أسطورة هيستيا.. إلهة النار الأولمبية

هيستيا هي إلهة النار والموقد( موگد) والأسرة الأساطير اليونانية، تعتبر هيستيا وحده من اول ١٢ إلهة حكمت عالم من جبل اولمبيس، وجانت هيستيا بنت كرونوس وريا، واخت زيوس وهيرا وبوسايدن وهاديس وديميتر، وجانت رمز للحرارة والضوه والحياة العتيگة يعني شي كلاسيكي وجانت كل البشر يقدروها ويحترموها ويقدمون الها ذبايح وقرابين، وهم هي جانت المسؤلة عن حفظ النار بالمدينه المقدسه الي لازم ابد ما تنطفي

جانت هيستيا إلهة عفيفة لطيفة خفيفة شريفه وكلشي ينتهي بـ هـ وجان كل الآلهة يحبوها بس هي رفضت تتزوج من أبولو ومن بوسايدن وحلفت بالطلاق ما تتزوج وتظل عذراء وبهذا الشي خله زيوس يحترمها بس( ما اعرف شدخل بس الأسطورة تكول هيج)
ولهذا زيوس طاها مكان شوف بقاعة المجلس الإلهي (حرفيا مثل مجلس النواب) وجانت هيستيا دائما هادئة ما ينسمع الها حس وكلش مسالمة وما شاركت باي حرب او عرگة بين الآلهة (هاي سويسرا مال إلهة الإغريق) وجانت انطوائية تحب كعده البيت وتعتني بالنار

ووحده من القصص الي تنروي عنها بالاساطير اليونانية هي
فد يوم من الايام اكو عملاقه عده ١٠٠ ايد راد يخطف هيستيا وكدر يخطفها من معبدها بس زيوس حس غيابها وكدر ينقذها بحيث شمر گرگوعة(صاعقة) على هذا العملاق وسواه مندي لحم على فحم

وبقصه لخ
حاول برودوس ملك اثينا يغري هيستيا بفلوسه وعود هو شوگر دادي وعده فلوس ومن هاي سوالف بس هيستيا عينها متروسه ورفضت هذا الشي بس بأدب وقالت هيه سعيده بهذا حالها

وهاي جانت أسطورة هيستيا إلهة النار الكيوت الاغريقية
اتمنى تعجبكم...
المصادر
مصدر 1
مصدر2
مصدر 3

من أول ماسمعت مصطلح " المسافة صفر " وأني اقول شنو يعني معنى المسافة صفر ، و ليشIلعبوة مكتوب عليها "عبوة Iلفدائي" !!

وهذا يعني ان لازم المسافه تكون بين العبوة المجاهد هي 0! يعني اذا يروح يحطها احتمال ما يرجع


دبابة Iلميركافا بيها مميزات غير طبيعية وتطور تكنولوجي رهيب ، يعنى مثلا مزودة بأكثر من مرحلة حماية من Iلصواريخ .. وهنا السالفه محتاجة ان Iلعبوة تكون فى Iلدبابة مباشرة " مسافة صفر

و الدبابه عندها قدره رؤية 360 درجه يعنى تقريبا محيط الدبابة بالكامل فى وضع رؤية لـ 6 ركاب

متخيل يعنى لو واحد منهم ما انتبه اكو ٥ غيره منتبهين
لهذا تعتبر هيج عمليات معجزة ربانيه

تجلت فى قول Iلفدائى لـ قوله سبحانه و تعالى " وجعلنا من بين أيديهم سدا ومن خلفهم سدا فأغشيناهم فهم لا يبصرون " ..