تابعوا الحساب فضلا منكم ♥️

احنه دائماً نشوف الارض من جهة اليابسة فقط
هسه شوفوا شكلهه من جهة المحيط الهادي

بالمناسبة هيچ نوع من الصور كلش قليل يتم عرضهه و يجوز البعض منكم اول مرة يشوفهه

آيو Io :
آيو هو واحد من اقمار المشتري الي حجمه قريب من حجم الارض(المشتري عنده اربع اقمار) ، يتميز هذا القمر بأنه هو واحد من اكثر الاجرام البركانية نشاطاً الى درجة يقذف سُحب مكونة من مُرَكبات غازية و كبريتية بالفضاء …. و أكو على سطحه اكثر من ٤٠٠ بركان نشط.

الاحتباس الحراري المقصود منه انو تزيد درجة الحرارة بالارض نتيجة للمركبات و الغازات الضارة الي تنتجهه المصانع و الخ من مصادر الطاقة، زادت بوقت الثورة الصناعية يعني قبل مچان موجود…و هو يكون نتيجة وجود الco2 و الميثان بكثرة بالجو الي اكيد تنتج من عوادم السيارات و المصانع

مشكلة الاحتباس الحراري الاكبر هو تأثيره ع طبقة الاوزون

يعني باعوا

كلما الاحتباس الحراري زاد كلما دتتمدد طبقة الاوزون و طبعاً حتگولون هذا الشي زين انو تمدد الاوزون لكن المشكلة هو انو حيتمدد الى ان يصير طبقة رقيقة جداً جداً وراهه شوية شوية بعد خلص الى ان تصير ثقب

و من يكون ثقب راح تدخللنه الاشعة فوق البنفسجية الي تسبب عدة امراض و مخاطر مو طبيعية ع بشرية و الي اهمهه مرض السرطان

و اذا تگولون السرطان شعلي بالاوزون حجاوبك عزيزي بأنه السرطان هو عبارة عن تكسر بالخلايا الموجودة بالجسم و من اكو اشعة قوية كلش مثل الفوق بنفسجية اكيد من نتعرضلهه حتتكسر خلايا جسمنه و نتعرض لهل مرض بعيد الشر عنكم

اخوانه باعوا
بيكم مابيكم ابتعدوا ع امراض الي تخليكم تاخذون اشعة يم الطبيب و بالذات انواع الاشعة القوية مثل أشعة گاما

و اذا فرضاً فد يوم طلعت الاشعة ما مضبوطة و گالولك عيدهه لتعيدهه!!
الا وره اسبوع خلي جسمك يرتاح من الاشعة و يفرغهه و بعدين عيدهه حتلو چنت كلش مريض تحمل

و صدگ الناس الي تشتغل بالاشعة اكو بالخارج فد شي مثل الباج هذا كلما يصير اسود يعني الموظف او الطبيب ضروري ياخذ فترة نقاهه ديروح الاشعاع من جسمه

اما هنا بالعراق فماكو هذا الشي و للأسف المنتسبين بهيچ أماكن واگعين بيهه

+رسالتي للحامل
اختي العزيزة من يگولولچ انت حامل ولتفوتين لهذا الجهاز البي x-ray مال تفتيش يعني لتفوتين لان هل شي مو شقة و ممكن يشكل تشوهات للجنين

حاولوا تطلعون بين اسبوع و اللاخ تتمشون بالتراب فد ١٠ دقايق حتى اذا عدكم شحنات زايدة مكتسبة تروح و تتفرغ بالگاع.

يعني حافيين بدون حذاء و بدون جواريب

شبب وجهوهه لكل حامل تعرفوهه بالكوكب
لان حالات التشوه دتزيد