»مالذي يخليك تطعم القات في آخر ساعتين قبل السحور!..
هو نفسه الذي يخليك تشتي تأنتر حين يكمل عليك النت او باقي شويه ويكمل
ونفس الشي حين تدري انك قد عتموت وهولا لحظاتك الاخيره
تندم وذا تمكنها ليتني فعلت كذا وكذا وحاجات تتحسر عليها كان بنفسك تفعلها وذا!.
#اوماقلتوا
.

»ما كتبهُ الله لنا!..
فوق العين وفوق الراس ولله الحمد.
.

»الناس عندي تتعوض لدرجة يحل مكانهم عودي قات!.
#وريححهم

»قلة الولف اخطر من قلة العقل وقلة الأدب وتالله!.
#اوماقلتوا
.

»اقلكم اول مره ابسر ريال مدريد يلعبوا برجالة..
غر يحمدو الله على الغيابات ذي في فريقهم
لو كان مابش غيابات ان الثلاثة في شباكهم!.
#والسيتي_ضعيف
.

»تفعل خير تلقى شر تفعل شر تلقى شر ماتفعل حاجة تلقى شر!
لذالك يامالي انثرها وانت داغز ريش ومفتهن!.
#وهي
.

»جو شقلكم حاجة بمناسبة العيد جو هيه سريع قطبه!..
السابع وماأدراك ما السابع والساابع من رافينياا ياليلاه حرام يا الليلة رحمت بعض ناس اكثر من نيوكاسل الذي وقع لهم جلد وتعنيف كروي
3_8 للبرشاا برجاله كالعادة
كن لمن ياحمدوني مالك اوجعت!
حرام ياخبرتي الحمادنه مجغورين تقل الا هم ذي تعنفوا ماعد سمعت لهم حس بعد الصياح!.
#وأعيددت
#فيسكا_برسا
.

»لـ اعضاء قناتي♡! ڪل عام وانتم بالف خير وينعاد عليڪم بالصحة والعافية وتعودوا عرسان مشو عزبان.
#اعيدت_وياليلاه
.

»للعيد سبع علامات وهن:

¹الكعك والغداء الدسم "لحم وشحم"♡..
²تبكر راقد في امآن الله ماتدري الا وامك تطرح التلفون بلقفك تقلك قم جاوب سلم على خالك "المغترب"..
³تخرج من صباح الصبح تسلم ع الجن والإنس من الف بوسة "مُناطحة" مشو سلام!..
⁴الجهال يتكاثروا ويتناكعوا يهبوا من كل زغط وزوه يشتوا "العسب"..
⁵تخزن تخزينة ابو اسد بقات حالي تطعمهن تكييف وتفتهن تحس روحك "ملك"..
⁶مايجي بعد الظهر الا وقدك حراف فوق "الحراف"..
⁷يجي مغرب وقدي للنخر مُطنن وضابح قد بتنتف شعر ارجلك ودقنتك سع "المجانين"!.
#انستنا_ياعيد_وريحههم
.

»لن يتوقف عن كرهك،
ذلك الذي كلما نظر إليك رأى نقصه!.
.

»يهوه ياباه لوشي معي زلط كان شبدأ ادورني قبل كلشي واسلفني انا!.
#حراااف

»وايش قال العقيد بكيل؟! قاال:

»من عاش له عاش يمريكا ومن مات له مات،
الموت مايدرك الا من وفت ساعته..
ماناش همي صواريخش يابنتيري ولا الطايرات،
ابو يمن مايهمه غير تخزينته!.
#وريححهم_وبووراات
.

»الحياة فرص والفرصة التي تنتظرها قد جزعت وانت جالس مخزن يامالي انتهى!.
.

»ياجماعة مشنتو مركزين هذي المره بعد العيد مابش اعراس زيادة سع كل مره شكل الناس قد بدأت توعي وذا!.
.

»اقلكم صاحبي الذماري معه حساب بإسم بنيه حساب وردي وذا♡..
هيه حرام يا انهو قدله ثلاث سنين ونص وهو بيحاول يحاكيني من نفس الحساب واصل..
وانا اصلاً قدنا داري انه هو وهو داري اننا داري وانا داري انهو داري اننا داري مابلا بيغير الخلفيات!!
هيه رغم ذيه كله القصعه مصمم ولا يئس ولا زبل!.
#وحجر_وسيري_سايره
.

»قوة وسبرت لي الرابعة ولبنانية وبالمجان..
إلى لبنان والحافظ الله!.

»قلدني الله شووط اول رجولي قوة القوة غر الحكم فدال ابن حرام..
يااخي الحمدلله اننا بنشجع برشلونة!.
.