ကြီးမားပါတယ်။ ဒီလောက်ကျယ်ပြန့်တဲ့ နယ်မြေတွေမှာ စစ်ရေးဖော်ဆောင်ဖို့၊ ပြောက်ကျားတပ်ဖွဲ့ငယ်တွေနဲ့ လှုပ်ရှားဖို့ဆိုတာ တပ်ခေါင်းဆောင်ငယ်တွေရဲ့ လုပ်နိုင်စွမ်းက လွန်စွာ အရေးကြီးပါတယ်။ အချိန်နဲ့အမျှ ပြောင်းလဲနေတဲ့ စစ်ရေးအခြေအနေတွေကို ကိုင်တွယ်ရေး စစ်ရေး စွမ်းရည်ထက်မြတ်နေရမှာ ဖြစ်သလို ကျယ်ပြန့်တဲ့ ပြောက်ကျားနယ်မြေတွေ ဖော်ဆောင်တိုက်ပွဲဝင်ဖို့ အတွက် လူထုစည်းရုံးရေး လွန်စွာ ကောင်းဖို့လိုပါတယ်။ စစ်ရေးအရ ပြောက်ကျားလှုပ်ရှားမှုနဲ့ သင့်တော်တဲ့ လေ့ကျင့်မှု၊ လက်နက်တပ်ဆင်မှု၊ ကွပ်ကဲစုဖွဲ့မှု၊ အထက်ကွပ်ကဲမှုနဲ့ ဆက်သွယ်ရေး မပြတ်စေရေး လုပ်ဆောင်ပေးဖို့လိုပါတယ်။ ပြောက်ကျားစစ်ဆင်နိုင်ရေး တနိုင်ငံလုံး ကွက်ပြည့်လှုပ်ရှားနိုင်ရေး အတွက် ဒီဇိုင်းရေးဆွဲထားတဲ့ စစ်ဘက်ဆိုင်ရာ ထောက်ပို့လမ်းကြောင်းနဲ့ ထောက်ပို့စနစ်တခုလည်း လိုအပ်မှာဖြစ်ပါတယ်။ စစ်တပ်ဟာ စခန်းသိမ်း၊ မြို့သိမ်း တပ်တွေကို ရင်ဆိုင်ကိုင်တွယ်ရတာ လွန်ကူပေမယ့် လူထုထောက်ခံမှုရှိတဲ့ တပ်ဖွဲ့ငယ်တွေ စိမ့်ဝင်ထိုးဖောက်ပြီး ကျယ်ပြန့်စွာ ပြောက်ကျားတိုက်ခိုက်မှာ အလျင်အမြန်ပြန်လည် ဆုတ်ခွာသွားမဲ့ပုံစံကို ကိုင်တွယ်ဖို့ အသင့်မဖြစ်ပါဘူး။ လက်ရှိ စစ်အုပ်စုရဲ့ ဖွဲ့စည်း စုဖွဲ့ပုံအရလည်း အဲဒီပုံစံကို ကိုင်တွယ်ရေး ဘယ်တော့မှ ဖြစ်လာမှာ မဟုတ်ပါဘူး။ တနိုင်ငံလုံးမှာရှိတဲ့ တိုင်းနဲ့ ပြည်နယ်၊ မြို့တော်တွေ၊ ခရိုင် မြို့တော်တွေ အားလုံးရဲ့ အနီးမှာ ပြောက်ကျားလှုပ်ရှားနယ်တွေ ဖော်ပြီးရင် တော်လှန်ရေး အောင်ပွဲဟာ (၈၀) ရာခိုင်နှုန်း ပြီးမြောက်သွားပြီလို့ ပြောနိုင်ပါတယ်။ မြစ်ကြီးနား၊ ဟားခါး၊ မုံရွာ၊ မန္တလေး ၊ ရှမ်း တောင်ကြီး၊ လားရှိုး၊ ကျိုင်းတုံ၊ မကွေး၊ တောင်ငူ၊ နေပြည်တော်၊ ရန်ကုန်၊ ပုသိမ်၊ ဘားအံ၊ မော်လမြိုင်၊ ထားဝယ် စတဲ့ မြို့တွေမှာ ဘယ်မြို့တွေနားမှာပဲ လှုပ်ရှားနိုင်ပြီး ဘယ်မြို့တွေနားမှာ မလှုပ်ရှားနိုင်ဘူးလဲ ဆိုတာ တွက်ကြည့်နိုင်ပါတယ်။ မုံရွာ၊ မန္တလေး၊ မကွေး၊ တောင်ငူတို့မှာတော့ အခြေအနေ ကောင်းတွေ ရရှိထားပါတယ်။ ရန်သူကို မြို့ကြီးထဲမှာပဲ စိုးမိုးစေပြီး ကျေးလတ် ဒေသ အားလုံးကို တော်လှန်ရေး အင်အားစုတွေဘက်က အပြည့်အဝ စိုးမိုးနိုင်ဖို့လိုပါတယ်။ တနိုင်ငံလုံး ကို ကွက်ပြည့် စိုးမိုးလှုပ်ရှားပြီး တနိုင်ငံလုံး အတိုင်းအတာ ထိုးစစ်နဲ့ ရန်သူကို အပြီးသတ် စစ်ဆင်တိုက်ခိုက်ပြီး စစ်အုပ်စုကို အနိုင်ယူသွားမှာ ဖြစ်ပါတယ်။ လက်ရှိမှာလဲ နိုင်ငံရေးစုဖွဲ့မှုကြီးတွေ စနစ်တကျ ပေါ်ပေါက်လျက်ရှိပြီး မကြာခင်ပေါ်ပေါက်လာတော့မယ့် စစ်ရေးလှုပ်ရှားမှုကြီးတွေအတွက် လိုအပ်တဲ့ နိုင်ငံရေးအုတ်မြစ်တွေ ချပေးလျက်ရှိပါတယ်။ အပြီးသတ်ထိုးစစ် အောက်မှာ စစ်တပ် ချေမှုန်းခံရဖို့မဝေးတော့ပါဘူး။

လက်ရှိစစ်ရေးအခြေအနေကို ခြုံငုံသုံးသပ်နိုင်ဖို့ PDF Insight ကို ဖတ်ရှုပါ။
#PDFInsight

ကျောက်ထု အမတ ၃၆၈ တပ်ထဲမှ စခတွေ လှည်း(၃)စီး၊ဆိုက်တွဲတစ်စီးအပါအ၀င် ကြီးရွာဘက်ဦးတည်စစ်ကြောင်း‌ထွက်နေ။

၂၀၂၆ ခုနှစ် ဩဂုတ်လ ၄ ရက်

အမတ ၃၆၈ တပ်ထဲမှ စခအင်အား (၁၀၀)ခန့်ဟာ ပန်းဆန်ကျေးရွာသို့ ယနေ့မနက်မှာရောက်ရှိလာကာ ပန်းဆန်ကျေးရွာတွင်းမှ နွားလှည်း (၃)စီး၊ ဆိုက်တွဲ တစ်စီး ယူဆောင်ကာ မြောက်ဘက် ကြီးကျေးရွာဘက်သို့ ဦးတည်ထွက်ခွာသွားတယ်လို့သိရပါတယ်။ စခတွေဟာ ကျောပိုးအိတ်၊ခြင်းကြားတွေလဲပါ၀င်တာမို့ မိအယ်ကျေးရွာ၊နှော်ကျေးရွာ၊လယ်ဆောကျေးရွာနှင့် ရွာသာကျေးရွာဘက် မိဘပြည်သူများအနေဖြင့် စစ်ရေးအသိ၊စစ်ရေးသတိရှိကြပါရန် အသိပေးအပ်ပါတယ်။ လတ်တစ်လော စစ်ရေးအခြေအနေတွေအရ မိဘပြည်သူများအနေဖြင့် စခစစ်ကြောင်းနှင့် ဝေးရာနေရာတွေမှာသာ ရွေးချယ်နေထိုင်ကြပါရန် အသိပေးအပ်ပါတယ်။

Aung Gyi
ယောအလင်း တန်း

⛴ချင်းတွင်း ရေပြင်⛴

ဆင်ဖြူရှင်မှ ဆန်တက်ခဲ့သော စစစ်သင်္ဘော ၁ စီးသည် ပေါင်းဝရွာအနီးသို့ ရောက်ရှိကာ အထက်သို့ ဆက်လက် ဆန်တက်နေကြောင်းသိရ။

#Yaypyin
Aug 4 , 10:55AM
သတင်းပို့ရန် @Yaypyin0bot

⛴ချင်းတွင်း ရေပြင်⛴

မုံရွာမှစုန်ဆင်းလာသော စခသင်္ဘော(၁၆)စီးအနက် (၈)စီးသည် ဆင်ဖြူရှင်တံတားအောက်သို့ရောက်ရှိကာ နောက်ကျန်သင်္ဘောများအားရပ်စောင့်နေကြောင်းသိရ။

#Yaypyin
Aug 4 , 1:54PM
သတင်းပို့ရန် @Yaypyin0bot

⛴ချင်းတွင်း ရေပြင်⛴

လက်ပံတောင်းမှ စုန်ဆင်းလာသော စခဖလပ် ၂စီးနှင့် စစ်သင်္ဘော ၁ စီး တို့သည်ဆင်ဖြူရှင်တံတားအောက်သို့ရောက်ရှိနေပြီဖြစ်ကြောင်းသိရ။

#Yaypyin
Aug 4 , 5:14PM
သတင်းပို့ရန် @Yaypyin0bot

⛴ချင်းတွင်း ရေပြင်⛴

မုံရွာမှစုန်ဆင်းလာသော စခသင်္ဘော(၁၆)စီးသည်ဆင်ဖြူရှင် တံတားအောက်သို့ရောက်ရှိကာ အောက်ဘက်သို့ဆက်လက်စုန်ဆင်းနေကြောင်းသိရ။

#Yaypyin
Aug 4 , 5:41PM
သတင်းပို့ရန် @Yaypyin0bot

⛴ချင်းတွင်း ရေပြင်⛴

မုံရွာမှစုန်ဆင်းလာသော စခသင်္ဘော(၁၆)စီးအနက်ရှေ့ပွိုင့်သည်ရေစကြိုနယ် ချင်းယားရွာဖြတ်၍အောက်ဘက်သို့ဆက်လက်စုန်ဆင်းနေကြောင်းသိရ။

#Yaypyin
Aug 4 , 6:31PM
သတင်းပို့ရန် @Yaypyin0bot

⛴ချင်းတွင်း ရေပြင်⛴

လက်ပံတောင်းမှ စုန်ဆင်းလာသော စခဖလပ် ၂စီးနှင့် စစ်သင်္ဘော ၁ စီး တို့သည် ရေစကြိုနယ် နန်းဦးရွာသို့ ရောက်ရှိကာ အောက်ဘက်သို့ ဆက်လက် စုန်ဆင်နေကြောင်းသိရ။

#Yaypyin
Aug 4 , 6:52PM
သတင်းပို့ရန် @Yaypyin0bot

စစ်မှုထမ်းအမည်ခံ ပေါ်တာဆွဲအန္တရာယ် သတိပေးလက်ကမ်းစာစောင်များ ပခုက္ကူခရိုင်အတွင်း ဖြန့်ဝေပြီး ပြည်သူများ သတိရှိကြရန် NUG ကာကွယ်ရေးဝန်ကြီးဌာန တိုက်တွန်း

ရန်ကုန်၊ ဩဂုတ် ၄

အကြမ်းဖက်စစ်ကောင်စီ၏ စစ်မှုထမ်းဥပဒေအမည်ခံ အတင်းအကျပ် ပေါ်တာဆွဲမှုအန္တရာယ်နှင့်ပတ်သက်၍ ပြည်သူများ ပိုမိုသတိပြုနိုင်စေရန်နှင့် မိမိကိုယ်တိုင်အပြင် မိသားစုဝင်များကိုပါ ကာကွယ်နိုင်စေရန် ရည်ရွယ်၍ ပညာပေးလက်ကမ်းစာစောင်များကို မကွေးတိုင်း၊ ပခုက္ကူခရိုင်အတွင်း ဖြန့်ဝေခဲ့ကြောင်း အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာနက ဩဂုတ်လ ၃ ရက်နေ့တွင် ထုတ်ပြန်သည်။

အဆိုပါ လက်ကမ်းစာစောင်များကို NUG လက်အောက်ရှိ ပြည်သူ့ရင်ခွင် (People's Embrace) နှင့် ပြည်သူ့ကာကွယ်ရေးတပ်မတော် (PDF) တို့ ပူးပေါင်း၍ ဖြန့်ဝေခဲ့ခြင်းဖြစ်ကြောင်း သိရသည်။

စစ်ကောင်စီတပ် ထိန်းချုပ်ထားသော မြို့နှင့်ကျေးရွာများတွင် လူငယ်၊ လူရွယ်များ နေ့စဉ်ပျောက်ဆုံးမှုများ ဖြစ်ပေါ်နေပြီး အများစုမှာ အတင်းအကျပ် ပေါ်တာဆွဲခံရကာ နိုင်ငံတဝန်းရှိ ရှေ့တန်းစစ်မျက်နှာများသို့ ပို့ဆောင်ခံနေရကြောင်း ဖော်ပြထားသည်။

ထို့ပြင် စစ်မှုထမ်းဥပဒေအမည်ခံ လူဖမ်းဆီးစုဆောင်းမှုများသည် ရပ်ကွက်နှင့် ကျေးရွာအဆင့်အထိ လူကုန်ကူးမှုအသွင် ဖြစ်ပေါ်နေပြီး အခြေခံလူတန်းစားနှင့် လူလတ်တန်းစား မိသားစုများ၏ နေ့စဉ်လူမှုဘဝကို အကြီးအကျယ် ခြိမ်းခြောက်လာနေကြောင်းလည်း ဆိုသည်။

NUG ကာကွယ်ရေးဝန်ကြီးဌာနက အတင်းအကျပ် စစ်မှုထမ်းခိုင်းခံရသူများသည် စစ်မျက်နှာအသီးသီးတွင် ထိခိုက်သေဆုံးမှုများ ကြုံတွေ့နေရသည့်အပြင် နေ့စဉ် ပြည်သူ့ကာကွယ်ရေးတပ်ဖွဲ့များ (PDF)၊ ပြည်သူ့ကာကွယ်ရေးအဖွဲ့များ (ပကဖ) နှင့် တိုင်းရင်းသားတော်လှန်ရေးအဖွဲ့များ (ERO) ထံသို့ အလင်းဝင်ခြင်းနှင့် လက်နက်ချခြင်းများ ရှိနေကြောင်း ပြောဆိုထားသည်။

တော်လှန်ရေးအင်အားစုများအနေဖြင့် အတင်းအကျပ် စစ်မှုထမ်းခိုင်းခံရသူများကို ပစ်မှတ်ထားတိုက် ခိုက်ခြင်းမဟုတ်ဘဲ စစ်အာဏာရှင်စနစ်ကိုသာ ဦးတည်တော်လှန်နေခြင်းဖြစ်ကြောင်း၊ ဖိအားပေးခံရ၍ စစ်မှုထမ်းနေရသူများကို နားလည်စာနာပြီး အလင်းဝင်လာသူများကို နွေးထွေးစွာ ကြိုဆိုလျက်ရှိကြောင်းလည်း အသိပေးထားသည်။

ထို့အပြင် အကြမ်းဖက်စစ်တပ်ထံမှ ပြည်သူ့ရင်ခွင်သို့ ခိုလှုံလိုသည့် သန္ဓေစစ်သား၊ ပြည်သူ့စစ်မှုထမ်းများနှင့် ရဲတပ်ဖွဲ့ဝင်များအနေဖြင့်

Telegram – https://t.me/MyanmarPeople သို့မဟုတ် @MyanmarPeople
Signal – +66 96 884 7969
Viber – +66 96 884 7969
Facebook Messenger – ပြည်သူ့ရင်ခွင် (People's Embrace) သို့ ဆက်သွယ်နိုင်ကြောင်း တရားဝင် ထုတ်ပြန်ကြေညာထားသည်။

NUG ကာကွယ်ရေးဝန်ကြီးဌာနက အတင်းအကျပ် စစ်မှုထမ်းခိုင်းခံရသူများအနေဖြင့် အန္တရာယ်ကင်းစွာ ပြည်သူ့ရင်ခွင်သို့ ဆက်သွယ်အလင်းဝင်ကြရန်လည်း တိုက်တွန်းထားသည်။