مع الأسف

مع الأسف

باعو هسه وحده من الاثنين
لو البوت عطب وصار بيه Error من سؤالي
لو سؤالي اصلا عطب

اريد البوت

عندي هواي سوالف ويا 🤓🤓

@JWGPT3_bot
مرات ينطي جواب يخلي عقلج Error

اول اربعة اوكي
وراها صار ال error اشتغلني فارسي

من فراغ كعدت اقره مقالات القناة القديمة 😂

صخور من الكوارتز تخلق تأثيرًا يوحي أنه شلالًا في بركان،
📍سالتو ديل أجريو ،الأرجنتين.

خلي احجيلكم عن انقلاب الآلهة على زيوس شوية

الآلهة ضد زيوس _ انقلاب اولمبيس

زيوس المعروف بـ إله الرعد والگراگيع وملك إلهة اولمبيس وأقوى واحد بين كل الآلهة
طبعآ واجه هوايه مشاكل وصعوبات وتحديات بفتره حكمة للعالم حيث حارب العملاقه

بس ما جان يتوقع ان يصير عليه انقلاب وبنص جبل الاوليمبس هم
وهسه راح اكولكم ليش الإلهة انقلبوا عليه بس قبلها حط لايك للبوست واذا تكدر وجهة فضلاً منك

بالعصور الأولى زيوس كدر يقود الآلهة الأولمبيه ويفوز على العمالقة بمعركة اسمها حرب الجبابرة أو الحرب العظمى وهي حرب بين العمالقه والالهة الاوليمبس لسيطره على عالم والكون
طبعآ زيوس فاز بالحرب وصار الإله الأعلى (حاشا لله) وسيطر على العالم كله

ومن كعد على عرشه بجبل الأولمبيس سوه بايده شرارة برق (همبلة) وكشف صواعقة القويه وانحنه اله باقي الآلهة عود خايفين منه ويحترموه وجان الكل يخافون منه ويحسبون اله الف حساب إلا هيرا زوجة زيوس وجانو الآلهة الباقيه يحترموها مثل ما يحترمون زيوس
بس حتى هيرا ما جانت تكدر تواجه زيوس من يصير عصبي
زيوس على رغم من حبه لهيرا جان زير نساء اصلي كل يوم ويه بشريه او وحده من الآلهة ولهذا سبب جان تكب دائما بينهم عركات وجدالات بسبب خيانته المستمره اله

هيرا ضاجت من المذله الي عاشتها من وره زيوس فبدت تسوي مؤامرات على زيوس وحتى باقي الآلهة جانو ضايجين من زيوس بسبب الأنانية وحكم العالم على مزاجة ومن غير ما يستشير باقي آلهة (صاير دكتاتوري) يعني الي براسه يسويه، فـ بقيادة هيرا قرروا الآلهة ينقلبون على زيوس

دخلت الآلهة على غرفه زيوس وهوه نايم فكمش بوسايدن وابولو ايد زيوس وربطوه بسلسلة صنعه الإله هيفستوس إله الحدادة ونار الي هوه ابن زيوس وربطوه بالچرباية، لما زيوس صحصح من نومة جان مربوط بالفراش فكعد يسب ويهدد بيهم اذا ما فتحوا السلاسل عنه بس باقي الآلهة لبسو وطلعو من غرفه وانشغلو بشغله كلش مهمة وهي

منو راح يأخذ مكان زيوس؟؟؟

طبعآ هيرا اعتبرت نفسها هي الي راح تأخذ مكانه لان هي الي خططت للانقالب عليه فجان من الواضح هي انسب خيار، بس عرش زيوس جانت عليه عيون ثانيه من باقي الآلهة منهم أثينا الي هي كالت اني أحق وحده بالعرش مال زيوس لأنها أكثرهم معرفة وحكمة لان هي اصلا آله الحكمة، وحتى ابولو إله الشمس طمع بالعرش وكال اني الوحيد الي اكدر أنور العالم، و بوسايدن إله البحار شاف نفسه هوه أقوى إله بعد زيوس وكال لا حبيبي العرش الي والي ما يعجبه يضرب نفسه بالحايط وكلهم ما عدا هيسيتا هي الوحيده الي ما راضيه على الانقلاب

الحورية ثيتيس (اعتقد هيج اسمها) ابنه نيريوس واحد من إلهة البحر البدائيين توقعت حتصير حرب أهلية بين الآلهة وقتال الاخوه راح يخلي العالم بحاله فوضى جبيرة كلش ومحد غير زيوس يكدر يحلها

فراحت ثيتيس او ثيستوس على عملاق اسمه حيل صعب مو مال أكتبه، حيث هذا العملاق عده 100 ذراع و50 راس وجان يحب زيوس كلش هواية ويسمع كلامه وكالت اله (يمعود الحك زيوس تره سووا انقلاب عليه لو تلحك لو لا) اهنا العملاق حط دشداشه بحلكة وركض على اولمبيس

اهنا الآلهة من شافو هذا العملاق من خوف ضلو واكفين بمكانهم كدام هل عملاق البشع، وكسر العملاق الشرس الزناجيل الي تربط زيوس وكدر يحرره، اهنا زيوس طلع صوت رعد كلش قوي خله باقي إلهة ترجف ونزلو اسلحهتم واستسلمو لزيوس حتى شويه يهدي عصبيه زيوس وراح رأسا على هيرا حتى يعاقبها على الانقلاب الي سوته، يحث نربطت بسلسه وتعلكت من معصم ايدها بالسماء وضلت على هاي حاله معلكة ليحد ما حلفت يمين بعد ما تفكر تسوي هيج وبعدين سامحها بس عده عقوبه ثانيه لبوسايدن وأبولو وجان من هاي العقوبه ان يخدمون الملك لاوميدون ملك طروادة ويبنون اله حصن غير قابل للاختراق...

واذا تحب تقره المقال بالفصحى تلكاه بقناتي اهنا
https://t.me/potionhistory

اتمنى يعجبكم وقراءه ممتعة ❤️
إعداد : عَدْنان بن أَحْمَد