"العقيد بكيل والتركيبة #السرية"

»قولو بنت اخي الزغيرة دخلت المجلس ووجهها ملان صابون وبيض وطحين وشوية معجون اسنان براسها..
سألتها: ماهو هذا ماقد فعلتي بروحش؟!
قالت: تركيبة جديدة للبشرة♡..
قلتلها: اليك ومنهو علّمش؟!
قالت: من اليوتيوب
قلتلها: اهاه وهذا الأبيض في اذنش ماهو؟
قالت: هذا زبادي، ينقّي السمع!
ضحكت وقلتلها: ياليلاه والفعله وماعتفعلي لش زد شطة لرجلش يمكن تشغل الواي فاي!
قالت: ماشي.. عمو بكيل اقلك سر؟
قلت: قولي!
قالت وهي بتقلب عيونها: احس وجهي رجع ناعم يلمعع
قلتلها: مشو بس هكذا، وجهش قدو مستعد يدخل فرن غاز ويخرج قرص #خبز☻📿!.
.

"العقيد بكيل #والمطب"

»قولو مره حين اشتريت السيارة الحبه والربع سرنا انا وصاحبي الذماري نجربها ومخزنين وريحهم♡..
قلتله يارجال ابسر مكينتها كيف بترن حجاب وياسين
قال يانعمتااه قوة غر دلا لاتسرع قلبي مشو مستقر يابكيل
قلتله ابشر ولايهمك غر شوية بس اوريك العزم.. واول ماخرجت للخط دعستت وهو بيقولي يرجال قواا دلاا لاتسرع مشو معك طيارة!
قلتله تيه سرعة!! صبرك عادهي مشهي بسرعة النت الي عندكم..
والقات حاليات بيقرحين وياطعماه وازد ادعس وهو بيصيح هدي مطب به مطبب قلتله هه مطب! المطب بيفتجع مني يالحبيب..
بعدا السيارة قفزت والقات انتثر من لقفه والصحة الماء دخلت بين ارجله ونفلة الشقارة حقي نكعت لافوقه وهو بيصيح واشترغ..
وانا بنضحك وبين اقله ايواه ايوااه ابسسرت تيه قفزة الإطلاق..
قلي إطلاق ايشش يامجنون! ياسعم إني شولد باقي غر قفزة وننزل لاصنعاء القديمة بغير ارجل وقف نزلني هانا..
ضحكت وقلتله ياليلاه قر للزقعه واتمسك إناا باقي معي نمرة ماجربتهااش..
قال لاا ماشي نفدا الدقنه تيه وقفلي هانا شنزل يامنعاه..
قلتله للممه قع سمخ؟! قال سمخ ماهوو إناا عتقع فحسة حاميه طري مشو سمخ انا طلعت اتمشي افتهن مشو اسجل اخر لحظة بحياتي وانت لاقدك ناوي تقع فحسة بالمطيط كمل هجولتك وقفزاتك يالحبيب #ششت☻📿!.
.

»ابسروا اهمشي التفاعل قرأت او ماقرأت تفاعلوا ليصلكم كل جديد وريحههم☻📿!.
.

»لحظة ادراك! واصل وانا بين الاسلحة والرصاص وقذايف وقنابل وقصف واشتباكات وحروب ومشاكل اراضي ومشاكل ماضي وحاضر ومستقبل وحياتي كلها عبارة عن هكذا♡! واخرتهاا اتصاوب بمسدس خرز ياعيباه☻📿!.
.

»قولو امس اخي كان معصب حين اتهكر حسابه وجالس بيحاكيني وهو ضابح..
وجبرها جدتي كانت بتسمعنا ومركزه♡..
قالت له ابسر ياولدي يمكن من الشاحن لاتكونوش تشحنوا خيرات #اشترغت☻📿!.
.

»اخبروا تلك القصيرة♡.. اننا لقينا اشياء #تخصها☻📿!.

»يحدث أن يكون لك وريداً خارج جسدك! لاتستطيع الإستغناء عنه♡ #وريحههم☻🚬!.

»لاتشدوا سروجكم على غير الأصيل!..
فمقعد السرج على ظهر الناقص #يميل.
.

»قولو اليوم بسوق القات واحد ندع صوت يااغارتااااه لامافجعنا!..
قلت له مالك ياخبير ايش به!
قال سرقوا عليا الباكت الكمران وعادهو مليان.. قلت له ايريبعقلك انت والباكت والي #سرقه☻📿!.
.

»البنت الي عادهي كانت بتتابع فيلم وجالسة بتضحك ع البطلة.. شكلها بالشاشه بعد ماطفت☻📿!.

»لحظة ادراك! التفاعل رجع #مخراية!.
.

"العقيد بكيل #والبابين"

»قولو قبل اسبوع ادولي دعوة عرس"مقيال" بفندق سرت واول مادخلت لقيت بابين♡!..
باب مكتوب عليه اقارب العريس وباب مكتوب عليه اقارب العروس..
دخلت من باب اقارب العريس مشيت شوية لقيت بابين!..
باب مكتوب عليه رجال وباب مكتوب عليه نساء دخلت من باب الرجال مشيت شوية ولقيت زد بابين!..
قلت وقدنا ضابح ياليلاه ماهو هذا ياسعم إني بالمطار بنحجز للجنه..
المهم تيه المره كان باب مكتوب عليه الي معه هدية وباب مكتوب عليه الي مابش معه هدية..
وبحكم إني ماكان بش معي هدية دخلت من باب المحيرفين "اذي مابش معه هدية"..
بعدا مشيت شوية ولقيت نفسي #بالشارع☻📿!.
#ايريبم_عرسهم_واذي_عيسير
#هلافيت
.

"وبالصنعاني♡"!..
»ظهرك عيسندك وارجلك عيشلنك وقلبك عيدلك وعقلك عيقرر مصيرك وابردلك من البشر مامنهم غير #مصالح_وقلقله!.
.

»امام برشلونةة تسقط انت وتاريخك♡.. مبروك للبرشا وهاردلك لريال #مضريط☻📿!.
#اكتساحات🔥

»قلكم به واحد ميكانيكي اشترى سرير♡..
وصل رقد #تحته☻📿!.
.