سلام عليكم
اريد استفسر بخصوص الدراسات العليا شكد اجورها؟

اللي يعرف بهالامور فدوة لا يقصر

أول شي متطلبات التقديم للدراسات العليا سواء ماجستير أو دكتوراه لازم شهادة كفاءة (عربي وانگليزي وحاسبات) والسنه صارت شهادة الايلتس للأقسام الطبية والعلمية
وتأيد تخرج معنون للدراسات العليا أو وثيقة تخرج
التقديم تقريباً كُل سنة ينفتح بشهر الثالث يكون بعد التقديم بشهر الامتحان التنافسي إلي مطلوب بيه شرط النجاح تدخل تمتحن بالمواد إلي محدديهن كُليتك أو قسمك المواد تكون هي نفس المواد إلي درستهن بالمراحل الأربعة من المرحلة الأولى إلى الرابعه وإذا چنت داتقدم للدكتوراه يكون المواد هي مواد البكالوريوس والماجستير يكون الامتحان ب3 ساعات عبارة عن أختيارات بنسبة 70٪ واجوبة قصيرة بنسبة 30٪
يبقى أنت ع شنو حتقدم هي قنوات الأولى هي قناة العام وهايه يقدمون عليها اصحاب المعدلات من 65 وفوگ
أما قناة الخاص مامتحددة بالمعدل وأجورها بالنسبة للاقسام العلمية 3,750 والأقسام الانسانية 3 ملاين لكُل سنة
وبعد قناة ذوي الشهداء تشمل شهداء الدرجة الأولى إلي هم الأخ والابن والحفيد والزوج هاية القناة مايحددها لامعدل ولاعمر وقبولها مضمون 100٪ وهي القناة الوحيدة إلي ممشمولة بشرط النجاح بالامتحان التنافسي
وأخيراً قناة السجناء السياسيين
وتبقى كُل كُلية وتحدد كم مقعد تفتح لكُل قناة

وإذا عدكم بعد سؤال تدللون♥️

﴿ وَلَا تَحۡسَبَنَّ ٱللَّهَ غَٰفِلًا عَمَّا يَعۡمَلُ ٱلظَّٰلِمُونَۚ إِنَّمَا يُؤَخِّرُهُمۡ لِيَوۡمٖ تَشۡخَصُ فِيهِ ٱلۡأَبۡصَٰرُ  ﴾

توني انتبه السؤال عن الأجور بس🫠💔

الأجور كدراسة للاقسام العلمية 3,750 وللانسانية 3 ملاين لكُل سنة
بس أجور شهادات الكفاءة العام چانت 25 لكُل درس امتحان ودورات تقوية لمدة أسبوع لكُل دورة بس أتوقع السنه القرار صار 50 لكُل درس مع دورات التقوية هاية الكفاءة مو للايلتس
أما الايلتس إذا تدخل فقط للامتحان بدون دورات تقوية آخر شي سمعته يكلف 300 دولار
هاية أجور البسم الله أما من تباشر ألك الله 🥹😂
*بت عمتي بالهندسة كلفها 18 مليون اجور وشغل ومناقشة🫠💔

سامعين بقصة الفيلسوف اليوناني الي مات ضحك

الفيلسوف الذي مات ضحكًا هو خريسيبوس، وهو فيلسوف رواقي يوناني عاش في القرن الثالث قبل الميلاد. قيل أنه مات ضحكًا عندما سمع نكتة عن حمار يأكل التين.

هناك روايتان مختلفتان عن وفاة خريسيبوس. في الرواية الأولى، كان خريسيبوس يمشي في السوق عندما رأى حمارًا يأكل التين. قال الخريسيبوس: "الآن أعطِ الحمار شرابًا من النبيذ النقي ليغسل التين"، ومات من نوبة ضحك لا يمكن السيطرة عليها.
في الرواية الثانية، كان خريسيبوس يناقش الفلسفة مع مجموعة من الطلاب عندما قال أحدهم: "إذا كان العالم كله ليس سوى وهم، فلماذا لا نقضي كل وقتنا في النوم؟". ضحك خريسيبوس بشدّة لدرجة أنه مات.
لا توجد طريقة مؤكدة لمعرفة أي رواية صحيحة، لكن كلاهما يشير إلى أن خريسيبوس كان رجلًا مرحًا وذو روح الدعابة.

سؤال
اي اللهجات العربية أقرب للفصحة؟؟

اكمل فلم don't look up وانزل الجواب

شباب صدگ انطوني افلام

تضحك

طبعآ ماكو اي لهجة عربية أقرب للفصحى لان كل اللهجات العربية دون استثناء بيها مفردات اعجمية (مو عربية) بسبب احتلال منطقتنا العربية من قبل الفرنسيين والانكليز وكلش تأثرت لغتنا بهاي التتدخل لهذا ماكو اي لهجة عربية أقرب للفصحى
والبعض راح يكول لا الشامية أقرب لان كوكل يكول هيج
كوكل ما كال هيج كوكل طلع صفحة نشرت هذا الشي سنه ٢٠١٥ وأعتقد بدون مصادر
لان اصلآ اهل شام الأكثرية منهم خاصه اهل لبنان يستخدمون كلمات فرنسية ويه العربية.

+شوفوا فلم don't look up

قال رسول الله(صلى الله عليه وآله): من سلك طريقاً يطلب فيه علماً سلك الله به طريقاً إلى الجنّة، وإنّ الملائكة لتضع أجنحتها لطالب العلم رضاً به، وإنّه ليستغفر لطالب العلم من في السماء ومن في الأرض حتّى الحوت في البحر، وفضل العالم على العابد كفضل القمر على سائر النجوم ليلة البدر، وإنّ العلماء ورثة الأنبياء، إنّ الأنبياء لم يورّثوا ديناراً ولا درهماً ولكن ورّثوا العلم، فمن أخذ منه أخذ بحظّ وافر.
*الصورة من الإنترنت

عَنْ أَبِي سَعِيدٍ الْخُدْرِيِّ أَنَّهُ سَمِعَ رَسُولَ الله ﷺ يَقُولُ : « تَعَلَّمُوا الْقُرْآنَ وَسَلُوا بِهِ الْجَنَّةَ قَبْلَ أَنْ يَتَعَلَّمَ قَوْمٌ يَسْأَلُونَ بِهِ الدُّنْيَا فَإِنَّ الْقُرْآنَ يَتَعَلَّمُهُ ثَلَاثَةٌ : رَجُلٌ يُبَاهِي بِهِ وَرَجُلٌ يَسْتَأْكِلُ بِهِ وَرَجُلٌ يَقْرَأُ لِلَّهِ عَزَّ وَجَلَّ » .

شنو لونكم المفضل؟؟

تلميح :البوست القادم اله علاقة بالألوان

البشرية عرفت الألوان من زمان كلش وقدسوا بعض الألوان
والعرب قديما ما اختلفوا عن باقي شعوب العالم وهم وقدسوا بعض الألوان وخاصه اللون الأحمر والأزرق واختاروا هاي الألوان مو اعتابط وإنما للأسباب دينية وتاريخية وحتى قبلية، لهذا اليوم راح نتعرف على معاني هاي اللونين بالتراث العربي القديم وشلون تغيرت مكانتهم مع مرور الوقت

نبدي بلوني المفضل وهو الاحمر: اللون الأحمر چان يحظى بتقدير خاص عد العرب من قديم الأزل لأن هو لون الدم والحياة والشجاعة والفخر وهم چان يرمز لبعض إلهة شمسية جانوا العرب بشبه الجزيرة العربية وبلاد الرافدين والشام يعبدوهم مثل شمس الي بابل وبه بحمير وچانوا يستخدمون اللون الأحمر بالعلام مالتهم وحتى هدومهم والإكسسوارات مالتهم حتى يظهرون قوتهم وسيادتهم وحتى وچانوا يسمون كم قبيلة نسبه لهذا اللون مثل بني شمس

ونجي للون الأزرق الي ما يقل أهميته عند العرب عن الأحمر
بحيث چان عده أهمية بالتراث العربي القديم لان هو لون الماي والسماء ويرمز للروح والحكمة والذكاء وبعض العرب هم چانوا يعبدون إلهة قمرية مثل سين ببلاد الرافدين ومه بحضرموت باليمن القديم وهم چانوا يصبغون هدومهم واعلامهم باللون الأزرق وأعتقد حاله حال اللون الأحمر الي هم سموا قبائل على اسم اللون وأعتقد اكو قبيلة اسمها بني قمر

بس.. ويه تغير الظروف التاريخية والجغرافيه تغيرت مكانة هاي الألوان بالمجتمعات العربية لان ببعض الأوقات ازدهر مكانة اللون الأزرق على اللون الأحمر خصوصا بالمناطق الي تأثرت ببعض الديانات مثل اليهودية او الزرادشتية، وبعض الأوقات رجع الأحمر هو المسيطر والي يلعب دور رئيسي بالتعبير عن هوية العرب!
خصوصا بالمناطق الي كدرت تصد احتلالات وغزوات مثل حمير باليمن القديم وحتى أرض فلسطين التاريخية

وهذا موضوع كلش مثير للاهتمام
شلون اختارت هاي الشعوب العربية الوانها بحكمة وفطنه، وشلون عكست هاي الألوان مشاعر ومعتقدات ومواقفها عبر الزمان.