" الاسئلة الشائعة لمادة الديانة "
1- نكتب الآية القرآنية مع الشدات؟
مافي داعي لا نحاسب ع التشكيل ابدا ، بس مثلا كلمة(مثلاً) تنوين الفتح كتبناها تنوين الضم بنقصوا علامة ما كتبت تنوين ابدا ما بنقصوا.

2- نكتب الآية القرانية بالرسم القرآني او العادي وهل نحاسب اذا كتبناها عادي؟؟
الآية القرانية فينا نكتبها بالشكل العثماني يلي هو الشكل القرآني او الشكل العادي يلي هو الشكل الإملائي ، منكتبا بأي شكل لكن من اول الآية للاخير بشكل واحد منعتمد شكل واحد فقط للكتابة .

3-في داعي نحط بين الآية والتانية رقم؟؟
لا مافي داعي ما بأثر إذا ماكتبناهن .

4- اذا اجانا سؤال وماعرفنا نجاوب عليه بالحرف نتركوا فاضي ولا نكتب يلي منعرفوا ممكن ناخد علامات ؟؟
أكيد لا تتركوا ولا سؤال فاضي السؤال يلي ماعرفتوا استنتج واكتب اذا جبت شي من الجواب بتاخد أجزاء .

5- اذا جاء شكل الآية اكتب من كذا كلمة إلى كذا ، وما تذكرنا اش نعمل نسرد الآية من الأول لحد ما مطلوب؟؟
اكيد لاا بتكتب الاية كاملة ع المسودة وبس تخلص بتنقل من الكلمة المطلوبة لحد مو مطلوب ، الزيادة بالآية نفس النقص بروحوا علامات .

6- إذا جاء تعداد بصير نعدد بالأرقام الانكليزية؟
عدد بالانكليزي بالعربي المهم عدد مارح يدققوا ع ارقامك رح يدققوا ع الكلام يلي معدد .

7- سألني اكتر من حدا اذا بدو يبلش الحديث الشريف من بدايتو بصير يختصر قال رسول الله صلى الله عليه وسلم؟
اكيدد مابصير بعدين مابصفي اسمو حديث وهيك انت ما نسبت القول لسيد الخلق سيدنا محمد صلى الله عليه وسلم.

8- طيب بصير نختصر صلى الله عليه وسلم بـ (ص)؟؟
أكيد لأ بغض النظر عن العلامات تعظيماً للحبيب المصطفى صلى الله عليه وسلم ، وكتابة هالكلمتين رح تبارك بوقتنا مارح تضغطنا .
9- ضروري نكتب البسملة قبل الآية؟؟
طبعاً ضروري سمي بالله وبلش بالآية المطلوبة .

10- الشدات مطلوبة للأحاديث؟؟
غير مطلوبة .

11.شقد علامة النجاح؟
حد النجاح هو 80.. طبعاً العلامة الكاملة 200.

12.اسئلة المادة اتمتة ولا تحريري؟
تحريري المادة ليست مؤتمتة .

13.هل التربية الإسلامية داخلة علامتها بالمجموع ؟
نعم داخلة واكيد ومية بالمية حسب حكي الوزراة ان شاءالله لهيك لا تتردد وتسمع من رفقاتك وفلان وفلان ادرسها وبس.


-المدّرسة :آلاء بادنجكي.

في لقائه في الجامع أثناء الصلاة الرئيس #أحمد_الشرع يطمئن طلاب البكالوريا فيما يتعلق بمعدلات القبول #الجامعي و بخصوص مادة #الرياضيات بأن اذا كانت نتائجها غير #جيدة سيصدر #مرسوم ليكون هناك دورة #تكميلية

خطوات التعليمية