ተስፋ መቁረጥና ስንፍና እጅግ ክፉዎች ናቸውና ከእነዚህ እንራቅ፡፡

“ክፋታቸውስ እንደምን ያለ ነው?” ያልከኝ እንደ ኾነም እንዲህ ብዬ እመልስልሃለሁ፡- ተስፋ መቁረጥ የወደቀው ሰው እንደ ገና እንዲነሣ አይፈቅድለትም፤ ስንፍናም የቆመው ሰው እንዲወድቅ ያደርጓል፡፡ ስንፍና ገንዘብ ያደረግናቸውን መልካም ነገሮች ከማሳጣቱም በላይ ሊመጡ ካሉ ክፉ ነገሮች እንዳንጠበቅ ያደርገናል፡፡ ስንፍና ከሰማያትም ቢኾን ይጥለናል፤ ቀቢጸ ተስፋም ወደ ክፋት ዐዘቅት እንድንሰጥም ያደርገናል፡፡ በእውነት በቀቢጸ ተስፋ ካልተያዝን ከጽኑ ክፋት መመለስ ይቻለናል፡፡

እነዚህ ኹለቱ ምን ያህል ኃይል እንዳላቸው ይበልጥ ታውቅ ትረዳ ዘንድ ምሳሌ ጠቅሼ ልንገርህን? መልካም! ዲያብሎስ መጀመሪያ ላይ መልካም ነበር፤ ከስንፍናና ከቀቢጸ ተስፋ የተነሣ ግን እንደ ገና የማይነሣ ኾኖ ወደ ክፋት ወደቀ፡፡ ዲያብሎስ ጥንቱ መልካም እንደ ነበረ ሲናገር መጽሐፍ ቅዱስ እንዲህ ያለውን አድምጥ፡- “ሰይጣን እንደ መብረቅ ከሰማይ ሲወድቅ አየሁ” (ሉቃ.10፡18)፡፡ መብረቅ የሚለው አገላለጽ ዲያብሎስ ከመውደቁ በፊት ምን ያህል ብሩህ ሕይወት እንደ ነበረውና በምን ያህል ቅጽበት እንደ ወደቀ የሚያመለክት ነው፡፡ ቅዱስ ጳውሎስ ደግሞ ተሳዳቢ፣ አሳዳጅና ነውርን የማያውቅ ሰው ነበር (1ኛ ጢሞ.1፡13)፡፡ ነገር ግን ቀናተኛ ስለ ነበርና ተስፋ ስላልቈረጠ ተነሥቶ መላእክትን የሚተካከል ኾነ፡፡ ይሁዳ ሐዋርያ ነበር፤ ነገር ግን በስንፍና ምክንያት ጌታውን አሳልፎ ሰጠ፡፡ ፈያታዊ ዘየማን ደግሞ እንደዚያ እጅግ ክፉ የነበረ ሰው ቢኾንም ቅሉ ተስፋ ስላልቈረጠ ኹሉንም ቀድሞ ገነት ገባ፡፡ ፈሪሳዊው ሰው ራሱን ከፍ ከፍ ያደርግ ስለ ነበር ከምግባር ማማ ላይ ወደቀ፡፡ ቀራጩ ግን ተስፋ ስላልቈረጠ ከፈሪሳዊውም በልጦ ወደ ምግባር ሰገነት ወጣ፡፡
ስለዚህ ይህን ዐውቀን ዘወትር ከስንፍናና ተስፋ ከመቁረጥ እንራቅ!

ቅዱስ ዮሐንስ አፈወርቅ

፧፧ እኔ ከሚስቀው ዓለም አይለሁም  ፧፧

በአንድ ወቅት ብጹዕ አቡነ ሺኖዳ በግብፅ ፓርላማ ላይ እንዲገኙ ጥሪ ደረሳቸው። ታዲያ አንድ እሚያውቃቸው ሰው ከሰው ጋር እንዲመሳሰሉ ስብሰባው ላይ የክህነት ልብሳቸውን ልብስ ትተው ሱፍ ማድረግ እንዳለባቸው ነገራቸው አለበለዚያ ግን መሳቂያ ይሆናሉ አላቸው። ይህንን የሰሙት ብጹዕነታቸው "እኔ ያለሁት ከሚስቀው ዓለም ጋር ሳይሆን ከሚሳቅበት ከክርስቶስ ጋር ነው። ስለዚህ አይደንቀኝም ዓለም ምንም ይበል!!! አሉት ይባላል። ከክርስቶስ ጋር የሚኖር ሰው ስለምድራዊ ክብር አይጨነቅም ተሰደብኩ ተነቀፍኩ ተዋረድኩ አይልም ለምን? ሁልጊዜም ቀራንዮ በአይኑ አለ እኛም በዓለም ፊት ዓለምን በክርስቶስ ፊት ክርስቶስን ከመምሰል ከንቱ መመላለስ እንድን ዘንድ የቅዱሳን አበው ማስተዋሉን ያድለን የእግዚአብሔር ፈቃድ እርሱም በጎና ደስ የሚያሰኝ ፍፁምም የሆነውን ነገር ምን እንደሆነ ታውቁ ዘንድ በልባችሁ መታደስ ተለወጡ እንጂ ይህንን ዓለም አትምሰሉ። ሮሜ 12:2


የአባቶቻችን ጸጋ በረከት ይደርብን አሜን፫

❤️መልካም አዳር❤️

አንዳንድ  ጊዜ  ሰው  ብቻውን  የሚቀርበት  ጊዜ  አለ ፤ ብቻውን  ምንም  በቃ !
አንተን ሞቼም  አልተውህም   ያለህ ሰው ሁሉ ምንም ፤

የሰው  ልጅ  የልፋቱን  ዋጋ እግዚአብሔርን  ካደረገ  ሰው ምንም  ይነሰው  በሰላም  ይኖራል ፤
በዚህ  ዓለም  ከባዱ  ነገር  ልብን  ሰላም  ማድረግ  ነው ! ከሰው ጋር ለመኖር ዋሽቶም  ቀጥፎም አስመስሎም  ሰላም  ሆኖ ይኖራል!

ልብን  ግን ዋሽቶ ቀጥፎ  አስመስሎ  ሰላም  ማድረግ አይቻልም !ልብን  ሰላም  ለማድረግ  እግዚአብሔርን  ዋጋ  ማድረግ  ነው !!! 

+ሊቀ ሊቃውንት አባ ገብረ ኪዳን +

መልካም  ማለዳ ❤️❤️❤️

ወገኖቼ ብናውቅበት እግዚአብሄርን በትህትና እናመሰግነዋለን ራሳችንን ብቻ እየከሰስን የእግዚአብሄርን ምርጦች ደግሞ እየተመለከትን እንጓዛለን ብናስተውል ራሳችንን ከዚህ አለም ሃጢአት እንጠብቃለን፡ ብናስተውል የድሆች ወዳጅ፡ የተራቡ አጉራሽ እንሆናለን የእግዚአብሄር ልጆች ብንሆን ትእዛዙን እናከብራን፡ እርስ በእርሳችንም እንዋደዳለን፤ ዲያቢሎስን ብንክደው የእርሱንም ሃሳብ እናውቃለን እንክዳለንም፤ በስጋ ብንመላለስ ግን ክርክር ትቀርበናለች ስንፍና ትጠጋናለች ድሆች አይታዩንም ንፅህና አይገኝብንም፤ በስጋ ብንመላለስ ክርስቶስን ለሌሎች እንሰብካለን እኛ ግን ክርስቶስን አላወቅነውም ብርሃንን ለሌሎች እናመላክታለን እኛ ግን ውስጣችን ጨልሟል እውር ደግሞ ማንን መምራት ይችላል? ራሱንም ተመሪውንም ወደገደል ከመክተት ውጭ? ለክርስቲያን ግን ትህትና ምግቡ መጠጡ ናት፡ ትሁታን ዘወትር እግዚአብሄርን ያዩታልና፡ ትእቢተኞች ግን ራሳቸውን ከፍ አድርገው ሌሎቹን ሲተቹ ይታያሉ በዚህ ዲያቢሎስን ይመስሉታል፡፡ እግዚአብሔር ትእቢተኞችን ያዋርዳል የተዋረዱትን ደግሞ ከፍ ከፍ ያደርጋል፡፡

📖 መዝሙረ ዳዊት - Chapter 12

1. አቤቱ፥ አድነኝ፤ ደግ ሰው አልቆአልና፥ ከሰው ልጆችም መተማመን ጐድሎአልና።
2. እርስ በርሳቸው ከንቱ ነገርን ይናገራሉ፤ በሽንገላ ከንፈር ሁለት ልብ ሆነው ይናገራሉ።
3. የሽንገላን ከንፈሮች ሁሉ እግዚአብሔር ያጠፋቸዋል፥ ታላቅ ነገርን የምትናገረውን ምላስ፤
4. ምላሳችንን እናበረታለን፤ ከንፈራችን የእኛ ነው፥ ጌታችን ማን ነው? የሚሉትን።
5. ስለ ድሆች መከራ፥ ስለ ችግረኞች ጩኸት እግዚአብሔር። አሁን እነሣለሁ ይላል፤ መድኃኒትን አደርጋለሁ፥ በላዩም እገልጣለሁ።
6. በምድር ላይ እንደ ተፈተነ ሰባት ጊዜ እንደ ተጣራ ብር። የእግዚአብሔር ቃላት የነጹ ቃላት ናቸው።
7. አቤቱ፥ አንተ ጠብቀን፥ ከዚህችም ትውልድ ለዘላለም ታደገን።
8. በሰው ልጆች ዘንድ ምናምንቴ ከፍ ከፍ ባለ ጊዜ ክፉዎች በዙሪያው ሁሉ ይመላለሳሉ።

እነሆ በደጅ ቆሜ አንኳኳለሁ፤ ማንም ድምፄን ቢሰማ ደጁንም ቢከፍትልኝ፥ ወደ እርሱ እገባለሁ ከእርሱም ጋር እራት እበላለሁ እርሱም ከእኔ ጋር ይበላል።

— የዮሐንስ ራእይ 3:20

🌹🌼🌹🌹ሰቆቃወ ድንግል🌼🌹🌼🌹🌹
ምዕረ በዘባንኪ ወምዕረ በገቦኪ፤
ማርያም ብዙኃ በሐዚለ ሕፃን ደከምኪ፤
ሶበኒ የሐውር በእግሩ ከመ ትፁሪዮ ይበኪ፤
አልቦ እንበለ ሰሎሜ ዘያስተባርየኪ ለኪ፤
ወዮሴፍ አረጋዊ ዘይፀውር ስንቀኪ።
🌹🌼🌹🌼🌹🌼🌹🌼🌹🌼🌹🌼🌹
ትርጉም፦

ማርያም አንድ ጊዜ በጀርባሽ አንድ ጊዜ በጎንሽ ልጅሽን በማዘል በእጅጉ ደከምሽ፤ በእግሩ በሚሄድበት ጊዜም ትሸከሚው ዘንድ ያለቅሳል፤
ስንቅሽን ከሚሸከም ከሽማግሌ ዮሴፍና ከሰሎሜ በቀር አንቺን የሚያስተጋግዝሽ የለም።

🌹🌼🌹🌼🌹🌼🌹🌹🌼🌹🌹🌹🌹🌹

*ልጄ ሆይ፥ አእምሮህን በነገው ጭንቀት አትሙላው* ፤ ምክንያቱም *እግዚአብሔር* አስቀድሞ ስለ ነገ አስቦበታል። ውጫዊው ማዕበል ይናወጥ ይሆናል፤ ነገር ግን ልብህን ለእግዚአብሔር አሳልፈህ ከሰጠህ፤ በውስጥህ የሚኖር ሰላም ከዓለም ውካታ ሁሉ በላይ ይሆናል።


*አቡነ ሺኖዳ ሳልሳዊ💙🦋*


ሰላም  ዕደሩ  የነገ  ሰው  ይበለን ❤️❤️❤️

የሕይወት  ቃል ፦የዕለቱ ምንባብ

መዝሙረ ዳዊት 26:1

1. እግዚአብሔር ብርሃኔና መድኃኒቴ ነው፤ የሚያስፈራኝ ማን ነው? እግዚአብሔር የሕይወቴ መታመኛዋ ነው፤ የሚያስደነግጠኝ ማን ነው?

ሰናይ እለተ ሰንበት ❤️❤️❤️

📖 መዝሙረ ዳዊት - Chapter 13

1. አቤቱ፥ እስከ መቼ ፈጽመህ ትረሳኛለህ? እስከ መቼስ ፊትህን ከእኔ ትሰውራለህ?
2. እስከ መቼ በነፍሴ እመካከራለሁ? ትካዜስ እስከ መቼ ሁልጊዜ ይሆናል? እስከ መቼ ጠላቴ በላዬ ይጓደዳል?
3. አቤቱ አምላኬ፥ እየኝ ስማኝም፤ ጠላቴ። አሸነፍሁት እንዳይል፥
4. የሚያስጨንቁኝም እኔ ብናወጥ ደስ እንዳይላቸው፥ ለሞትም እንዳልተኛ ዓይኖቼን አብራ።
5. እኔ ግን በቸርነትህ ታመንሁ፥ ልቤም በመድኃኒትህ ደስ ይለዋል።
6. የረዳኝን እግዚአብሔርን አመሰግናለሁ፥ ለልዑል እግዚአብሔር ስምም እዘምራለሁ።

📖 መዝሙረ ዳዊት - Chapter 14

1. ለመዘምራን አለቃ፤ የዳዊት መዝሙር።
2. የሚያስተውል እግዚአብሔርንም የሚፈልግ እንዳለ ያይ ዘንድ፤ እግዚአብሔር ከሰማይ የሰው ልጆችን ተመለከተ።
3. ሁሉ ዐመፁ በአንድነትም ረከሱ በጎ ነገርን የሚሠራ የለም፤ አንድም ስንኳ የለም።
4. ጕሮሮአቸው የተከፈተ መቃብር ነው፥ በምላሳቸው ሸነገሉ፤
5. ከከንፈራቸው በታች የእባብ መርዝ አለ፤ አፋቸው መርገምንና መራራን ተሞልቶአል፤
6. ደምን ለማፍሰስ እግራቸው ፈጣን ነው፤ ጥፋትና ጕስቍልና በመንገዳቸው አለ፥ የሰላምን መንገድ አላወቁአትምና፤ እግዚአብሔርን መፍራት በዓይናቸው ፊት የለም።
7. ሕዝቤን እንደ እንጀራ የሚበሉ ኃጢአት የሚሠሩ ሁሉ በውኑ አያውቁምን? እግዚአብሔርንም አይጠሩትም።

የሕይወት  ቃል ፦የዕለቱ ምንባብ

የዮሐንስ ወንጌል 16:20-21

20. እውነት እውነት እላችኋለሁ፥ እናንተ ታለቅሳለችሁ ሙሾም ታወጣላችሁ፥ ዓለም ግን ደስ ይለዋል፤ እናንተም ታዝናላችሁ፥ ነገር ግን ኀዘናችሁ ወደ ደስታ ይለወጣል።
21. ሴት በምትወልድበት ጊዜ ወራትዋ ስለ ደረሰ ታዝናለች፤ ነገር ግን ሕፃን ከወለደች በኋላ፥ ሰው በዓለም ተወልዶአልና ስለ ደስታዋ መከራዋን ኋላ አታስበውም።

ሰናይ ዕለተ ሰኞ ይሁንልን ❤️❤️❤️

እግዚአብሔር በሚገኝበት ጊዜ ፈልጉት፥ ቀርቦም ሳለ ጥሩት፤

— ትንቢተ ኢሳይያስ 55:6

📖 መዝሙረ ዳዊት - Chapter 15

1. አቤቱ፥ በድንኳንህ ውስጥ ማን ያድራል? በተቀደሰውም ተራራህ ማን ይኖራል?
2. በቅንነት የሚሄድ፥ ጽድቅንም የሚያደርግ፥ በልቡም እውነትን የሚናገር።
3. በአንደበቱ የማይሸነግል፥ በባልንጀራው ላይ ክፋትን የማያደርግ፥ ዘመዶቹንም የማይሰድብ።
4. ኃጢአተኛ በፊቱ የተናቀ፥ እግዚአብሔርንም የሚፈሩትን የሚያከብር፥ ለባልንጀራው የሚምል የማይከዳም።
5. ገንዘቡን በአራጣ የማያበድር፥ በንጹሑ ላይ መማለጃን የማይቀበል። እንዲህ የሚያደርግ ለዘላለም አይታወክም።

ተወዳጆች  እንዴት  አደራችሁ 😍

በአለም ላይ ትልቁ መከራ ምንድን ነው ካላችሁ
እንደ ውሻ የሰው ፊት ማየት ነው።
የሰው ፊት እሳት ነው።
የእግዚአብሔር ፊት ብቻ ግን ብርሃን ነው ።
ለዛ ነው ፊቴን እሹ  ያለው

ቅዱስ ዳዊት

አቤቱ ፊቴን እሹ  ብለሃልና
አቤቱ ጌታ ሆይ ፊትህን እሻለሁ ይላል።

ተወዳጆች

👉የማያሳፍር 
👉ብርሃን የሆነ
👉ደስታ የሆነ ፊት

የእግዚአብሔር  ፊት ነው

መልካም  ማለዳ  መልካም  ቀን ❤️❤️❤️

በማቴዎስ 5:34 ላይ “ፈጽሞ አትማሉ” ተብሎ ታዟል፤ በሌላ በኩል ደግሞ በብሉይ ኪዳን በመዝሙር 15:4 (በ1954 ትርጉም መዝሙር 14:4) ላይ በእግዚአብሔር ድንኳን ውስጥ የሚኖር ጻድቅ ሰው ሲገለጽ “ለባልጀራው የሚምል የማይከዳም” ይላል። እንዴት ?

1. የኪዳናትና የዘመን ልዩነት ፦

• በብሉይ ኪዳን ፦ በብሉይ ኪዳን ዘመን መማል ሙሉ በሙሉ የተከለከለ አልነበረም። የተከለከለው በሐሰት መማል እና የእግዚአብሔርን ስም በከንቱ ማንሳት ነበር (ዘጸአት 20:7)። ስለዚህ አንድ ሰው በእግዚአብሔር ስም ማልዶ ቃሉን ከጠበቀና ካልካደ እንደ ጻድቅ ይቆጠር ነበር። መዝሙረኛው ቅዱስ  ዳዊት የጠቀሰው ይህንን ታማኝነት ነው።

# በአዲስ ኪዳን የክርስቶስ ያዘዘው ፦
በማቴዎስ 5 ላይ ሕግን ሊያሻሽልና ሊፈጽም ሲመጣ የሰዎችን  የጽድቅ ደረጃ ከፍ አደረገው። “ቃላችሁ አዎን ከሆነ አዎን፥ አይደለም ከሆነ አይደለም ይሁን” በማለት አማኞች መማል ሳያስፈልጋቸው በቃላቸው ብቻ የሚታመኑ ፍጹማን እንዲሆኑ አዘዘ።

2. የቃሉ ትክክለኛ ፍቺ እና  አንድምታው ፦

በግዕዙ መጽሐፍ ቅዱስ ላይ ይህ ጥቅስ “ዘይመህል ለባልጀሩ ወኢይሔሱ” ይላል። ይህንን ሊቃውንት በሁለት መንገድ ይተረጉሙታል፦

፠ አንደኛው ትርጉም፦ “ለባልጀሩ የሚምል (የሚምልለት/የሚገዘትለት) የማይከዳውም” ማለት ሲሆን፥ ይህም ከላይ እንደተጠቀሰው በብሉይ ኪዳን ለሰው የገባውን ቃል ኪዳን በጥንካሬ የሚጠብቅ ሰውን ያሳያል።

# ሁለተኛውትርጉም፦ “መሐላ” ማለት በግዕዝ ማልዶ ቃል መግባት ብቻ ሳይሆን “ቃል ኪዳን መግባት/መረታት” ማለትም ነው። ስለዚህ “ለባልጀራው የሚምል” ማለት “ለጓደኛው፣ ለወንድሙ ወይም ለሰዎች ሁሉ በታማኝነት ቃል የሚገባና የገባውን ቃል የማያጥፍ፣ የማይዋሽ” ማለት ነው።

3.#ሁለቱም ጥቅሶች የሚያተኩሩት በአንድ ዋና ነገር ላይ ነው፤ እርሱም ታማኝነት ነው።

# መዝሙረኛው ማልዶም ቢሆን የገባውን ቃል የማይ አጥፍ የመሰከረለትን ሰው ታማኝነት ሲያደንቅ፥

፠ ክርስቶስ ደግሞ ክርስቲያኖች መማል እንኳን ሳያስፈልጋቸው በንግግራቸው ብቻ የታመኑና የማይዋሹ እንዲሆኑ አስተምሯል።

በአጠቃላይ፡ መዝሙሩ የብሉይ ኪዳንን የጽድቅ ደረጃ (የማይዋሽና መሐላውን የሚያከብር) ሲያሳይ፥ ወንጌል ደግሞ ፍጹም የሆነውን የአዲስ ኪዳን ሕግ (ከመሐላ የጸዳ ሙሉ ታማኝነትን) ይገልጻል።


@temsgn121619

📖 መዝሙረ ዳዊት - Chapter 16

1. አቤቱ፥ በአንተ ታምኛለሁና ጠብቀኝ።
2. እግዚአብሔርን። አንተ ጌታዬ ነህ አልሁ፤ ከአንተ በቀር በጎነት የለኝም።
3. ፈቃድህ ሁሉ በምድር ባሉት ቅዱሳንና ክቡራን ላይ ነው።
4. ወደ ሌላ ለሚፋጠኑት መከራቸው ይበዛል፤ የቍርባናቸውን ደም እኔ አላፈስሰውም፥ ስማቸውንም በከንፈሬ አልጠራም።
5. እግዚአብሔር የርስቴ እድል ፈንታና ጽዋዬ ነው፥ ዕጣዬንም የምታጠና አንተ ነህ።
6. ገመድ ባማረ ስፍራ ወደቀችልኝ፥ ርስቴም ተዋበችልኝ።
7. የመከረኝን እግዚአብሔርን እባርካለሁ፤ ደግሞም በሌሊት ኵላሊቶቼ ይገሥጹኛል።
8. ሁልጊዜ እግዚአብሔርን በፊቴ አየዋለሁ፤ በቀኜ ነውና አልታወክም።
9. ስለዚህ ልቤን ደስ አለው ምላሴም ሐሴት አደረገች፤ ሥጋዬም ደግሞ በተስፋ ታድራለች፤
10. ነፍሴን በሲኦል አትተዋትምና፥ ቅዱስህንም መበስበስን ያይ ዘንድ አትተወውም።
11. የሕይወትን መንገድ አሳየኸኝ፤ ከፊትህ ጋር ደስታን አጠገብኸኝ፥ በቀኝህም የዘላለም ፍሥሐ አለ።

የሕይወት  ቃል ፦የዕለቱ ምንባብ

15. በብዙዎች በኩል የተትረፈረፈው ጸጋ ለእግዚአብሔር ክብር ምስጋናን ያበዛ ዘንድ፥ ሁሉ ስለ እናንተ ነውና።
16. ስለዚህም አንታክትም፥ ነገር ግን የውጭው ሰውነታችን ቢጠፋ እንኳ የውስጡ ሰውነታችን ዕለት ዕለት ይታደሳል።
17. የማይታየውን እንጂ የሚታየውን ባንመለከት፥ ቀላል የሆነ የጊዜው መከራችን የክብርን የዘላለም ብዛት ከሁሉ መጠን ይልቅ ያደርግልናልና፤ የሚታየው የጊዜው ነውና፥ የማይታየው ግን የዘላለም ነው።

2ኛ ወደ ቆሮንቶስ ሰዎች 4:15-17

ሰናይ ቀን ❤️❤️❤️

+ኃጢአተኛ ነው" የምትለውን ወንድምህን ውደደው+


"እገሌ እኮ እንዲህ እንዲህ ዓይነት ኃጢአት ሠርቷል" ብላችሁ የምታሙትን ወንድማችሁ ከዚያ ኃጢአቱ ነጻ እንዲወጣ ትፈልጋላችሁን? እንግዲያስ ስለ ኃጢአቱ አልቅሱለት፤ ወደ እግዚአብሔር ጸልዩለት፤ ለብቻ ወስዳችሁም ምከሩት እንጂ አትሙት። ሐዋርያው ጳውሎስ ለቆሮንቶስ ክርስቲያኖች እንዲህ ብሎ ጽፎላቸው ነበር፡- "ነገር ግን ወዳጆች! እናንተን ልናንጻችሁ ሁሉን እንናገራለን። ስመጣ እንደምወደው ሳትሆኑ አገኛችሁ ይሆናል፤ እኔም እንደምትወዱት ሳልሆን ታገኙኝ ይሆናል ብዬ እፈራለሁና፡፡

ምናልባት ክርክር ቅንዓትም ቁጣም አድመኝነትም ሐሜትም ማሾክሾክም ኩራትም ሁከትም ይሆናሉ፡፡ እንደ ገና ስመጣ በእናንተ ዘንድ አምላኬ እንዲያዋርደኝ፥ አስቀድመውም ኃጢአት ከሠሩትና ስላደረጉት ርኵሰትና ዝሙት መዳራትም ንስሐ ካልገቡት ወገን ስለ ብዙዎች ምናልባት አዝናለሁ ብዬ እፈራለሁ" /2ቆሮ.12፥19-21/።

ስለዚህ እንደ ቅዱስ ጳውሎስ በትልቁ ደግሞ እንደ ጌታችን "ኃጢአተኛ ነው" የምትሉትን ወንድማችሁ ውደዱት፡፡ ለብቻው አድርጋችሁ ስትነግሩትም አመጣጣችሁ እርሱን ለመምከርና ለመገሰጽ ደግሞም ከኃጢአቱ እንዲመለስ እንጂ እርሱን ከመጥላታችሁ የተነሣ እንዳልሆነ አስረዱት፡፡ ስለዚህ በትክክል ካለበት ደዌ እርሱን መፈወስ ስትፈልጉ ወደ እርሱ መሄድን አትፍሩ፤ ጥፋቱን ለመንገርም አትፈሩ፡፡

ሐኪሞችን አይታችሁ ከሆነ አንድ አስቸጋሪ ታማሚን ለማከም መጀመርያ ቀስ ብለውና ጊዜ ወስደው ታማሚዉን ያሳምኑታል፤ ከዚያም መራሩን መድኃኒት ይሰጡታል፡፡ ታካሚውም በሽታው የሚድን ከሆነ ይፈወሳል፡፡ ሐኪሙን የሚያመሰግነው ግን ሲድን ነው፡፡

እናንተም እንደዚህ ሐኪም መሆን አለባችሁ፡፡ ከምታሙት ይልቅ የወንድማችሁን ቁስል የበለጠ እንዳይመረቅዝ ፈጥናችሁ ወደ ሐኪም ቤት (ወደ ቤተክርስቲያን) ውሰዱት። ከዚያም ሐኪም (ካህን) እንዲያየው አድርጉ፡፡

እንዲህ ስታደርጉ እናንተም ወንድማችሁም በእጅጉ ትጠቀማላችሁ፡፡ እውነተኛ ጦም ጦማችሁ ማለትም እንዲህና ይህን የመሰለ መልካም ምግባር ስታደርጉ ነው፡፡

     +ቅዱስ_ዮሐንስ_አፈወርቅ+

"ከሐሜተኛና ከቀናተኛ ባልንጀራ ፈጥነህ ሽሽ፤ ይህን ከምታደርግ ብቸኝነትን የምትፈጽምበት ብቸኝነት ይሻልሃልና፡፡

ልቡናው የጨለመ ምሥጢር የማይጠብቅ ዝርወ ልብ የሆነን ሰው አትምከር፡፡ ብዙ ባልንጀሮችን አታብዛ ይልቁንም ደግሞ ከሴቶች ጋር። በቤቴ ውስጥ ነኝ ብለህ ባለጸጎችን አትማ፤ ነገርህን ወፍ አውጥቶት በአፍኣ ይገኛልና፡፡

ስትበላ ከሰው ጋር ብላ፤ ስትጠጣ ግን ብቻህን ጠጣ፤ ከመጠጥ በኋላ አብዝተህ በመናገር በባልንጀሮችህ የተናቅህ የተነቀፍህ ትሆናለህና፤ ሰነፍን ብቻውን ብትነግረው በሰገነት ይሰብከዋል፡፡ ሰነፍ ሲዘሙት ጽድቅ የሚሠራ ይመስለዋል፤ ሐሜተኛም ሲያማ የሚጸልይ ይመስለዋል፡፡ ንዝኅላልም ለጸሎት የሚተጋ ይመስለዋል፡፡ ንፉግም ለነዳያን የሚሰጥ ይመስለዋል፤ ለሰነፎችም ጥበብ የላቸውም፤ ጥበባቸውም ከንቱ ነው፤ ከአላዋቂ ባለጸጋ ቁራሽ የሚለምን ድኻ ይሻላል፡፡

ሞኝ ለንጉሥ ባለሟል ወታደር ሆኖ በተመረጠ ጊዜ ሞት የሌለ ይመስለዋል፡፡ ሞኝ ሲሾም ቤቱን ከጎረቤት ከፍ አድርጎ ይሠራል፤ ሞኝ ባለጸጋ በሆነ ጊዜ ደግሞ በባልንጀሮቹ ይመካ ዘንድ በሚስቱ ላይ ሚስት ያገባል፡፡

ለአላዋቂ ድኽነት ይሻለዋል፤ ሀብት ባገኘ ቁጥር ስሕተትና ክፋትን ይጨምራል፡፡ ገንዘቡንም በኋላ መኳንንት ይቀራመቱታል።"

(መጽሐፈ ወግሪስ ገጽ 81-82)


መልካም  ቆይታ ❤️❤️❤️

አንዳንዴ  እንደዚህ ፊት  ለፊት የምታወራኝ  ይመስለኛል🥹🥹  የእመቤታችን  በረከቷ  ይደርብን  🥰🥰

ሰላም  ዕደሩ   የነገ ሰው ይበለን❤️❤️