نغلس ع دهوك👍
لان مبقى مكان🥲

حتتونسون اقروا👍💚💚

نبدي..

أورانوس
مبدئياً هو من الكواكب الضخمة بالمجموعة الشمسية، يُعتبر ثالث أضخم كوكب، باعوا مثل ما اكو نوع من التشابه بين المشتري و زُحل كذلك اورانوس اله شبيه بالمجموعة الشمسية والي هو كوكب نبتون.
اكو هواية يسموا بالكوكب الجليدي، الموضوع طبيعي لان غالبية هل كوكب و غلافة هم متكون من هيدروجين و جليد مثل جليد الماء و جليد الامونيا والخ.
والسحاب الي يغطي الكوكب موجود بشكل كثيف!!

بحيث يتكون من طبقتين منهم
الاولى يقال بانها من الميثان والسفلى متكونة من الماء.
كوكب اورانوس مچان واضح للرؤية لان لونه باهت بكل بساطة وچانوا من يشوفوا قديماً بالتلسكوب چان عبالهم انو هو نجم او مذنب لكن اكتشفته وكالة ناسا عام ١٨٨٦ بانه كوكب، ومن ذاك الوكت علساس بعد محد اقترب من هل كوكب(يعني مصارت اكو بعثات).

وكذلك الي يميزه بانه هو اول كوكب تم ملاحظته عبر تلسكوب!
لان بالحضارات القديمة مثل ما ذكرنه سابقاً مچان اكو تلوث ضوئي
وجدداً طبيعي چانوا يشوفون الكواكب والاجرام بصورة شبه واضحة
لكن اورانوس مگدروا يلاحظوا ابداً
اورانوس يعتبر من الكواكب البطيئة من ناحية الدوران حول الشمس
يعني كل ٨٤ سنة ارضية يلا يدور دورة واحدة!
وهو يدور حول الشمس عكس زاوية دوران الارض .
يعني أورانوس يدور من الشرق الى الغرب.

مدة دورانه حول نفسه هي ١٧ ساعة..يعني يعتبر اليوم قصير في هذا الكوكب.

وهو همين عنده عدة اقمار وعنده حلقات داير مدايرة
وهو يعتبر ثاني كوكب عنده نظام حلقي من بعد زُحل و اكيد هل شي بسبب كبر حجمه.
حبايب باعوا هاي الحلقات هي عبارة عن اقمار او كويكبات محطمة من شدة قوة الجذب لكوكب اورانوس (وقوة الجذب قوية بي لكبر كتلته)و نتيجة للنظام المغناطيسي المحيط بالكوكب ترتبت بشكل حلقات.
الاقمار المعترف بيها لهذا الكوكب و الي ما محطمة همه ٢٧ قمر.
و اكو ٥ اقمار تعتبر رئيسية اله.

آخر شي…