»ايران متبذرة قووي بتضرب الامارات بصواريخ سكود وعابرة القارات وفرط صوتي وكروز وذا وذيه..
اصحابنا في ايران الله يحفظكم مابش داعي للتكاليف هذي كلها قدكم داريين بالبنايات حق الإمارات وابراجها وناطحات سحاب كلهن زجاج كنتوا عتعبوا ثنتين ثلاث طائرات زراقيف وترجموهن لاهانك حرام لاترجع الإمارات مخزقة سع اللحوحة!.
.

»وزارة الدفاع في الإمارات شقلكم
هيا ماذلحين اتخبوا تحت الشجر اذي سرقتوهن من سقطرى ياعتالين!.
.

»ماذلحين عتقع ازمة غاز عالمية قذا ايران غلقت مضيق هرمز..
اذي مابش معه غاز احتياط ودف عيكن كليوم يقحطط خبز التنور وكدم وحقين وبعض بدون حقين!.
#غر_اتعسكروا
.

»ياجنااه قد الشعب هلفوت خلقة بيفتعل ازمة من العدم ويساربوا وماابش ازمة..
كيفه عيفعلوا هولا السرابيت لاقدبه ازمة من صطق!
اشتي صاروخ يجي يطعفر ابتهم لانقيل يسلح!.
.

»اقلكم البحرين تعلن انها عادهي لم تبلغ السن القانوني للحرب..
وأي إعتداء عليها يعتبر تحرش!.
.

»لو يزيد الحراف يتربط في رمضان مع ابليس حرام لاننبسط!.
#او_ماقلتوا
.

»قلك قد انتهت ذخيرة الإمارات وماقد حاربت!..
طبيعي مابش دولة تشقى على واحد اسمه عيدروس ويوفقها الباري!.
.

»لحظه شقلكم حاجة مهمة للذي بهم كعض بالدماغ وذا..
وقوفك مع إيران لايجعلك شيعياً يامؤمن
لكن وقوفك ضدها يجعلك صهيونياً ياسنوه!.
#كلام_واعصب_عليه
.

»ذلحين لوما تجي تفَهّم مرتك علاقة ارتفاع سعر دبة الغاز عندكم بمضيق هرمز وذا يشتيلك سنة وشهر ونص!.
.

»مالذي يخليك تطعم القات في آخر ساعتين قبل السحور!..
هو نفسه الذي يخليك تشتي تأنتر حين يكمل عليك النت او باقي شويه ويكمل
ونفس الشي حين تدري انك قد عتموت وهولا لحظاتك الاخيره
تندم وذا تمكنها ليتني فعلت كذا وكذا وحاجات تتحسر عليها كان بنفسك تفعلها وذا!.
#اوماقلتوا
.

»ما كتبهُ الله لنا!..
فوق العين وفوق الراس ولله الحمد.
.

»الناس عندي تتعوض لدرجة يحل مكانهم عودي قات!.
#وريححهم

»قلة الولف اخطر من قلة العقل وقلة الأدب وتالله!.
#اوماقلتوا
.

»اقلكم اول مره ابسر ريال مدريد يلعبوا برجالة..
غر يحمدو الله على الغيابات ذي في فريقهم
لو كان مابش غيابات ان الثلاثة في شباكهم!.
#والسيتي_ضعيف
.

»تفعل خير تلقى شر تفعل شر تلقى شر ماتفعل حاجة تلقى شر!
لذالك يامالي انثرها وانت داغز ريش ومفتهن!.
#وهي
.

»جو شقلكم حاجة بمناسبة العيد جو هيه سريع قطبه!..
السابع وماأدراك ما السابع والساابع من رافينياا ياليلاه حرام يا الليلة رحمت بعض ناس اكثر من نيوكاسل الذي وقع لهم جلد وتعنيف كروي
3_8 للبرشاا برجاله كالعادة
كن لمن ياحمدوني مالك اوجعت!
حرام ياخبرتي الحمادنه مجغورين تقل الا هم ذي تعنفوا ماعد سمعت لهم حس بعد الصياح!.
#وأعيددت
#فيسكا_برسا
.

»لـ اعضاء قناتي♡! ڪل عام وانتم بالف خير وينعاد عليڪم بالصحة والعافية وتعودوا عرسان مشو عزبان.
#اعيدت_وياليلاه
.

»للعيد سبع علامات وهن:

¹الكعك والغداء الدسم "لحم وشحم"♡..
²تبكر راقد في امآن الله ماتدري الا وامك تطرح التلفون بلقفك تقلك قم جاوب سلم على خالك "المغترب"..
³تخرج من صباح الصبح تسلم ع الجن والإنس من الف بوسة "مُناطحة" مشو سلام!..
⁴الجهال يتكاثروا ويتناكعوا يهبوا من كل زغط وزوه يشتوا "العسب"..
⁵تخزن تخزينة ابو اسد بقات حالي تطعمهن تكييف وتفتهن تحس روحك "ملك"..
⁶مايجي بعد الظهر الا وقدك حراف فوق "الحراف"..
⁷يجي مغرب وقدي للنخر مُطنن وضابح قد بتنتف شعر ارجلك ودقنتك سع "المجانين"!.
#انستنا_ياعيد_وريحههم
.