شنو علاقة الاظافر بصحتنا ؟!
هواي مرات تصير مشاكل بالاظافر بس منعرف شنو سببها وبعض الاحيان هواي من الناس تتغاضى عنها وهالشي خطأ
خلي نجي نتعرف على جزء منهم :-

1️⃣:-اظافر الملعقة(Spoon Nails)تكون الاظافر متقوسة نحو الاعلى والسبب الرئيسي لهالحالة هو فقر الدم بعوز الحديد

2️⃣:-ببعض الاحيان ممكن الصدفية تصيب الاظافر(اليد والقدم) ( Pitting Of Nails)
وتشمل اعراضها تنقر الاظافر ونموها بشكل غير طبيعي وتغير لونها

3️⃣:-تعجز الاظافر او(اظافر عود الطبل)او(الاصابع الابقراطية)او(اظافر زجاجة الساعة) (Nail clubbing) هاي الحالة تكون مصاحبة لامراض عديدة مختلفة اهمها امراض القلب والرئتين

4️⃣:-هواي من عدنا المعروف عنده انو النقاط البيضاء بالاظافر هو نقص كالسيوم او فيتامينات بس الحقيقة هاي النقاط هي دليل على نقص بروتين الالبومين في الدم او امراض الكبد المزمنة
Leukonychia (with spot)

5️⃣:-خطوط بو( Beau’s Iines)هي اخاديد عميقة تمتد على عرض الظفر وتدل على (اصابة او رض قوي_عدوى_اصابة جهازية_نقص كالسيوم_سوء التغذية_العلاج الكيميائي)

6️⃣:-زيادة سمك الاظافر وتغير لونها الى الاصفر_الابيض_الاسود هو دليل على اصابة فطرية