اكو شي غريب بالصوره

احجيلكم شلون انبنت مدينة أثينا اليونانية حسب الميثولوجيا الإغريقية؟ َ

بهذا الصحن العملاق يتم استقبال الصور من المركبات الفضائية ، فمثلا مسبار الأمل هو مسبار تابع لناسا عندما يقوم بأرسال اي صورة او بيانات يتم استقبالها من خلال هذا الهوائي .. وهو جزء من شبكة مكونة من ثلاثة صحون تسمى شبكة الفضاء العميق DSN.
الأول في كاليفورنيا والثاني في اسبانيا والثالث في استراليا بحيث يغطي كل صحن 120 درجة من الأرض
يتم استقبال الأشارة بشكل موجة راديو (بسرعة الضوء) وارسالها للمحطات المركزية.

طائرة بدون طيار تحلق فوق بركان ثائر.

أصل مدينة أثينا، و الصراع الاسطوري بين إلهة...

باليوناني القديمة جانت اكو منطقة او معروفة باسم (اتيكا) هاي المدينة أو المنطقة انولد بيها مخلوق اسمه (كيكروبس او سيكروبس) هذا الكائن نص جسمه بشري والثاني أخطبوط مدري حبار المهم عده مجسات المهم تحت حكم هذا السوشي أقصد المخلوق حيث ازدهرت المدينة جوه حكمة بشكل جبير...

المدينة جانت داير ما يدورها ماي وخله هذا الموقع الجغرافي المميز لمدينة ان يعتمدون على بحر بكلشي خاصه الصيد حيث جانو الرجال يصيدون سمج ونسوانهم يطبخون وبسبب اعتمادهم على بحر من البديهي ان يعبدون إله البحر بوسايدن (حاشا لله)

إله البحار جان يدور على مدينه يطبلون اله ويعبدوه يعني تكون عاصمة العبادة مالته ولهذا راح على هاي مدينة وكال( يا شعب المدينة العظيمة اهدو هاي المدينة إلى سيد البحار وراح اخلي البحر كراج مالكم وراح تتفقون على كل مدن بالصيد وغيرو اسم المدينة إلى بوسايدينا (ادري الإسم كرييتف) وراح اخليها أعظم مدينة بكل اليونان)

اهنا بوسايدن ضرب برمحه ثلاثي الرؤس الكاع وطلع من جواه ينبوع ماي مالح وكال ( هاي الهديه مالتي قبل لا تنزلون على بحر اركعو يمها وراح يكلكم اذا اكو صيد لو لا...)

وبدون سابق إنذار ضوه كلش قوي قاطع بوسايدن وبنص هذا الضوه خيال لشخصية انثوية.. كانت أثينا الي قبل حجيتلكم عنها إلهة الحكمة ودفاع

أثينا جانت هم طمعانه بهل مدينه وتريدهم يعبدوها (ادري نقص مدن) حيث وقفت وخطبت بالناس وكالت (مواطنين المدينة الأعزاء اذا اختاريتوني كـ آلهة حامية لهل مدينة وكمتو تعبدوني فالجمال والحكمة حتكون نصيبكم وراح تتطور العلوم والتكنولوجيا والفنون بشكل لا مثيل اله بكل العالم)
اهنا أثينا هم ضربت برمحها الكاع وطلعت شجرة زيتون كلش جبيرة وكالت (هاي هديتي الكم واني اعرف جفاف الكاع يمكم بس ثمار هاي النبته راح يكون اكلكم وتكدرون تستخدمون زيتها بانارة الظلام اذا قبلتو تعبدوني)

الناس اندهشو ونسطرو من هل كلام، وسيكوربس اهنا خاف من غضب بوسايدن فاقترح ان الناس يصوتون منو يمجدون بالمدينة
طبعآ الرجال الي أكثرهم يشتغلون بالصيد كلهم بلا استثناء صوتو لصالح بوسايدن
إما النسوان الي عايشين على يابسة اعتقدو ان هداية أثينا افضل
وبما ان النساء الي بالمدينة أكثر من عدد الرجال فازت أثينا...