မြိုင်⚠️

မြိုင်နယ် မြောက်ခြမ်းဖြတ်၍ တံတားဦးလေတပ်မှ ဂျက်ဖိုက်တာ ၁ စီး အနောက်အရပ်သို့ ပျံသန်း။

#WaiHin
Apr 10, 11:40 AM
📫သတင်းပို့ရန် @WaiHinScout_Bot

နတ်မောက်တွင် စစ်တပ် စစ်ကြောင်းနှင့်အတူ လိုက်ပါပြီး ပြည်သူများကို သတ်ဖြတ်မှုကျူးလွန်နေသော ပျူစောထီး အောင်ဌေးလွင်နှင့် အေးဇော်တို့ ပစ်ခတ်ခံရပြီး သေဆုံး၊ အသက်မပြည့်သေးသော ပျူစောထီး ၁ ဦးကို ပြန်လွှတ်ပေးခဲ့

ရန်ကုန်၊ ဧပြီ ၁၀

မကွေးတိုင်း၊ နတ်မောက်မြို့နယ်တွင် လူငယ်များကို ပေါ်တာဆွဲ ဖမ်းဆီးပြီး အကြမ်းဖက် စစ်တပ် စစ်ကြောင်းကို လမ်းပြလုပ်ဆောင်ကာ ပြည်သူများကို သတ်ဖြတ်မှုကျူးလွန်ထားသည့် ပျူစောထီး အောင်ဌေးလွင်နှင့် အေးဇော်တို့ ပစ်ခတ်ခံရပြီး သေဆုံးခဲ့ကြောင်း သရက်ခရိုင် အမှတ်- ၃ တပ်ရင်း (ငါးပြေမပျောက်ကြားတပ်ဖွဲ့ ) မှ ပြန်ကြားရေးတာဝန်ခံ ဗိုလ်ငါးခူက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၇ ရက်နေ့တွင် နတ်မောက်မြို့နယ် ပိတောက်ငုတ် ပျူစောထီးရွာမှ ထွက်ခွာလာသော ပျူစောထီး ခေါင်းဆောင် ခင်မောင်ဌေး၏ တပည့်ဖြစ်သူ ပျူစောထီး အောင်ဌေးလွင် အပါအဝင် ၃ ဦးသည် နတ်မောက်မြို့နယ်၊ ဂွေးချောင်းကျေးရွာရှိ မင်္ဂလာဆောင်သို့ ညအိပ်ညနေ ရောက်ရှိလာသည်ကို ငါးပြေမပျောက်ကြားတပ်ဖွဲ့မှ ရဲဘော်များက ကြိုတင် သတင်းရရှိခဲ့ပြီး သွားရောက် စောင့်ဆိုင်းခဲ့ကြောင်း သိရသည်။

ထိုသို့ စောင့်ဆိုင်းနေစဉ် ဧပြီလ ၈ ရက်နေ့မွန်းလွဲ ၁ နာရီ ၃၀ မိနစ်ခန့်တွင် မင်္ဂလာဆောင်မှ အပြန် ကျေးရွာလမ်းပိုင်း တနေရာ၌ ပျူစောထီး အောင်ဌေးလွင်နှင့် ပျူစောထီး အေးဇော်တို့ကို တော်လှန်ရေးရဲဘော်များက ပစ်ခတ်တိုက်ခဲ့ရာ ပွဲချင်းပြီး သေဆုံးခဲ့ကြောင်း သိရှိရသည်။

ယင်းတိုက်ခိုက်မှုအတွင်း အသက် ၁၄ နှစ်အရွယ် ပျူစောထီးအဖွဲ့ဝင် ဝေယံသည် ၎င်း၏ လွယ်အိတ်အတွင်းရှိ လက်ပစ်ဗုံးနှင့် တော်လှန်ရေးတပ်ဖွဲ့များကို ပြန်လည် တိုက်ခိုက်ရန် လုပ်ဆောင်ခဲ့သော်လည်း အချိန်မီ ဖမ်းဆီးထိန်းသိမ်းနိုင်ခဲ့ကြောင်း၊ ပျူစောထီး ဝေယံသည် အသက် မပြည့်သေးသော ကလေးငယ် ဖြစ်သောကြောင့် ပြည်သူအပေါ် မကောင်းသော လုပ်ရပ်များ ကျူးလွန်ခြင်းမပြုလုပ်ရန် ပြောဆိုကာ ပြန်လွှတ်ပေးခဲ့ကြောင်း သိရသည်။

သေဆုံးသွားသော ပျူစောထီး အောင်ဌေးလွင်နှင့် အေးဇော် တို့သည် နတ်မောက်မြို့နယ်နှင့် ဒေသတွင်းမြို့နယ်များတွင် အတင်းအဓမ္မ ပေါ်တာဆွဲဖမ်းဆီးခြင်း၊ ငွေညှစ်ခြင်း ၊ လက်ထောက်ချခြင်း၊ စစ်ကြောင်းထိုးရာတွင်ပူးပေါင်းပါဝင်၍ ပြည်သူလူထုအိုးအိမ်များအား မီးရှို့ဖျက်ဆီးခြင်း ၊ စစ်ကြောင်းအတွင်း အပြစ်မဲ့အရပ်သားပြည်သူများအား ရက်စက်စွာသတ်ဖြတ်ခြင်း စသည့် ရာဇဝတ်ပြစ်မှုများကျူးလွန်ခဲ့ကြောင်း၊ ၎င်းတို့ထံမှ ဖုန်း - ၃ လုံး ၊ လပ်တော့ - ၁ လုံး နှင့် လက်ပစ်ဗုံး - ၁ လုံးတို့ သိမ်းဆည်းရရှိခဲ့ကြောင်း သိရှိရသည်။

"ယခုတိုက်ခိုက်မှုမှာ အသက်မပြည့်သေးတဲ့ ကလေးပျူစောထီးတွေပါတွေ့ရတယ်။ တချို့ကျ ငွေပေးပြီး ခိုင်းကျတယ်။ တချို့ကျ ကိုယ်တိုင်ဝင်လုပ်ကျတာ အများစုက ပိတောက်ငုတ်ကျေးရွာကပါ။ လက်နက်ကိုင်ပြီး ပေါ်တာဆွဲ ငွေရတာကို မြင်ပြီး ကလေးတွေပါ ပျူစောထီးဝင်ကျတာလည်းရှိတယ်။ အခုရှင်းလင်းခဲ့တဲ့ ၂ ကောင်က ပိတောက်ငုတ်ပျူစောထီးခေါင်းဆောင်ရဲ့ အားကိုးရတဲ့ တပည့် ၂ ကောင်ပါ။ အဲကောင်တွေက ပေါ်တာဆွဲတယ်။ စစ်ကြောင်းထိုးတဲ့အချိန်တွေမှာလည်း ရှေ့ဆုံးကပါတယ်။ ပြည်သူတွေကို သတ်ဖြတ်တာတွေလည်း ကျူးလွတ်ထားတဲ့ ကောင်တွေ ကလေး ပျူစောထီးကိုတော့ အသက်ချမ်းခွင့်ပေးလိုက်ပါတယ်။ နောက်နောင် ပျူစောထီးတွေနဲ့ ပတ်သက်တာတွေလည်းမလုပ်ဖို့ ဆုံးမပြောဆိုလိုက်ပါတယ်" ဟု သရက်ခရိုင် အမှတ်- ၃ တပ်ရင်း (ငါးပြေမပျောက်ကြားတပ်ဖွဲ့ ) မှ ပြန်ကြားရေးတာဝန်ခံ ဗိုလ်ငါးခူက ပြောဆိုသည်။

သရက်ခရိုင် အမှတ်- ၃ တပ်ရင်း (ငါးပြေမပျောက်ကြားတပ်ဖွဲ့ )သည် ဆက်လက်၍ စစ်တပ် ဒေါက်တိုင်များ ၊ ပျူစောထီးများနှင့် အပေါင်းအပါများ ပြည်သူများအပေါ်တွင် ကျူးလွန်ခဲ့သော ပြစ်မှုများအတွက် တိုက်ခိုက်သွားမည်ဖြစ်ကြောင်း အသိပေးပြောဆိုထားသည်။

ပခုက္ကူခရိုင်၊ပေါက်မြို့နယ်

ပေါက်မြို့ပေါ်မှယနေ့မနက်ကအရှေ့အရပ်သို့ထွက်ခွာလာသောယာဉ်တန်းနှင့်ခြေလျင်စစ်ကြောင်းမှရှေ့ပြေးခြေလျင်စစ်ကြောင်းသည်ယနေ့နေ့လည်ဆယ့်နှစ်နာရီခွဲခန့်တွင်ယာကြီးပြင်ပျူရွာသို့ဝင်ရောက်သွားပြီး၊ယာဉ်တန်းသည်အုန်းတောရွာသို့ရောက်ရှိနေကာရှေ့ပြေးကားအစီး၂၀ခန့်သည်အုန်းတောတံတားဖြတ်ပြီးယာကြီးပြင်ပျူရွာသို့မောင်းနှင်ဝင်ရောက်သွားကြောင်းသိရပါတယ်။

#MDN
Apr-10/12:38PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

ပခုက္ကူခရိုင်၊ပေါက်မြို့နယ်

ပေါက်မြို့ပေါ်မှယနေ့မနက်ကထွက်ခွာလာကာအုန်းတောရွာသို့ရောက်ရှိနေသောယာဉ်တန်းမှရှေ့ပြေးကားအစီး၅၀ခန့်သည်အုန်းတောတံတားဖြတ်ပြီးယာကြီးပြင်ပျူရွာဘက်သို့ထပ်မံမောင်းနှင်သွားကြောင်းသိရပါတယ်။

#MDN
Apr-10/1:20PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

နတ်မောက်မြို့နားမှာ တိုက်ပွဲဖြစ်၊ နှစ်ဖက်ထိခိုက်မှုရှိ

ဧပြီ-၁၀ ၊ ၂၀၂၆။ဖိုးသား/People's Spring

မကွေးတိုင်း၊ မြို့သစ်နဲ့ နတ်မောက်မြို့နယ်ကြားမှာ တိုက်ပွဲဖြစ်ပြီး နှစ်ဖက်ထိခိုက်သေဆုံးမှုတွေရှိတယ်လို့ သရက်ခရိုင် အမှတ်- ၃ တပ်ရင်းက ထုတ်ပြန်ပါတယ်။

အင်အား ၅၀ဝန်းကျင်ပါတဲ့ အမှတ်(၁၇) ကာကွယ်ရေးပစ္စည်းစက်ရုံ(ကပစ-၁၇)က စစ်တပ်စစ်ကြောင်းကို ဧပြီ ၈ ရက် မနက် ၁၁ နာရီဝန်းကျင်မှာ နတ်မောက်ပကဖ နဲ့ပူးပေါင်းတိုက်ခိုက်ခဲ့တာလို့ ဆိုပါတယ်။

နာရီဝက်ကြာတဲ့ ထိတွေ့မှုမှာ စစ်တပ်က ဗိုလ် ကြီးအဆင့်အပါအဝင် ၈ဦး ထိခိုက်သေဆုံးပြီး တော်လှန်ရေးတပ်ဖွဲ့ဘက်ကလည်း တစ်ဦးကျဆုံးကာ တစ်ဦးဒဏ်ရာရခဲ့တယ်လို့ အသိပေးပါတယ်။

"လဲဘူး၊ကပေါင်းကုန်းရွာကနေ နတ်မောက်မြို့ထဲ ဝင်မယ့်လမ်းပိုင်းမှာရှိတဲ့ ကုလာရှင်ရွာနားမှာ ကြားဖြတ်တိုက်တာ"လို့ နတ်မောက် ပကဖ တာဝန်ရှိသူက ပြောပါတယ်။

စစ်တပ်ဟာ နတ်မောက်မြို့နယ်အရှေ့ခြမ်းကို မြို့သစ်မြို့နယ် နဲ့ ရန်ကုန်-မန္တလေး အမြန်လမ်းကနေ အင်အား ၃၀၀ ဝန်းကျင်နဲ့ ဧပြီ ၁ ရက်ကစလို့ ယနေ့(ဧပြီ ၁၀ ရက်)အထိ စစ်ကြောင်းထိုးနေတာဖြစ်ပါတယ်။

စစ်တပ်စစ်ကြောင်းမှာ မိတ္ထီလာအခြေစိုက် ခြေမြန်တပ်မ (၉၉) လက်အောက်ခံတပ်ဖွဲ့ နဲ့ နေပြည်တော်တိုင်းစစ်ဌာနချုပ် (နတခ) လက်အောက်ခံ တပ်တွေပါဝင်နေတယ်လို့ သိရပါတယ်။

အလယ်ရိုးမနဲ့ဆက်စပ်နေပြီး သစ်တောကြိုးဝိုင်းတွေရှိနေတဲ့ နတ်မောက်မြို့အရှေ့ခြမ်းက တော် လှန်ရေးတပ်စခန်းတွေကို ရှင်းလင်းရေးနဲ့ နယ်မြေစိုးမိုးဖို့ စစ်တပ်က ကြိုးပမ်းနေတာဖြစ်ပါတယ်။

အခုနှစ်ဆန်းပိုင်းက မကွေးတိုင်း၊ နတ်မောက်မြို့နဲ့ မြို့သစ်မြို့နယ်တွေမှာ စစ်တပ်ရဲ့အရာရှိအဆင့်တွေအပါအဝင် ပြည်ထောင်စုအဆင့် ရွေးကောက်ပွဲအရာရှိ ယာဥ်တန်းတိုက်ခံရပြီး သေဆုံးမှုတွေရှိခဲ့ပါတယ်။

နေပြည်တော်-မကွေး-မန္တလေးတိုင်း သုံးခုဆုံမှတ် သဏ္ဍန်ရှိနေတဲ့ နတ်မောက်မြို့နယ်မှာ စစ်တပ်ရဲ့ ရွာမွန် ပပနတပ်(ပင်မစစ်လက်နက် ပစ္စည်းတပ်)နဲ့ ဒန့်ဒလွန်ပင် ဆက်သွယ်ရေးတပ် အခြေစိုက်ထားပါတယ်။

(သရက်ခရိုင် အမှတ်- ၃ တပ်ရင်းက ရဲဘော်တွေကို တွေ့ရစဉ်။ ဓာတ်ပုံ - ငါးပြေမပြောက်ကျားတပ်ဖွဲ့)

မကွေး

မကွေးလေတပ်သို့ Military Transport Aircraft (1)စီး အနောက်အရပ်မှ ဆင်းသက်။

13:48, Apr 10
#EAR #SCIN

မကွေး

မကွေးလေတပ်မှ Military Transport Aircraft (1)စီး အနောက်မြောက်အရပ်သို့ ပျံတက်။

13:55, Apr 10
#EAR #SCIN

ပခုက္ကူခရိုင်၊ပေါက်မြို့နယ်

ပေါက်မြို့ပေါ်မှယနေ့မနက်ကအရှေ့အရပ်သို့ထွက်ခွာလာသောစခယာဉ်တန်းနှင့်စခစစ်ကြောင်းသည်နေ့လည်နှစ်နာရီခန့်တွင်ယာကြီးပြင်ပျူရွာသို့ကားအစီးရေ(၁၂၃)စီးဝင်သွားပြီး၊ရှေ့ပြေးစစ်ကြောင်းတကြောင်းသည်ယာကြီးပြင်ပျူရွာမှတဆင့်တောင်အရပ်သို့ထွက်ခွာလာနေကြောင်းသိရပါတယ်။

#MDN
Apr-10/3:03PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

မြို့သစ်နှင့် နတ်မောက်မြို့နယ်အကြား စစ်တပ်စစ်ကြောင်းကို ကြားဖြတ်တိုက်ခိုက်မှု ဗိုလ်ကြီး ၁ ဦးအပါအဝင် ၈ ဦးသေဆုံးဟုဆို

ရန်ကုန်၊ ဧပြီ ၁၀

မကွေးတိုင်း၊ မြို့သစ်မြို့နယ်နှင့် နတ်မောက်မြို့နယ်အကြား လှည့်လည်စစ်ကြောင်းထိုးနေသည့် စစ်ကောင်စီစစ်ကြောင်းကို တော်လှန်ရေးပူးပေါင်းတပ်ဖွဲ့များက ကြားဖြတ်တိုက် ခိုက်ခဲ့ရာ စစ်တပ်ဘက်မှ သုံးပွင့်ဗိုလ်ကြီး ၁ ဦးအပါအဝင် ၈ ဦး သေဆုံးခဲ့ကြောင်း ငါးပြေမပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧပြီလ ၈ ရက်နေ့ အင်အား ၅၀ ခန့်ပါဝင်သော စစ်တပ်စစ်ကြောင်းကို သရက်ခရိုင်အမှတ် (၃) တပ်ရင်း (ငါးပြေမပြောက်ကျားတပ်ဖွဲ့) နှင့် နတ်မောက်မြို့နယ် ပြည်သူ့ကာကွယ်ရေးအဖွဲ့ (ပကဖ) တို့က ကြားဖြတ်တိုက်ခိုက်ခဲ့ခြင်းဖြစ်သည်။

နှစ်ဖက်ထိတွေ့တိုက်ပွဲမှာ မိနစ် ၃၀ ခန့် ကြာမြင့်ခဲ့ပြီး စစ်ကောင်စီဘက်မှ အရာရှိတစ်ဦးအပါအဝင် ၈ ဦး သေဆုံးကာ အများအပြား ဒဏ်ရာရရှိခဲ့ကြောင်း၊ တော်လှန်ရေးတပ်ဖွဲ့ဘက်မှလည်း ရဲဘော်တစ်ဦး ကျဆုံးကာ တစ်ဦး ဒဏ်ရာရရှိခဲ့ကြောင်း ငါးပြေမပြောက်ကျားတပ်ဖွဲ့ တာဝန်ရှိသူက ရှင်းပြသည်။

" စစ်ခွေး သေဆုံးတာက ၃ ပွင့်ဗိုလ်ကြီးအပါအဝင် ၈ ဦးသေဆုံးတယ်။ ထိခိုက်ဒဏ်ရာရတဲ့သူတွေလည်း များတယ်။ စစ်ခွေးတွေနဲ့ တော်လှန်ရေးတပ်တွေ ထိတွေ့တိုက်ပွဲဖြစ်ပွားတာ မိနစ် ၃၀ လောက်ကြာတယ်"ဟု ငါးပြေမ ပြောက်ကျားတပ်ဖွဲ့ မှ တာဝန်ရှိသူကပြောဆိုသည်။

အလားတူ ဧပြီလ ၁ ရက်နေ့ကလည်း ကပစ ၁၇ အတွင်းမှ ထွက်ခွာလာသည့် အင်အား ၈၀ ကျော်ပါ စစ်ကောင်စီစစ်ကြောင်းကို အဆိုပါပူးပေါင်းတပ်ဖွဲ့များကပင် မြို့သစ်နှင့် နတ်မောက်အကြား ရှေ့တန်းတစ်နေရာ၌ ကြားဖြတ်တိုက်ခိုက်ခဲ့ရာ စစ်ကောင်စီဘက်မှ ၁၅ ဦး သေဆုံးခဲ့သေးသည်။

တိုက်ပွဲအပြီး နယ်မြေရှင်းလင်းရေးလုပ်ငန်းများ ဆောင်ရွက်ရာတွင် MA ကျည်ဘောက် ၃ ခုနှင့် ၅.၅၆ ကျည် ၉၀ တောင့်တို့ကို သိမ်းဆည်းရရှိခဲ့ကြောင်း သိရသည်။

လက်ရှိတွင် အဆိုပါဒေသတဝိုက်၌ စစ်ကောင်စီတပ်များက စစ်ကြောင်းထိုးလှုပ်ရှားမှုများ ရှိနေသဖြင့် တော်လှန်ရေးတပ်ဖွဲ့များက စောင့်ကြည့်တိုက်ခိုက်မှုများ ဆက်လက်လုပ်ဆောင်လျက်ရှိကြောင်း သိရှိရသည်။

အသွင်ပြောင်း စစ်တပ်က အညာမှာ မြေလှန်စစ် ဆက်လုပ်နေ

ဖိုးတာ၊ ဧပြီ ၁၀၊ ၂၀၂၆

နေပြည်တော်မှာ အရပ်သားအစိုးရယောင်ဆောင်ပြီး အသွင်ပြောင်းနေပေမဲ့ စစ်တပ်ဟာ စစ်ကိုင်း၊ မကွေးနဲ့ မန္တလေးတိုင်းတို့လို မြန်မာပြည်အလယ်ပိုင်းဒေသတွေမှာတော့ ပြည်သူတွေကို သတ်ဖြတ်တာ၊ အိမ်ခြေတွေကို မီးရှို့တာ စတဲ့ ဖြတ်လေးဖြတ် မြေလှန်စစ်ဆင်ရေးတွေကို ဆက်ပြီး အရှိန်မြှင့်လုပ်ဆောင်နေပါတယ်။

ပြီးခဲ့တဲ့နှစ် ဒီဇင်ဘာလကစလို့ တော်လှန်ရေးအဖွဲ့တွေ ထိန်းချုပ်ထားတဲ့ နယ်မြေတွေကို စစ်ကောင်စီက စစ်ကြောင်းထိုးမှုတွေ ပိုလုပ်လာတာပါ။

စစ်ကိုင်းတိုင်း

စစ်ကိုင်းတိုင်းအထက်ပိုင်းမှာတော့ မတ်လ ၃၀ ရက်နေ့က ထီးချိုင့်မြို့ကို စစ်တပ်က သိမ်းပိုက်နိုင်ခဲ့ပြီးတဲ့နောက် ကချင်ပြည်နယ်နဲ့ ထိစပ်နေတဲ့ အင်းတော်မြို့ဘက်ကို စစ်ကြောင်းနှစ်ကြောင်းခွဲပြီး ဆက်လက်စစ်ကြောင်းထိုးခဲ့ပါတယ်။

ဒါပေမဲ့ Indaw Revolution အဖွဲ့ ရဲ့ ပြောပြချက်အရ စစ်တပ်စစ်ကြောင်းတွေဟာ သူတို့ရဲ့ ခုခံစစ်ကို မကျော်နိုင်ဘဲ ထီးချိုင့်ဘက်ကို ပြန်ဆုတ်သွားခဲ့ရတယ်လို့ သိရပါတယ်။

ထီးချိုင့်ဟာ စစ်တပ်ရဲ့ အလယ်ပိုင်း၊ အနောက်မြောက်ပိုင်းနဲ့ မြောက်ပိုင်းတိုင်းစစ်ဌာနချုပ်တွေ ဆုံရာနေရာမှာ ရှိတာကြောင့် စစ်တပ်အတွက် ရိက္ခာနဲ့ စစ်ကူပို့ဆောင်ရေးအတွက် အချက်အချာကျတဲ့ နေရာတခု ဖြစ်ပါတယ်။ ဒါကြောင့်လည်း စစ်ကိုင်းတိုင်းထဲက ကသာ၊ ကောလင်းနဲ့ ကချင်ပြည်နယ်ထဲက ဗန်းမော်မြို့တွေမှာရှိတဲ့ ကချင်လွတ်မြောက်ရေးတပ် KIA နဲ့ တော်လှန်ရေးအဖွဲ့တွေကို တိုက်ခိုက်ဖို့ ဒီနေရာကို အသည်းအသန် ပြန်သိမ်းခဲ့တာပါ။

ပြီးခဲ့တဲ့ သီတင်းပတ်အနည်းငယ်အတွင်း စစ်ကိုင်းတိုင်းထဲက အရာတော်၊ ချောင်းဦး၊ ဝက်လက်နဲ့ ယင်းမာပင်မြို့နယ်တွေမှာ စစ်တပ်ရဲ့ စစ်ဆင်ရေးတွေကြောင့် ပြည်သူတွေ အသတ်ခံရတာ၊ ဖမ်းဆီးခံရတာတွေရှိသလို အိမ်ခြေရာနဲ့ချီ မီးရှို့ခံရပြီး လူသောင်းနဲ့ချီ စစ်ဘေးရှောင်နေရပါတယ်။ မတ်လ ၂၂ ရက်နေ့ကလည်း ချောင်းဦးမြို့နယ် ရှမ်းတူးကျေးရွာက အိမ်ခြေ ၁၅၀ ကျော်ကို စစ်တပ်က မီးရှို့ဖျက်ဆီးခဲ့တယ်လို့ တော်လှန်ရေးအဖွဲ့တခုဖြစ်တဲ့ BLDF က ထုတ်ပြန်ထားပါတယ်။

မကွေးတိုင်း

မကွေးတိုင်းမှာလည်း အထူးသဖြင့် ဧရာဝတီမြစ်အနောက်ဘက်ကမ်းက ဂန့်ဂေါ၊ ပခုက္ကူနဲ့ မင်းဘူးခရိုင်တွေမှာ စစ်တပ်က စစ်ဆင်ရေးတွေ တိုးလုပ်လာပါတယ်။ အခုချိန်မှာ စစ်တပ်က မြို့ပေါ်တွေကို အဓိက ထိန်းချုပ်ထားနိုင်ပေမဲ့ ကျေးလက်ဒေသ အတော်များများကိုတော့ တော်လှန်ရေးအဖွဲ့တွေကပဲ ထိန်းချုပ်ထားဆဲပါ။

"မြို့ပေါ်တွေမှာ အခိုင်အမာတပ်စွဲထားနိုင်တော့ စစ်တပ်က ကျယ်ကျယ်ပြန့်ပြန့် စစ်ကြောင်းထိုးလာနိုင်တာပေါ့။ ဒါပေမဲ့ သူတို့က ရွာတွေထဲမှာ ကြာကြာမနေရဲတော့ ဝင်စီးပြီးရင် မြို့ပေါ်ကို ချက်ချင်းပြန်ဆုတ်တာမျိုးပဲ လုပ်နေကြတာ" လို့ မကွေးတိုင်းက လေ့လာဆန်းစစ်သူတဦးက ဧရာဝတီသတင်းဌာနကို ပြောပါတယ်။

စစ်တပ်က အလယ်ပိုင်းဒေသတွေမှာ အသာစီးပြန်ရလာတာဟာ ရှမ်းပြည်နယ်ဘက်မှာ တိုင်းရင်းသားလက်နက်ကိုင်အဖွဲ့တွေနဲ့ အပစ်ရပ်ထားနိုင်တာကြောင့် စစ်အင်အားပိုထွက်လာတာ၊ လေကြောင်းပံ့ပိုးမှုတွေရှိတာနဲ့ ဒေသခံတော်လှန်ရေးအဖွဲ့တွေကြားမှာ ညီညွတ်မှုအားနည်းတာတွေကြောင့် ဖြစ်တယ်လို့ ဆိုပါတယ်။

ပြီးခဲ့တဲ့ သုံးပတ်အတွင်း မကွေးတိုင်းက ချောက်၊ မင်းဘူး၊ ငဖဲ၊ စလင်းနဲ့ မြိုင်မြို့နယ်တွေမှာ စစ်တပ်က စစ်ကြောင်းထိုးနေပြီး တော်လှန်ရေးအဖွဲ့တွေနဲ့ တိုက်ပွဲတွေဖြစ်ပွားနေပါတယ်။ စစ်တပ်ဟာ ပြည်သူပိုင်ပစ္စည်းတွေကို လုယက်တာနဲ့ မီးရှို့တာတွေကိုလည်း အဆက်မပြတ် လုပ်ဆောင်နေပါတယ်။

မန္တလေးတိုင်း

မန္တလေးတိုင်းမှာတော့ မြင်းခြံခရိုင်ဟာ စစ်တပ်ရဲ့ စစ်ဆင်ရေးဒဏ်ကို အဆိုးရွားဆုံး ခံနေရပါတယ်။ ဧပြီလ ၂ ရက်နေ့က မြင်းခြံမြို့နယ် ပတ်ပင်ကိုင်းကျေးရွာကို စစ်ကောင်စီဝင်စီးတုန်းက အိမ်ခြေ ၃၀၀ ကျော်ကို ပြာကျအောင် မီးရှို့ခဲ့သလို မိခင်ဖြစ်သူနဲ့ ၁၈ လသားအရွယ် ကလေးငယ် အပါအဝင် ပြည်သူ ၆ ဦးကို သတ်ဖြတ်ခဲ့ပါတယ်။

မတ်လ ၂၂ ရက်ကနေ ၂၈ ရက်အတွင်း မြင်းခြံ-တံတားဦး လမ်းပိုင်းတလျှောက် စစ်ဆင်ရေးတွေမှာ အိမ်ခြေ ၇၀၀ ကျော် မီးရှို့ခံခဲ့ရပြီး ပြည်သူထောင်နဲ့ချီ ထွက်ပြေးနေရပါတယ်။ တောင်သာမြို့နယ်မှာလည်း စစ်တပ်ကြောင့် ရွာသား ၂ ဦး အသတ်ခံရပြီး အိမ်ခြေတွေ ပျက်စီးခဲ့ပါတယ်။

စစ်တပ်ဟာ စစ်ကြောင်းထိုးတဲ့အခါ လမ်းရှင်းဖို့အတွက် လေကြောင်းပံ့ပိုးမှုကို အဓိက အသုံးပြုနေပါတယ်။ ကျောက်ပန်းတောင်းမြို့နယ်မှာလည်း စစ်ကောင်စီတိုက်ခိုက်မှုကြောင့် အိမ်ခြေ ၂၀၀ ကျော် မီးလောင်ခဲ့ပြီး သက်ကြီးရွယ်အိုတဦး အပါအဝင် ရွာသားအချို့ အသတ်ခံခဲ့ရပါတယ်။ စစ်တပ်စစ်ကြောင်းက မိန်းကလေးငယ်တဦးကို အုပ်စုဖွဲ့မုဒိမ်းကျင့်ပြီးမှ သတ်ဖြတ်ခဲ့တယ်လို့လည်း သတင်းတွေ ထွက်ပေါ်နေပါတယ်။

အာဏာဖီဆန်ရေးလှုပ်ရှားမှု (CDM) လုပ်ထားတဲ့ စစ်သားတဦးရဲ့ ပြောပြချက်အရ စစ်ကြောင်းတခုမှာ အင်အား ၁၀၀ ဝန်းကျင်ပါဝင်ပြီး လေကြောင်းပံ့ပိုးမှုကို အမြဲယူလေ့ရှိတယ်လို့ သိရပါတယ်။ တော်လှန်ရေးအဖွဲ့တွေ ထိန်းချုပ်ထားတဲ့ နေရာတွေကို တိုက်ခိုက်တဲ့အခါ စစ်တပ်က တိုက်လေယာဉ်အများအပြားကို သုံးပြီး တပြိုင်တည်း တိုက်ခိုက်တာကြောင့် ပြည်သူတွေ အစုလိုက်အပြုံလိုက် သေဆုံးတာမျိုးတွေလည်း ဖြစ်နေရပါတယ်။

စစ်ခေါင်းဆောင် မင်းအောင်လှိုင်ဟာ သူ့ကိုယ်သူ သမ္မတအဖြစ် ခန့်အပ်ပြီး အရပ်သားအစိုးရပုံစံ ပြောင်းဖို့ ကြိုးစားနေပေမဲ့ ဒီလိုတိုက်ခိုက်မှုတွေကတော့ ရပ်တန့်သွားခြင်း မရှိပါဘူး။

ဒီလို အသွင်ကူးပြောင်းမှုနဲ့ ပတ်သက်ပြီး အာဆီယံအလှည့်ကျဥက္ကဋ္ဌ ဖိလစ်ပိုင်နိုင်ငံက အကြမ်းဖက်မှုတွေ ရပ်တန့်ဖို့နဲ့ လူသားချင်းစာနာထောက်ထားမှုဆိုင်ရာ အကူအညီတွေ အတားအဆီးမရှိ ပေးနိုင်ဖို့ မျှော်လင့်ကြောင်း ပြောကြားခဲ့ပေမဲ့ လက်တွေ့မှာတော့ ဘာမှ ထူးခြားမလာသေးပါဘူး။

Website တွင် ဖတ်ရန် https://bit.ly/47OetIi

(ဧရာဝတီ အင်္ဂလိပ်ပိုင်းပါ Regime Continues Scorched-Earth Campaign Through Myanmar Heartland https://bit.ly/4sZjNRm ကို ဘာသာပြန်သည်။)

⚠️ မကွေး( Delay )

မကွေးဖြတ်၍ K-8W Jet Fighter 1 စီး အနောက်တောင်အရပ်သို့ ပျံသန်း။

15:46, Apr 10
#EAR #SCIN

ပခုက္ကူခရိုင်၊ပခုက္ကူမြို့နယ်

ပခုက္ကူမြို့နယ်၊ရှင်မကန်ပျူရွာမှထွက်လာသောအအတရာခန့်ပါစစ်ကြောင်းသည်ညနေလေးနာရီခွဲခန့်တွင်ညောင်ပင်လှအုပ်စု၊မန်းကျည်းစုရွာကိုရောက်ကာပြည်သူတချို့ကိုလည်းဖမ်းဆီးထားကြောင်းသိရပါတယ်‌။

#MDN
Apr-10/5:00PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

ပခုက္ကူခရိုင်၊ပခုက္ကူမြို့နယ်

ပခုက္ကူမြို့နယ်၊ရှင်မကန်ပျူရွာမှထွက်ခွာလာကာညောင်ပင်လှအုပ်စု၊မန်းကျည်းစုရွာသို့ရောက်ရှိနေ‌သောစခစစ်ကြောင်းသည်‌မြောက်အရပ်သို့ဆက်လက်ထွက်ခွာလာပြီးညောင်ပင်လှအုပ်စု၊ဥယျာဉ်စုရွာကိုမီးရှို့နေကြောင်းသိရပါတယ်။

#MDN
Apr-10/5:40PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

ပခုက္ကူခရိုင်၊ပခုက္ကူမြို့နယ်

ပခုက္ကူမြို့နယ်၊ရှင်မကန်ပျူရွာမှထွက်ခွာလာကာညောင်ပင်လှအုပ်စု၊ဥယျာဉ်စုရွာအားမီးရှို့ခဲ့သောစခစစ်ကြောင်းသည်ညောင်ပင်လှအုပ်စု၊ပုတီးတွင်း-မင်းနန်းတောရွာမှတဆင့်‌အနောက်မြောက်အရပ်သို့ဆက်လက်ထွက်ခွာလာကာညောင်ဂျစ်ပင်ပျူရွာသို့ဝင်ရောက်ကြောင်းသိရပါတယ်။

#MDN
Apr-10/6:16PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

မင်းဘူးခရိုင်၊ပွင့်ဖြူမြို့နယ်

ပွင့်ဖြူမြို့နယ်၊ဇီးကျွန်းရွာမှတဆင့်ထွက်ခွာလာသောစခအအတရာကျော်ပါစစ်ကြောင်း‌သည်နေ့လည်သုံးနာရီခန့်တွင်မဲဇလီရွာသို့ရောက်ရှိပြီး၊ညနေခြောက်နာရီကျော်ထိမဲဇလီရွာရဲစခန်း၌ရှိနေဆဲဖြစ်ကြောင်းသိရပါတယ်။

#MDN
Apr-10/7:00PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl

ပခုက္ကူခရိုင်၊ပခုက္ကူမြို့နယ်

ပခုက္ကူမြို့နယ်၊ရှင်မကန်ပျူရွာမှထွက်ခွာလာကာညောင်ပင်လှအုပ်စု၊ဥယျာဉ်စုရွာအားမီးရှို့ခဲ့သောစခစစ်ကြောင်းသည်ညောင်ပင်လှအုပ်စု၊ပုတီးတွင်း-မင်းနန်းတောရွာမှတဆင့်‌အနောက်မြောက်အရပ်သို့ဆက်လက်ထွက်ခွာလာကာ‌ရှေ့ပြေးအအ၁၀၀ခန့်ညောင်ဂျစ်ပင်ပျူရွာသို့ဝင်ရောက်သွားပြီးနောက်ချန်အအ၁၀၀ခန့်သည်(6:42)PMခန့်ကပုတီးတွင်း-မင်းနန်းတောရွာဘက်၌ကျန်ရှိနေကြောင်းသိရပါတယ်။

#MDN
Apr-10/7:16PM
သတင်းများကြည့်ရှုရန်ချန်နယ်-https://t.me/httpmdn
သတင်းပေးပို့ရန်နှင့်သိချင်တာများရှိပါကမေးမြန်းရန်-@azad1027
သတင်းများမျှဝေရန်နှင့်မေးမြန်းရန်ဂရု-https://t.me/+7LRllDo6P7VlMGJl