»عاصفة حزم للشمال وعاصفة حزم للجنوب..
قد ذمار اخبر حين قالت تشتي بحر!.
.

»اقلكم شكل السعودية والامارات ماعيتحاربوا ولاعيقع شي هم غر بيجردوا ثرواتنا بني ايري..
قلبو اليمن جبهة قتال وذا كل من بينهم مشاكل جو تقاتلوا في اليمن!.
.

#رسالة_الى:

»باكستان والهند والسودان والجزائر والعالم والكل لاتدمرو بلادكم جو تقاتلوا في اليمن من جيز خلق الله والدنيا عوافي!.
.

»وقلك عتسبر لنا بلاد احلقو دقنتي بشريم لاسبرت!.
.

»واحنا قدو حرب مع الصومال وياراحتاه ولايبقى صهيوني..
المهم لنا عشر سنين اتلابجنا احنا والبيض والصفر والخضر ذلحين باقي السود حق الصومال
ونرجع نلعب النهائي احنا وياجوج وماجوج وتقوم القيامه وصل الله وبارك!.
.

»ونتيجة مانشهده من أحداث ابشركم تم ترقية اليمن في بداية السنة الجديدة من اليمن السعيد الى اليمن السعيد جداً وإن شاءالله في سنة ٢٠٢٧ عتتم الترقية الى اليمن المفتهن بقوته!.
.

»من بداية شهر واحد ٢٠٢٦ لذحين وعاد احنا نص الشهر وقد وقعين معي نكبات ومصايب ونثرات ومشاكل ملان.. بذات هذي السنة من بدايتها ماتبشر بالخير وبذات عليا!.
#خيرة_الله
.

»احنا باليمن عندنا هكذا قدو عادات وتقاليد وذا♡..
انهو كل سنة تجي اقحب من ذي قبلها وعليها لوما تفرج من عنده ويمكن حن تقوم القيامة!.
.

»عادهو اتخيلو نزد ننكع من فوق السراط المستقيم لاجهنم طوالي واحنا يمنيين! ياجناه عنكون معذبين مجعجعين دنيا وآخرة الله لاقدرر!.
.

»قد الجمعة كملت هيه سهل هذا حن هو رمضان الاوقات بتعتصد وتخطى سريع مانعرف ايدينا من ارجلنا!.
.

»شهر مبارك عليكم جميعاً صح انني قلتها متأخر غر عادي الحاصل مايسبرش ارجع بعد غياب طويل وما اهنيكم ادري ماعتلقوش ماتأكلوا لو ماقلتها ونا مسخااش!.
.

»اليمن قدي سع الطيرمانه ماتصلح إلا للتخازين قلدني الله!.
#اوماقلتوا
.

»الحياة في اليمن تحتاج الى شوية صبر لوما يسهل الله عليك وتموت!.
.

»ياجماعة مابتلاحظوا ان السنة هذي حتى مشيتهاا غير!.
.

»الحمدلله على كل حال.
.

»ايوااه الليلة من سب ايران ولامين يمال وحاجة ماشقولها لكم وذا حرام يا ان القات طعمتهن عسل وكيفت رغم انهن جُمام عفيص وريحههم!.
.

»اندعيهم ي ايران من شق وطرف ومن كل انواع الصواريخ وزيدي نووي ولاتخلي يهودي ولاصهيوني ولامنافق فدال ولاتقلقيش اليمن بظهرش يامالي!.
#افدي_الخجمه
.

»حتا لو تزد تقرح حرب عالمية ثالثة ويقرح نص العالم وذا صدقوني عادهو احسن لليمنيين نتخارج من هذي العيشة ونموت جمعة..
مسؤولين هلافيت والشعب نفسه هلفوت كل ماقرحت مشكلة والاصاروخ والاقريح وذا حتا لو مشو عندناا لو تكن في الارجنتين!
عينبعوا طوالي يفعلوا ازمه هكذا تقل الا إكرامية!.
#اوماقلتو
.

»السيد المرشد الأعلى قائد الأحرار علي خامنئي حارب اليهود حتى أرتقى شهيداً هو ومستشاره علي شمخاني، هنيئاً لهم الشهادة وحسن الخاتمة.