريد اشوف عدد الي يحاولون يلة عسولاتي همة

السلام عليكم ورحمة الله وبركاته
معقولة أكثر من ٣٠٠ طالبة فقط ٣٤ يحاولون يحلون المسألة
ضوجتوني والله متوقعتكم هيج
على كل حال قريباً انشرلكم اكثر من طريقة للحل وانت اي طريقة تشوفين اسهل عليج امشي على خطواتها
أدعوا الله لكم بالتوفيق والنجاح

حدزلكم طريقة ثالثة لاحد الأساتذة
بنات الطريقة لتشوفيها اسهل خليلي عليها لايك اريد اشوف منو اكثر طريقة تلائمكم