هسه نجي للزمن والسرعة سوه

زييين،شنو يعني السرعة نسبية و مو ثابتة؟

قبل چانوا يعتبرون سرعة الجسم وحدة بالنسبة لكل ما يحيط بالجسم ، تعالوا انطيكم مثال، يعني فرضاً اكو سيارة دتمشي بالشارع چانوا يعتبرون انو سرعة هاي السيارة بالنسبة لشجرة ثابتة نفسهه بالنسبة لفد شخص ديتحرك او نفسهه بالنسبة لسيارة اللخ بصفهه دتتحرك.
لكن هل شي خطأ…

برأيكم شلون لعد!
باعوا
تخيلوا ويايه عدكم شجرة وسيارتين وحدة خضرة واللخ زرگة وديمشون وحدة بصف اللخ .
فرضاً
الخضرة تمشي بسرعة ٥٠ كيلومتر ع ساعة
والزرگة بسرعة ٢٥ كيلومتر ع ساعة

السيارة الخضراء الي دتتحرك بسرعة ٥٠ سرعتها بالنسبة للشجرة هي نفسهه (٥٠) لكن سرعتهه بالنسبة للسيارة الزرگة الي تمشي بصفهه هي ٢٥ ،لان الزرگة اساساً دتمشي بسرعة ٢٥ والخضرة هي اسرع منهه بـ٢٥ كيلومتر ع ساعة، لذلك سرعة السيارة الخضراء بالنسبة للشجرة تختلف ع سرعتهه بالنسبة لسيارة اخرى.

او باعوا حتلو حتنلاص فحكمل لان متونسة بالموضوع

بالمناسبة حتى واحنه نايمين سرعتنه مو ثابتة ولا ساكنة ،اما ليش؟
فلانه كوكب الارض ديتحرك .
تخيلوا ويايه انتو عدكم صديق فرضاً اسمه محمود ، انتو اتفقتوا ويا حتطلعون خارج الكوكب وهو حيبقى و حترصدون حركته وهو نايم، وانتو وگفتوا بنقطة ثابتة من الكون حتلاحظون انو سرعته نفسهه السرعة الي دتدور بيهه الارض يعني هو بالنسبة الكم سرعته مو ثابتة لكن بالنسبة لشخص موجود ع كوكب الارض فسرعة محمود ثابتة ، لذلك السرعة شي نسبي.

الشي اللاخ بالنظرية ينص على انه كلما زادت السرعة قل الزمن.
محدوخكم!
باعوا حبايب بمرة من المرات العالم ريتشارد كيتنگ و جوزيف هافليه جابوا ساعتين ذرية (الساعات الذرية تكون دقيقة جداً جداً وتحسب بشكل مضبوط وحتى اجزاء الثانية تحسبهه) المهم خلوا وحدة على متن طيارة (وطبعاً الطيارة تتحرك بسرعة عالية) واللخ خلوهه يمهم ، من قارنوا بيناتهم لاحظوا انو الساعة الي چانت بالطيارة متأخرة بالزمن ببعض الثواني والاجزاء عن الساعة الي بقت عدهم وهذا يدل على صحة النظرية النسبية.

هسه يجوز انتو من تصعدون ع طيارة متحسون بانه الزمن بالطيارة ديتأخر عن الزمن الموجود ع ارض، بكل بساطة لانه انتو موجودين بيهه و صرتوا تتحركون بسرعة الطيارة دامكم بداخلهه ، واذا صعدتوا بيوم تذكروا انه انتو الزمن ديمر عليكم ابطأ من ما يمر ع ناس الموجودة بالگاع.

بعد اكو شغلات بالنظرية حاچين عليهم سابقاً👇

فرضاً بيوم من الايام و انتو عمركم 25 قررتوا تصيرون رواد فضاء و غادرتوا الكرة الارضية و صعدتوا بمركبة فضائية و بسرعة الضوء گضيتوا 5 سنوات تفترون بالفضاء ، من راح ترجعون للارض راح يصير عمركم 30 سنة ، بس اصدقائكم الي غادرتوهم و همه عمرهم 25 سنة راح تلگوهم صايرين 75 سنة بدال 30.
و هذا چان شرح بسيط عن نظرية أينشتاين

الزمكان

هذا مفهوم وجودي جداً بسيط، بكل بساطة هو عبارة عن دمج بين الزمان والمكان ، احنه كلنه نعرف انو الابعاد هي عبارة عن (طول ، عرض ، أرتفاع) ومن ضفنه الزمن كبعد رابع … صار اكو عدنه زمكان، وكل شي بهذا الكون وكل حدث لااازم يخضع للزمكان وإلا فهو لا وجود له، يعني هو الشبكة الي تجري بيهه احداث هذا الكون ولا توجد احداث خارج النطاق الزمكاني.

الزمكان كذلك موجود بالنظرية النسبية

+الزمن هو البعد الوحيد غير المرئي

آخر معلومة احب اگولهه بخصوص النسبية هي أنه كلما زادت السرعة الزمن صار ابطأ وكلما الجسم تقرب من سرعة الضوء حينكمش اكثر ويعني اذا وصلنه لسرعة الضوء بيوم حنختفي لان كتلتنه حتصير صفر .
وكذلك عند الوصول لسرعة الضوء راح يتوقف الزمن ومن نعبر سرعة الضوء راح يتراجع الزمن ونگدر نسافر للماضي وطبعاً هل شي شبه مستحيل لان حسب النظرية بوقتهه حتكون الكتلة = صفر.

اما بالنسبة لانشتاين
فاكو ناس تگول انو اينشتاين سوه عملية سرقة فكرية حول موضوع النسبية بحيث المعلومات هاي كلهه شغل العالميين هنري بوانكاريه و هندريك أنتون لورنتز اما دور اينشتاين بيهه فچان ضعيف.

واكو ناس يگولون ان النسبية كلهه خدعة.

وبعد الله الاعلم 💚

‏عيني تتوقُ إلى لقاءِ أحبّتي
‏فأظلّ نحو لقائهم مشتـاقا
‏وتسيلُ من فرطِ المشاعرِ دمعتي
‏يا ربّ بلّغ خافقي ما تاقَا

‏أخذ الطبيبُ بمعصمي متحسِّساً
‏نبضاتِ قلبي ثُمَّ قالَ: غريبُ !

‏لا نبضَ عندكَ أين قلبُكَ يا فتى؟
‏فأجبتُ قَد أخذَ الفُؤادَ حبيبُ ...

‏أَبْدَى ابتِسَامَته وقَال : تَجِيئُني؟! ...
‏اذْهَب إلِيه فَما سِوَاه طَبِيبُ !!

‏يَا رَائِعًا مُذْ رَأَتْ عَيْنِيْ قَامَتَهُ
‏أَصْبَحْتُ أَشْعُرَ أَنَّ العُمْرَ مُخْتَلِفُ

‏إِنْ كَانَ حُبُّكَ وَهْمٌا أَوْ مُصَادَفَةٌ
‏فَأَجْمَلَ الحُبَّ مَا تَأْتِيْ بِهِ الصُدَفُ*

تبرعتُ لها بكليتي وقالت :
الله أعلم كم بنت تبرعت لها .

عندما يرتطم رأسك بوعاء
أجوف ويحدث رنين ، فإنه
ليس بالضرورة أن الوعاء هو
الفارغ 🙂 .

Think about it