هواي من الناس تلاحظ وجود سواد بمنطقة الرقبة او الابط،المرفق،الركبة،مفاصل الاصابع،سرة البطن بالبداية يكون اعتقاده انو المنطقة مجرد يحتاجلها عناية وتنظيف بس بمرور الوقت مرح تلاحظ فرق
ف هسه رح نجي نتعرف على هالحالة شنو وليش تصير وشلون نكدر نعالجها؟

اول شي اسم هالحالة هي—>الشواك الاسود
يعني شنو؟
يعني حالة جلدية تتسبب بتصبغ منطقة او اكثر من الجلد بالاضافة الى زيادة بسمك هاي المنطقة ويكون ملمسها مخملي وغالباً تصير بثنايا وطيات الجلد الموجودة بالجسم

تعتبر مرض؟
لا، بس يكون اشارة تحذيرية تدل على الاصابة بمشكلة صحية ثانية وهاي المشكلة تستدعي انو نراجع طبيب

زين بي خطر ؟
طبعاً ،لان ديصير بسبب تكاثر خلايا البشرة ونموها بشكل سريع

شلون نكدر نميزه؟
البقع الجلدية المرتبطة بالشواك الأسود تظهر ببطء ويحتاجلها شهور او سنوات حتى تتشكل
بس في حال ظهور البقع فجأة
فهنا يفضل مراجعة طبيب بصورة سريعة لان ظهورها المفاجئ قد يكون مرتبط بالإصابة باحد انواع السرطانات

نجي نشوف الاعراض مالته شنو
١-ظهور بقع بنية أو سوداء على الجلد
٢-تغير ملمس الجلد وزيادة سمكه بالمناطق المتأثرة بشكل يفوق الجلد المحيط بي
٣-ظهور بعض الزوائد الجلدية بمناطق الجلد المتأثرة
٤-المعاناة من الحكة
٥-انبعاث رائحة من الجلد

هسه نجي نتعرف على الحالات الي تسببلنا الشواك الاسود:-
اولا/الغالب يكون زيادة مستوى الانسولين لان زيادته بالدم تعتبر مسبب رئيسي للشواك الاسود

زين شنو سبب زيادة الانسولين بالدم اصلاً؟
سببه هو زيادة الوزن الي تأدي الى
(مقاومة الانسولين) الي تعتبر حالة يصنع بيها البنكرياس الانسولين بس الجسم ميستخدمها بصورة صحيحة وبهيج رح يتراكم الانسولين بمجرى الدم وحيحفز خلايا الجلد الطبيعية على التكاثر بمعدل اسرع من الطبيعي لهذا يعتبر الشواك مؤشر قوي على الاصابة بمرض السكري بالمستقبل

ثانيا/الادوية بعض الادوية تسبب الاصابة بالشواك الاسود من خلال تأثيرها بمستويات الانسولين بالدم
ومن هاي الادوية هي حبوب منع الحمل وهرمونات النمو البشري وادوية علاج امراض الغدة الدرقية وبعض انواع المكملات الغذائية الي يستخدموها لاعبي كمال الاجسام بالاضافة الى الكورتيكوستيرويدات(وتشمل الكورتيزون والهيدروكورتيزون والبريدنيزون الي تستخدم بعلاج العديد من الحالات مثل الطفح الجلدي والتهاب الأمعاء والربو)

طبعاً اكو حالات نادرة هم تسبب الشواك الاسود ناخذ نظرة سريعة عليها :-

١-سرطان المعدة او السرطانة الغدية في المعدة
٢-اضطراب الغدة الكظرية(مثل الاصابة بمرض اديسون)
٣-اضطرابات الغدة النخامية
٤-انخفاض مستوى هرمونات الغدة الدرقية
٥-وجود اكياس على المبيض
٦-تناول جرعات عالية من المكملات التي تحتوي على فيتامين B3 المعروف بالنياسين
٧-الإصابة بسرطان الغدد الليمفاوية
٨-نمو ورم سرطاني داخل عضو داخلي، مثل المعدة أو القولون أو الكبد.

شلون نكدر نتخلص من الشواك؟
من نتخلص من المسبب الرئيسي الي اده لظهوره

وطبعاً ممكن يكون ظهورة بسبب عوامل وراثية او عِرقية

+اكو ناس هواي تعاني من الموضوع وتكره روحها بسبب انتقاد الناس ظناً منهم انو همه ممعتنين بنظافتهم الخ
ف نصيحة لتهتمون بحجي الناس ابد لان هاي مشكلة عقولهم او همه ميعرفون شنو السبب
وهي اساساً حالة صحية حالها حال اي حالة ثانية يكدر الواحد يتجاوزها ف لتخلون كلام الناس يأثر على نفسيتكم بشكل سلبي ابد

وشكراً عفواً

شحلاتك من تمر على البال ،
وكلها تصيح بالك وين ؟!

عامل أحزانك كما تعامل إعلانات اليوتيوب ..

الكتابة يا سيدي مرُة ..
بل مرُة جداً
أنت لا تعرف معنى
أن تمسك قلماً وتوثق هزائمك!!!!

خلصت إمتحانات واخيراً 🥳

أخوتنه بالمحتوى والنشر

استفادوا من منشوراتهم جداً ممتعة

عندما تحب البيتزا ، وهي تحب البيتزا ، هذا يدل على أن البيتزا لذيذة ، ولا يعني أنكم خُلقتم لبعض ..

ظاهرة الديجا ڤو

هاي الظاهر معناهه بالفرنسي ( تم رؤيته) ، شون تصير ؟

الغالب مار بهل حالة من انت تكون دتسوي شي بيومك ويصير حدث لكن وكأنه دينعاد هل حدث أو وكأنه انت شايفه بحلم.

التفسير العلمي المؤكد لهل ظاهرة هو تحفيز الاجزاء المسؤولة عن الادراك المألوف بالدماغ وهل تفسير توصلوله من چانوا يستخدمون جهاز التحفيز المغناطيسي حتى يحفزون اجزاء من الدماغ للمريض و يولدوله ظاهرة الديجا ڤو يعني الدماغ مفعل ظاهرة التعرف ع حدث بشكل مبكر.

واكو نظريات تگول انو الدماغ يخربط بقراءات الحدث الديصير ، مع الاشارة انو هل ظاهرة تزيد وي مرضى الشقيقة وصرع الفص الصدغي.

أسماء القمر في اللغة العربية

السَاهور، السِنمار، الوباص، الوَضح، الزبرقان، الأزهر، الأبرص، البادِر، البدر، الباحور، الغاسِق، الجبهة، ‏الطوس.

الشخصية الحدّية

صاحب هل نوع من الشخصية يكون حساس ومختلف ، هل نوع من الشخصيات بالواقع ميتعمد يأذي أحد ولا يتبلى على أحد وإنما هو بطبيعته انسان جداً حساس والالم الي يعيشه حقيقي ومؤذي أكثر من عدنا.

شسالفة هل شخصية؟
هو يعاني من أقل موقف، وماعنده المنطقة الرمادية، يعني شلون؟

يعني لا إرادياً اذا المقابل قدمله الاهتمام او سواله شي زين حيتعلق بالمقابل ويسويله تعظيم و حيتوقع انو هو دائماً انسان جيد.(التعظيم)

واذا المقابل سوه غلط بحقه مرة، فكل الزينات راح تنمحي وصاحب هلـ شخصية حيشوف المقابل عبارة عن انسان مؤذي وقاسِ و موزين من موقف واحد.(التقليل من المقابل).
يعني يشوفون الدنيا لو ابيض لو اسود ماكو شي رمادي.
اصحاب هل شخصية دائماً يشوفون نفسهم الضحية وانو الكل ضدهم وغالباً بين نفسهم يشوفون انو همه ناس فاشلين ، وغالباً تصرفاتهم تكون طائشة ومندفعة، ويعانون من تقلبات مزاجية.

ممكن بسبب كلمة وحدة انگالت بدون قصد يخربون يوم كامل ع نفسهم وع الي حواليهم.

بالمناسبة هل حالة تعتبر اضطراب عقلي.

بالمناسبة
اصحاب هل اضطراب لا تهملوهم ولا تتجاهلون افكارهم لان همه يعانون بالفعل.

وهل حالة تعتبر اكثر اضطراب نفسي يؤدي الى الانتحار حتى اكثر من الاكتئاب.

بالنسبة للعلاج
لازم علاج سلوكي عد طبيب نفسي.

وغالباً طبيعي هل حالة يراجع اكثر من طبيب ، يعني القصد انه ميرتاح من يحچي للطبيب او من يشوف الطبيب غير مهتم.

لان حرفياً هل ناس عبارة عن بسكوتاية💚

المريض النفسي هو الإنسان الذي فهم تماماً ما يجري من حوله ..

- ويليام سيوارد بوروز ..