1. አቤቱ፥ ወደ አንተ ነፍሴን አነሣለሁ።
2. አምላኬ፥ አንተን ታመንሁ፤ አልፈር፥ ጠላቶቼ በእኔ አይሣቁብኝ።
3. አንተን ተስፋ የሚያደርጉ አያፍሩም፤ በከንቱ የሚገበዙ ያፍራሉ።
4. አቤቱ፥ መንገድህን አመልክተኝ፥ ፍለጋህንም አስተምረኝ።
5. አንተ የመድኃኒቴ አምላክ ነህና በእውነትህ ምራኝ፥ አስተምረኝም፤ ቀኑን ሁሉ አንተን ተስፋ አድርጌአለሁ።
6. አቤቱ፥ ምሕረትህንና ቸርነትህን አስብ፥ ከጥንት ጀምሮ ናቸውና።
7. የልጅነቴን ኃጢአትና መተላለፍ አታስብብኝ፤ አቤቱ፥ ስለ ቸርነትህ ብዛት እንደ ምሕረትህ አስበኝ።
8. እግዚአብሔር ቸር ቅንም ነው፤ ስለዚህ ኃጢአተኞችን በመንገድ ይመራቸዋል።
9. ገሮችን በፍርድ ይመራል፥ ለገሮችም መንገድን ያስተምራቸዋል።
10. የእግዚአብሔር መንገድ ሁሉ ቸርነትና እውነት ነው። ቃል ኪዳኑንና ምስክሩን ለሚጠብቁ።
11. አቤቱ፥ ኃጢአቴ እጅግ ነውና ስለ ስምህ ይቅር በለኝ።
12. እግዚአብሔርን የሚፈራ ሰው ማን ነው? በሚመርጠው መንገድ ያስተምረዋል።
13. ነፍሱ በመልካም ታድራለች፥ ዘሩም ምድርን ይወርሳል።
14. እግዚአብሔር ለሚፈሩት ኃይላቸው ነው፥ ቃል ኪዳኑንም ያስታውቃቸዋል።
15. እርሱ እግሮቼን ከወጥመድ ያወጣቸዋልና ዓይኖቼ ሁልጊዜ ወደ እግዚአብሔር ናቸው።
16. እኔ ብቻዬንና ችግረኛ ነኝና ፊትህን ወደ እኔ አድርግ ማረኝም።
17. የልቤ ችግር ብዙ ነው፤ ከጭንቀቴ አውጣኝ።
18. ድካሜንና መከራዬን እይ፥ ኃጢአቴንም ሁሉ ይቅር በለኝ።
19. ጠላቶቼ እንደ በዙ እይ፥ የግፍም ጥል ጠልተውኛል።
20. ነፍሴን ጠብቅና አድነኝ፤ አንተን ታምኛለሁና አልፈር።
21. አንተን ተስፋ አድርጌአለሁና የውሃትና ቅንነት ይጠብቁኝ።
22. አቤቱ፥ እስራኤልን ከመከራው ሁሉ አድነው።

1. አቤቱ፥ እኔ በየውሃቴ ሄጃለሁና ፍረድልኝ፤ በእግዚአብሔርም አምኛለሁና አልናወጥም።
2. አቤቱ፥ ፍተነኝ መርምረኝም፤ ኵላሊቴንና ልቤን ፍተን።
3. ምሕረትህ በዓይኔ ፊት ነውና፥ በእውነትህም ተመላለስሁ።
4. በከንቱ ሸንጎ አልተቀመጥሁም፥ ከዓመፀኞችም ጋር አልገባሁም።
5. የክፉዎችን ማኅበር ጠላሁ፥ ከዝንጉዎችም ጋር አልቀመጥም።
6. እጆቼን በንጽሕና አጥባለሁ፤ አቤቱ፥ መሠዊያህን እዞራለሁ፥
7. የምስጋናን ድምፅ እሰማ ዘንድ፥ ተአምራትህንም ሁሉ እነግር ዘንድ።
8. አቤቱ፥ የቤትህን ስፍራ የክብርህንም ማደሪያ ቦታ ወደድሁ።
9. ከኃጢአተኞች ጋር ነፍሴን፥ ከደም ሰዎችም ጋር ሕይወቴን አታጥፋ።
10. በእጃቸው ተንኰል አለባቸው፥ ቀኛቸውም መማለጃ ተሞልታለች።
11. እኔ ግን በየውሃቴ ሄጃለሁ፤ አድነኝ ማረኝም።
12. እግሮቼ በቅንነት ቆመዋልና፤ አቤቱ፥ በማኅበር አመሰግንሃለሁ።

1. እግዚአብሔር ብርሃኔና መድኃኒቴ ነው፤ የሚያስፈራኝ ማን ነው? እግዚአብሔር የሕይወቴ መታመኛዋ ነው፤ የሚያስደነግጠኝ ማን ነው?
2. ክፉዎች፥ አስጨናቂዎቼ ጠላቶቼም፥ ሥጋዬን ይበሉ ዘንድ በቀረቡ ጊዜ፥ እነርሱ ተሰናከሉና ወደቁ።
3. ሠራዊትም ቢሰፍርብኝ ልቤ አይፈራም፤ ሰልፍም ቢነሣብኝ በዚህ እተማመናለሁ።
4. እግዚአብሔርን አንዲት ነገር ለመንሁት እርስዋንም እሻለሁ፤ በሕይወቴ ዘመን ሁሉ በእግዚአብሔር ቤት እኖር ዘንድ፥ እግዚአብሔርን ደስ የሚያሰኘውንም አይ ዘንድ፥ መቅደሱንም እመለከት ዘንድ።
5. በመከራዬ ቀን በድንኳኑ ሰውሮኛልና፥ በድንኳኑም መሸሸጊያ ሸሽጎኛልና፥ በዓለት ላይ ከፍ ከፍ አድርጎኛልና።
6. እነሆ፥ አሁን በዙሪያ ባሉ በጠላቶቼ ላይ ራሴን ከፍ ከፍ አደረገ፤ በድንኳኑም የእልልታ መሥዋዕትን ሠዋሁ፥ ለእግዚአብሔር እቀኛለሁ እዘምርለትማለሁ።
7. አቤቱ፥ ወደ አንተ የጮኽሁትን ቃሌን ስማኝ። ማረኝና አድምጠኝ።
8. አንተ ፊቴን እሹት ባልህ ጊዜ። አቤቱ፥ ፊትህን እሻለሁ ልቤ አንተን አለ።
9. ፊትህን ከእኔ አትሰውር፥ ተቈጥተህ ከባሪያህ ፈቀቅ አትበል፤ ረዳት ሁነኝ፥ አትጣለኝም፥ የመድኃኒቴም አምላክ ሆይ፥ አትተውኝ።
10. አባቴና እናቴ ትተውኛልና፥ እግዚአብሔር ግን ተቀበለኝ።
11. አቤቱ፥ መንገድህን አስተምረኝ፥ ስለ ጠላቶቼም በቀና መንገድ ምራኝ።
12. የሐሰት ምስክሮችና ዓመፀኞች ተነሥተውብኛልና ለጠላቶቼ ፈቃድ አትስጠኝ።
13. የእግዚአብሔርን ቸርነት በሕያዋን ምድር አይ ዘንድ አምናለሁ።
14. እግዚአብሔርን ተስፋ አድርግ፤ በርታ፥ ልብህም ይጽና፤ እግዚአብሔርን ተስፋ አድርግ።

''ልቤ ሆይ ለምን ትጨነቃለህ እግዚኣብሄር የማያውቀው ስቃይህ የማይሰማው ጩሀትህ እና የማያየው እንባህ የለም።

"ሰዎች ሊረዱህ ባይችሉም እግዚኣብሄር የልብህን ምስጢር ያውቃል። ሁሉም መንገዶች ተዘግተው ሲታዩህ፣ በፀሎት ወደ እርሱ ቅረብ።"

"ምክንያቱም ተስፋህ በሰዎች እጅ ብቻ ሳይሆን በእግዚኣብሄር ፍቅር ውስጥ አለ ።''

አቡነ ሽኖዳ ሳልሳዊ🧡

❝ሕፃኑን የሚሹት ሄሮድስና ሠራዊቱ ሞተዋልና እናቱንና ሕፃኑን ይዘህ ወደ ሀገርህ ተመለስ!❞

❝አስተጋብኦሙ እግዚእነ ለሐዋርያቲሁ ቅዱሳን ውስተ ዝንቱ ደብረ ቊስቋም ወቀደሰ ታቦተ ወቤተ ክርስቲያን ወሠርዐ ቍርባነ ወመጠዎሙ ሥጋሁ ቅዱሰ ወደሞ ክቡረ — በዚህ በደብረ ቊስቋም ጌታችን ቅዱሳን ሐዋርያቱን ሰበሰባቸው ታቦትንና ቤተ ክርስቲያንንም አክብሮ የቊርባን መሥዋዕትንም ሠርቶ ቅዱስ ሥጋውን ክቡር ደሙን አቀበሏቸዋል❞

❝ምንተ እነግር ወምንተ እዜኑ በእንተ ዝንቱ ደብር ምሥጢር እስመ ኀደረ ልዑል ውስተ ደብረ ቍስቋም ምስለ ማርያም ድንግል — ስለዚህ ተራራ ምሥጢር ምን እናገራለሁ? ምንስ አወራለሁ? ልዑል በቍስቋም ተራራ ውስጥ ከድንግል ማርያም ጋር አድሯልና❞

❝መንክር ወመድምም ዘተገበረ በደብረ ቊስቋም መንክር ዘይሴባሕ በአርያም አምላክ ፍጹም ኀደረ ውስቴቱ መድኀኔ ዓለም ዘሀሎ እምቅድም ኀደረ ውስቴቱ ለዝንቱ ደብር ዘአብ ቃል ምስለ እሙ ድንግል ደመና ቀሊል — በቊስቋም ተራራ የተደረገው ነገር ዕፁብ ድንቅ ነው። በአርያም የሚመሰገን አምላክ ድንቅ ነው፤ ቅድመ ዓለም የነበረ የዓለም መድኀኒት በውስጡ ፍጹም አድሯልና፤ የአብ ቃል ፈጣን ደመና ከሆነችው ከድንግል እናቱ ጋር በዚህ ተራራ ውስጥ አደረ❞

❝መንግሥቱ ሰፋኒት ዘእምቅድመ ዓለም ወልደ ቅድስት ማርያም ኀሠሠ ምዕራፈ ከመ ድኩም ንጉሥ ዘለዓለም ግሩም እምግሩማን ብርሃነ ሕይወት ዘኢይጸልም ኀደረ ደብረ ቁስቋም ኀይል ወጽንዕ ዘእምአርያም — የቅድስት ድንግል ማርያም ልጅ ዓለም ሳይፈጠር ዘመን ሳይቆጠር የነበረች ጌትነቱ ምልዕት ስፍሕት ናት (ቅድመ ዓለም የነበረች ፍጽምት የምትሆን ልጅነቱ የባሕርዩ ናት) የማይጨልም የሕይወት ብርሃን፣ ከግሩማን በላይ ግሩም፤ ዘለዓለማዊ ንጉሥ ሲሆን እንደ ድኩም ማረፈያን ፈለገ ከአርያም የሆነ ኀይል ጽንዕ ያለው እርሱ በቁስቋም ተራራ አደረ❞

❝ብጽዐን ለኪ ኦ ደብረ ቍስቋም፤ እምኵሎን አድያም እምናዝሬት እስከ ቤተልሔም፤ ዘተጸወነ ላዕሌኪ መድጎኔ ኵሉ ዓለም — ከናዝሬት እስከ ቤተልሔም ካሉ አውራጆች ሁሉ የዓለም ሁሉ መድኅኒት ወደ አንቺ የተጠጋ የቍስቋም ተራራ ሆይ ክብር ይገባሻል❞

❝በቃለ ውዳሴ ጥዑም ይደሉ ሰላም፤ ለዕበይኪ ፍጹም አድባረ ቍስቋም፤ ማኅደረ ልዑል ዘአርያም፤ በአርያም ያለ የልዑል ማደሪያው የሆንሽ የቊስቋም ተራራ ሆይ ፍጹም ለሚሆን ክብርሽ በሚጣፍጥ የምስጋና ቃል ሰላምታ ማቅረብ ይገባል❞

1. አቤቱ፥ ወደ አንተ እጠራለሁ፤ ዝም ብትለኝ ወደ ጓድጓድ እንደሚወርዱት እንዳልመስል፥ አንተ አምላኬ፥ ዝም አትበለኝ።
2. ወደ መቅደስህ ማደሪያ እጄን ባነሣሁ ጊዜ፥ ወደ አንተ የጮኽሁትን የልመናዬን ቃል ስማ።
3. ከኃጥኣንና ከክፉ አድራጊዎች ጋር ነፍሴን አትውሰዳት፤ ክፋትም በልባቸው እያለ ከባልንጀራቸው ጋር ሰላም ከሚናገሩት ጋር አትጣለኝ።
4. እንደ ሥራቸው እንደ አካሄዳቸውም ክፉት ስጣቸው፤ እንደ እጃቸውም ሥራ ስጣቸው፤ ፍዳቸውን ወደ ራሳቸው መልስ።
5. ወደ እግዚአብሔር ሥራ ወደ እጆቹም አደራረግ አላሰቡምና ያፈርሳቸዋል እንጂ አይሠራቸውም።
6. የልመናዬን ቃል ሰምቶኛልና እግዚአብሔር ይመስገን።
7. እግዚአብሔር ኃይሌና ጋሻዬ ነው፤ ልቤ በእርሱ ታመነ እኔም ተረዳሁ፤ ሥጋዬም ደስ ይለዋል፥ ፈቅጄም አመሰግነዋለሁ።
8. እግዚአብሔር ለሕዝቡ ኃይላቸው ነው፥ ለቀባውም የመድኃኒቱ መታመኛ ነው።
9. ሕዝብህን አድን፥ ርስትህንም ባርክ፤ ጠብቃቸው፥ ለዘላለሙም ከፍ ከፍ አድርጋቸው።